Bill Doyle: Shërimi i kancerit me fusha elektrike

Çdo njeri në shoqërinë tonë është i prekur nga kanceri -- nëse jo personalisht, atëherë përmes ndonjë të dashuri, një anëtari të familjes, kolegu apo përmes ndonjë miku. Dhe kur jetët tona preken nga kanceri, ne mësojmë menjëherë se aty janë tri armë, apo tri vegla që janë në dispozicion për ta luftuar sëmundjen: operacioni, radiacioni dhe kemoterapia. Kur përfshihemi në vendimet terapeutike, prapë personalisht apo me të dashurit tonë dhe anëtarët e familjes, ne poashtu mësojmë shpejtë benefitet, këmbimet dhe limitet e këtyre veglave.

Unë jam shumë falënderues për Jay dhe Mark dhe ekipin e TEDMED që më kanë ftuar këtu sot që t'iu tregoj për një vegël të katërt, një vegël e re, të cilen e quajmë Fushat e Trajtimit të Tumorit. Fushat e Trajtimit të Tumorit janë shpikur nga Dr. Yoram Palti, profesor i nderuar në Technion në Israel. Ata përdorin fusha elektrike me intensitet të ulët për ta luftuar kancerin. Për ta kuptuar se si punojnë Fushat e Trajtimit të Tumorit, ne së pari duhet të kuptojmë se çfarë janë fushat elektrike.

Më lejoni që së pari t'ju tregoj për disa keqkuptime të zakonshme. Së pari, fushat elektrike nuk janë korrent elektrik që shkon nëpër inde. Fushat elektrike nuk janë radiacion ionizues sikurse rrezet-X apo rrezet e protonit të cilat i bombardojnë indet për të përçarë ADN. Fushat elektrike nuk janë magnetizëm. Fushat elektrike janë fusha të forcave. Këto forca veprojnë dhe i tërheqin trupat të cilat kanë ngarkesë elektrike.

Mënyra me e mirë për ta parashikuar një fushë elektrike është të mendosh për gravitetin. Graviteti është poashtu një fushë e forcave që veprojnë në masa. Ne të gjithë mund t'i imagjinojmë astronautët në hapsirë. Ata notojnë të lirshëm në tri dimensione pa përdorur ndonjë forcë në vete. Por kur ajo anije kozmike kthehet në Tokë dhe kur astronautet hyjnë në fushën gravitacionale të Tokës, ata fillojnë t'i vërejnë efektet e gravitetit. Ata fillojnë të tërhiqen drejt Tokës. Kur aterojnë në tokë, ata janë të renditur në fushën gravitacionale. Normalisht në këtë moment, ne të gjithë jemi të ngujuar në fushën gravitacionale të Tokës. Për këtë arsye ju të gjithë jeni ulur nëpër karrige. Dhe për këtë arsye ne e perdorim energjinë e muskujve për t'u ngritur në këmbë, për të ecur dhe për të ngritur gjëra.

Në kancer, qelizat ndahen shumë shpejtë dhe shpie deri te rritja e pakontrolluar e tumorit. Ne mund ta mendojmë një qelizë nga perspektiva elektrike sikurse një stacion i vogël i hapësirës, dhe në atë stacion në kemi materialet gjenetike dhe kromozomet në një bërthamë. Jashtë në 'supën' e citoplazmës ne kemi proteina speciale që nevojiten për ndarjen e qelizave që notojnë lirshëm në këtë 'supë' në tri dimensione. E rëndësishme është se këto proteina speciale janë në mes të pjesëve që i përdorim më së shumti në trupin tonë. Kur fillon ndarja e qelizave, bërthama shpërbëhet, kromozomet renditen në mes të qelizës dhe ato proteinat speciale shkojnë në një sekuencë tri-dimensionale ku ato bashkangjiten dhe zgjaten për të formuar lidhje. Këto lidhje zhvillohen dhe bashkangjiten me materialin gjenetik (ADN) dhe e tërheqin ADN nga një qelizë në dy. Pikërisht kështu është mënyra se si një qelizë e kancerit shumohet në dy qeliza, pastaj nga dy në katër, dhe në fund ne kemi një rritje të pakontrollueshme të tumorit.

