Tom Wujec mbi 3 mënyrat sesi truri krijon kuptim

Vitin e kaluar në TED ne synonim të qartësonim kompleksitetin dërrmues dhe pasurinë që ne përjetojmë te konferenca në një projekt të quajtur Domethënia e Madhe. Dhe Domethënia e Madhe është një koleksion i 650 skicave që janë bërë nga dy artistë vizualë. David Sibbet nga The Grove, dhe Kevin Richards nga Autodesk-u, bënë 650 skica që përpiqen të kapin esencën e ideve të secilit prezantues. Dhe mendimi i përgjithshem ishte: vërtetë funksionoi. Këto skica sollën në jetë idetë kryesore, portretet, momentet magjike që ne të gjithë i përjetuam vitin e kaluar.

Këtë vit ne po mendonim, "Pse funksionon?" Cfarë kanë teknika e filmit vizatimor, grafikat, ilustrimet, që krijojnë domethënie? Dhe kjo është një pyetje e rëndësishme për t'u pyetur dhe përgjigjur sepse sa më shumë që kuptojmë si truri krijon domethënie, më mirë mund të komunikojmë dhe, unë gjithashtu mendoj, se mund të mendojmë më mirë dhe të bashkëpunojmë. Kështu, këtë vit do të përfytyrojmë si truri përfytyron.

Psikologët kognitivë tani na tregojnë se truri faktikisht nuk e sheh botën siç është, por në vend të kësaj, krijon një seri të modeleve mendore përmes një koleksioni të "Momenteve Ah-ha," ose mometeve të zbulimit, përmes proceseve të ndryshme.

Përpunimi, sigurisht, fillon me sytë. Drita hyn, e godet prapa retinën dhe është e qarkulluar, shumica e të cilës derdhet prapa në fund të trurit, te lëvorja primare vizuale. Dhe lëvorja primare vizuale shikon vetëm gjeometri të thjeshtë, vetëm format më të thjeshta. Por gjithashtu vepron edhe si lloj stacioni ndërrese që ri-përhap dhe ridrejton informacionin te shumë pjesë tjera të trurit. Rreth 30 pjesë të tjera që selektivisht kanë më shumë kuptim, krijojnë më shumë domethënie përmes përvojave të llojit "Ah-ha". Ne do të flasim vetëm për tri prej tyre.

Atëherë, e para quhet niveli i përparmë. Është në këtë pjesë të trurit. Dhe kjo është pjesa e trurit që njeh çfarë është diçka. Është zbuluesi "çfarë". Shikoni një dorë. Shikoni një telekomandë. Një karrige, libër... Atëherë, kjo është pjesa e trurit që aktivizohet kur ju i vini një fjalë diçkaje.

Një pjesë e dytë e trurit quhet niveli shpinor. Dhe çfarë bën është se e gjen vendndodhjen e objektit në hapësirë fizike trupore. Kështu që nëse shikoni rreth skenës këtu do të krijoni një lloj harte mendore të sallës. Dhe nëse i mbyllnit sytë do të ishit në gjendje ta drejtonit atë mentalisht. Do të aktivizonit nivelin shpinor nëse do ta bënit atë.

Pjesa e tretë për të cilën do të doja të flisja është sistemi i gjymtyrëve. Dhe ky është thellë brenda trurit. Është shumë i vjetër, zhvillimisht. Dhe është pjesa që ndjen. Është lloji i qendrës intuitive, ku ju shikoni një imazh dhe thoni "Oh! Kam një reagim të fortë ose emocional ndaj çfarëdo që po shoh."

Kështu, kombinimi i këtyre qendrave të përpunimit na ndihmon të krijojmë domethënie në mënyra shumë të ndryshme. Atëherë çfarë mund të mësojmë për këtë? Si mund ta zbatojmë këtë depërtim? Epo, përsëri, pamja skematike është se syri merr në pyetje vizualisht atë që ne po shikojmë. Truri e përpunon këtë në ngjashmëri, krijimin e informacionit duke bërë një mori pyetjesh për të krijuar një model mendor të bashkuar.

