Blaise Aguera y Arcas anaonyesha Photosynth

Nitakachowaonyesha kwanza, haraka niwezavyo, ni kazi ya msingi, katika teknolojia mpya ambayo tuliingiza Microsoft kama sehemu ya ununuzi wa kampuni takriban mwaka mmoja uliopita. Hii ni Seadragon. Na ni mfumo ambao unaweza, kwa karibu au mbali, kujiunganisha na kufanyia kazi takwimu mbalimbali za picha.

Hapa tunaziangalia nyingi, katika kipimo cha picha cha gigabyte na bila kukatika na kwa kuendelea kukuza mfululizo, kulengesha kwenye kitu, kuirekebisha vile tutakavyo. Bila kujali taarifa ngapi tunaziangalia, zina ukubwa gani au nyingi kiasi gani. Nyingi kati yake ni picha za kawaida zilizopigwa na kamera za dijito, hii hapa, kwa mfano, ni kivuli cha picha kutoka Maktaba ya Bunge, na iko katika kipimo cha vipandepicha 300. Haileti tofauti yeyote kwasababu kitu pekee kitakachoweza kuzuia ufanisi wa mfumo kama huu ni idadi ya vipandepicha kwenye skrini yako

wakati wowote. Huu ni usanifu huria. Hiki ni kitabu kizima, mfano wa takwimu ambazo si picha. Hiki ni Bleak House kilichoandikwa na Dickens. Kila safu ni sura. Kuwathibitishia kwamba haya ni maandishi, na siyo picha, tunaweza kufanya kama hivi, ili kuweza kuonyesha kuwa hiki ni kielelezo cha maandishi: na siyo picha. Labda hii ni njia nyingine ya kusoma kitabu cha nakala za elektroniki. Siwezi kuipendekeza.

Huu ni mfano wa ukweli. Hili ni toleo la The Guardian. Kila picha kubwa ni mwanzo wa sura. Hii inakupa raha na uzoefu mzuri wa kusoma tolea halisi la jarida au gazeti, ambalo mara nyingi chombo cha habari chenye kina na mapana. Pia tumefanya kitu kidogo kwenye kona ya toleo hili la The Guardian. Tumetengeneza tangazo la uongo na ambalo liko katika kiwango cha juu sana -- kuliko ambavyo ungeweza kuona kwenye tangazo la kawaida -- na tumeongezea vitu vya ziada. Kama unataka kujua taarifa za undani wa gari hili, unaweza kuziona hapa. Au miundo mingine, au hata maelezo ya kina ya kiufundi. Hii inaingia katika baadhi ya haya mawazo katika kuondokana na vikwazo vya ufanisi wa skrini Tunatumaini kwamba hii ina maana kwamba hakutakuwa na vipeperushitovuti tena na taka nyingine kama hizo -- hazitakuwa muhimu.

hakika, ramani zitakuwa moja ya matumizi muhimu ya teknolojia kama hii Na sitapoteza muda kwenye hili, isipokuwa kwamba tuna vitu vya kuchangia katika eneo hili pia. Lakini hizi zote ni barabara za Marekani zilizowekwa juu ya picha za kijiografia za NASA Sasa hebu tuangalie kitu kingine. Hii ipo hewani kwenye mtando kwa sasa; unaweza kwenda na kuiangalia.

Huu ni mradi unaoitwa Photosynth, ambao unajumuisha teknolojia mbili tofauti. Mojawapo ni Seadragon na nyingine ni ya utafiti wa kuona katika kompyuta uliofanywa na Noah Snavely, mwanafunzi wa chuo kikuu cha Washington, na kushauriwa na Steve Seitz hapo UW na Rick Szeliski katika kitengo cha utafiti cha Microsoft. Ushirikiano mzuri sana. Kwa hiyo hii iko hewani kwenye mtandao. Na imewezeshwa na Seadragon. Unaweza kuona wakati tukifanya vielelezo hivi, ambapo tunaweza kuzamia kwenye picha na kuwa na aina hii ya kuweza kuona taswira mbalimbali.

Lakini hapa mpangalio wa mahusiano ya picha unaleta maana zaidi. Miundonamba ya picha za kompyuta imezisajiri hizi picha pamoja, ili ziendane na sehemu halisi ambako picha hizi zilipigwa -- zote zilipigwa karibu na Ziwa Grassi huko Canadian Rockies -- zilichukuliwa. Kwa hiyo unaona vipengee hapa za vielelezopicha vilivyokamilika au picha za kupita. na vitu hivi vyote vimehusianishwa pamoja. Sina uhakika kama nina muda wa kuwaonyesha taswira nyingine. Kunamengine ambayo yanahusiana zaidi. Nitaenda moja kwa moja kwenye moja ya seti za takwimu halisi za Noah -- na hii inatoka kwenye toleo la mfano la Photosynth ya awali ambayo tuliipata wakati tukifanya kazi majira ya joto -- kukuonyesha ninachokifikiria ni mzaha tu wa teknolojia hii, teknolojia ya Photosynth. Na si dhahiri sana kwa kuangalia katika mfumo tuliouweka kwenye tovuti. Ilibidi tuanze kuhofia juu ya wanasheria na mengineyo.