Fushat e Trajtimit të Tumorit përdorin rrjedhës të jashtëm të bashkangjitur në një gjenerator të fushës për të krijuar një fushë elektrike artificiale në atë stacion të hapësirës. Dhe kur stacioni qelizor i hapësirës është brenda në fushën elektrike, vepron në ato proteinat me ngarkesë të lartë dhe i rendit ato, me ç'rast e ndalon formimin e atyre lidhjeve, atyre boshteve mitotike, që janë të nevojshme për të tërhequr ADN në qelizat e sapo formuara. Ajo që ne shohim është se qelizat do të mundohen që të ndahen për orë të tëra. Ato ose do të hyjnë në të ashtuquajturën vetëvrajsen qelizore, pra vdekje e programuar e qelizës; ose ato do të formojnë qeliza me shëndet të ligë dhe do të hyjnë në apoptozi sapo të ndahen. Dhe ne mund ta shikojmë këtë!

Ajo që do t'ju shfaq tani janë dy eksperimente laboratorike. Kjo është një koloni, koloni identike të qelizave të kancerit të qafës. Ne i kemi njollosur këto koloni me një ngjyrë të gjelbërt në mënyrë që ti shikojmë këto proteina të cilat i formojne ato lidhje. Klipi i parë tregon një ndarje normale të qelizës pa Fushat e Trajtimit të Tumorit. Çfarë mund të shohim janë, së pari, një koloni shumë aktive, shumë ndarje dhe pastaj bërthama shumë të qarta pas ndarjes së qelizave. Ne mund të shohim se si ato ndahen. Kur ne i vendosim fushat -- prapë, në të njejtën kohë në koloninë identike -- do të shihni diçka më ndryshe. Qelizat mblidhen për ndarje por ato qëndrojnë në vendin e njejtë. Ne do t'i shohim dy qeliza ne pjesen e sipërme të ekranit qe po mundohen të ndahen. Ajo brenda rrethit ia del mbanë. Por shikoni se një pjesë e madhe e proteinës është ende në bërthamë, edhe në qelizën ndarëse. Ajo lart nuk mund të ndahet aspak. Dhe pastaj ky flluskim i membranës është vula e apoptozës në këtë qelizë.

Formimi i boshteve të shëndetshme mitotike është i nevojshëm për ndarje në të gjitha llojet e qelizave. Ne e kemi aplikuar këtë Trajtim të Tumorit me Fusha në mbi 20 kancere te ndryshme dhe e kemi parë këtë efekt në secilen prej tyre. Tani është e rëndësishme të cek se këto Fusha të Trajtimit të Tumorit nuk kanë efekt në qelizat normale që nuk ndahen.

Para një dekade, Dr. Palti e themeloi një kompani të quajtur Novocure për ta zhvilluar zbulimin e tij në një terapi praktike për pacientët. Në atë kohë, Novocure ka zhvilluar dy sisteme -- një sistem për kancerët në kokë dhe një sistem tjetër për kancerët në pjesën qendrore të trupit. Kanceri i parë në të cilin ne jemi fokusuar është kanceri vrases i trurit, GBM. Rreth 10,000 njerëz në SHBA kanë GBM çdo vit. Është një dënim me vdekje. Shancat për mbijetesë për pesë vite janë më të ulëta se pesë përqind. Pacienti qe e ka këtë kancer me një terapi optimale mbijeton pak më shumë se një vit dhe së paku shtatë muaj që nga koha kur kanceri është mjekuar së pari, dhe pastaj kanceri vjen dhe fillon të rritet prapë.

