Theme: Shaping the Future

Ирээдүйд биднийг ямар шинэлэг зүйлс хүлээж байна вэ? Өөрийн ирээдүйг бүтээхэд өнгөрснөөс хэрхэн суралцаж болох вэ? Бидний ирээдүйд ямар шинэлэг технологи бий болгож, бидний амьдрал хэр их өөрчлөгдөх бол? Хувь хүн бүр ирээдүйгээ бүтээхэд хэрэг болох эдгээр асуултуудаас эхлээд дэлхий нийт, нийгэм эдийн засаг, өнгөрсөн түүх соёл ирээдүйд хэрхэн өөрчлөгдөх талаар 7 илтгэгч, 3 үзүүлбэр, 100 гаруй бусад үзэгчидтэй хамт эргэцүүлэн бодож, хариулт олох боломжийг бид танд олгож байна. Зохион байгуулагчдын баг үйл ажиллагаагаараа үзэгчиддээ хамгийн сонирхолтой, тэр болгон сонсогддоггүй санаануудыг хүргэхийн сацуу танд 1 өдрийн мартагдашгүй дурсамжийг бэлэглэхээр зорьж байна.

BlackBox Theatre Mongolia
Khoroo 8, Khasbaatar Street Khasbaatarin Street, behind Maternity Hospital, below TV-tower. Ulaanbaatar, Ulaanbaatar Mongolia
Ulaanbaatar, Ulaanbaatar, 11000
Mongolia

Davgasuren Batbold

Entrepreneur

Бидний танилцуулах дараагийн илтгэгч бол Батболдын Давгасүрэн юм. Тэрээр “Beelog tech“ компаний үүсгэн байгуулагч билээ. Давгасүрэн нисгэгчгүй нисэх аппаратын "Sky Infra" төслийн удирдлагын систем хөгжүүлэгчээр ажиллаж байсан. Мөн “Beelog mirror”, “Beelog plant” зэрэг ухаалаг төхөөрөмжүүдийг зохион бүтээсэн. Дэлхийн банкны 30 сая төгрөгийн шагналын сантай Green Nation Challenge төслийн ялагчаар тодорч байсан билээ. Магадгүй та бүхэн түүнийг дрон нисгэдэгээр нь сайн мэдэх байх.

Delgermaa Munkhbat

Business owner + Investment analyst + Correspondent

М. Дэлгэрмаа нь АНУ-ын Калифорни мужийн Их сургуулийн Бизнесийн сургуулийг Хөрөнгө оруулалтын чиглэлээр дүүргэсэн ба үүний дараа эх орондоо ирж Санхүүгийн зохицуулах хорооноос ажлын гараагаа эхлүүлсэн. Харин одоо түүнийг бид санхүү, эдийн засгийн Bloomberg телевизийн Бизнесийн хэмнэл хөтөлбөрийн хөтлөгч, нүүр царай гэдгээр нь мэднэ. Тэрээр үүний хажуугаар 2015 онд үйлчилгээ, худалдааны чиглэлээр байгуулсан ‘Бело хоризонт’ компаниа удирдан ажиллуулж байна.

Dulguun Ganbat

Economist

Ганбатын Дөлгөөн нь Польш улсын Варшавын Эдийн засгийн их сургуулийн бакалавр болон мастерийн зэрэгтэй бөгөөд одоогоор ДЭЛХИЙН БАНКНЫ "Экспортыг дэмжих төсөл"-ийн зөвлөхөөр ажиллаж байна. Дөлгөөн чөлөөт цагаараа эдийн засгийн ойлголт, өнөөгийн байдал зэргийн талаар өөрийн блогтоо /www.dulguuniiblog.blogspot.com/ нийтлэдэг.

Enkhjin Tseveendash

Интерьер дизайнер

Их Британийн Кэмбрижийн Их Сургуулийн Урлагийн сургуулийг интерьер дизайны чиглэлээр төгсөж, Италийн алдарт Флоренц хотын Дизайны Их сургуульд бүтээгдэхүүний дизайны чиглэлээр магистраа хамгаалсан залуу бүсгүй тэрбээр одоогоор өөрийн үүсгэн байгуулсан Eden Design компанидаа олон улсын мэргэжилтнүүдээр баг бүрдүүлэн ажилладаг.

Nandintsetseg Sanjperenlii

Psychologist

МУИС-ийн Боловсрол, сэтгэл судлалын тэнхмийн багш, сэтгэл судлаач С.Нандинцэцэг юм. Тэрээр "Зовлонгийн мөн чанарыг Буддизм, бие хүний онолд харьцуулан судлах нь" сэдвээр эрдмийн ажлаа хийж байгаа бөгөөд энэхүү судалгаа нь ихээхэн сонирхолтой бөгөөд шинэлэг судалгаа юм.

Tegshjargal Jamiyan-Ochir

Entrepreneur + Journalist

Бидний танилцуулах хамгийн сүүлчийн илтгэгч нь "Гэрэг" дижитал сэтгүүл, ub.life сайтыг эрхлэн гаргадаг "Unlimited media group"-ийн дэд захирал Ж. Тэгшжаргал юм. Тэрээр ажлын гараагаа нэгдүгээр курст байхдаа "Өнөөдөр" сонинд дадлагын ажилтнаар эхлүүлж, тус сонинд 5 жил ажиллаад "Гэрэг" сэтгүүлийг үүсгэн байгуулалцсан бөгөөд жилийн өмнөөс дижитал сэтгүүл зүйд хүч сорих болсон юм.

Temuulen Burensaikhan

Student

Тэмүүлэн нь 17 настай бөгөөд Монгол Коосэн сургуулийн механикийн 4-р курст суралцдаг. Тэрээр чөлөөт цагаараа робот хийх, дугуй унах зэргээр хичээллэдэг бөгөөд Монголын автомат роботын тэмцээнд орж байсан юм.