Филип Зимбардо: Изчезнувањето на мажите?

Денес, би сакал да се осврнеме на исчезнувањето на момчињата. Момчињата го напуштаат училиште, исчезнуваат од друштвата на девојки и од сексот со жени. Освен тоа, друг проблем нема. А какви се податоците? Податоците за напуштање на училиштето се неверојатни. Момчињата со 30% поголема веројатност од девојчињата ќе го напуштат училиштето. Во Канада, пет момчиња напуштаат на секои три девојки. Девојките денес ги надминуваат момчињата на секое ниво, од основно училиште до факултет. Постои разлика од 10 проценти помеѓу стекнување диплома, на сите факултети, со момчиња кои заостануваат зад девојки. Две третини од студентите во поправните училишта се момчиња. И како што сите знаете, момчињата пет пати повеќе од девојчињата се етикетирани со растројството недостаток на внимание - и за тоа им го препишуваме лекот Ritalin.

Кој е доказот за исчезнувањето? Прво, тоа е новиот страв од интимност. Интимноста значи физичко, емотивно поврзување со некој друг - и особено со некоја од спротивниот пол која дава двосмислени, контрадикторни, светлосни сигнали. (Смеење) Секоја година се врши истражување на самопријавени срамежливи доброволци студенти. Гледаме постојан пораст кај мажите. Постојат два вида на срам. Постои друштвена нелагодност. Старата срамежливост беше страв од одбивање. Оваа друштвена нелагодност е како да сте странец во некоја туѓа земја. Не знаат што да кажат, не знаат што да прават, особено кога ќе се најдат насамо со некој од спротивниот пол. Не го знаат јазикот на контакт со лице, невербалните и вербални правила кои ви овозможуваат пријатно да поразговарате со некој друг, да сослушате некој друг.

Постои нешто на што работам и што го нареков синдром на друштвен интензитет, со кој се обидувам да откријам зошто момчињата преферираат машко дружење наместо средби со жени. Излегува дека од најрано детство, момчињата, а подоцна и како мажи, преферираат машко друштво, да бидат во друштво на мажи. Овде станува збор за кортикално надразнување, бидејќи момчињата со други мочиња биле во тимовите, клубовите, банди, братства, особено во војска, а и во кафани. А врв на ова е финалето на фудбалското првенство кога момчињата повеќе сакаат да се во кафе бар со непознати, и да го гледаат преоблечениот Арон Роџерс од Грин Беј Паркерс, наместо Џенифер Лопез потполно гола во кревет. Проблемот е во тоа што сега го преферираат асинхронистичкиот свет на интернет наместо спонтаните интеракции во меѓучовечките односи.

Кои се причините? И тоа е неочекувана последица. Мислам дека во глобала причината е прекумерното користење интернет, прекумерно играње видео игри и прекумерен пристап до порнографија. Проблемот е во тоа што ова се зависности од надразнетост. Кај зависноста од дрога едноставно бараш повеќе. Кај зависноста од надразнетост, бараш поинаку. Дрога: сакаш повеќе од истото - овде поинаку. Потребно е нешто ново за да се одржи надразнетоста.

А проблемот е што индустријата тоа го нуди. Jane McGonigal минатата година ни кажа дека едно момче до својата 21 година поминува 10.000 часови на видео игри поголемиот дел од тоа во изолација. Ќе се сетите, Cindy Gallop ни кажа дека мажите не ја знаат разликата помеѓу водење љубов и порнографија. Просечно момче денес гледа 50 порнографски видео клипови неделно. А некаде, некој гледа и стотина, се разбира. (Смеење) Порнографската индустрија е најбрзо растечката индустрија во Америка, 15 милијарди годишно. На секои 400 филмови снимени во Холивуд, сега имаме 11.000 порнографски филмови.

Резултатот е, накратко, овој нов вид на надразнетост. Мозоците на децата се дигитално трансформирани на целосно поинаков начин и бара промени, новитети, возбуда и постојано надразнување. Тоа значи дека се целосно неускладени со традиционалните класи, кои се аналогни, статички и интерактивно пасивни. Исто така се целосно неускладени во романтичните односи, кои се градат постепено и нежно.

И кое е решението? Тоа не е моја работа. Јас укажувам на проблемот. Ваша работа е да го решите.

(Смеење)

(Аплауз)

Но кој би требало да се загрижи? Единствените кои би требало да се грижат се родителите на момчињата и девојчињата, просветните работници, производителите на игри и филмови, и жените кои посакуваат вистински маж со кој можат да разговараат и да танцуваат, кој може да води љубов полека и да придонесува кон еволуциските притисоци да нашиот вид го одржи над банана-полжавот. Без навреда за сопствениците на банана-полжави. Ви благодарам.

(Аплауз)