Ron Gutman: Fuqia e fshehur e buzëqeshjes

Kur unë isha fëmijë, gjithmonë doja të isha një superhero. Doja të shpetoja botën dhe t'a bëja çdokënd të lumtur. Por e dija që do më duheshin superfuqi për t'i bërë ëndrrat realitet. Kështu, e kisha zakon të futesha në keto udhëtime imagjinare për të gjetur objekte intergalaktike nga planeti Kripton, që ishte shumë argëtuese, por nuk mora rezultate të mjaftueshme. Kur u rrita, e kuptova që fantashkenca nuk ishte një burim i mirë për të qenë i plotfuqishëm, dhe vendosa në vend të saj, të hipja në udhëtimin real të shkencës për të gjetur disa të vërteta të dobishme.

E fillova udhëtimin tim në Kaliforni me një studim të hollësishëm 30-vjeçar të UC Berkley që ekzaminoi fotot e studentëve në një vjetar të vjetër dhe u mundova të masja suksesin e tyre dhe mirëqenien përgjatë jetës së tyre. Duke matur buzëqeshjet e studentëve, kërkuesit ishin në gjendje të parashikonin sa përmbushëse dhe afagjatë do të jetë martesa e një subjekti, sa e sukseshme do të ishte ajo në testet e standardizuara të mirëqenies dhe sa inspiruese do të ishte ajo tek të tjerët. Në një vjetar tjetër, unë ngela pa frymë me një fotografi të Barry Obamës. Në fillim sapo e pashë atë foto, mendova që këto superfuqi erdhën si pasojë e super kollares së tij. Por unë e di që ishte e gjitha tek buzëqeshja e tij.

Një tjetër moment aha! erdhi nga projekti kërkimor i vitit 2010- i Wayne State University që shikonte në letrat e bejzbollit të viteve para-1950 të lojtarëve së Ligës së Parë. Këta kërkues zubuluan që kohëzgjatja e buzëqeshjes së një lojtari mund të parashikonte në fakt jetëgjatësinë e tij. Lojtarët që nuk qeshnin në fotot e tyre jetuan mesatarisht vetëm 72.9 vjet, ndërsa lojtarët me buzëqeshje rrezatuese jetuan mesatarisht deri në 80 vjeç.

(E qeshur)

Lajmi i mirë është që ne aktualisht kemi lindur duke qeshur. Duke përdorur teknologjinë zanore 3D, ne mund të shohim që edhe bebet në zhvillim duket që qeshin, madje edhe në mitër. Kur ata lindin, bebet vazhdojnë të buzëqeshin -- duke filluar, kryesisht gjatë gjumit. Madje edhe bebet e verbëra qeshin me zhurmën e zërit të njeriut. Buzëqeshja është një nga shprehitë bazë, biologjikisht uniforme, e gjithë qenieve njerëzore.

Në studimet e bëra në Papua Guinenë e Re, Paul Ekman , një nga kërkuesit më të njohur të botës për shprehjet faciale, gjeti që, madje, edhe pjestarët e fisit Fore, që ishin të shkëputur tërësisht nga kultura perëndimore, dhe të njohur për ritualet e pazankonta kanibaleske, i përshtasnin buzëqeshjet sipas situatave të ndryshme në të njëjtën mënyrë siç do ta bëje ti edhe unë. Kështu që nga Papau Guinea e Re deri në Hollivud dhe deri në artin modern të Pekinit, ne qeshim shpesh, dhe ti qesh për të shprehur lumturi dhe kënaqësi.

Sa njerëz janë ulur në këtë dhomë qeshin më shumë se 20 herë në ditë? Ngrini duart lart nqs e bëni. Oh uau. Jashtë kësaj dhome, më shumë se 1/3 nga ne qeshin më shumë se 20 herë në ditë, duke patur parasysh që më pak se 14% e jona qeshin më pak se pesë. Në fakt, ata me më shumë superfuqi mahnitëse janë aktualisht fëmijët të cilët qeshin më shumë se 400 herë në ditë.

