Ноел Бери Мерз: Единствената најголема закана по здравјето со којашто жените се соочуваат

Секоја втора од вас жените е под закана на кардиоваскуларна болест во текот на животот. Значи, ова е водечкиот „убиец“ на жени. Внимателно чувана тајна, а зошто, не знам. Освен што ќе го сведам ова на лично ниво -- значи ќе зборуваме за вашата врска со срцето и врската на сите жени со своите срца -- ќе навлеземе и во политика. Затоа што личното, како што знаете, е политичко. И она што се презема не е доволно. И додека гледавме како жените го совладуваат ракот на дојка преку кампањи истото може да се направи и за срцето.

Од 1984 па наваму во САД умираат повеќе жени отколку мажи. Порано за срцева болест мислевме дека е претежно машки проблем иако никогаш не било навистина така, ама сите мислеа така во 1950тите и 60тите, а така велеа и книгите. Барем јас тоа го научив додека студирав. Ако тераме сексистички, што не би било праведно, ама ако продолжиме така и бидеме сексисти, тоа е всушност женска болест. Значи сега е женска болест.

И она што го забележувате е дека машката линија за смртност оди надолу. А кај женската линија, од 1984 па наваму, растојанието се шири. Од срцева болест умираат до четири пати повеќе жени, отколку мажи. А тоа е прекратко време за сите ризични фактори што ги знаеме да се сменат. Па она што ни текна на национално ниво, беше дека дијагностичките и терапевтските стратегии што се создавале кај мажите, од мажите и за мажите последниве 50 години -- а добро се покажаа кај нив, нели? -- не се погодни за жените. Е тоа беше аларм во 1980тите.

Срцевата болест повеќе убива жени од сите возрасти отколку ракот на дојка. А кампањата за рак на дојка -- пазете, ова не е натпревар. Само се трудиме да бидеме добри како кампањата за рак на дојка. Мора да бидеме добри како кампањата за рак на дојка за да ја разбереме кризава. Понекогаш кога луѓето го гледаат ова, слушам воздишка. Сите можеме да се сетиме на некој, честопати млада жена којашто имала рак на дојка. Честопати не можеме да се сетиме на млада жена која е срцево болна. Ќе ви кажам зошто. Срцевата болест убива луѓе, најчесто многу брзо. Прв пат кога маж или жена ќе доживее срцев напад, кај половина од случаевите е брза смрт -- без шанса да се збогувате, без шанса да отидете на хемотерапија, без шанса да одберете перика.

Кај ракот на дојка, смртноста е сведена на 4%. А тоа се тие 40 години кога жените се залагаа. Бети Форд и Ненси Реган станаа и кажаа, „Јас го преживеав ракот на дојка“, и беше во ред да се зборува за тоа. И тогаш докторите се фатија за работа. Направивме истражувања. Создадовме делотворни терапии. Жените живеат подолго од кога било. Истото мора да се направи и со срцевата болест, време е. Не се прави, а време е.

Им должиме голема благодарност на овие две жени. Како што Барбара прикажа, во еден од нејзините неверојатни филмови „Јентл“, една млада жена која сакаше да се школува. Да го учи Талмудот. И, како мислите дека го направи тоа? Мораше да се преправи во маж. Мораше да изгледа како маж. Мораше да ги натера луѓето да мислат дека е маж за да ги има истите права што ги имале мажите. Бернадин Хили, Др. Хили беше кардиолог. И баш околу тоа време, во 1980тите кога видовме дека смртноста од срцеви болести кај жените оди нагоре таа напиша статија во списаните за медицина „Њу Ингланд“ и пишуваше за синдромот Јентл. Жените умираат од срцево заболување, два, три, четири пати повеќе од мажите. Смртноста не оди надолу, туку нагоре. И праша, претпостави, дали ова e синдромот Јентл?

А еве ја и приказната. Жените не личат на мажи: ја немаат машката форма на срцева болест што веќе 50 години ја проучуваме и даваме соодветна дијагноза и лекови, па затоа не може да им се открие болеста. Се прескокнуваат. Не добиваат лекарства, не им се открива ништо, не ја користат придобивката од модерната медицина.

