ஆனி லென்னாக்ஸ்: நான் ஏன் எச்.ஐ.வி / எய்ட்ஸ் செயல் திறனாளராக உள்ளேன்?

நான் உங்களோடு ஒரு உண்மைக் கதையை பகிர்ந்துக்கொள்ளப் போகிறேன். நான் எப்படி, எச்.ஐ.வி / எய்ட்ஸ் செயல் திறனாளராக உருப்பெற்றேன் என்று. என்னுடைய இந்த பரப்புரையின் பெயர், "SING" பரப்புரை. 2003 ம் ஆண்டு நவம்பர் திங்களில், நான் நெல்சன் மண்டேலாவின் 46664 தொண்டு நிறுவனத்தின் தொடக்க விழாவிற்கு அழைக்கப்பட்டிருந்தேன். அது அவரின் எச்.ஐ.வி / எய்ட்ஸ் குறித்த தொண்டு நிறுவனம் 46664 என்ற எண் ஆனது, மண்டேலா அவர்கள் ராபன் தீவில் சிறை வைக்கப்பட்டபோது அவருக்கு கொடுக்கப்பட்ட எண். யூசு என்'தூருடன் நான், ஒரே மேடையில் என் வாழ்நாளின் மறக்க முடியாத தருணத்தில் எடுத்துக்கொண்டது. அடுத்த நாள், எல்லா கலைஞர்களும், மண்டேலாவுடன் கூட ராபன் தீவுக்கு அழைக்கப்பட்டு மாநாடு ஒன்றில் அவர் பங்கெடுக்க உலக பத்திரிக்கையாளர்கள் முன்னிலையில் ஏற்பாடு செய்யப்பட்டு இருந்தது. அவர் அடைத்து வைக்கப்பட்ட சிறைச் சாலையின் முன்னாள் நின்றிருந்து, அந்த சிறையின் சன்னலில் உள்ள கம்பிகளை பார்க்கும் போது, எங்கள் எல்லோருக்கும் அது புள்ளரிக்கக் கூடிய தருணமாக அமைந்தது. அந்த மணித்துளியில், உலக பத்திரிக்கையாளர்கள் இடையில் உரையாற்றும் போது மண்டேலா ஒரு தீரா இனவழிப்பு, தனது நாட்டில் நடைபெற்றுக்கொண்டு இருப்பதாக விளம்பினார். இனவெறிக் காலத்தின் பிந்தைய காலக்கட்டத்தில், வானவில் நாடான, தென்னாப்பிரிக்காவில் நாள்தோறும் ஆயிரக்கணக்கானவர்கள் மடிகின்றனர் என்று எடுத்துரைத்தார். அவ்வாறு செத்து மடிபவர்கள், எளிதாக பாதிப்புக்கு உள்ளாகக் கூடிய, பெண்களும், குழந்தைகளுமே என்று எடுத்துரைத்தார்.