A e keni vrarë mendjen pse duke qenë fëmijët vërdallë të cilët qeshin kaq shpesh ju bëjnë edhe juve të qeshni shpesh ? Një studim i fundit në Universitetin e Uppsala-s në Suedi zbuloi se është shumë e vështirë të rrudhesh kur shikon dikë që qesh. Ju pyesni, përse? Sepse buzëqeshja është ngjitëse, dhe ajo mënjanon kontrollin që ne kemi zakonisht në muskujt e fytyrës. Imitimi i të qeshurës dhe përjetimi fizik i saj na ndihmon të kuptojmë kur buzëqeshja jonë është falso apo e vërtetë, kështu që ne mund të kuptojmë gjendjen emocionale të atij që qesh.

Në një studim të kohëve të fundit rreth imitimit në Universitetin e Clermont-Ferrand në Francë, pjesmarrësve iu kërkua të përcaktonin nëse një e qeshur ishte e vërtetë apo falso ndërsa mbanin një laps në gojën e tyre për të përmbajtur muskujt e të qeshurës. Pa laps, eksperimentuesit gjykuan saktë. Por me lapsin në gojën e tyre, ata nuk mundën të imitonin buzëqeshjen që panë, gjykimi i tyre ishte jo efektiv.

(Të qeshura )

Për më tepër duke teorizuar mbi evolimin në " Origjinën e Specieve", Charles Darvin gjithashtu ka shkruajtur teorinë mbi përshtypjen e përgjigjeve faciale. Kjo teori thotë se veprimi i të qeshurit në vetvete aktualisht na bën neve të ndjehemi më mirë-- më shumë se sa e qeshura është një rezultat i të ndierit mirë. Në studimin e tij, Darvini aktualisht ka cituar një neurolog francez, Guillaume Duchene, që pati përdorur shkarkesë elektrike në muskujt facialë që të nxiste dhe stimulonte të qeshurën. Ju lutem, mos e provoni këtë në shtëpi.

(E qeshur)

Në një studim të ngjashëm në Gjermani, kërkuesit përdorën imazheri fMRI për të matur aktivitetin mendor përpara dhe pas injektimit Botox për të ndaluar muskujt e buzëqeshjes. Rezultati mbështeti teorinë e Darvinit duke treguar se reagimi facial modifikon procesin neural të përmbajtjes emocionale të trurit në një mënyrë që na ndihmon për tu ndjerë më mirë kur qeshim. E qeshura stimulon trurin tonë në një mekanizëm shpërblyes në të tillë mënyrë që edhe çokollata--- e konsideruar si një nxitëse e kënaqësisë, nuk i afrohet.

Kërkuesit britanikë zbuluan se një e qeshur mund të gjenerojë të njëjtin nivel të stimulimit të trurit me më shume se 2,000 çokollata. (Të qeshura) Prisni. I njëjti studim zbuloi se e qeshura është aq stimuluese sa të marrësh 16,000 paund në dorë. I bie, 25 mijë dollarë për të qeshur. S'është keq. Dhe mendoni për të në këtë mënyrë: 25,000 herë 400 -- disa kalamaj aty jashtë ndjehen si Mark Zuckenberg çdo ditë.

Dhe, ndryshe nga shumë çokollata, shumë buzëqeshje mund të të bëjnë më të shëndetshëm. E qeshura mund të ndihmojë për të ulur nivelin e hormoneve stres-rritëse si kortizoli, adrenalina dhe dopamina, dhe rritjen e nivelit të hormonëve-gëzues si endorfina dhe ul mbi të gjitha tensionin e gjakut.

Dhe n.q.s kjo nuk mjafton, e qeshura mund t'ju bëjë të dukeni mirë në sytë e të tjerëve. Një studim i fundit në Universitetin e Penn State zbuloi se kur ti qesh jo vetëm që dukesh më i dashur dhe i njerëzishëm, por dukesh edhe më kompetent .

Kështu që, kurdo që ju doni të dukeni mirë i zoti, të ulni stresin apo të përmirësoni martesën, apo të ndjeheni sikur sapo hëngrët një kuti me çokollata të cilësisë së lartë-- pa paguar koston kalorifike-- ose sikurse ju gjetët 25 mijë dollarë në xhepin e një xhakete të vjetër që nuk e vishnit prej vitesh, ose kurdo që doni të keni superfuqi që do t'ju ndihmojnë juve dhe çdo njeri rreth jush të jetojë më gjatë, më shëndetshëm, dhe më lumtur, buzëqesh.

(Duartrokitje)