Noel Bairey Merz: Rreziku kryesor për shëndetin e grave

Një në çdo dy gra do të ballafaqohet me sëmundjen kardiovaskulare gjatë jetës së saj. Pra, ky është vrasësi parësor i grave. Është një sekret i ruajtur për arsye që unë s'i di. Për më tepër, që të jetë edhe më personale-- do të flasim për marrëdhëniet tuaja me zemrën tuaj dhe marrëdhënien e të gjitha grave me zemrat e tyre-- do të zhytemi në politikë. Sepse, jeta personale, siç e dini, është politike. Dhe nuk po bëhen gjëra të mjaftueshme në lidhje me këtë. Dhe tani që po i shohim gratë të mundin kancerin e gjirit përmes fushatës kundër kancerit të gjirit, ja se çfarë duhet të bëjmë tani me zemrën.

Që nga 1984-ra, më shumë gra vdesin në SH.B.A. sesa burra. Pra, kur ne mendonim se sëmundja e zemrës ishte problem kryesisht i burrave-- gjë që s'ka qenë asnjëherë e vërtetë, por ka qenë ajo çka të gjithë besonin gjatë viteve 1950' e 60'. dhe ishte e shkruar në tërë tekstet. Me siguri ka qenë ajo që unë mësoja gjatë trajnimit. Nëse do të dëshironim të mbeteshim seksistë, dhe kjo s'do ishte e drejtë por, n.q.s. ne të vazhdojmë të jemi seksistë, kjo është në fakt sëmundje e gruas. Pra, tani është sëmundja e gruas.

Dhe ajo që shikoni është se vija e burrave, vdekshmëria po shkon poshtë, poshtë, poshtë, poshtë, poshtë. Dhe ju e shihni se vija femërore që në 1984ën, boshllëku po thellohet. gjithnjë e më tepër gra, dy, tre, katër, pesë herë më tepër gra, vdesin nga zemra më shumë se burrat. Dhe kjo është një periudhë e shkurtër kohore që të gjithë faktorët e riskut që ne njohim të ndryshojnë. Ajo që me të vërtetë na sugjerohet në nivelin kombëtar është që mjetet diagnostike dhe terapeutike, që janë zhvilluar nga burrat, për burrat, tek burrat gjatë 50 vjetëve të fundit-- dhe ato funksionojnë disi mirë tek burrat, apo jo? -- nuk po punonin edhe aq mirë tek gratë. kjo pra qe një thirrje vëmendjeje në vitet 80'.

Sëmundja e zemrës vret më tepër gra në çdo moshë se kanceri i gjirit. Dhe fushata e kancerit të gjirit-- po përsëris, kjo nuk është garë. Po përpiqemi ta bëjmë po aq mirë sa edhe fushata kundër kancerit. Ne duhet të jemi po aq të aftë sa edhe kanceri i gjirit për ta adresuar këtë krizë. Tani, kur disa veta e shohin këtë, ngahera ndëgjoj një pasthirrmë. Ne të gjithë mund të mendojmë për dikë, shpesh një grua të re, që ka qenë e goditur nga kanceri i gjirit. Shpesh nuk mundemi ta kujtojmë një të tillë të ketë sëmundje të zemrës. Dhe unë do t'ju them psenë. Zemra i vret njerëzit, shpejt. kështu që kur godet për herë të parë tek burrat dhe gratë, në ½ e rasteve është vdekje e menjëhershme-- nuk të jep rastin të thuash lamtumirë, nuk të jep mundësi të japësh mjekim, as shans të shkosh e të zgjedhësh parukë.

Tek kanceri i gjirit, vdekshmëria sot është ulur në 4 %. dhe kjo tregon për 40 vjetët që gratë janë bërë dorëzanë. Betty Ford, Nancy Reagan u ngritën dhe thanë, "Kam mbijetuar kancerin e gjirit", e ishte tashmë e pranuar të flitej për të. Dhe më pas mjekët kaluan në sulm. E bëmë studimin. Kemi terapi efektive sot. Gratë po jetojnë më tepër se kurrë. Kjo nuk ka ndodhur me sëmundjen e zemrës, por i ka ardhur koha. Nuk po ndodh, e i ka ardhur koha.

