Return to the talk Return to talk

Transcript

Select language

Translated by sann tint
Reviewed by Myo Aung

0:12 ဒီနေ့ ခေတ်မှာ ထူးချွန်တဲ့ ခေါင်းဆောင်တစ်ယောက်ကို ဖြစ်လာစေတဲ့ အရာတွေက ဘာတွေပါလဲ။ ကျွန်မတို့ အများအပြားဟာ ဒီ အရာအားလုံးသိနေတဲ့ သူ့နောက်လိုက်တွေ ဘက်က ရပ်တည်ပေးတဲ့၊ သူတို့ကို အမိန့်ပေးတဲ့၊ သူတို့ကို အကာအကွယ်ပေးတဲ့ အာဂလူစွမ်းကောင်းကြီးရဲ့ ရုပ်ပုံကို စွဲကိုင်ထားတာပါ။ ဒါက အရင်ကာလတုန်းက ရုပ်လွာတစ်ခုလိုမျိုး ဖြစ်နေပါတယ်။ ခေတ်လည်းမမှီတော့တဲ့ အရင် ကမ္ဘာတစ်ခုက အောင်မြင်မှုတွေ ပုံစံတွေကို ခေါင်းဆောင်မှုဆိုင်ရာ ဖွံ့ဖြိုးမှုအစီအစဉ်တွေပါ။ လက်ရှိကမ္ဘာကို အခြေခံထားတာလည်း မဟုတ်ပါဘူး။ ဒါမှမဟုတ်လည်း နောင်လာမယ့် ကမ္ဘာကိုလည်း အခြေမခံပါဘူး။ ကုမ္ပဏီပေါင်း (၄၀၀၀) ကို ကျွန်မတို့လေ့လာခဲ့ပြီး သူတို့ကို သင်တို့ရဲ့ ခေါင်းဆောင်မှုဆိုင်ရာ ဖွံ့ဖြိုးမှု အစီအစဉ်ရဲ့ ထိရောက်မှုရှိပုံကို ကြည့်ကြရအောင် ဆိုပြီး မေးမြန်းခဲ့ပါတယ်။ (၅၈) ရာခိုင်နှုန်းသော ကုမ္ပဏီတွေက အရေးပါတဲ့ ခေါင်းဆောင်မှု ကဏ္ဍတွေအတွက် ပင်ကိုစွမ်းရည် ကွာဟချက်တွေ အတော့်ကို ကြီးမားတာကို ကိုးကားပြောခဲ့ပါတယ်။ ဒီအဓိပ္ပါယ်ကတော့ ကုမ္ပဏီများထဲက လေ့ကျင့်ရေးအစီအစဉ်တွေ၊ လမ်းညွှန် သင်ကြားမှုတွေ၊ အကဲခတ်ဆန်းစစ်မှုတွေ၊ ဒါတွေအားလုံးရှိနေတာတောင် ကုမ္ပဏီတစ်ဝက်ကျော်ကျော်ဟာ ထူးချွန်တဲ့ ခေါင်းဆောင်တွေကို အလုံအလောက်မွေးထုတ် မပေးနိုင် ဖြစ်နေကြတယ်။ သင့်ကိုယ်သင် မေးကောင်း မေးမိမှာကတော့ "ငါ့ကုမ္ပဏီဟာ ငါ့ကို (၂၁)ရာစု ရဲ့ ထူးချွန်တဲ့ ခေါင်းဆောင် တစ်ယောက်အဖြစ် ပြင်ဆင်နိုင်အောင် ကူပေးရဲ့လား" ဆိုတာပါ။ ဖြစ်နိူင်ခြေ မရှိဖို့ ပိုများပါတယ်။ အခုဆိုရင် ကျွန်မဟာ အသက်ေးမွဝမ်းကျောင်း သက်တမ်း (၂၅)နှစ် အတွင်းမှာ ထူးချွန်တဲ့ ခေါင်းဆောင်တွေကို