இது என்னுள் மிகுந்த தாக்கத்தை ஏற்படுத்தியது. அதற்கு காரணம், நான் ஒரு பெண் மட்டுமல்லாது ஒரு தாயும் கூட. எனக்கு உரைக்காத ஒரு விஷயம் என்னவென்றால், எச்.ஐ.வி / எய்ட்ஸ் பரவல் தொற்றானது, பெண்களை நேரிடையாக மூர்க்கமாக பாதிக்கிறது. அதனால் நான் தென்னாப்பிரிக்காவை விட்டு செல்லும்போது நான் எனக்குள் ஒரு சபதத்தை எடுத்துக்கொண்டேன். கேப் டவுனை விட்டு வெளியேறும் போது, நான் எனக்குள், "இது குறித்து நான் நிறைய பேசவும், நிறைய தொண்டு செய்யவும் சூளுரைத்துக் கொண்டேன். அதனால், அதற்குப்பிறகு நடைபெற்ற ஒவ்வொரு 46664 நிகழ்விலும், இயன்றவரை கலந்துக்கொண்டு, செய்தி கொடுப்பதிலும், நேர்முகங்கள் கொடுப்பதிலும், ஒரு இசை கலைஞராக நான் வகிக்கும் மேடையினை பயன்படுத்திக் கொண்டு எடுத்துரைத்தேன். மண்டேலாவுடன் எனக்கு இருக்கும் ஈடுபாட்டில், அவரின் மேல் உள்ள மிகுதியான மரியாதையாலும், அவர் செய்திருக்கக் கூடிய பெரும் தியாகங்களுக்கு மதிப்பளிக்கும் விதமாக நான் செயலாற்றினேன். இவ்வுலகில் அனைவருக்கும் நெல்சன் மண்டேலாவின் மேல் மதிப்புண்டு. நெல்சன் மண்டேலாவை அனைவரும் போற்றுவர். ஆனால் அவர்களுக்கு, தென்னாப்பிரிக்காவில் என்ன நடக்கிறது என்று தெரியாது. அவரது நாடு, உலகத்திலேயே அதிகமான நோய் நிகழும் விகிதத்தோடு, எச்.ஐ.வி வைரஸ் கிருமிகளை பரப்பிக்கொண்டு இருக்கிறது. நான் வீதியில் இறங்கி, மக்களுக்கு அங்கு என்ன நடந்துக் கொண்டு இருக்கிறது என்று சொன்னேன் என்றால், அவர்கள் திகைத்துவிடுவார்கள்.

சில ஆண்டுகளுக்கு முன்னர், அதிர்ஷ்டவசமாக, ஜாக்கி அக்மாட் அவர்களை சந்தித்தேன். அவர் "Treatment Action Campaign" -ஐ நிறுவியவர். மேலும் அவர் ஒரு திறமையான பரப்புரையாளரும், செயல் திறனாளரும் கூட. 46664 நிகழ்ச்சியில் நான் அவரை சந்தித்தேன். இப்போது நான் அணிந்திருப்பது போன்ற சட்டையினை அவர் அணிந்திருந்தார். இது ஒரு கருவியாகும். இது நான் ஆதரவான மனநிலையில் உள்ளேன் என்பதை, எச்.ஐ.வி பாதித்தவர்களுக்கும், எச்.ஐ.வியோடு வாழ்ந்துக்கொண்டு இருப்பவர்களுக்கும் ஆணித்தரமாக உணர்த்தக்கூடியது. ஒரு வழியில், இந்த சட்டையை அணிந்திருக்கையில், சமுதாயத்தில் உள்ள வடுவின் காரணமாக, "ஆம், இந்த விஷயத்தை என்னோடு பகிர்ந்துக்கொள்ளலாம் " என்று சொல்லுகிறேன். ஏதோ மறைவிடத்தில் இதனை மூடி மறைக்க வேண்டும் என்று இல்லை. நான் பண்டுவ செயலாக்க பரப்புரையில் ஒரு உறுப்பினர் ஆனேன். மேலும் நான், அந்த உன்னதமான நிறுவனத்தில் உறுப்பினர் ஆனதில் பெருமை கொல்கிறேன். இது ஒரு அடிமட்ட பரப்புரை. இதில் 80 விழுக்காட்டிற்கும் மேல் பெண்கள். அவர்களில் பெரும்பான்மையினர் எச்.ஐ.வி தாக்கியுள்ளது. அவர்கள் களப்பணியாற்றுகிறார்கள். அவர்களால் கீழ்மட்டம் வரை, வைரஸ் தாக்கி, அதன் தாக்கத்தோடு வாழ்ந்துக்கொண்டு இருக்கும் மக்களுக்கு ஆழ களப்பணி ஆற்றமுடியும். அவர்களிடத்தில் அதைப் பற்றிய விழிப்புணர்வு நிகழ்ச்சிகள் உள்ளன. சமுதாயத்தில் உள்ள வடுக்களைப் பற்றி அவர்கள் பேசி அதனை வெளிக்கொண்டு வருவார்கள். அவர்கள் செய்யும் செயல்பாடுகள் அசாத்தியமானது. ஆம், எனது "SING பரப்புரை", பண்டுவ செயலாக்க பரப்புரையை ஆதரிக்கிறது. எனது ஆதரவு விழிப்புணர்வினை அதிகப்படுத்தும் விழமாகவும், அதற்கு நிதி திரட்டும் விதமாகவும் உள்ளது. என்னால் திரட்ட முடிந்த நிதியானது, நேரிடையாக பண்டுவ செயலாக்க பரப்புரைக்கும், அவர்கள் செய்யும் ஒப்பற்ற செயல்களுக்கும் செல்கிறது. தென்னாப்பிரிக்காவில் அவர்கள் தொடர்ந்து இதனைச் செய்துக் கொண்டு இருக்கின்றனர்.

