Julia Bacha: Kushtoni vëmendje veprimeve të padhunshme

Unë jam një prodhuese filmash. 8 vitet e fundit, kam dedikuar jetën time dokumentarëve që dëshmojnë punën e izraelitëve dhe palestinezëve të cilët po përpiqen të shuajnë konfliktin duke përdorur mjete paqësore. Në udhetimet e mia për punë nëpër Europë dhe Shtetet e Bashkuara, shpesh lind pyetja: Ku është Gandi palestinez? Pse nuk përdorin palestinezët një rezistencë të padhunshme?

Dhe kjo pyetje është vërtet sfiduese për mua sepse shpesh ndodh që sapo të jem kthyer nga Lindja e Mesme ku kam kaluar gjithë kohën duke filmuar dhjetëra palestinezë që përdorin mjete të padhunshme për të mbrojtur tokën e tyre dhe burimet e tyre ujore nga ushtarët izraelitë dhe kolonizatorët. Këta udhëheqës po përpiqen të nxisin një lëvizje kombëtare të padhunshme për t'i dhënë fund pushtimit dhe për të kthyer paqen në rajon. Dhe prapëseprapë, pjesa e madhe e juaj nuk ka degjuar kurrë për ta. Kjo ndarje midis asaj çka ndodh në terren dhe përshtypja që kemi nga jashtë është një nga arsyet kryesore për të cilat akoma nuk ekziston një lëvizje palestineze paqësore për rezistencë që të ketë patur sukses.

Pra unë jam këtu sot që të flas për fuqinë e përkujdesjes, dhe vëmendjes fuqinë e vëmendjes tuaj, dhe urgjencën për zhvillimin e lëvizjeve të padhunshme në Bregun Perendimor, Rripin e Gazës dhe diku tjetër -- por sot, unë do të përqendrohem vetëm tek Palestina. Unë mendoj se ajo çka pengon rritjen e lëvizjes së padhunshme nuk është fakti se palestinezët duhet të fillojnë të mos përdorin dhunë, por ne duhet të fillojmë të tregojmë vëmendje për ata që tashmë po përdorin mjete të padhunshme. Më lejoni të shpjegoj këtë pikë duke ju folur për këtë fshat të quajtur Budrus.

Rreth shtatë vjet më parë, u përballuan me mundesinë për zhdukje, sepse Izraeli kishte shpallur se do të ndërtonte një kufi ndarës, dhe një pjesë e këtij kufiri do të ndërtohej në maje të fshatit. Ata do të humbnin 40 përqind të tokës së tyre dhe do të ishin të rrethuar, dhe do të humbasnin kalimin e lirë në pjesën tjetër të Bregut Perëndimor. Nëpërmjet udheheqësve të fuqishëm lokal, ata shpallën një fushatë rezistence paqësore që të ndalonin pushtimin.

Më lejoni t'iu tregoj disa copëza të shkurtra filmimesh, që të keni një ide të vogël mbi situaten në ato momente.

(Muzikë)

Grua palestineze: Na thanë se muri mund të ndante Palestinën nga Izraeli. Këtu në Budrus, ne mendojmë se muri do të na vjedhë tokën tonë.

Burrë Izraelit: Muri në fakt ka krijuar një zgjidhje për terrorin.

Burrë: Sot jeni të ftuar në një marshim paqësor. Do të na bashkohen me dhjetëra vëllezër e motra izraelite.

Aktivist izraelit: Asgjë nuk e frikëson ushtrinë më tepër se opozita e padhunshme.

Grua: Ne pamë burrat që përpiqeshin të shtynin ushtarët, por asnjë nga ata s'arriti ta bente. Unë mendoj se vajzat do të mund të arrinin ta bënin.

Anëtar i Partisë Fatah: Ne duhet të zbrasim mendjet tona nga mënyra tradicionale e të menduarit.

Anëtar i Partisë Hamas: Ne ishim në harmoni të vërtetë, dhe donim ta perhapnim harmoninë në të gjithë Palestinën.

Parrullë: Një komb i bashkuar. Fatah, Hamas dhe Fronti popullor! Prezantues lajmesh: Përplasjet në zonën e kufirit vazhdojnë.

Gazetar: Policia kufitare izraelite u dërgua që të shprëndante tufen. Lejoheshin të përdornin forcën nëse ishte e nevojshme.

(Të shtëna armësh)

Burrë: Këto janë të shtëna drejtpërdrejtë. Eshtë si Fallujah. Duke shtënë kudo.

Aktivist Izraelit: Isha i sigurtë që të gjithë do të vdisnim. Por kishte njerëz rreth meje që as nuk po strukeshin.

Ushtar izraelit: Një protestë e padhunshme nuk do të ndalojë (e paqartë).

Protestues: Ky është një marsh paqësor. Nuk është e nevojshme të përdoret dhuna.

Këndim: Ne mund t'ia dalim! Ne mund t'ia dalim! Ne mund t'ia dalim!

Julia Bacha: Herën e parë që dëgjova historinë e Budrus, u habita me faktin që mediat ndërkombëtare nuk kishin mundur të mbulonin këto ngjarje shumë të rëndësishme që kishin ndodhur shtatë vjet më parë, në vitin 2003. Por ajo që më habiti edhe më shumë ishte fakti se Budrus ishte një histori e suksesshme. Banorët, pas 10 muajsh rezistence paqësore, bindën qeverinë izraelite që të spostonin kufirin nga tokat e tyre e në vijën e gjelbër, e cila është një zonë kufiri e njohur nga forcat ndërkombëtare midis Izraelit dhe territoreve Palestineze. Rezistenca e Budrus që atëherë është përhapur dhe në fshatërat përrreth Bregut Perëndimor dhe në lagjet palestineze të Jeruzalemit. Dhe përsëri mediat kanë mbetur në të shumtën e rasteve të heshtura përçka u përket këtyre historive. Heshtja mbart pasoja shumë të thella mbi mundësinë që histori të ngjashme rreth padhunësisë të rriten bile dhe të mbijetojnë, në Palestinë.