Ne kemi një borxh të madh kundrejt këtyre grave. Sikundër e tregoi edhe Barbara në një nga filmat e saj, "Yentl," ajo portretizonte një grua të re e cila donte të edukohej. Donte të studionte Talmudin. E si e edukuan atë atëhere? Asaj i duhej të vishej si burrë të dukej si burrë. Duhej t'i mbushte mendjen njerëzve rreth saj se ishte burrë. që të kishte të njejtat të drejta si burrat. Bernadine Healy, Dr. Healy, ishte kardiologe. Dhe rreth atyre viteve, gjatë 1980's, që pamë vdekshmërinë nga zemra të grave të shkojë lart, lart, lart, lart Ajo shkruajti një artikull në New England Journal of Medicine dhe shpalosi, sindromën Yentl. Gratë po vdesin nga sëmundja e zemrës, dy, tre, katër herë më tepër se burrat. Vdekshmëria nuk po zvogëlohet, po rritet. Dhe ajo vuri në dyshim, parashtroi hipotezën, që kjo është sindromë Yentl?

E tillë është historia. Duke qenë se gratë nuk duken si burra, dhe nuk kanë modelin mashkullor të sëmundjes së zemrës kemi shpenzuar 50 vjetët e fundit duke kuptuar dhe diagnostikuar me sukses dhe mjekuar me sukses e rrjedhimisht, nuk ia njohin sëmundjen e zemrës. Dhe ato thjesht mbaruan. Ato nuk mjekohen, nuk diagnostikohen, e ato nuk përfitojnë dot nga trajtimet më moderne të mjekësisë

Doktoresh Healy rrjedhimisht u bë gruaja e parë drejtore e Institutit tonë të Shëndetit Publik (NIH) Kjo është ndërmarrja biomedikale kërkimore më e madhe në gjithë botën. Dhe ajo financon shumë nga kërkimet e mia. Financon kërkime nga tërë anët. Ishte gjë e madhe për të të bëhej drejtore. Dhe ajo themeloi, megjithë konfliktet, Iniciativën pë Shëndetin e Gruas. Dhe çdo grua në këtë sallë ka përfituar nga kjo iniciativë. na mësoi terapinë e zëvendësimit hormonal. na informoi për çështjen e osteoporozës. Na mësoi për kancerin e gjirit, kolonit tek gratë. Pra, një sasi e madhe diturie megjithëse, si thamë, kundërshtimeve të shumë njerëzve për mos ta bërë, se ishte tepër e shtrenjtë. dhe kuptimi i fshehur ishte se për gratë nuk ia vlente. Ajo tha: "Jo! Më vjen keq. Por, për gratë ia vlen,

që ç'ke me të!". Një pjesë e vogël e fondit WHI që përfundoi në Institutin Kombëtar të Zemrës, Mushkërisë dhe Gjakut, e cila është pjesa e NIH që merret me kardiologji. Dhe ne përftuam studimin WISE-- që do të thotë Vlerësimi i Sindromës Iskemike tek Gratë-- të cilin e kam drejtuar tash e 15 vjet. Studimi kishte për qëllim të pyeste, ç'po ndodh me gratë? Dhe pse gratë po vdesin gjithnjë e më tepër nga sëmundja iskemike e zemrës? Pra, në WISE, 15 vjet përpara, ne filluam të pyesim, "Paska disa vërejtje kyçe dhe ne duhet tu përmbahemi." Dhe kolegët tanë në Washington, D.C. tani vonë kishin publikuar që gratë kur bëjnë infarkte fatale dhe vdesin, në krahasim me burrat-- e përsëri, po flasim për miliona veta, ndodh çdo ditë-- gratë në pllakat yndyrore-- kjo është arteria koronare e tyre, pra, furnizimi kryesor me gjak i vetë muskulit të zemrës-- gratë gërryhen, burrat shpërthejnë. Do të gjeni analogji interesante në këtë fiziologji.

(Hilaritet)

Pra, do të përshkruaj së pari modelin mashkullor të infarktit. Ataku në zemër tip Hollivud. Uhhh! Një dhimbje e tmerrshme gjoksi. EKG-ja shkon pbrrrrhh, dhe doktorët e pikasin këtë EKG abnormale. Është një tromb i madh mu në mes të arteries. dhe nisen për në laboratorin hemodinamik dhe bum, bum, bum e eliminojnë trombin. Ky ishte infarkti i burrave. Disa gra i kanë të këtillë infarktet, por një tufë e tërë grash kanë këtë llojin e infarktit, ku gërryhet, nuk mbushet komplet me tromb, simptomat janë fine, rezultatet e EKG-së janë të ndryshme-- modeli femëror. E, çfarë mendoni se i ngjet këtyre gocave? Shpesh nuk e dallojnë, i dërgojnë në shtëpi. S'e kam të qartë se ç' ishte, mbase gazra?

