పట్టి మేస్ ప్రదర్శించిన "ఆరో ఇంద్రియం", సాంకేతిక పరిజ్ఞానంలో ఒక కొత్త విప్లవం?

ఈ ప్రశ్న నన్ను ఆశ్చర్య పరిచింది! పంచ ఇంద్రియాలాగా ఆరో ఇంద్రియాన్ని మనం తయారు చేయగలమా? కళ్ళు చూపుని ఇచ్చినట్టు ఈ ఇంద్రియం మనకి ఉపయోగకరమైన సమాచారాన్ని ఎక్కడ ఉన్నా ఎటువంటి వాటి గురించి అయినా సులభంగా అందుబాటులోకి తేవాలి మీలో కొందరు ఇలా వాదించవచ్చు ఈ కాలం సెల్ ఫోన్స్ అలా చేయలేవా? నేను మాత్రం చేయలేము అని చెబుతాను. ఇక్కడ టెడ్ లో మీరు ఎవరినైనా కలిసినప్పుడు -- అందులోను గొప్ప పరిచయాలు చేసుకోవడానికి అనువైన టెడ్ లో నమస్కారం చేసి "మీరు కొంచెం ఆగితే నేను మిమ్మల్ని గూగుల్ చేస్తాను అని అడగరు కదా?" అలాగే మీరు మార్కెట్కి వెళ్ళారు అనుకోండి అక్కడ మీరు రకరకాల వస్తువులు చూస్తారు అప్పుడు మీరు సెల్ ఫోన్ తీసి వెబ్సైటుకి వెళ్లి వీటిలో ఏది పర్యావరణానికి హాని చేయనిదో చూస్తారా?

అంటే నిజానికి మనం తర్వాత ఏమి చేయాలో నిర్ణయించుకోవడానికి కావలిసిన సమాచారం అందుబాటులో లేదు అందుకని మీరు మీ ప్రవర్తనలో మార్పులు చేసుకోవలిసిన అవసరం లేకుండా ఈ సమాచారాన్ని సులభంగా అందుబాటులోకి తేవడానికి కావలిసిన నూతనకల్పితాలను మీడియా ల్యాబ్ లోని నా పరిశోధన బృందం అభివృద్ధి చేస్తుంది. మా నూతన ప్రయత్నం, మరియు ఇప్పటి వరకు జరిగిన ప్రయత్నాలలో బాగా సఫలం చెందినది, ఇంకా చేయాల్సింది చాలా ఉన్నప్పటికి ఆవిష్కరించడానికి ఇక్కడికి వచ్చాను. నిజానికి ఈ పరికరాన్ని నేను ఇప్పుడు వేసుకుని ఉన్నాను. మాములుగా దొరికే వస్తువులను ఉపయోగించి దీన్ని తయారుచేసాము. పైగా దీన్ని వెల ఇప్పుడు మూడు వందల యాభై డాలర్లు మాత్రమే.

నేను ఓ వెబ్ కెమెరా మరియు బురుజుతో నడిచే, సులువుగా తీసుకెలగలిగే చిన్న అద్దంతో కూడిన ప్రొజెక్షన్ పరికరం వేసుకుని ఉన్నాను. ఈ పరికరాలు నా జేబులోని సెల్ ఫోన్ తో మాట్లాడతాయి. మనం ఈ వీడియోలో ఈ ఆలోచన రూపుదాల్చడానికి కష్టపడుతున్న నా విద్యార్థి ప్రణవ్ మిస్త్రిని చూస్తున్నారు. తను ఏ ఉపరిభాగం దగ్గరికైనా నడిచి, తన ముందు ప్రోజెక్టైన సమాచారాన్ని చేతులతో పరిశోధించడానికి ఈ పరికరం ఎలా వీలు కలిగిస్తుందో చూస్తున్నాము. విశేషమైన నాలుగు వ్రేలను ఈ సాధనం అనుసరిస్తుంది. గుర్తించడానికి ఉపయోగపడే మూతలను తను వేసుకుని ఉండడాన్ని మీరు గమనించే ఉంటారు. ఠీవిగా కనపడేది కావాలనుకుంటే మీ గోరులకు వేర్వేరు రంగులు వేసుకోవచ్చు.