இதுவே எனது "SING பரப்புரை". SING பரப்புரை என்பது அடிப்படையில் என்னையும், மூன்று நான்கு அருமையான மனிதர்களையும், அவர்கள் அளிக்கும் உன்னதமான ஆதரவினையும் உள்ளடக்கியதே. நான் உலகம் முழுக்க, கடந்த இரண்டரை ஆண்டுகள் பயணம் செய்துள்ளேன். ஏறக்குறைய 12 நாடுகளுக்கு சென்றுள்ளேன். இப்போது நான் நோர்வேயில், ஒஸ்லோ நகரத்தில், அதிகப்படி பணத்தை உள்ளடக்கிய காசோலையை பெற்று இருக்கிறேன். மக்களிடமிருந்து நிதியளிப்பு பெற, ஹொங்கொங்கில் பாடியிருக்கிறேன். ஜோஹானஸ்பர்க் நகரில், பெரும்பாலும் வெள்ளையின, நடுத்தர வகுப்பு பார்வையாளர்கள் மத்தியில் பாடியதில், அவர்கள் கண்களில் கண்ணீரை வரவழைத்ததில், நான் பயன்படுத்திய காணொளிகள், அவர்கள் இதயத்தை தொடும் படியும், உள்ளதை உள்ளபடி, நிகழ்ந்துக் கொண்டு இருக்கின்ற இந்த கோரமான சோகத்தை காண்பிக்கறது. இச்கோகத்தினை ஏனோ மக்கள் தவிர்க்கின்றனர். அது அவர்களை சோர்வடையச் செய்கிறது. மேலும் இச்சோகத்திர்க்கான தீர்வாக எதுவும் அவர்களுக்கு விளங்குவதில்லை. தென்னாப்பிரிக்காவின் தற்போதைய சுகாதார அமைச்சர் ஆரோன் மட்சோயலெடி, எனது இசை நிகழ்ச்சிக்கு வந்திருந்தார். அவரை சந்திக்கும் வாய்ப்பு எனக்கு கிட்டியது. அவர் தனது முழு ஒத்துழைப்பையும், ஏதாவது மாற்றம் கொண்டு வர வேண்டும் என்ற தேவையான துடிப்பினையும் நல்கினார். இது ஸ்காட்லாந்து நாட்டின் நாடாளுமன்றம். நான் அதற்கு அடுத்து, ஸ்காட்லாந்து நாட்டிற்கும், எச்.ஐ.விக்கும் தூதுவராக ஆனேன். நான் எனது அனுபவங்களை அவர்களுக்கு காண்பிக்க முற்பட்டு, மறுபடியும் விழிப்புணர்வை ஏற்படுத்தினேன். மறுமுறையும், எடின்பர்கில், நான் மிகவும் நேசிக்கும் ஆப்ரிக்க சிறார் சேர்ந்திசையில் காண்பித்தோம். இது போன்ற பல சிறுவர்கள் அனாதையாய் நிற்பது, அவர்களது பெற்றோர், எய்ட்ஸ் வைரசால் பாதிப்புக்கு உள்ளாகியதால் தான்.