ne pra e kuptuam këtë e u thamë, "E dini, që ne sot e kemi mundësinë të shikojmë brenda trupit të njeriut me kataterë specialë të quajtur IVUS ultratinguj intravaskularë"? Dhe ne thamë, " Ta zëmë se pllaka yndyrore te gratë është e ndryshme, e depozituar ndryshe, në krahasim me burrat" dhe për shkak të njohurive të përbashkëta se si gratë dhe burrat shëndoshen. e kur i shohim njerëzit se si bëhen obezë, ku shëndoshen burrat? Mu këtu , tamam në një vend-- mu aty. Ku shëndoshen gratë? Në tërë trupin. Celulit këtu, celulit këtu. Dhe ne thamë, " Shikoni, se si gratë janë të afta t'i heqin mbetjet e t'i largojnë, pa ngatërresa. Burrat thjesht i grumbullojnë në një vend." Pra ne thamë, "Le t'i shohim këto."

e verdha është pllaka yndyrore, paneli A është një burrë. Dhe ju e shihni; gunga- xhunga. Ai ka "plënc birre" në arteriet e veta koronare. Paneli B është gruaja, shumë e lëmuar. Ajo e ka shpërndarë bukur e lëmuar. (Hilaritet) Dhe po e bëtë angiogramën kjo e kuqja, mund ta shikoni sëmundjen e burrit. E për 50 vjet me bërjen e këtyre angiogramave, ne i njohim me lehtësi modelin mashkullor të sëmundjes. e vështirë ta shohësh modelin femëror të sëmundjes. Kjo pra ishte zbulim. Cilat janë pasojat e kësaj? gratë bëjnë angiogramë dhe asnjë nuk u thotë dot se kanë problem.

ne sot po punojmë mbi një mënyrë jo-invazive-- përsëri, këto të gjitha janë studime invazive. Idealisht, ju do të kishit qejf ta kryenit këtë pa invazivitet. Dhe përsëri, 50 vjet e stress- testeve të mira e joinvazive, e njihnin mjaft mirë modelin mashkullor të sëmundjes me stress- testet. kjo pra është rezonanca magnetike imazherike e zemrës. Ne po e bëjmë këtë në Cedars- Sinai Heart Institute në Qendrën e Zemrës së Grave. e zgjodhëm këtë për studim. Ky s'është tamam spitali i rrethit tuaj, por shpresojmë ta kryejmë këtë. Dhe kemi hyrë dy vjet e gjysmë në një studim 5 vjeçar.

Kjo ishte e vetmja mënyrë për të parë brendinë e veshjes së zemrës. Dhe po e patë me vëmendje, mund të shihni njollën e errët mu aty. E ky është obstruksioni mikrovaskular. Sindroma, modeli femëror sot quhet disfunksion mikrovaskular koronar, ose obstruksion. Arsyeja e dytë qe e pëlqyem shumë RMI-në. është se s'ka rrezatim. Pra, në vend të skanerit, rrezet-X, thaliumi, për gratë tek të cilat gjoksi qendron përpara zemrës, çdo herë që porosisim diçka që ka qoftë një sasi të vogël rrezatimi, e pyesim veten, " A na duhet metëvërtetë ky test?" Pra jemi shumë të kënaqur nga R.M.I-ja. Akoma nuk mund të shkosh e ta porositësh, por kjo është një fushë aktive kërkimi ku investigimi mbi gratë do të sjelli përparime në fushë për të dy sekset.

Cilat janë pasojat atëherë kur modeli femëror i sëmundjes së zemrës nuk njihet? Kjo është figurë nga një artikull që botova në European Heart Journal verën që shkoi. dhe ishte thjesht piktogramë. sa për të treguar pse gratë po vdesin nga sëmundja e zemrës, megjithë rezultatet e mira të trajtimit që e kemi dhe që e dimë që punon. Dhe kur gruaja ka modelin mashkullor të sëmundjes-- duket tamam si Barbara në film-- marrin mjekim. dhe kur kanë modelin femëror e duken si gra, si Barbara këtu me burrin e saj, ato s'marrin mjekim. këto janë mjekimet tona jetëshpëtuese. dhe kutitë e vogla janë vdekjet. Këto janë pasojat. Dhe këto janë modelet femërore dhe pse ne mendojmë se sindromi Yentl i shpjegon shumë boshllëqe.