Novocure e ka bërë fazen e parë të kësaj metode ne 3 prova në pacientë me GBM të përsëritur. Pra kta janë pacientët të cilët kanë bërë operacione, kane marrë doza të mëdha radiacioni në kokë dhe kemoterapi të fazës së parë, gjë që ka dështuar dhe tumoret kanë filluar të rriten sërish. Ne i kemi ndarë pacientët në dy grupe. Grupi i parë ka marrë kemoterapi të fazës së dytë e cila pritet që ta dyfishojë shpresën për jetesë kundër jo mjekimit. Grupi i dytë ka marrë vetëm terapinë per Trajtimin e Tumorit me Fusha. Ajo që e pamë në atë provë ishte se shpresa për jetë e të dy grupeve -- pra të grupit të mjekuar me kemoterapi dhe atij me Fusha per Trajtimin e Tumorit -- ishte e njejtë. Por është e rëndësishme të cek se grupi me Trajtim te Tumorit me Fusha nuk ka vuajtur nga efektet anësore qe janë tipike për pacientet e kemoterapisë. Ata nuk kishin dhimbje dhe nuk kanë vuajtur nga infeksionet. Ata nuk kishin të vjellura, diarre, barkëqitje dhe nuk ishin ekstremisht të lodhur gjëra të cilat priteshin.

Duke u bazuar në këtë provë, në Prill të këtij viti, FDA e ka pranuar Trajtimin e Tumorit me Fusha si lloj mjekimi per pacientët me GBM të përsëritur. E rëndësishme të cek është se ishte hera e parë qe FDA e ka përfshirë në miratimin e mjekimit onkologjik një kualitet të posedimit të jetës.

Pra, tani do t'ju shfaq njërin nga pacientët nga kjo provë. Robert Dill-Bundi është një kampion i famshëm i çiklizmit në Zvicër. Ai e fitoi medalen e artë në Moskë në garën për 4,000 metra. Para pesë viteve, Roberti u diagnostifikua me GBM. Ai i mori mjekimet standarde. Ai hyri në operacion. Ai mori një dosë të madhe radiacioni në kokë dhe e mori klasin e parë të kemoterapisë. Një vit pas mjekimit -- në fakt, kjo është baza e MRI (rezonanca magnetike) së tij. Ju mund të shihni se regjionet e zeza në kuadrantin e djathtë të sipërm janë pjesët ku ai kishte bërë operacion. Një vit pas mjekimit të tij, tumori u rrit prap me një hakmarrje. Ajo pjesa e bardhë e turbullt është rishfaqja e tumorit.

Në këtë pikë, doktorët i thanë atij se ai kishte vetëm rreth 3 muaj jetë. Ai hyri në provat tona. Ja këtu mund ta shihni atë duke e marrë terapinë. Së pari, këto elektroda nuk janë pushtuese. Ato janë të bashkangjitura në lëkurë në pjesën e tumorit. Këtu mund të shihni se një teknik është duke i vendosur ato më shumë si fasha. Pacientët mësojnë ta bëjnë këtë vetë. Dhe pastaj pacientet mund t'i bëjnë të gjitha aktivitetet e jetës së tyre. Nuk ka lodhje. Nuk ka aspak nga ajo që quhet "koka kemo." Nuk e ndjen fare. Nuk ndërhynë në kompjuterë apo pajisje elektrike. Terapia dërgohet vazhdimisht në shtëpi, pa pasur nevojë për të shkuar në spital, qoftë vazhdimisht apo herë pas here.