மிஷெல் சிடிபேயுடன் நான் நியூ யார்க் நகரில் உட்கார்ந்துக் கொண்டு இருக்கின்றேன். அவர் தான் UNAIDS-இன் இயக்குனர். எனக்கு பெருமை தந்த விஷயம், மிஷல் அவர்கள், என்னை சில மாதங்களுக்கு முன்பு UNAIDS-இன் தூதுவராக பணியமர்த்தியது. இந்த வழியில் தான், என்னுடைய கருத்து மேடையை நான் வலிமையாக்கி அதனூடே நான் எல்லோருக்குமாக எனது கருத்துக்களை எடுத்துக் கொண்டு போகிறேன். UNAIDS-இன் செய்தியாக, இந்த உலகிற்கு சொல்வது என்ன வென்றால், முற்றிலும் நீங்கும்படியான சூழலை, இந்த வைரஸ் தொற்றுக்கு ஏற்படுத்துவதே ஆகும். அதுவும் குறிப்பாக தாயிடமிருந்து சேய்க்கு தொற்றுவதை 2015-ம் ஆண்டிற்குள் ஒழிக்க வேண்டும். இது ஒரு வலிமையான குறிக்கோள். ஆனால் இதனை சிறந்த மனஉறுதியுடன் அடைவோம் என்ற நம்பிக்கை எங்களிடம் உண்டு. இது நிகழக் கூடிய ஒன்று தான்.

இப்போது நான் ஒரு கருவுற்ற தாயுடன் உள்ளேன். அவருக்கு எச். ஐ.வி. பாதித்துள்ளது. நாங்கள் புன்சிரிக்கிறோம், இருவரும் சேர்ந்தே புன்சிரிக்கிறோம், ஏன் என்றால் நாங்கள் நம்பிக்கையாக உள்ளோம். இந்த இளைய தாய் பண்டுவம் (சிகிச்சை) பெறுகிறார் என்று நாங்கள் அறிவோம். பண்டுவத்தால் அவரது ஆயுள் நீட்டிக்கப்பட்டு அவர் பெற்றெடுக்கப் போகும் பிள்ளையை அவர் பராமரிக்க முடியும். பின்பு அவரது குழந்தை PMTCT-ஐ பெரும். அதன் பொருள் என்னவென்றால், குழந்தை, வைரஸ் இல்லாமல் பிறக்கும். இதுவே வருமுன் தடுப்பது என்ற கோட்பாடு வாழ்வின் தொடக்கம் முதலே செயல்படுத்தப் படுத்தல். இம்மாதிரியான செயல்பாட்டின் ஒரு நோக்கமாக, AIDS என்னும் உலகம் பரவு நோயை கட்டுப்படுத்துதலாகச் சொல்லலாம்.

