Myshkin Ingawale: Analizë gjaku pa gjak

Mua më pëlqen të ndërtoj gjera. Gjithmonë më ka pëlqyer të ndërtoj gjera. Ekipi im në Biosense, një firmë e re që bashkëthemelova me doktorin tim dhe miq inxhinierë, ndërtoi një teknologji të quajtur ToucHB, e cila mund të kryejë testime gjaku të hemoglobinës pa shpime, pa gjilpëra. Unë besoj që kjo do të demokratizojë shëndetësinë. Janë dy fjalë të mëdha, e s'di se ç'do të thonë.

(Hilaritet)

Në fakt, në 2009-ën, aq më tepër s'ia kisha idenë. As e dija fare se ç'do të ndodhte pas kësaj. Në fakt, isha i zënë me përfundimin e doktoraturës sime në një fushë krejt pa lidhje në interaksionet e njerëzve, kontributorëve, se si formohen artikujt në Wikipedia-- duke u përpjekur të kuptoj se si përftohet cilësi nga sistemi. Po ndërtoja diçka të quajtur Rrota e Kopenhagenit, që është një lloj biçiklete, shumë, shumë e bukur elektrike në një laborator në MIT të quajtur SENSEable City Lab. Pata fatin të kthehesha në shtëpi në Mumbai, për pushime.

Në atë kohë po planifikoja një udhëtim për një vend të quajtur Parol rreth dy orë në veri të Mumbait. Ky është vendi ku miku im, Abhishek Sen po bënte stazhin. Ai është doktor atje. Kjo është fotografia e tij e . (Hilaritet) Abhisheku më la të prisja. Ai ishte në Parol dhe po merrte pjesë në lindje. Unë po prisja dhe kur ai doli, ishte nxirë në fytyrë. Me tha se kishin ndodhur dy vdekje; si nëna edhe fëmija, që të dy kishin vdekur. Arsyeja, më tha ai, ishte diçka e quajtur hemorrhagji mbas lindjeje. Ai më shpjegoi që kjo ishte një gjakderdhje e brendshme e rëndë. Por ajo çka ishte vërtet shokuese për mua ishte se ai më tha që kjo ndodhi tërësisht për shkak të anemisë të padiagnostikuar.

Tani anemia-- unë jam inxhinier, por edhe unë e di-- që anemia është diçka që nuk duhet të jetë fatale. Është sëmundje me mjekim të njohur. Janë, acidi folik, tableta hekuri-- ekzistojnë mjekime të lira dhe efektive për të kontrolluar aneminë. Pra, pse po vdiste kjo grua? Ishte tërësisht e parandalueshme. 5 minuta larg prej andej, Kisha qendrën mjekësore, që shpërndante tableta hekuri gratis. Pra, gjithë zanafilla e kësaj ndodhie më shokoi Dhe e dija që duhej të kishte një mënyrë të parandalohej kjo.

Mamaja ime është pediatre, e unë e pyeta. Ajo më tha se kjo është mënyra me të cilën testohet zakonisht anemia. Merret një analizë gjaku dhe kalohet nëpër një makinë të quajtur numëruesi i Coulter'it. Kjo është një makinë me vlerë 10 000 $, e cila gjindej në Mumbai. Është e gjindshme edhe këtu, ose gjithandej besoj, në Evropë dhe në shumicën e qyteteve nëpër botë. Por jo në Parol. Gjithashtu, ajo gruaja që e vinte në punë aparatin, laborantja, nuk mund të gjindet në Parol.

(Hilaritet)

Dhe kjo më bëri përshtypje-- mua më pëlqen të rregulloj gjera. Doja ta ndreqja edhe këtë. E mora një mikun tim, inxhinier edhe tre doktorë të tjerë-- Abhisheku u bashkua me ekipin-- dhe kërkuam ta zgjidhnim këtë problem. Deri sa të kem zbritur prej këndej 10 veta do të kenë humbur jetën për shkak të një problemi, tërësisht, tërësisht të parandalueshëm.

tani le të kthehemi përsëri në Parol. Ju e patë gruan aty, infermieren. Në Indi kjo quhet punonjëse ASHA. Është në parim punonjësja shëndetësore e fshatit, mamia. Ajo është me të vërtetë qendra e sistemit të shëndetit publik. Sistemi shëndetsor mbahet në këmbë nga punonjësi ASHA, jo nga mjeku. tani ne e dinim se duhej shpikur një send që ajo t'ishte në gjendje ta përdorte. Ne e dinim se këto duhet të ishin tri vetitë e aparatit. Ne e dinim që duhej të ishte një send pa nevojën e gjilpërave, pa shpim, që do të mund të mos prodhonte mbetje mjekësore dhe gjithë problemet që pasojnë nga kjo. Duhej të ishte aq e thjeshtë, sa edhe grua e ASHAs ta përdorte. Dhe e treta, të ishte aq e vogël sa të mbahej në çantë. Ajo lëviz nga një fshat në tjetrin duke bërë testime.

Ne menduam se mund ta ndërtonim pra e ndërtuam. (Duartrokitje) Por, nuk punoi. (Hilaritet) Pra, e ndërtuam përsëri. Dhe e bëmë këtë 32 herë. (Hilaritet) Por jam i gëzuar t'ju them që vitin që shkoi e ndërtuam-- e punon. Dhe e kam këtu në cantë. Kjo, pra, është një aparat që quhet ToucHB Quik. Ajo që bën është matje e hemoglobinës, oksigjenit dhe pulsin. E vendos mbi gisht, e ndez, dhe brenda 20 sekondave do të më japë në këtë ekranin e vogël këtu, një vlerë të hemoglobinës, saturacionin e oksigjenit dhe pulsin. Kjo do të ndihmojë punonjëset e ASHAs të diagnostikojnë aneminë në pikat e shërbimit.

(Duartrokitje)

T'ju shpjegoj se si punon Mund ta keni parë dritë e vogël brenda saj. Në fakt, aty janë tre drita, me tre gjatësi vale të ndryshme. Dhe ne kalojmë dritë përmes indeve, dhe duke parë sa përcillet, e sa përthithet e sa shpërndahet, ne marrim vesh se sa hemoglobinë ka në gjak. dhe kjo bazohet mbi parimin e quajtur fotopletizmografi. Ne jemi shumë të gëzuar ndaj të gjitha teknikave joinvazive si kjo të cilat do të jemi në gjendje të zgjidhim në të ardhmen. Stazhieri im, Pratesh ndërtoi një aplikacion portabël, që mund ti dërgojë këto të dhëna gjithandej

Ka një grumbull gjerash shumë eksituese që ne po bëjmë. Do të doja t'ju tregoja pak më shumë. Por, në thelb, ajo që unë besoj është se harta mbas meje është harta e anemisë. Janë vdekjet e shkaktuara nga anemia në rang botëror. Do të vini re, sigurisht, pikat e nxehta-- Azia juglindore, Afrika Plani im i biznesit është shumë i thjeshtë. Do t'ja shes të gjitha klinikave në botë aparatin. Plani shumë i thjeshtë Dhe kur të kem mbaruar, në 2020-ën Dhe OBSH-ja të publikojë këto të dhëna përsëri, E tillë do të jetë harta e anemisë.

(Duartrokitje)

Faleminderit!

(Duartrokitje)