Këto janë MRI-të e Robertit, pra vetëm në trajtimin me fusha elektrike. Kjo është një terapi që i duhet një kohë e gjatë për të punuar. Është një pajisje mjekësore; punon kur është e ndezur. Por ajo që mund të shohim është se për 6 muaj, tumori është përgjigjur dhe ka filluar të largohet apo të tretet. Por është ende aty. Pas 12 muajve, ne mund të argumentojmë nëse aty ka ende pak material përreth në skaje, por, është zhdukur tërësisht. Kanë kaluar pesë vite qe nga diagnoza e Robertit dhe ai është i gjallë, por poashtu e rëndësishme, ai është i shëndoshë dhe punon. Tani do ta lejoj atë që në këtë klip të shkurtër, t'i përshkruaj përshtypjet e terapisë në fjalët e veta.

(Video) Robert Dill-Bundi: E çmoj shumë kualitetin e jetës sime dhe atë që kam sot ndryshe nga supozimet që shumica e njerëzve do t'i kishin. Unë jam njeriu me i lumtur në botë. Në çdo moment unë e çmoj jetën time. Çdo natë unë fle shumë mirë dhe e përsëris, jam njeriu më i lumtur në botë dhe jam falënderues që jam i gjallë.

BD: Novocure është poashtu duke punuar në kancerin e mushkërive si një objektiv dytësor. Ne kemi bërë një provë të fazës së dytë në Zvicer prap në pacientë me tumor të rishfaqur -- pacientë të cilët kanë marrë terapi standarde dhe kanceri është rishfaqur. Unë do t'ju shfaq edhe një klip tjetër të një gruaje të quajtur Lydia. Lydia është një fermere 66 vjeçare që jeton në Zvicër. Ajo u diagnostifikua me kancer në mushkëri 5 vite më parë. Për dy vite, ajo hyri në 4 regjime të ndryshme të kemoterapisë, te cilat nuk patën ndonjë efekt. Kanceri i saj vazhdimisht rritej. Para 3 viteve, ajo hyri në provat e Novocure për kancer të mushkërive.

Mund ta shihni se në rastin e saj se ajo i ka vënë grupin e dhënësve një përpara krahërorit, një mbrapa në shpinë, dhe pastaj një palë tjetër përreth mëlçisë. Ju mund ta shihni gjeneratorin e Fushës për Trajtimin e Tumorit, por më e rëndësishmja është se mund ta shihni atë duke e jetuar jetën e saj. Ajo është duke e menaxhuar fermen. Ajo është duke bashkëvepruar me fëmijët dhe nipat e saj. Kur ne kemi folur me të, ajo na tha se kur ishte duke e bërë kemoterapinë, ajo duhej të shkonte në spital çdo muaj për të marre infuzione. E gjithë familja e saj vuante se si paraqitja e saj nga efektet anësore sa vinte e shkonte. Tani ajo mund t'i bëj të gjitha aktivitetet e fermës së saj. Është vetëm fillimi.

(Duartrokitje)

Në laborator ne kemi vezhguar sinergjitë e tmerrshme ndërmjet kemoterapise dhe Trajtimit te Tumorit me Fusha. Tani po bëhet një hulumtim në shkollën mjekësore të Harvardit për ti marrë palët optimale për ta shtuar në maksimum atë benefit. Ne poashtu besojmë se Trajtimi i Tumorit me Fusha do të punojë me radiacion dhe do t'i pengojë mekanizmat posedues të vetë riparimit. Poashtu tani është një tjetër projekt hulumtimi që po zhvillohet ne Karolinska të Suedisë për ta vërtetuar atë hipotezë.

Ne kemi planifikuar më shumë prova për kancerin e mushkërive, kancerin në pankreas, kancerin në vezore dhe kancerin e gjirit. Dhe unë në mënyrë të vendosur besoj se në 10 vitet e ardhshme Trajtimi i Tumorit me Fusha do të jetë një armë e gatshme për doktorët dhe pacientët për të gjithë ata tumorët që janë më të vështirët për tu shëruar. Unë poashtu shpresoj shumë se në dekadat e ardhshme ne do të ecim përpara për ta zvogëluar normën e vdekjes që ka qenë shumë sfiduese në këtë sëmundje.

Faleminderit.

(Duartrokitje)