Return to the talk Return to talk

Transcript

Select language

Translated by Ingrid Lezar
Reviewed by Erich Lutz

0:11 Wat gaan aan met die klimaat? Dis ongelooflik sleg. Hierdie is, natuurlik, daardie bekende beeld van die Noordpool, wat waarskynlik tot niet sal wees by hierdie punt in die volgende drie of vier of vyf jaar. Baie, baie, baie angswekkend.

0:23 Ons kyk dus almal wat ons kan doen. En wanneer ’n mens kyk na die wêreldwye bronne van CO2, is 52 persent toe te skryf aan geboue. Slegs 9 persent aan passasiersmotors, interessant genoeg. So ons is na ’n sushi bar toe. En by daai sushi bar het ons met ’n blink idee vorendag gekom. En dit was iets genaamd EcoRock. En ons't gesê ons kan die 115 jaar oue gips- pleisterbord proses, wat 20 miljard pond CO2 per jaar produseer, herontwerp. So dis ’n groot idee. Ons wou dit verminder met 80 persent. En dis presies wat ons gedoen het.

0:50 Ons't met N&O begin in 2006. Besluit om herwinde komponente van sement en staalvervaardiging te gebruik. Hierdie is ons laboratorium. Ons't nog nooit hierdie gewys nie. Maar ons mense moes sowat 5,000 verskillende mengels doen om ons teikens te tref. En hulle het baie, baie, baie hard gewerk. So toe het ons voortgegaan en ons produksielyn in Sjina gebou. Ons bou ongelukkig nie meer hierdie vervaardigingstoerusting in die V.S.A. nie.

1:14 Ons het die lynaanleg oor die somer gedoen. Ons het net daar begin, met absoluut niks. Julle sien nou vir die eerste keer, ’n splinternuwe pleisterbord produksielyn, gemaak sonder enige gips. Dis die voltooide produksielyn daar. Ons het ons eerste paneel op 3 Desember uitgekry. Dit is die slyk wat op die papier gegiet word, basies. Dis die produksielyn wat hardloop. Die opwindende ding is, kyk na die mense se gesigte. Dis mense wat vir twee tot drie jaar op hierdie projek gewerk het . En hulle is so opgewonde. Dis die eerste bord van die lyn af. Ons Visie-President van Bestuur wat die bord soen. Natuurlik baie, baie opgewonde.

1:44 Maar dit het ’n groot impak op die omgewing. Ons het die eerste paneel geteken net ’n paar weke daarna, ’n lieflike seremonie gehad. Wat hopelik lei daartoe daartoe dat mense wêreldwyd hierdie produkte gebruik. En ons't Cradle to Cradle goudsertifikasie op dit. Ons het toevallig, onlangs, die Groen Produk van die Jaar gewen, vir "die Heruitvind van Pleisterbord," van Popular Science. Dankie. Dankie. So hier's wat ons geleer het. 8,000 gelling brandstof ekwivalent aan een huis se bou. Julle't seker geen idee gehad nie. Dis soos om ses keer om die wêreld te ry.

2:11 Ons moet alles verander, Kyk in hierdie kamer, stoele, hout. Alles om ons moet verander as ons hierdie probleem gaan baasraak. Moenie luister na mense wat sê julle kannie, want enigiemand kan. En hierdie mense wat hulle werk verloor, ons kan dit regmaak met omgewingsvriendelike poste. Ons het vier fabrieke. Ons bou hierdie goed regoor die land. En ons gaan so vinnig soos ons kan. Twee en ’n half miljoen karre se gips, julle weet, deur CO2 gegenereer, né? So wat gaan julle doen? Ek sal julle sê wat ek gedoen het, en hoekom. En ek weet my tyd is op.

2:37 Dis my kinders, Natalie en David. Wanneer hulle kinders het, 2050, beter hulle terugkyk na Oupa en sê: "Ja, jy't probeer^^^. Jy't jou bes gedoen met die span wat jy gehad het." So my hoop is dat wanneer julle TED verlaat, julle sal kyk om julle koolstof-voetspoor te verminder, op enige manier moontlik. En as julle nie weet hoe nie, vind my asseblief. Ek sal help.

2:57 Laaste maar nie die minste nie, Bill Gates, ek weet jy't Windows uitgedink. Wag tot jy sien, dalk volgende jaar, watse vensters ons uitgedink het. Baie dankie. (Applous)