Huu ni ujengwaji tena wa kanisa kuu la dayosisi ya Notre Dame ambao ulifanywa kwa kwakutumia kompyuta peke yake kutoka kwenye picha zilizopatikana kwenye Flickr. Unaandika Notre Dame kwenye Flickr, na unapata picha za watu waliovaa T-shirts, na za eneo la chuo na mengineyo. Na kati ya kila hizi pia za rangi ya chungwa zinawakilisha taswira ambazo ziligunduliwa zinauhusiano na muundo huu. Na hizi zote ni picha za Flickr, na zote zimehusishwa kwa njia hii. Na tunaweza kutembelea kwa njia hii rahisi. (Makofi).

Unajua, sikufikiria kuwa nitakuja kufanya kazi Microsoft. Ni faraja kubwa sana kupata mapokezi kama haya hapa. (Kicheko).

Natumaini mnaweza kuona hizi ni kamera nyingi tofauti: ni kila kitu kutoka kwenye kamera za simu za mkononi mpaka kamera za kitaalam za SLRs, ni nyingi, zikiwa pamoja katika mfumo huu. Na kama nitaweza, nitatafuta zile za ajabu. Nyingi zao zimezibwa kwa sura za watu, na mengineyo Kati ya hapo kuna mlolongo wa picha -- naam hapa. Hii hakika ni picha ya Notre Dame ambayo imesajiliwa kwa usahihi. Tunaweza kuingia ndani ya picha katika mazingira ya maumbile yake.

Cha muhimu hapa ni nini tunaweza kufanya na mfumo huu. Hii ni kuchukua takwimu kutoka kwa kila mtu -- kutoka katika mkusanyiko wa kumbukumbu za taswira, namna dunia ilivyo -- na kuzijumuisha zote. Picha zote zinaunganishwa pamoja, na zinafanya kitu kutokea ambacho ni kubwa zaidi ya jumla ya sehemu ndogondogo. Una mfano ambao unatokea katika dunia nzima. Fikiria hii ni kama mkia mrefu wa kazi za picha za dunia za Stephen Lawler. Na hiki kitu ambacho kinakua na kuongeza mchangamano jinsi watu wanavyotumia, na faida yake inakuwa kubwa kwa watumiaji jinsi wanavyotumia. Picha zao zinaunganishwa na meta-data ambavyo mtu mwingine ameviingiza. Kama kuna mtu angewaunganisha watakatifu hawa wote na kusema wao ni akina nani, kwa hiyo picha yangu ya kanisa kuu la Notre Dame ingeboreshwa na vielelezo hivyo vyote, na ninaweza kuitumia kama njia ya kuingia katika sehemu hiyo, katika takwimumaneno, kwa kutumia picha za watu wengine, na kufanya mwingiliano na mwingiliano wa watumiaji kwa njia hiyo. Na kwa hakika, matokeo ya yote hayo ni mifumo thabiti ya picha wa kila sehemu ya dunia, iliyokusanywa siyo tu kwa angani na kutoka kwenye picha za setilaiti na mengineyo, bali kutoka kwenye majumuisho ya kumbukumbu.

Asanteni sana. (Makofi).

Chris Anderson: Nimekuelewa? Kuwa programu yako itaruhusu, kuwa, wakati fulani, katika kipindi cha miaka michache ijayo, picha zote zitakazokuwa zikigawanwa na mtu yeyote duniani zitaunganishwa pamoja?

BAA: Ndiyo. Kinachotokea hapa ni uvumbuzi. Inatengeneza viuongotovuti, kati ya picha. Na inafanya hivyo ikitegemea yaliyomo ndani ya picha. Hii inaleta msisimko zaidi ukifikiria kuhusu ubora wa taarifa zilizomo kwenye picha hizo. Kwa mfano ukiwa unatafuta picha kwenye mtandao, unaandika vifungu vya maneno na maandishi katika ukurasa wa tovuti inabeba taarifa kuhusu picha hiyo ni ya nini. Sasa, itakuwaje kama picha hiyo inaunganisha picha zako zote? Hapo idadi ya miunganiko ya taarifa na idadi ya ubora ambao unakuja pamoja nayo ni kubwa sana. Ni matokeo ya kiwango cha juu cha muungano wa mtandao.

CA: Blaise, hii ni nzuri sana. Hongera.

BAA: Asante sana