Erik Johansson

執相最高境界

3,651,346 views • 6:21
Subtitles in 44 languages
Up next
Details
Discussion
Details About the talk
Transcript 44 languages
Translated by Bruce Ding
Reviewed by Yipeng Xie
0:15

我喺哩度同大家分享我嘅攝影作品 但係哩張都算係攝影咩? 雖然佢係一張相 但係你冇辦法用相機影出來

0:27

我對攝影嘅興趣始於我十五歲嗰時 得到嘅第一部數碼相機 我對攝影嘅熱愛混雜著 我早期對畫畫嘅熱愛 但攝影又唔同畫畫 因為攝影指嘅係拍攝前嘅計劃 當你用相機㩒快門嘅一刻 攝影就會完咗 所以,對於我來講,攝影更加在於 喺啱嘅時間喺啱嘅地方影 我覺得每個人都可以做到哩一點

0:57

所以我就想做啲唔同嘅嘢 我想令攝影變成 一樣由㩒快門一刻先至開始嘅嘢 好似哩幅相咁: 一條繁忙嘅街道進行緊施工 但係佢有個位係意想不到嘅扭曲咗 除此之外 佢保持咗一定程度嘅真實感 又或者好似咁樣嘅相咁—— 無論係灰暗定係鮮豔 啲相都有一個共通點︰ 就係保持一定程度嘅真實感 當我講真實感嘅時候 我嘅意思係相片嘅真實感 因為相中嘅影像 並唔係嗰啲你可以真正捕捉到嘅嘢 但我總係想令啲影像望落去 好似真係可以被相機真正捕捉咁樣 我想令到啲人睇相嗰陣 會花時間搵出當中嘅有違常理嘅地方 所以,哩啲相嘅功能 更多嘅係傳遞一種想法 而唔係捕捉一個時刻

1:51

但係係咩方法令到佢望落去咁真呢? 係因為細節嗎? 定係因為顏色? 係因為光線? 係乜嘢造成錯覺? 有時,視角就係錯覺 但講到底,錯覺 同我哋點樣解讀世界有關 同埋世界係點樣喺二維平面上面重現 乜嘢係真實並唔重要 重要嘅係我哋望落去覺得乜嘢係真實

2:22

所以,我認為道理好簡單 我就將每一張相當成係 一幅現實生活嘅拼圖 你可以利用生活中唔同嘅事物 去合成出一幅假嘅圖片 等我舉一個簡單嘅例子 哩度有三個完全可以想像得到嘅物體 亦即係我哋嘅三維世界入面 可以搵得到嘅嘢 但用一種特定嘅方式將佢哋組合 就可以創造出一啲睇上去 仍然係三維同真實嘅嘢 但同時,我哋知道佢哋冇可能存在 所以我哋呃咗我哋嘅大腦 因為我哋大腦只會接受合常理嘅嘢 同樣欺騙大腦嘅過程 發生喺合成嘅相裏面 合成嘅相就係 組合現實生活中不同嘅事物

3:12

為咗令張相望落去真實 我哋需要放一啲我哋冇諗過嘅嘢落去 又或者放我哋日常生活中 一定會見到嘅嘢落去 但當相組合嘅時候 仔細考慮就變得好重要 因為如果唔仔細考慮構圖嘅話 睇上去就會怪怪地 所以我會話,要做到真實嘅效果 需要遵守三個簡單嘅規則 正如你所見,哩啲圖片並非十分特別 但組合起嚟,佢哋可以做到咁樣嘅效果

3:47

所以,第一條規則係 被組合嘅相片需要有同樣嘅拍攝視角 第二,組合嘅相片 需要有同樣類型嘅光線 哩兩張圖片都滿足咗哩兩項要求—— 喺同樣嘅高度影嘅,有同樣嘅光線 第三項規則 在於設法使到兩張圖片 連接得天衣無縫、睇唔到分界 令到人哋講唔出張相係點樣合成 透過將兩張圖片喺交界處嘅 顏色、對比度同亮度整到一樣 再加上一啲圖像嘅缺陷 譬如︰景深、不飽和顏色同雜訊 我哋消除咗圖像之間嘅邊界 令佢望落去好似一張相咁 而每一張相可能含少包至過百層嘅圖片

4:40

哩度係另一個例子 有啲人會認為佢係一幅風景照 只不過圖像嘅下半部係經過處理嘅 但係實際上哩幅相完全係 由唔同地方嘅相人工合成嘅 我個人認為創造一個地方 比搵到一個地方容易 因為你可以盡情將諗法表達出嚟 而唔使受地方限制 但係哩樣嘢確實需要好多計劃功夫 我有哩個諗法嘅時候係冬天 所以我有幾個月嘅時間去計劃 去搵到唔同嘅地點 做哩張相嘅材料 咁,舉例嚟講 哩條魚係喺一個釣魚嘅旅途中拍到嘅 河嘅兩邊係兩笪地方 水面下嘅部分係喺一個採石場度拍嘅 係啊,我甚至將小島上嘅屋變成紅色 畀佢望落去更加似喺瑞典 (笑聲)

5:34

我認為要塑造真實嘅感覺 關鍵在於計劃 佢總係由一幅草圖、一個諗法開始 然後由唔同嘅場景組合起嚟 哩度每幅相都係精心計劃過嘅 如果你用心拍攝哩啲場景 合成之後嘅相出嚟嘅效果 都會相當靚同埋真實 所以話,成件事所有嘅工具都有齊嘞 爭嘅係大家嘅想像力

6:10

多謝大家

6:11

(掌聲)

Erik Johansson 創造咗假到好似真咁嘅場景。佢之所以咁樣做,係為咗記低想法,而唔係捕捉一剎那。哩位 Photoshop 大師嘅演講機智風趣,當中分享咗佢點樣將哩啲虛構場景整到好真實。

About the speaker
Erik Johansson · Photographer and retoucher

Photographer Erik Johansson creates impossible but photorealistic images that capture an idea, not a moment.

Photographer Erik Johansson creates impossible but photorealistic images that capture an idea, not a moment.