Amit Sood: Ndërtimi i muzeut të muzeve në web

Më quajnë Amit. 18 muaj më parë, beja një punë tjetër në Google, dhe i propozova idenë, për të bërë diçka me muzetë dhe artin shefes time që ndodhet diku këtu, dhe ajo më lejoi ta bëj. U deshën 18 muaj. Mund t'iu tregoj plot histori e negociata argëtuese me 17 muze shumë interesante nga nëntë vende. Por do të përqëndrohem në demostrim. Ka shumë histori mbi arsyet pse e bëjmë këtë.

Unë mendoj se historia ime personale është shpjeguar shumë thjeshtë në figurë, dhe është qasja. Unë jam rritur në Indi. Kam marrë një arsim të mirë- Nuk po ankohem - por unë nuk kisha qasje në shumë prej këtyre muzeve dhe këto vepra arti. Dhe kështu kur fillova të udhëtoj e të shkoj në keto muzeume, fillova të mësoj shumë. E, ndërsa punoja në Google, u mundova ta transformoj këtë dëshirë ta bëj atë më të arritshme në sajë të teknologjisë. Kështu ne mblodhëm një grup të madh njerëzish, dhe filluam ta bëjmë këtë.

Do të filloj me demostrimin dhe pastaj do t'iu them disa nga gjërat më interesante që kemi pasur që nga fillimi. Pra, e thjeshtë: keni ardhur në GoogleArtProject.com. I hedh një sy të gjitha këtyre muzeve këtu. Keni Galerinë Uffizi, keni MoMA, muzeun Hermitage, muzeun Rijks, muzeun e Van Gogh. Unë do të hyj në një nga të preferuarat e mia, Muzeu Metropolitan i Artit në Nju Jork. Dy mënyra për të hyrë - shumë e thjeshtë. Kliko dhe, ja, ju ndodheni në muze. Nuk ka rëndësi se ku ndodhesh - Bombei, Meksikë, nuk ka rëndësi. Mund të lëvizesh rreth e rrotull, është kënaqësi. Dëshironi të shetisni rreth e rrotull muzeut? Hapni planin, dhe, me një klik, të transporton. Ju jeni këtu, por doni të shkoni deri në fund të korridorit. Vazhdo. Bej qejf. Exploro.

(Duartrokitje)

Falemnderit. Nuk kam arritur akoma tek pjesa më e bukur.

(Të qeshura)

Tani unë jam para njëres nga pikturat e mia të preferuara, "Korrësit" nga Bruegel Pieter në Met. Shoh këtë shenjë plus. Nëse muzeu na ka dhënë foton, ju klikoni mbi atë. Kjo është një nga fotot. Pra, ky është i gjithë informacioni i të dhënave. Për ata që janë të interesuar me të vërtetë në art, ju mund të klikoni këtë - por unë nuk do ta bëj tani. Dhe kjo është një nga këto foto që ne kemi kapur me teknologjinë që e quajmë gigapixel. Ky imazh, për shembull, ështe i përberë, mendoj, nga rreth 10 miliard pixel. Shumë njerëz më pyesin: "Çfarë përfiton nga 10 miliardë piksel?" Kështu që do të përpiqem t'iu tregoj se çfarë përfitoni me të vërtetë nga 10 miliard pixels. Ju mund të zmadhoni rreth e rrotull shumë thjeshtë. Ju shikoni disa gjëra të lezeçme këtu. Më pelqen ky djali, shprehja e tij s'ka të paguar.

Por pastaj ju vërtet doni të hyni më thellë. Dhe kështu fillova të luaj përrreth, dhe gjeta që po ndodhte diçka këtu. Dhe thashë, "Prit. Kjo duket interesante." Duke i vërejtur nga afer, zbulova që këta fëmijë në fakt po rrihnin diçka. Bëra ca hulumtime, u keshillova me kontaktet e mia në Met, dhe në fakt kuptova se kjo është një lojë e quajtur "squail", e cila bëhet duke goditur një patë me shkop ditën e Mardi Gras. Dhe kjo me sa duket qe mjaft e përhapur. Nuk e kuptoj pse e bënin, por të paktën mësova diçka. Tani duke u zhytur më thellë, ju mund të shikoni plasaritjet. Për t'iu dhënë një ide, do të zvogëloni, per të parë atë që perfitoni. Ja ku ishim, dhe kjo është piktura.

(Duartrokitje)

Pjesa më e bukur s'ka ardhur akoma - një sekondë. Tani me shpejtesi të hidhemi te MoMA, përsëri në Nju Jork. Një tjetër nga të preferuarat e mia, "Nata me yje". Shembulli që ju tregova ishte i gjithi mbi detajet, Por, nëse ju doni të shihni penelatat? Dhe sikur te doni të shihni se si Van Gogh krijoi këtë kryevepër? Ju zmadhoni. Ju futeni brenda. Unë do t'iu tregoj një nga pjesët e mia të preferuara në këtë pikturë, Dhe mund t'i shoh plasaritjet. Kjo është "Nata me yje", Siç nuk është parë ndonjëherë.

Do t'iu tregoj një funksion tjetër të preferuar timin. Ka shumë gjëra të tjera këtu, por unë nuk kam kohë. Kjo është vërtet pjesa më bukur. Quhet Koleksionet. Çdonjeri nga ju, - nuk ka rëndësi nëse je i pasur,i varfër, nëse ke shtëpi luksoze- nuk ka rëndësi. Ju mund të shkoni dhe të krijoni online muzeun tuaj - të krijoni koleksionin tuaj me të gjitha këto imazhe. Shumë thjeshtë, ju hyni - dhe unë kam krijuar këtë të quajtur Fuqia e Zoom - ju mund të bëni zoom rreth e rrotull. Kjo është "Ambasadorët", ekspozuar në Galerinë Kombëtare. Ju mund të vini shënime, t'iu dërgoni miqve dhe të bëhet objekt diskutimi për atë që ndjeni kur parakaloni këto kryevepra.

Kështu që mendoj se, për të përfunduar, për mua, gjëja kryesore është se të gjitha gjërat e mahnitshme këtu nuk vijnë në të vërtetë nga Google. Po ashtu nuk vijnë as nga muzeumet, sipas mendimit tim. Unë ndoshta nuk duhet ta them këtë. Në të vërtetë vijnë nga artistët. Kjo ka qënë përvoja ime. Dua të them, që shpresoj se me këtë mjet dixhital i japim vendin e merituar punes së tyre dhe e përfaqësojmë ashtu si duhet online. Dhe pyetja e madhe që më bëjnë aktualisht është, "E keni bërë këtë për të replikuar eksperiencën e vizitës në muze? Dhe përgjigja është jo. Është për të plotësuar eksperiencën.

Kaq ishte. Ju faleminderit.

(Duartrokitje)

Ju faleminderit.

(Duartrokitje)