Пети Меис го демонстрира „Шестото сетило“, портабилна технологија која ги менува правилата на игра на ова поле

Ме заинтригира прашањето дали може да еволуираме или развиеме шесто сетило -- сетило кое ќе ни даде беспрекорен и лесен пристап до мета-информации или информации кои може да постојат некаде а кои може да се релевантни за да ни помогнат да донесеме правилна одлука за било што низ што проаѓаме. Некои од вас може да кажат, добро, зарем денешните мобилни телефони веќе не го овозможуваат тоа? Но јас би рекла - не. Кога ќе сретнете некој тука на TED -- а ова е првото место за вмрежување на годината, се разбира, вие не се ракувате со некого велејќи му: „Може да причекаш за момент за да го извадам мојот телефон и да те изгуглам?“ Или кога одите во супермаркет и стоите на сред големиот коридор помеѓу различни видови тоалетни хартии, не го вадите вашиот мобилен и вклучувате прелистувач, за да одите на некоја интернет страница за да се обидете да одлучите која од овие различни видови тоалет хартија е најеколошки погодна да се купи?

Значи ние навистина немаме лесен пристап до сите овие релевантни информации, кои може да ни помогнат да направиме оптимална одлука за тоа што да направиме следно и каква акција да преземеме. И така, мојата истражувачка група во Медиа Лаб развиваше серија од изуми за да ни даде пристап до овие информации на лесен начин, без да се бара корисникот да менува нешто во своето однесување. И, тука сум да го претставам нашиот најнов обид, и најуспешен обид до сега, кој што всушност е сѐ уште во развој. Всушност го носам уредот токму сега и некако го склопивме заедно со делови кои можат да се купат во продавница -- и патем, чинат само 350 долари во моментов.

Носам камера, обична веб камера, преносен проектор со мало огледало, напојуван со батерии. Овие компоненти комуницираат со мојот мобилен телефон во џебот кој има улога на комуникациски и сметачки уред. Во видео записот го гледаме мојот студент Пранав Мистри кој е всушност генијалецот кој го имплементираше и дизајнираше целиот овој систем. Гледаме како овој систем му овозможува да оди на било каква површина и да почне да ги користи своите раце за интеракција со информациите кои се проектираат пред него. Системот ги следи четирите означени прсти. Во случајов, тој носи едноставни маркери на прстите што може да ги видите. Но, ако сакате малку постилска верзија може да си ги обоите ноктите во различни бои.

Во основа камерата ги следи овие четири прсти и ги препознава гестовите кои тој ги прави така тој може да оди, на пример, на мапата на Лонг Бич, да ја зголеми или смали итн. Системот исто така препознава знаковни гестови како гестот за фотографирање, и го фотографира тоа што е пред вас. И кога ке се врати во Медиа Лаб, може да застане до некој ѕид и да ги проектира сите слики кои ги фотографирал, да ги подреди и да ги организира, да им ја менува големината итн., поторно користејќи само природни гестови. Некои од вас, веројатно беа тука пред две години и ја гледаа демострацијата на Џеф Хан или некој може да помисли: „Добро зар ова не личи на Мајкрософ Сурфејс масата?“ И, да, интеракцијата е со користење природни гестови, двете раце, итн. Но, разликата тука е што може да користите било каква површина, може да отидете до било која површина, вклучително и вашата рака ако нема нешто друго и да комуницирате со проектираните податоци. Уреедот е потполно пренослив, и може да ... (Аплауз)

Значи една многу важна разлика е дека е потполно пренослив. Друга, уште поважна, разлика е дека во масовно производство ова не би чинело повеќе од еден мобилен телефон и всушност нема да е во поголемо пакување -- може да изгледа многу по стилски од оваа верзија која ја носам околу вратот. Но, освен што ќе помогне некој од вас да ја живее својата фантазија да изгледа кул како Том Круз во „Малцински извештај“, причината зошто навистина сме возбудени за овој уред е што навистина се однесува како уред - шесто сетило кој ви дава релевантна информација за тоа што е пред вас. Може да го видиме Пранав како оди во продавница и купува хартиени крпи. И кога ке го земе производ, системот го препознава тој производ користејќи препознавање на слика или со технологија на маркери, и му покажува зелено или портокалово светло. Тој може да побара и дополнителни информации. Така, овој избор тука, е посебно добар избор, според неговите лични критериуми. Некои од вас може да сакаат тоалетна хартија со највеќе белило наместо некој еколошки подобен избор.

(Смеа)

Ако земе книга во книжара, може да добие рејтинг од Амазон. Го добива проектиран на корицата на книгата. Ова е книгата на Хуан, нашиот претходен говорник, што има добиено одличен рејтинг на Амазон. Така, Пранав врти страници од книгата и притоа гледа дополнителни информации за книгата -- коментари од читатели, забелешка од омилениот критичар, итн. Ако заврти на конкретна страница наоѓа забелешка од експерт или од наш пријател што му дава малку повеќе информации за тоа што е на таа страница. Читање весник -- весник што никогаш нема да застаре.

(Смеа)

Може да добиете видео запис за настанот за кој читате може да добиете најнови спортски резултати итн. Ове е малку поконтроверзно.

(Смеа)

Како што комуницирате со некој на TED, може да видите облак од ознаки, зборови кои се поврзани со тоа лице на нивниот блог и личните веб страници. Во случајов, студентот се интересира за камери итн. На пат кон аеродромот, ако ја земете вашата карта, ќе ви каже дека летот ви доцни, дека излезот е променет итн. Или ако сакате да дознаете колку е часот едноставно нацртајте часовник -- (Смеа) (Аплауз) на вашата рака.

Значи ова е до каде сме стигнати во развивањето на шестото сетило кое ќе ни даде едноставен пристап до сите релевантни информации за нештата со кои се среќаваме. Мојот студент Пранав, кој навистина е, како што реков, генијалецот зад сето ова.

(Аплауз)

Тој заслужува многу аплаузи бидејќи, мислам дека нема многу спиено во последните три месеци и неговата девојка веројатно не е многу среќна исто така. Но, не е идеално сѐ уште, повеќе е во изработка и кој знае, можеби за 10 години ќе бидеме овде со најдоброто шесто сетило како имплант за мозок. Ви благодарам.

(Аплауз)