ဖြစ်ပေါ်လာစေတဲ့ အကြောင်းတရားတွေကို လေ့လာလာခဲ့ပါတယ်။ ကျွန်မဟာ Fortune 500 ကုမ္ပဏီတွေထဲမှာ အလုပ်လုပ်ခဲ့ဖူးပါတယ်။ အလုပ်အမှုဆောင်အရာရှိချုပ် (၂၀၀) ကျော်ကို ကျွန်မ အကြံပေးခဲ့ဖူးပါတယ်။ နောက်ပြီး ရှင်တို့ စိတ်ကူးမရနိုင်လောက်တဲ့ ခေါင်းဆောင်မှုဆိုင်ရာ လမ်းကြောင်းတွေကိုလည်း ကျွန်မ ပြစုပျိုးထောင် ပေးခဲ့ပါတယ်။ ဒါပေမယ့် လွန်ခဲ့တဲ့ နှစ်အနည်းငယ်တုန်းကတော့ ခေါင်ဆောင်များကို ပြင်ဆင်ရေး အပိုင်းမှာ စိုးရိမ်စရာကောင်းတဲ့ အလားအလာကို ကျွန်မ သတိထားမိခဲ့ပါတယ်။ ကျွန်မ သတိထားမိခဲ့တာကတော့ ဘယ်လောက်ပဲ အားထုတ်ကြိုးပမ်းမှုတွေ ရှိစေခဲ့ပေမဲ့ လူပုဂ္ဂိုလ်တစ်ဦးအလိုက် ခပ်ဆင်ဆင် ဖြစ်ရပ်တွေကို ပြန်ပြန်ပြီး ပေါ်ပေါ်လာနေတယ် ဆိုတာပါ။ ဖြစ်ရပ်တစ်ခုကတော့ ခရစ်(စ်)ဆိုတဲ့သူအကြောင်းပါ။ ဌာနသစ်တစ်ခုကို ပြောင်းသွားရာ အဖတ်ဆယ်လို့ မရနိူင်တဲ့ တန်ဖိုးကျဆင်းမှုတွေ ရင်ဆိုင်လာရကာ ကျရှုံးသွားတဲ့ အလားအလာ မြင့်မားခဲ့တဲ့ နာမြည်ကြီး ခေါင်းဆောင်တစ်ယောက်ပါ။ နောက်ပြီးတော့ အမှုဆောင်အရာရှိချုပ် ဆစ်ဒနီလိုမျိုး ဖြစ်ရပ်တွေပါ။ သူမ အရမ်းကို စိတ်ပျက်ရတဲ့ အကြောင်းကတော့ သူမရဲ့ ကုမ္ပဏီဟာ ခေါင်းဆောင်တွေအတွက် အကောင်းဆုံး ကုမ္ပဏီဖြစ်ကြောင်း ညွှန်းပြခြင်းခံခဲ့ရပေမယ့် ထိပ်ဆုံး ခေါင်းဆောင် အယောက် (၅၀) ထဲကမှ တစ်ယောက်ကသာ သော့ချက် ရှေ့ဆောင်မှု ခြေလှမ်းတွေကို ဦးဆောင်ဖို့ အသင့်ရှိခဲ့လို့ပါ။ နောက်ပြီးတော့ ဈေးကွက် အပြောင်းအရွှေ့တစ်ခုမှာ အငိုက်ဖမ်းခံလိုက်ရတဲ့ တစ်ခါက အောင်မြင်ဖြစ်ထွန်းခဲ့ဘူးတဲ့ လုပ်ငန်းတစ်ခုရဲ့ ဝါရင့်ခေါင်းဆောင်မှု အသင်းလိုမျိုး ၊ သူ့တို့ဘာသာသူတို့ ကုမ္ပဏီကို ထက်ဝက် အထိလျှော့ချပစ်မလား ဒါမှမဟုတ် လုပ်ငန်းထဲကနေပြီး ထွက်သွားကြမလား အခြေအနေမျိုး ရောက်သွားတဲ့ ဇာတ်လမ်းတွေကလည်း ရှိသေးတယ်။ အခု ဒီလို အဖန်တလဲလဲဖြစ်ပေါ်နေတဲ့ အဖြစ်သနစ်တွေကြောင့် ကျွန်မ မေးခွန်းနှစ်ခုကို ထုတ်မေးစရာ ဖြစ်လာပါတယ်။ "ခေါင်းဆောင်မှုဆိုင်ရာ ဖွံ့ဖြိုးမှုထဲကို ရင်းနှီမြှပ်နှံမှု အရမ်းကြီးကို ပိုမို ထည့်ရင်းနှီးနေတဲ့အခါ ဘာဖြစ်လို့ ခေါင်းဆောင်မှု ကွာဟချက်တွေ ပိုပိုကျယ်ပြန့်လာနေရတာလဲ။" နောက်ပြီးတော့ "အောင်မြင်၊ ဖြစ်ထွန်းဖို့အတွက် ထူးချွန်တဲ့ ခေါင်းဆောင်တွေက ဘာတွေကိုများ ကွဲပြားစွာ တမူထူးပြီး လုပ်ဆောင်နေကြတာလဲ။" ကျွန်မ လုပ်လိုက်တာ တစ်ခုကတော့ ဒီမေးခွန်းတွေက ကျွန်မရဲ့ ဦးနှောက်ထဲမှာ တချိန်လုံး ရှိနေခဲ့ကြကာ ခုနက ပြောပြခဲ့တဲ့ ဖြစ်ရပ်တွေကြောင့် စိတ်ဓါတ်ကျနေခဲ့လို့ အဲဒါတွေကို အချိန်ပြည့်လေ့လာနိုင်အောင် ကျွန်မဟာ အလုပ်က ထွက်လိုက်ပြီး အမျိုးမျိုးသော ကုမ္ပဏီတွေ၊ နိုင်ငံတွေနဲ့ အကျိုးအမြတ်ကိုအဓိကမထားတဲ့ အဖွဲ့ အစည်းတွေမှာ ထိရောက်တဲ့ ခေါင်းဆောင်မှုရဲ့ လုပ်ကိုင်ပုံတွေနဲ့ မထိရောက်တဲ့ ခေါင်းဆောင်မှုရဲ့ လုပ်ကိုင်ပုံတွေကို လေ့လာဆန်းစစ်ဖို့ ကမ္ဘာ့ အနှံံ႕ အပြားကို တစ်နှစ်ကြာ ခရီးထွက်ခဲ့ပါတယ်။ ဒီလိုနဲ့ပဲ တောင်အာဖရိကကို ကျွန်မ ခရီးထွက်တာလည်း ပါခဲ့တယ်။ အဲဒီမှာ နယ်(လ်)ဆင် မန်ဒဲလားဟာ သူရဲ့ နိူင်ငံရေး၊ လူမှုရေး၊ စီးပွားရေး အခြေအနေကို ကြိုတင်ပြီး မြင်ခဲ့ရာတွင် ထိန်းကျောင်းမှုထဲ ဘယ်လိုဘယ်ပုံ သူ့ခေတ်ကာလရဲ့ ရှေ့ကို ရောက်နိုင်ခဲ့တာလဲ ဆိုတာကို နားလည်ဖို့ အခွင့်အလမ်း တစ်ခု ရရှိခဲ့တာပေါ့။ ဘဏ္ဍာရေးဆိုင်ရာ အရင်းအမြစ်တွေ အတော့်ကို နည်းပါးခဲ့တာတောင် မကြာခဏဆိုသလို ပြိုင်ဖက်ရန်သူတွေကိုတောင် ရင်ကြားစေ့ပေးရင်း၊ ကမ္ဘာပေါ်မှာကြီးမားစွာ အကျိုးသက်ရောက်နိုင်စွမ်း ရှိကြတဲ့ ကိုယ်ကျိုးမဖက်တဲ့ ခေါင်းဆောင် တော်တော်များများကိုလည်း တွေ့ခဲ့တယ်။ နောက်ပြီး သမ္မတတွေရဲ့ စာကြည့်တိုက်တွေမှာ နာရီပေါင်းများစွာ အချိန်ုန်ကုန်ခံပြီး ခေါင်းဆောင်တွေကို ဝန်းကျင်အနေအထားက ဘယ်လို