మెడలో వేసుకున్న కెమెరా ఆ నాలుగు వ్రేలను అనుసరిస్తూ తను చేసే సంకేతాలను అర్థం చేసుకుంటుంది. ఉదాహరణకు సముద్రం ఒడ్డు దగ్గరికి వెళ్లి చేతి సంకేతాలతో కెమెరాను జూమ్ చేయగలము. అలాగే ఫోటో తీయమని మనం చేసే సైగను గుర్తించి మన ముందు ఏది ఉంటే దాని ఫోటో తీస్తుంది. అదే విధంగా, ఏదైనా ఉపరిభాగం దగ్గరికి వెళ్లి, మనం తీసిన ఫొటోలన్ని ప్రొజెక్ట్ చేసి, వాటిని మన చేతి సైగలతో క్రమ పద్ధతిలో ఏర్పాటు చేసుకోవడం, పరిమాణం మార్చుకోవడం లాంటివి చేసుకోవచ్చు. మీరు కనక రెండేళ్ళ క్రితం ఇక్కడికి వచ్చి ఉండుంటే, జెఫ్ఫ్ హన్ డెమో చేసిన మైక్రోసాఫ్ట్ సర్ఫేస్ టేబుల్ లాగా ఉన్నదే అని అనుకోవచ్చు. అక్కడ కూడా మీ చేతి సంకేతాలతో అన్ని చేస్తూ ఉంటారు. కాని ఇక్కడ మీరు ఏ ఉపరిభాగాన్నైనా వాడచ్చు, ఆఖరికి ఇంకేమి లేకపోతే మీ చేతి మీద సమాచారాన్ని ప్రొజెక్ట్ చేసుకుని వాడుకోవచ్చు. ఈ సాధనాన్ని సులువుగా ఎక్కడికైనా తీసుకెళ్ళచ్చు. అంతే కాకుండా ... (చప్పట్లు)

ఒక ముఖ్యమైన తేడా ఏమిటంటే దీన్ని సులభంగా ఎక్కడికైనా తీసుకెళ్ళచ్చు. ఇంకా ముఖ్యమైన తేడా ఏమిటంటే లక్షల సంఖ్యలో వీటిని తయారు చేసినప్పుడు ఇప్పటి సెల్ ఫోన్ కన్నా ఇది రేపు ఎక్కువ ఖరీదు చెయ్యదు. పైగా ఇంత పెద్దగా ఉండదూ - ఇంకా ఠీవిగా ఉంటుంది. మేము ఈ పరికరం గురించి ఇంత ఉవ్విళ్లూరడానికి కారణం మిమ్మల్ని మైనారిటీ రిపోర్ట్ సినిమాలోని టామ్ క్రుఇసే లాగా ఉండడానికి వీలు కల్పించడమే కాకుండా ఆరో ఇంద్రియంగా ఇది మీ ముందు ఉన్న వాటి గురించి మీకు కావలిసిన సమాచారాన్ని అందిస్తుంది. ఇక్కడ మనం ప్రణవ్ మార్కెట్కి వెళ్లి, కాగితపు తువాల్లు కోసం వెతకడం చూస్తున్నాము. ఇప్పుడు తను చేతిలోకి తీసుకున్న వస్తువును ఈ సాధనం ఆకారాన్ని గుర్తించే పరిజ్ఞానం లేక మార్కర్ పరిజ్ఞానం ద్వారా గుర్తించి ఆకుపచ్చ రంగునైనా లేక నారింజ రంగునైనా ఇస్తుంది. ఇంకా సమాచారం కావాలంటే తను అడగచ్చు. కనుక ఇక్కడ తనకి కావలసినట్టు తను కొనుకున్నాడు. మీలో కొంత మంది పర్యావరణానికి హాని చేయనిది కాకుండా బాగా తెల్లనిది కావలనుకోవచ్చు.

(నవ్వులు)

అలాగే తను పుస్తకాల కొట్టుకి వెళ్లి, ఏదైనా పుస్తకం తీసుకుంటే, ఆ పుస్తకం యొక్క అమెజాన్ రేటింగ్ పుస్తకపు అట్ట మీద ప్రొజెక్ట్ చేస్తుంది. ఇక్కడ మీరు చూస్తుంది ఇంతక ముందు మాట్లాడిన జుయన్ యొక్క పుస్తకం. దీనికి అమెజాన్ ఘనమైన రేటింగ్ని ఇవ్వడం మీరు చూడచ్చు. ప్రణవ్ పుస్తకం తెరవగానే ఆ పుస్తకం గురించి మరికొంత సమాచారం చూడచ్చు - పుస్తకం చదివినవాళ్ళు చేసిన వ్యాఖ్యలు, అలాగే తనకి ఇష్టమైన విమర్శకుడు రాసిన పునర్విమర్శ, ఇంకొక పుట తిప్పగానే తన స్నేహితుడి అభిప్రాయం ఈ విధంగా ఆ పుస్తకంలో ఉన్నవాటి గురించి మరికొంత సమాచారం తెలుసుకోవచ్చు. అలాగే పత్రిక చదువుతునప్పుడు - ఎప్పటివో కాకుండా అప్పుడు జరుతున్న సంఘటనలు గురించి తెలుసుకోవచ్చు.

(నవ్వులు)

మీరు చదువుతున్న సంఘటనకు సంభందించిన వీడియోలు చూడచ్చు. అప్పుడు జరుగుతున్న క్రికెట్ మ్యాచ్లో పరుగులు తెలసుకోవచ్చు. ఇది వాదించ దగ్గది.

(నవ్వులు)

అలాగే మీరు టెడ్ లో ఎవరితోనైనా మాట్లడుతునప్పుడు వాళ్ళకి సంబంధించిన విషయాలు చూడచ్చు వాళ్ళ బ్లాగ్స్ , వెబ్ పేజీలు. ఇక్కడ, ఆ విద్యార్థికి కెమెరాలు అంటే ఇష్టం. మీరు విమానాశ్రయానికి వెళ్తునప్పుడు, మీ టికెట్ తీసి చూసినప్పుడు, మీ విమానం రావలిసిన సమయానికే వస్తుందో లేదో , వాతావరణం ఎలా ఉంది మొదలగునవి తెలుసుకోవచ్చు. మీరు ఇప్పుడు సమయం ఎంత అయిందో తెలుసుకోవాలంటే మీ చేతి మీద ఒక గడియారం (నవ్వులు) (చప్పట్లు) గీస్తే చాలు.

మీరు చూసే వస్తువులు గురించి కావలిసిన సమాచారాన్ని ఇచ్చే ఈ ఆరో ఇంద్రియం అభివృద్ధి ఇంత వరుకు వచ్చింది. మీరు ఇక్కడ చూస్తుంది దీన్ని అభివృద్ధి వెనక ఉన్న నా విద్యార్ధి ప్రణవ్.

(చప్పట్లు)

అతన్ని మెచ్చుకోవచ్చు. ఎందుకంటే ఈ మూడు నెలల్లో నాకు తెలిసి అతను నిద్రపోలేదు. అతని ప్రేయసి కూడా దీని గురించి అంత సంతోషంగా లేదు. ఇంతక ముందు చెప్పినట్టు, దీన్ని ఇంకా అభివృద్ధి చేయాల్సి ఉంది. ఏమో ఇంకో పది ఏళ్లలో మెదడులో అమర్చగలిగే పరికరంతో మేము ఇక్కడికి రావచ్చు. ధన్యవాదములు.

(చప్పట్లు)