இப்போது, இறுதியாக சிறிய ஒரு கதையினை சொல்லப்போகிறேன். அக்கதை அவலிலேயைப் பற்றியது. இவள் தான் அவலிலே. இவள் என்னோடு எல்லா இடங்களுக்கும் செல்கிறாள். நான் அவளது கதையை எல்லோரிடத்திலும் சொல்கிறேன். ஏனென்றால் அவள், பத்து லட்சத்திற்கும் மேற்பட்ட எச்.ஐ.வி பாதிப்பால் அநாதை ஆனவர்களின் பிரதிநிதியாய் திகழ்கிறாள். அவலிலேயின் தாய்க்கு எச்.ஐ.வி. வைரசின் தோற்று இருந்தது. அவள் இறந்தது எய்ட்ஸ் தொடர்புடைய நோய்நொடியினால். அவலிலேவிற்கும் அந்த வைரஸ் பாதிப்பு இருந்தது. அவள் அந்த வைரசோடு தான் பிறந்தாள். இதோ அவளுக்கு அப்போது ஏழு வயது. ஏழு வயதில் ஒரு வயது குழந்தையின் எடையே அவள் இருந்தாள். அவளது வாழ்கையின் அந்த தருணத்தில், அவள் முழுவதுமாக எய்ட்ஸின் கோரப்பிடியில் இருந்தாள். அவளுக்கு நிமோனியா காய்ச்சல் இருந்தது. கிழக்கு கேப்பில் இருந்த ஒரு மருத்துவமனையில் அவளை சந்திக்க நேர்ந்தது, ஒரு முழு பிற்பகல் பொழுதை அவளோடு கழித்தோம். அவள் சுட்டியான ஒரு குழந்தை. அங்கிருந்த மருத்துவர்களும், செவிலியர்களும் அருமையான மனிதர்கள். ஊட்டச்சத்துமிக்க சிறப்பான ஒரு உணவு முறைக்கு அவளை உட்படுத்தி, அன்பாக பராமரித்தனர். நாங்கள் மருத்துவமனையை விட்டு வெளியே வந்தவுடன், அவள் உயிர் பிழைப்பாளா என்று எங்களுக்கு தெரியாது - இந்த கரிசனம் நாங்கள் அவளது கதையை படம் பிடித்ததால் ஏற்பட்டது. ஆக வெளிப்படையாக தெரிவது என்னவென்றால் - இவளுடன் நமக்கு ஏற்பட்டது ஒரு உணர்வு பூர்வமான சந்திப்பு. அது ஒரு பரிவான உணர்வினை, இந்த ஒரு சிறிய குழந்தையிடத்தில் எமக்கு கிட்டிய நேரடி அனுபவத்தில் வெளிப்படுத்துவதாய் இருந்த சம்பவம் உங்களுக்கு தெரிந்து இருக்கும். ஐந்து மாதங்களுக்கு பின்னர், நாங்கள் தென்னாப்பிரிக்காவுக்கு, அவலிலேவை சந்திப்பதற்கு சென்றிருந்தோம். எனக்கு - என்னுடைய மயிர்க்கால்கள் - என்னுடைய கைகளில் உள்ள மயிர்கால்களை உங்களால் காண முடியுமா என்று எனக்குத் தெரியவில்லை. அவை குத்திட்டு நிற்கின்றன. அவை ஏன் குத்திட்டு நிற்கின்றன என்று நான் காண்பிக்கப் போவதிலிருந்து உங்களுக்குத் தெரியும். நடந்து முடிந்த உருமாற்றத்தைப் பாருங்களேன் எத்தனை வியத்தகு உருமாற்றம்?

(கைதட்டல்)

இந்த சுற்றில் கிடைக்கும் கைதட்டல் எல்லாம், அவலிலேவை பராமரித்த மருத்துவர்களுக்கும், செவிலியர்களுக்குமே சாரும். இந்த மாதிரியான உருமாற்றத்தை நீங்கள் பாராட்டி ஏற்றுக்கொண்டீர்கள் என்று நான் எடுத்துக் கொள்கிறேன். நான் சொல்ல விரும்புவது, இங்குள்ள ஒவ்வொருவருக்கும் என்னவென்றால், இந்த உலகில் உள்ள ஒவ்வொரு தாய்க்கும் ஒவ்வொரு சேய்க்கும், உரிமைகள் உண்டு. அந்த உரிமை நல்ல ஊட்டம் மற்றும் நல்ல மருத்துவ நலனை பெறுவதற்கு உண்டு. நீங்கள் ஆயிரமாண்டு வளர்ச்சிக் குறிக்கோள்களை நம்புகிறீர்கள் என்றால், குறிப்பாக ஐந்தாவதும், ஆறாவதும் குறிக்கோள்களை உள்ளமாற போருப்பெற்றுக்கொள்ளும் விதமாக, உலகின் எல்லா அரசுகளும் முன்வரவேண்டும். குறிப்பாக சகாரா பாலைவனத்தைச் சார்ந்த ஆப்பிரிக்க நாடுகள் - நீங்கள் தயவு செய்து எழுந்திருங்களேன். நான் பொதுவாக சொல்லக்கூடியது என்னவென்றால், இந்த அரங்கத்தில் உள்ள அனைவருமே அதற்கு துணை நிற்க வேண்டும்.

மிக்க நன்றி.

(கைதட்டல்)