Kemi marrë lajme shumë të mira, me studimin e grave, më në fund, në sëmundjet e zemrës. Dhe një nga zonat e avangardës për të cilën po luajmë mendsh është terapia me qeliza staminale (burimore) Po më pyetët, cili është ndryshimi i madh midis burrave dhe grave nga ana fiziologjike? Pse kemi gra edhe burra? Sepse gratë sjellin jetë të re në botë. Këto janë qeliza burimore. Ne hipotetizuam që qelizat burimore mund të jenë më të mira për të identifikuar dëmtim, kryejnë riparime qelizore ose prodhojnë organe të reja, e cila është gjë që po përpiqemi të bëjmë me qelizat burimore. Këto janë qeliza burimore mashkullore dhe femërore. dhe po patët organ të dëmtuar, po patët infarkt në zemër dhe ne të kërkonim të riparojmë zonat e dëmtuara, cilat do të donit këto të fortat, qelizat e bollshme në majë? Apo këta tipat këtu, që duket se kanë dalë për pushim dreke?

(Hilaritet)

Disa nga ekipet tona investigative kanë vërtetuar që qelizat burimore femërore-- kjo është tek kafshët por po e tregojmë në vazhdimësi edhe tek njerëzit-- që qeliza femërore, edhe po i vendose në trupin e mashkullit, ia dalin mbanë më mirë se qelizat mashkullore në trupin e mashkullit. Një nga gjërat që po themi për sa i përket fiziologjisë femërore-- sepse, përsëri, sado të flasim për sëmundjen e zemrës tek gratë, gratë, mesatarisht, kanë jetëgjatësi më të madhe se sa burrat-- se të shpalosësh sekretet e fiziologjisë femërore dhe ta kuptosh atë do të ndihmojë edhe burrat edhe gratë. Pra, fitore nga të tëra anët, sidoqoftë.

Mirë, pra këtu e filluam. Dhe mbani mend, vijat u prenë në 1984ën, dhe gjithnjë e më tepër gra po vdesin nga sëmundjet kardiovaskulare. Çfarë ka ndodhur në 15 vjetët e fundit të punës sonë? Ne po e përkulim kurbën. Ne po e përkulim kurbën. Si puna e kancerit të gjirit, duke kërkuar dhe bërë propagandë, jep rezultate, thjesht vazhdoni në këtë rrugë. A jemi të kënaqur me këtë? Prap kemi dy ose tre gra që vdesin për çdo burrë.

dhe unë do të propozoja, me përmirësimin e jetëgjatësisë që gratë kanë në përgjithësi, gratë teorikisht duhej të dilnin më mirë, po ja dolëm t'i mjekojmë. Këtu pra, kemi mbërritur sot, por kemi akoma shumë për të bërë. Punojmë mbi këtë mbi 15 vjet. Kurse mbi burrat kemi 50 vjet që po punojmë. Jemi mbrapa 35 vjet. Dhe duam të besojmë që do të duhen më pak se 35 vjet. Dhe mbase nuk ka për të qenë aq. po ne s'mund të ndalojmë tani. Shumë jetë varen në fije të perit.

E ç' duhet të bëjmë? Ju tani, shpresojmë, se keni një lidhje më personale me zemrën tuaj. Gratë e kanë ndëgjuar kushtrimin për kancerin e gjirit. dhe kanë dalë në fushatë për ndërgjegjësim. Dhe gratë janë të bindura se duhet të bëjnë mamogramë tani. dhe po mbledhim fonde. Gratë po marrin pjesë. I janë përgjigjur thirrjeve me kuletat e tyre dhe kanë dalë dorëzanë dhe janë bashkuar me fushatën. Kjo është ajo që duhet të bëjmë tani me sëmundjet e zemrës.

Dhe është politike. Shëndeti i grave, nga pikëpamja federale e financimit. ngahera është në modë, ngaherë s'është edhe aq në modë. Pra kemi kohë begatie e kohë varfërie. Ju përgjërohem të bashkoheni me Fushatën e Fustanit të Kuq në këtë mbledhje fondesh. kanceri i gjirit, siç e thashë, vret gratë, por zemra vret shumë më tepër. E nëse mund të jemi po aq të mirë sa me kancerin e gjirit e t'i falim grave këtë përgjegjësi, ne kemi shumë jetë për të shpëtuar.

Ju faleminderit për vëmendjen tuaj.

(Duartrokitje)