Адити Шанкардас: Эмгэг согогийг судлах 2-догч бодол

Намайг 10 настай байхад, миний нэг хамаатан анагаахын сургуулийн нээлттэй өдөрлөгт хамт дагуулж явсан юм. Тэгээд намайг тусгайлан патологын лаборатор луу дагуулж явсан. тэгээд хүний жинхэнэ тархийг... шилэн хоргон дотроос гаргаж ирээд, миний гар дээр тавьж билээ. Гэтэл тэр нь хүн төрөлхтний оюун ухааны үндэс, хүний биеийн гол цөм, миний гар дээр байж байв. Тэгээд тэр өдөр би том болоод, тархиний эмч, эсвэл эрдэмтэн эсвэл өөр ямар нэгэн мэргэжилтэн болох юм байна гэдгээ мэдсэн.

Хэдэн жилийн дараа, намайг том болох үед, миний мөрөөдөл биелэсэн юм. Миний докторын ажил болох хүүхдэд тохиолддог "dylsexia" өвчний мэдрэлийн системийн шалтгааныг олох судалгааг хийж байхдаа тулгарсан гайхмаар зүйлийн талаар өнөөдөр та бүхэнтэй хуваалцая. Зургаан хүүхэд тутамын нэг нь, зургаан хүүхэд тутамын нэг нь, хөгжлийн бэрхшээлээс болж шаналж байна. Энэ нь хүүхдийн оюуны хөгжлийг саатуулдаг төдийгүй насан туршдаа мэдрэлийн согогтой болоход хүргэдэг өвчин юм. Энэ нь юу гэсэн үг вэ гэвэл өнөөдөр энд цугласан хүн бүр хөгжлийн бэрхшээлээс болж зовж, шаналаж байгаа хамгийн багадаа нэг хүүхдийг мэддэг гэсэн үг юм.

Энд гэхдээ миний санааг юу зовоож байна гэхээр, хэдийгээр эдгээр өвчин эмгэг болгон тархинаас үүдэлтэйг мэдэх боловч, эдгээр өвчин эмгэгийн ихэнхийг нь ганцхан харагдаж буй байдал дээр нь тулгуурлан оношлож байгаа явдал юм. Үнэндээ тархины эмгэгийг уураг тархийг авч үзэлгүйгээр оношлох гэж оролдох нь зүрхний өвчтэй хүнийг гадаад шинж тэмдгээр нь ECG болон рентген зураг авалгүйгээр эмчлэхтэй адилтгаж болно. Миний бодлоор, тархины эмгэгийг зөв оношлож, эмчлэхийн тулд юун түрүүнд тархины талаар авч үзэх хэрэгтэй нь зүй ёсных мэт санагдана. Зөвхөн байгаа байдлаар нь дүгнэх нь эвлүүлдэг тоглоомын зангилаа хэсгийг орхигдуулахтай адил. Ингэснээр бүрэн бус, мөн андуу ташаа дүр зургийг өгөхөд хүргэдэг. Хэдийгээр анагаах ухааны технологи хөгжиж байгаа ч, зургаан хүүхэд болгоны нэгэнд байгаа тархины эмгэгийг оношлох явдал одоо болтол хязгаарлагдмал байгаа юм.

Би Харвардын их сургуулийн багийнхантай санамсаргүй таарсан юм. Тэд анагаахын дэвшилтэт технологийг судалж байсан бөгөөд амжилтанд хүрчээ. Тэд тархины талаар судлахын оронд, хүүхдийн тархины эмгэгийг оношлоход чиглэсэн аж. Тэдний санаачилсан технологи нь тархины EEG болон цахилгааны идэвхтэй байдлыг шууд, бодит байдал дээр хэмжих юм. Энэхүү шинэ технологийн ачаар тархины үзүүлж буй янз бүрийн үйлдэлүүдийг ажиглаж, харах, анхаарал төвлрүүлэх, ярих, сонсох зэрэг үйлдлүүд дундаас үл ялиг гажигийг хүртэл илрүүлж чаддаг. Энэхүү Тархины Цахилгаан Идэвхжилтийн Буулгалт хэмээх програм тархин дахь гаж эмгэгийг олж харуулдаг юм. Статистик Магадлалын Буулгалт гэдэг өөр нэг програм эдгээр согогуудын аль нэг нь эмчилгээнд ач холбогдол үзүүлэхүйц эсэхийг тодорхойлохын тулд математикийн тооцоолол ашигладаг. Ингэснээр хүүхдийн өвчний мэдрэлийн системийн нарийвчилсан оношлогоог гаргаж өгч байгаа юм. Тэгээд би энэхүү багийн неорофизиологийн ахлагч болж ажилласан. Ингэснээр бид энэхүү шинэ технологийг тархины эмгэгтэй хүүхдэд туслах үйлсэд ашиглах боломж бүрдсэн. Би энэхүү технологийг Энэтхэгт суурьшуулан ашиглах ажил яг одоо явагдаж байгааг хэлэхдээ таатай байна.