ပုံသွင်းပေးခဲ့တာလဲ သူတို့ရဲ့ ဦးဆောင် လုပ်ဆောင်ချက်တွေ၊ အဲဒီလို ဦးဆောင် လုပ်ဆောင်ချက်တွေက သူတိုရဲ့သက်တမ်းကိုတောင် ကျော်လွန်ပြီး ဘယ်လို အကျိုးပြုခဲ့ကြတယ် ဆိုတာကို နားလည်ဖို့ ကြိုးစားနေခဲ့ပါတယ်။ အဲဒီနောက်မှာတော့ ကျွန်မ ဒီအလုပ်ကို အချိန်ပြည့် ပြန်ဝင်လာတဲ့အခါမှာတော့၊ လက်ရှိ အခန်းကဏ္ဍမှာပါပဲ၊ ဒီမေးခွန်းတွေကို စိတ်ဝင်းစားကြတဲ့ နှစ်လိုဖွယ်ရာကောင်းတဲ့ ကျွန်မ လုပ်ဖော်ကိုင်ဖက်တွေနဲ့ လက်တွဲလိုက်ပါတယ်။ ဒီလိုနဲ့ ဒါတစ်ခုလုံးကနေ ရှင်သန်နေပြီး၊ တမူထူးအောင်လုပ်ဆောင်နိုင်ကြတဲ့ ခေါင်းဆောင်တွေရဲ့ စရိုက်လက္ခဏာတွေကို ကျွန်မဟာ အနှစ်ချုပ်လိုက်ပါတယ်။ ပြီးတော့ လူတွေကို သူတို့ရဲ့ ရှိရင်းစွဲ အစွမ်းသတ္တိတွေ တိုးပွားဖို့ အထောက်အကူပေးမယ့် ပြင်ဆင်မှုဆိုင်ရာ လုပ်ကိုင်ပုံတွေကိုလည်း အနှစ်ချုပ်လိုက်ပါတယ်။ အခု အဲဒီထဲက တစ်ချို့ကို ဒီမှာ မျှဝေချင်ပါတယ်။ (၂၁) ရာစုမှာ ထူးချွန်တဲ့ ခေါင်းဆောင်တစ်ယောက်ကို ဖြစ်လာစေတဲ့ အရာတွေက ဘာတွေပါလဲ။) (၂၁) ရာစု ကမ္ဘာကြီးထဲမှာ၊ ကွန်ပြူတာနည်းပညာတွေ ထွန်းကားနေကာ ပွင့်လင်းမြင်သာတဲ့ ကမ္ဘာကြီးမှာ၊ သတင်းအချက်အလက် စီးဆင်းမှုနဲ့ တီထွင်မှုတွေကို ပိုပြီးမြန်ဆန်လာတဲ့ ကမ္ဘာကြီးမှာ အဲဒီမှာက နက်နဲရှုပ်ထွေးတဲ့ ကွန်ယက်စနစ်လိုမျိုး တစ်ခုခုမပါပဲနဲ့တော့ ဘာကြီးကြီးမားမားမှ ပြီးမြောက်မှာ မဟုတ်တဲ့ ကမ္ဘာကြီးမှာ ဖွံ့ဖြိုးရေး အစဉ်အလာလိုက်တဲ့ လုပ်ကိုင်ပုံတွေကို အားကိုးနေခြင်းဟာ သင်ရဲ့ ခေါင်းဆောင် တစ်ယောက် ဖြစ်ထွန်းမှုကို အညွန့်ချိုးပစ်ပါလိမ့် မယ်။ တကယ်တမ်းကျတော့ အစဉ်အလာ အကဲဖြတ်ချက်တွေဖြစ်တဲ့ ကျဉ်းမြောင်းတဲ့(၃၆၀) ဆန်းဆစ်လေ့လာချက်တွေ ဒါမှမဟုတ် ခေတ်မမှီတော့တဲ စွမ်းဆောင်မှုဆိုင်ရာ စံသတ်မှတ်ချက်တွေဟာ ယုံမှားဖွယ်ရာ အပြုသဘော ရလဒ်တွေကိုပဲ ပေးမှာဖြစ်ပြီး၊ သင့်ကိုသင် တကယ်အရှိထက် ပိုပြီး