Rezistenca e dhunshme dhe rezistenca e padhunshme kanë një gjë të përbashkët: janë që të dyja një formë teatrale që kërkon publik për idetë që mbart. Nëse aktorët e dhunshëm janë të vetmit që fitojnë faqen e parë të gazetave dhe tërheqin vëmendjen ndërkombëtare për çështjet e Palestinës, atëherë është shumë e vështirë për udhëheqësit e padhunshëm që tu shpjegojnë komuniteteve të tyre se mosbindja civile është një variant i mundshëm për të shprehur gjendjen e tyre.

Fuqia e vëmendjes ka shumë mundësi që të jetë më e natyrshme për prindërit në këtë sallë. Mënyra më e sigurtë për të bërë fëmijët të ndalojnë së ulërituri është duke u ofruar vëmendjen që në momentin e parë që fillon e bërtet. Zemërimi do të bëhet ajo çka psikologët e fëmijëve quajnë një sjellje funksionale, për faktin se fëmiu ka mësuar se mund të tërheqi vëmendjen e prindit nëpërmjet zemërimit. Prindërit mund të nxisin ose jo këtë sjellje thjesht duke dhënë ose duke hequr kujdesin ndaj fëmijëve të tyre. Po ky veprim është i vlefshëm dhe për të rriturit. Faktikisht, sjellja e një komuniteti të tërë dhe kombeve të tëra mund të ndikohet, në vartësi të faktit se ku vendosë të drejtojë vëmendjen komuniteti ndërkombëtar.

Unë besoj se zgjidhja për të përfunduar konfliktin në Lindjen e Mesme dhe për të sjellë paqen vjen vetëm nëse ne transformojmë padhunën në një sjellje funksionale duke i dhënë shumë vëmendje udhëheqësve të padhunshëm që ekzistojnë sot në botë. Ndërsa xhiroj filmat e mi nëpër fshatëra në Bregun Perëndimor, në rripin e Gazes dhe në Jeruzalemin lindor, kam parë ndikimin që ka çdo film dokumentar për të ndikuar në trasformim.

Në një fshat që quhet Wallajeh, që ndodhet shumë afer Jeruzalemit, popullata po përjetonte një diçka të ngjashme me Budrus. Ata do të rrethoheshin, dhe do të humbnin tokat e tyre dhe nuk do të ishin më të lirë për të hyrë, në Bregun Perëndimor apo Jeruzalem. Ata ka dy vjet që po përdorin padhunën por dalëngadalë po shuhen sepse asnjëri nuk po u kushton vëmendje. Prandaj ne organizuam një shfaqje të filmit. Një javë më vonë, ata organizuan demostratën me pjesemarrjen më të lartë dhe më të disiplinuar që është organizuar deri më sot. Organizatorët thonë se fshatarët duke parë historinë e Budrus të dokumentuar në një film, ndjenë se dhe ata po bënin të njejtën gjë, dhe se njerëzit kishin interes. Kështu pra mundën të vazhdonin.

Nga ana izraelite, tashmë ekziston një lëvizje që quhet Solidariot, që do të thotë solidaritet në hebraisht. Udhëheqësit e kësaj lëvizje kanë përdorur shembullin e Budrus si një mjet kryesor rekrutimi. Ata thonë se izraelitët që nuk kanë qenë kurrë aktivë, pasi kanë parë filmin, kanë kuptuar rëndesinë e padhunës dhe fillojnë të bashkohen me aktivitetet e lëvizjes. Shembujt e Wallajeh dhe të lëvizjes së Solidariot tregojnë se dhe një film i prodhuar me një buxhet të vogël mund të ketë një rol të rëndësishëm në trasformimin e padhunës në një sjellje funksionale. Imagjinoni fuqinë që mund të kenë mediat e fuqishme nëse fillojnë të interesohen për demonstratat e padhunshme javore që ndodhin nëpër fshatra si Bil'in, Ni'lin, Wallajeh, nëpër lagje të Jeruzalemit si në Sheikh Jarrah dhe Silwan-- atëherë udhëheqësit e padhunshëm do të mund të kishin më tepër vizibilitet do të vlerësoheshin më shumë dhe do të ishin më efektiv në punën e tyre.

Unë besoj se gjëja më e rëndësishme është të kuptojmë se nëse ne nuk i kushtojmë vëmendje mundimeve të tyre, atëherë ata do të jenë të padukshëm, dhe do të jetë sikur nuk ka ndodhur asgjë. Por unë kam parë se nëse ne i kushtojmë vëmendje ata shumëfishohen. Nëse ata shumëfishohen, ndikimi i tyre do të rritet mbi gjithe konfliktin Izraelito-Palestinez. Dhe ajo e tyre, është një lloj ndikimi që mund të zhbllokojë më në fund situatën. Këta udhëheqës kanë vërtetuar se padhuna funksionon në vende si Budrus. Pra le t'iu japim atyre vëmendje në mënyrë që të vërtetojmë se kjo funksionon kudo.

Faleminderit.

(Duartrokitje)