Би та бүхэнд нэгэн хүүхдийн талаар өгүүлэхийг хүслээ. Түүний түүхийг ABC News бас үзүүлсэн юм. 7-н настай Жастин Сенигар манай эмнэлэгт маш хүнд аутизмын оноштой ирсэн юм. Бусад олон аутизмтай хүүхдүүдийн адил, түүний оюун санаа бие мах бодь дотор нь түгжигдсэн байв. Тухайн үед хүүгийн ухаан санаа хэсэг хугацаанд орж гарах үе хүртэл байдаг байв. Эмч нар түүний эцэг эхэд хүү хэзээ ч нийгэмтэй харьцаж чадахгүй хэмээн хэлдэг байжээ. мөн түүнийг саадгүйгээр ярина гэдэгт эргэлзэж байлаа.

Бид EEG-ийн энэхүү шинэ технологийг Жастиний тархийг ажиглахад ашиглаж эхлэх үед, гайхмаар үр дүн харагдаж эхэлсэн юм. Ажиглалтын үр дүнд Жастин хүү үнэндээ аутизм-тай бус тархины саа өвчнөөр шаналж байсныг тогтоосон юм. Үүнийг энгийн нүдээр оношлох боломжгүй бөгөөд энэхүү саа өвчин нь аутизмтай төстэй, адил шинж тэмдгийг үзүүлж байсан байна. Жастин саа өвчний эсрэг эм хэрэглэсний дараа, өөрчлөлт үнэхээр гайхамшигтай байв. 60-н өдрийн дотор түүний үгийн сан 2, 3-хан үгээс 300 үг болтол өсөв. Түүний харилцааны болон нийгмийн харилцаа мэдэгдэхүйцээр сайжрав. Тэр энгийн сургуульд хүртэл оров. Түүгээр ч барахгүй каратегийн супер-аварга болов.

Судалгаагаар, аутизмтай хэмээн оношлогдсон хүүхдийн 50% нь бараг 50% нь үнэндээ тархины нуугдмал саа өвчтэй байгааг харуулж байна. Энэ бол миний туршсан хүүхдүүдийн нүүр царай. Жастинтай адил түүхтэй. Энэ бүх хүүхдүүд манай клиникт аутизм, анхаарал дутагдлын эмгэг, оюун ухааны хомсдол, хэл ярианы асуудалтай гэсэн оноштой ирсэн. Харин бидний EEG-ын шинжилгээгээр тэдний тархинд хүүхдийн гадаад байдлаас нь оношлох боломжгүй маш онцгой, нуугдмал асуудал байсныг илрүүлсэн юм. EEG шинжилгээ нь бидэнд эмгэгтэй хүүхдүүдийн талаар илүү оновчтой мэдрэлийн системийн оношийг өгч, ингэснээр тохирсон эмчилгээг хийх боломжоор хангаж байгаа юм.

Удаан хугацааны турш, хөгжлийн бэрхшээлтэй хүүхдүүд буруу оношлогдсноос улбаалан тэдний жинхэнэ өвчны эх сурвалж нь танигдалгүй явснаас улам бүр дордож байсан юм. Удаан хугацааны турш, хүүхэд болон түүний эцэг эх уур уцаар, цөхрөл дунд зовж байсан юм. Харин одоо бол мэдрэлийн шинжлэх ухааны шинэ үе. энэ үед бид тархины үйл ажиллагааг үйлдэл дээр нь, шууд, ямар нэгэн эрсдэл, гаж нөлөө, хор хөнөөлгүйгээр ажиглаж олон олон эмгэгтэй хүүхдүүдийн өвчний жинхэнэ эх сурвалжийг олж чадаж байна.

Тиймээс өнөөдөр цугласан та бүхнийг оношлогооны энэхүү шинэ аргыг хөгжлийн бэрхшээлээс болж шаналаж буй нэг ч болтугай хүүхдийн эцэг эхэд дуулгахыг уриалж байна. Ингэснээр магадгүй бас нэгэн тархины бас нэгэн асуудал шийдвэрлэгдэх болно. Бас нэгэн оюун ухаан хүлээснээс тайлагдах болно. Түүнчлэн бас нэгэн буруу оношлогдсон, эсвэл оношлогдож чадаагүй бас нэгэн хүүхэд өөрсдийн тархийг эргээн сэргээх цаг хугацаа байгаа гэдгийг мэдэх боломжтой болно. Энэ бүгдийг тархины зургийг ажигласнаар л хийж байна.

Баярлалаа.

(Алга ташилт)