Kështu, për shembull, kur e shikoni këtë imazh një grafikë e mirë e fton syrin të lëvizë rrotull, të krijojë një logjikë vizuale selektivisht. Kështu që veprimi i marrjes dhe shikimit në imazh e krijon domethënien. Është logjika selektive. Tani kemi zmadhuar dhe kemi lokalizuar këtë informacion. Shumë nga ju mund të kujtoni murin magjik që ndërtuam në ndërthurje me Pixel Perceptues ku ne në kuptimin e plotë të fjalës krijojmë një mur të pafund. Dhe kështu mund të krahasojmë dhe dallojmë idetë e mëdha. Atëherë veprimi i marrjes dhe krijimit të shëmbylltyrës interaktive e pasuron domethënien. E aktivizon një pjesë tjetër të trurit. Dhe pastaj sistemi i gjymtyrëve aktivizohet kur shikojmë lëvizje, kur shikojmë ngjyra, dhe ka forma primare dhe zbulues të strukturave që ne kemi dëgjuar për to më parë.

Atëherë esenca e kësaj është çfarë? Ne krijojmë domethënie duke parë, nga një veprim i marrjes në pyetje vizuale. Mësimet për ne janë trefish. Së pari, përdorni imazhe për të qartësuar atë që po mundohemi të komunikojmë. Së dyti, bëjini ato imazhe interaktive në mënyrë që të merremi me to më plotësisht. Dhe së treti është të zmadhojmë kujtesën duke krijuar këmbëngulje vizuale. Këto janë teknika që mund të përdoren për të qenë -- që mund të zbatohen në një sferë të gjerë të zgjidhjeve të problemeve.

Versioni i teknologjisë së ulët duket kështu. Dhe, meqë ra fjala, kjo është mënyra në të cilën ne zhvillojmë dhe formulojmë strategji në Autodesk, në disa nga organizatat, disa nga divizionet tona. Ajo që ne faktikisht bëjmë është që u themi ekipeve të vizatojnë një plan të tërë strategjik në një mur gjigant. Dhe është shumë e fuqishme sepse secili mund të shikojë gjithçka tjetër. Ka gjithmonë një dhomë, gjithmonë një vend për të mundur të gjejmë kuptimin e gjithë përbërësve në planin strategjik.

Kjo është një pamje e tij në kohë të përshpejtuar. Mund të bëni pyetjen, "Kush është drejtuesi?" Do të jeni në gjendje ta kuptoni. (Të qeshura) Atëherë veprimi i ndërtimit të imazhit kolektivisht dhe bashkarisht e transformon bashkëpunimin. Asnjë Powerpoint nuk përdoret për dy ditë. Por në vend të kësaj i gjithë ekipi krijon një model mendor që shpërndahet, për të cilin mund të gjithë të bien dakord dhe të vazhdojnë përpara.

Dhe kjo mund të rritet dhe zmadhohet me disa shfaqje të teknologjisë digjitale. Dhe ky është zbulimi ynë i madh për sot. Dhe ky është një komplet shfaqjesh të teknologjive që përdorin shfaqje me ekran të madh me qarkullim inteligjent në prapavijë për të bërë të padukshmen të dukshme. Këtu ajo që mund të bëjmë është të shikojmë qëndrueshmërinë, në kuptimin e plotë të fjalës. Kështu një ekip mundet faktikisht të shikojë të gjithë përbërësit kryesorë që e ngrohin strukturën dhe bëjnë zgjedhje dhe pastaj shikoni rezultatin në fund që është përfytyruar në ekran.

Atëherë, për t'i bërë imazhet kuptimplote, ka tre pëbërës. I pari përsëri, është t'i bëjmë idetë të qarta duke i përfytyruar ato. Së dyti, duke i bërë interaktive. Dhe pastaj së treti, duke i bërë të qëndrueshme. Dhe besoj se këto tri parime mund të zbatohen për të zgjidhur disa nga problemet më të vështira që ne hasim në botën sot. Faleminderit shumë.

(Duartrokitje)