ပြင်ဆင်ထားသလို တွေးထင်လာစေကာ နှစ်သိမ့်ပေးနေပါလိမ့်မယ်။ (၂၁) ရာစုရဲ့ ခေါင်းဆောင်မှုဆိုတာကို မေးခွန်း (၃)ခုနဲ့ အဓိပ္ပါယ်ဖွင့်နိုင်ပြီး၊ သက်သေထူပြနိုင်ပါတယ်။ သင့်ရဲ့ စီးပွားရေလုပ်ငန်းပုံစံ၊ ဒါမှမဟုတ် သင့်ဘဝရဲ့ နောက်လာမယ့် အပြောင်းအလဲကို ကြိုတင်ပြင်ဆင်ဖို့ကို သင် ဘယ်မှာ နည်းလမ်းရှာဖွေမလဲ။ ဒီမေးခွန်းရဲ့ အဖြေကတော့ သင့်ရဲ့ ပြက္ခဒိန်ပေါ်မှာ ရှိနေပါတယ်။ သင်ရဲ့ အချိန်တွေကို ဘယ်သူတွေနဲ့ ကုန်ဆုံးမလဲ။ ဘာအကြောင်းအရာတွေ ပေါ်မှာလဲ။ ဘယ်ကို ခရီးထွက်မှာလဲ။ ဘာတွေ ဖတ်နေလဲ။ နောက်ပြီး ဒါကို ရှေ့မှာ ရှိလာနိုင်တဲ့ ရပ်တန့်မှုတွေကို နားလည်လာစေမယ့် အသိအမြင် အဖြစ် ဘယ်လို အဆီအနှစ်ထုတ်ယူမလဲ။ နောက်ပြီး သင်ဟာ ကြိုတင်ပြင်ဆင်ပြီး အသင့်အနေထားဖြစ်နေအောင် တစ်ခုခုလုပ်ဖို့ ဆုံးဖြတ်ချက်တစ်ခုကို လောလောဆယ် ဘယ်လိုချမလဲ။ အသင်းဝင် တစ်ဦးစီကို တစ်စိတ်တစ်ဝမ်းတည်း စုစည်းပေးတဲ့ လုပ်ကိုင်နည်းတွေကို ကျင့်သုံးတဲ့ ခေါင်းဆောင်မှု အဖွဲ့တစ်ဖွဲ့ရှိတယ် ဒါတွေက ကျွန်မတို့အပေါ်ကို အကျိုးသက်ရောက်စေတဲ့ ဦးတည်ချက်တွေ ဒီပြင် အဖွဲ့ဝင်တွေ အပေါ်ကို သက်ရောက်မယ့် ဦးတည်ချက်တွေကို စုစည်းလျက် သူတို့ မျှဝေကြတယ်။ နောက်ပြီး ဆုံးဖြတ်ချက်တွေချကြတယ်။ မှန်ကန်တဲ့ လမ်းကြောင်းကို ဦးတည်တဲ့ မဟာဗျူဟာတစ်ခုဆီကို ဒါမှမဟုတ် ကြိုးပမ်းမှု အသစ်တစ်ခုကို ကြိုတင်မျှော်မှန်းဖို့ပေါ့။ ထူးချွန်တဲ့ ခေါင်းဆောင်တွေဟာ ခေါင်းငုံ့ထားသူတွေ မဟုတ်ကြဘူး။ သူတို့ဟာ ထောင့်စေ့အောင် ကြည့်ရှိုလျက် အနာဂတ်ကို တုံ့ပြန်ရုံတင်မက လိုချင်တဲ့ ပုံကိုလည်း သွင်းနိုင်ကြသူတွေပါ။ ဒုတိယမေးခွန်းကတော့ သင့်ရဲ့ ကိုယ်ရေးကိုယ်တာ ဒါမှမဟုတ် အသက်မွေးဝမ်းကျောင်းဆိုင်ရာ အဓိကအခန်းမှ ပါဝင်ကြသူတို့ရဲ့ ကွန်ယက်ထဲမှာ မတူကွဲပြားမှုတွေကို ဘယ်လောက် အထိခွင့်ပြုမှာလဲ။ သင်သိပါတယ်။ ကျွန်မတို့ မကြာခဏ ကြားကြားနေရတတ်တဲ့ မိတ်ဆွေရောင်းရင်း ကွန်ယက်တွေ ဆိုတာလေ။ သူတို့ တွေဟာ အဖွဲ့အစည်း အမြောက်အမြားမှာ အသက်ဆက်ရှင်သန်နေတယ်ဆိုတာကတော့ မုချပဲလေ။ ဒါပေမယ့် ကျွန်မတို့ အားလုံးဆီမှာ အတိုင်းအတာတစ်ခုထိတော့ ကျွန်မတို့ နဲ့ အဆင်ပြေတဲ့ လူတွေ အချင်းချင်း ပေါင်းသင်းဆက်ဆံကြတဲ့ ကွန်ယက်မျိုး ရှိတတ်ကြတာပဲလေ။ ဒီတော့ ဒီမေးခွန်းက သင်ဟာ သင်နဲ့ အတော့်ကို မတူကွဲပြားတဲ့သူတွေနဲ့ ဆက်ဆံရေးတွေကို တိုးတက်ဖွံ့ဖြိုးလာအောင် လုပ်နိူင်စွမ်းကို ဆိုတာပါ။ ဒီကွဲပြားခြာနားချက်တွေ ဆိုတာကလည်း ဇီဝသဘောပိုင်းဆိုင်ရာတွေ၊ ရုပ်ပိုင်းဆိုင်ရာတွေ၊ လုပ်ငန်းသဘောဆိုင်ရာတွေ၊ နိူင်ငံရေးပိုင်းဆိုင်ရာတွေ၊ ယဉ်ကျေးမှုဆိုင်ရာတွေ၊ လူမှုစီးပွားရေးဆိုင်ရာတွေလည်း ဖြစ်နိူင်ပါတယ်။ ဒါတောင် ဒီကွဲပြားခြာနားချက်တွေရှိနေပေမယ့် လည်း သူတို့တွေဟာ သင့်နဲ့ဆက်သွယ်ပြီး၊ တူညီတဲ့ ရည်မှန်းချက်တစ်ခုကို စွမ်းဆောင်အောင်မြင်ရေးမှာ အတူတကွ ပူးပေါင်းဆောင်ရွက်ဖို့ သင့်ကို လုံလောက်စွာ ယုံကြည်မှု ရှိနေပါတယ်။ ထူးချွန်တဲ့ ခေါင်းဆောင်တွေဟာ ပိုပြီး မတူကွဲပြားတဲ့ ကျယ်ဝန်းတဲ့ ကွန်ယက်တစ်ခု ရှိနေခြင်းဟာ ပိုပြီးမြင့်မားတဲ့ အဆင့်နေရာတွေမှာ အညွှန်းပုံစံ ရှာဖွေဖော်ထုတ်ရေး နဲ့ အဖြေများကို ရှာဖွေရေးအတွက်ပါ အရင်းအမြစ် တစ်ခုဖြစ်တာကို နားလည်ကြပါတယ်။ အကြောင်းကတော့ သင့်ဆီမှာ ရှိနေကြတဲ့ အဲဒီလူတွေဟာ သင်နဲ့မတူညီတဲ့နည်းလမ်းတွေနဲ့ စဉ်းစားကြမှာမို့လို့ပါ။ တတိယ မေးခွန်းကတော့ သင်ဟာ အတိတ်က သင့်ကို အောင်မြင်စေခဲ့ဘူးတဲ့ လုပ်ကိုင်နည်း တစ်ခုကို စွန့်လွတ်ပစ်နိုင် လောက်အောင် သတ္တိရှိရဲ့လား။ ပြောနေကျ စကား တစ်ခုရှိတယ်။ "အတူတူ ဖြစ်ချင်ရင် အတူတူ လိုက်သွားပါ"တဲ့။ ဒါပေမယ့် ဒီအကြံပေးချက်ကို သင် လိုက်နာမယ် ဆိုရင်တော့ ခေါင်းဆောင် တစ်ယောက်အနေနဲ့ ဖြစ်နိုင်ချေရှိတာကတော့ သင်ဟာ အကျွမ်းဝင်ပြီး၊ သက်တောင့် သက်သာဖြစ်တဲ့ အရာကိုပဲ ဆက်လုပ်ကိုင်နေတော့မှာပဲပေါ့။ ထူးချွန်တဲ့ ခေါင်းဆောင်တွေဟာ မတူကွဲပြားတာကို လုပ်ပြရဲတယ်။ သူတို့တွေဟာ အရဲစွန့်လုပ်ကိုင်ဖို့ကို ပြောနေရုံသာ မကပါဘူး။ တကယ်ကိုပဲ လုပ်ကိုင်တတ်ကြတယ်။ ခေါင်းဆောင်တွေထဲက တစ်ယောက်က ကျွန်မကို ဖွင့်ပြောဖူးတာက တကယ့် အချက်က အကျိုးသက်ရောက်မှု အရှိဆုံး ဖွံဖြိုးတိုးတက်မှုဆိုတာက လူတွေက သင့်ရဲ့ စိတ်ကူအသစ်ဟာ နုံအအ၊ ဒါမှမဟုတ် မိုက်ရူးရဲဆန်တယ်၊ ဒါမှမဟုတ် ကြောင်တောင်တောင် နိုင်တယ်လို့ပြောတာကို တောင့်ခံနိူင်တဲ့ စိတ်ဓါတ်ကြံ့ခိုင်မှု သက်လုံကို တည်ဆောက်နိူင်စွမ်းရှိတဲ့ အခါမှသာ ပေါ်ထွက်လာတာပါတဲ့။ ကဲဒီမှာ စိတ်ဝင်စာစရာကောင်းတာက သင့်ကိုလာပူးပေါင်းမယ့် သူတွေဟာ သင် ထင်မှတ်နိုင်သလို သင့်ကွန်ယက်ထဲ သူတွေ မဟုတ်ကြပါဘူး။ မကြာခဏဆိုသလို သူတို့တွေဟာ မတူကွဲပြားစွာ တွေးခေါ်တတ်တဲ့ သူတွေပါ။ ဒါကြောင့်လည်း ရဲဝံ့တဲ့ ရုတ်တရက် ခုန်ပျံထဲ ဆင်နွဲဖို့ သင့် ကို လာရောက် ပူးပေါင်းလိုချင်ကြတဲ့ သူတွေပါ။ ဒါဟာ ကြီးမားတဲ့ ခုန်ကျော်မှု တစ်ရပ်ပါ။ ခြေလှမ်း တစ်ရပ် မဟုတ်ပါဘူး။ အစဉ်အလာ ခေါင်းဆောင်မှု အစီအစဉ်တွေနဲ့ စာရင် ဒီမေးခွန်း (၃) ခွန်းကို ဖြေကြားနိုင်ခြင်းဟာ (၂၁) ရာစုရဲ့ ခေါင်းဆောင် တစ်ယောက်အဖြစ် သင့်ရဲ့ ထိရောက်အောင်မြင်မှုကို အသေအချာ စိစစ် ဆုံးဖြတ်ပေးပါလိမ့်မယ်။ ကဲ ဒီတော့ ထူးချွန်တဲ့ ခေါင်းဆောင်တစ်ယောက်ကို ဖြစ်လာစေတဲ့ အရာတွေက ဘာတွေပါလဲ။ အများကြီးကို ကျွန်မတွေ့ခဲ့ဘူးကာ သူတိုတွေဟာ ထင်ရှားကြပါတယ်။ သူတို့တွေဟာ မနေ့က သက်တောင့် သက်သာဖြစ်ခဲ့တဲ့ ကြိုတင်ခန့် မှန်းလို့ ရနိူင်မှုအတွက် မဟုတ်ဘဲ၊ ဒီနေ့ရဲ့ ဒိဋ္ဌဖြစ်ရပ်တွေကိုရော၊ မနက်ဖြန်ရဲ့ မသိရသေးတဲ့ ဖြစ်နိူင်ခြေတွေ အတွက်ကိုပါ ပြင်ဆင်နေကြတဲ့ အမျိုးသားတွေ နဲ့ အမျိုးသမီးတွေပါ။ ကျေးဇူးတင်ပါတယ်။ (လက်ခုပ်သံများ)