Др. Хили притоа стана првиот женски раководител на нашиот Национален институт за здравје. Ова е најголемото биомедицинско профитно истражување во светот. Финансира голем дел од моите истражувања. Финансира истражувања насекаде. Многу и’ значеше што стана раководител. Ја започна, соочена со многу контроверзии, и Иницијативата за здравјето на жените. И секоја жена во просторијава има извлечено корист од Иницијативата. Ни ја претстави хормоналната терапија. Не информираше за остеопороза. Не информираше за рак на дојка, рак на дебело црево кај жените. Значи, не информираше и покрај тоа што многумина и’ кажуваа да не го прави тоа бидејќи е многу скапо. А меѓу редови значеше дека жените не вредат толку. А таа пак велеше, „Не. Извинете. Жените вредат.“

Има едно делче од ИЗЖ коешто отиде во НИ за срце, бели дробови и крв што е кардиолошкиот дел од НИЗ. И ние ја спроведовме ПСИЖ а ПСИЖ е Проценка на синдромот исхемија кај жените -- а јас ја водам студијата веќе 15 години. Студијата поточно испитува што се случува со жените. Зошто се’ повеќе жени умираат од исхемични срцеви болести? Така во ПСИЖ, пред 15 години, започнавме и си рековме, „Има неколку клучни забелешки што треба да не водат“. И нашите колеги од Вашингтон неодамна објавија дека кога жените имаат срцев удар и умираат, споредено со мажите кои имаат срцев удар и умираат -- и пак, ова се случува со милиони луѓе, секој ден -- жените имаат мрсни наслаги -- а ова се нивните коронарни артерии, значи главното снабдување со крв оди во срцевиот мускул -- жените еродираат, мажите експлодираат. Ќе најдете интересни сличности во оваа физиологија.

(смеа)

Најпрво ќе го објаснам редоследот на машки срцев удар. Холивудски срцев удар. Ужасна болка во градите. ЕКГ-то пука, значи, докторите го забележуваат ненормалното ЕКГ. Има голема грутка во средина на артеријата. Ги праќаат да им се изврши катеризација и оп - ја отстрануваат грутката. Тоа е машки срцев удар. Некои жени имаат таков срцев удар, ама голем дел имаат ваков: кога еродираат, не се згрутчуваат целосно, симптомите се слаби, ЕКГ-то е различно -- тоа е женската форма. И што мислите дека се случува со нив? Често не им се открива ништо, ги праќаат дома. „Не сум сигурен што е. Може се гасови.“

Го забележавме тоа и си рековме „Чекајте, сега можеме да погледнеме во утробата на луѓето со специјални катетери наречени ИВУЗ: интраваскуларни ултразвуци.“ „Ќе претпоставиме дека масните наслаги кај жената најверојатно се различни, и различно наталожени, за разлика од кај мажите.“ И поради општото знаење за тоа како мажите и жените се дебелеат. Кога луѓето се здебелуваат каде се дебелеат мажите? Тука, фокусот е баш овде. А жените? Секаде. Целулит овде, онде. Па си викаме „Па жените добро го распоредуваат вишокот насекаде. Мажите го сместуваат на едно место.“ „Ајде да погледнеме ваму.“

Жолтото е масните наслаги, цртежот А е маж. И како што гледате не е рамно. Има пивски стомак во коронарните артерии. Цртежот Б е жена, мазно е. Наместена е, фино и средено. (смеа) И ако го видите ангиограмот, а тоа е црвениот дел, ќе ја видите машката болест. Значи, по 50 години поминати во местење и усовршување на ангиограмите лесно ја препознаваме машката форма на болеста. Ама тешко е да се забележи женската. Значи тоа беше откритие. Ама сега што следи? Значи, жените го добиваат ангиограмот и никој не забележува дека имаат проблем.

Епа сега работиме на неинвазивна -- а сите овие се инвазивни испитувања. Нормално, би сакале сево ова да се изврши неинвазивно. Веќе 50 години вршиме неинвазивни стрес тестови и солидни сме при препознавање на машката форма на болеста со стрес тестови. Ова е слика од срцева магнетна резонанца. Ова го правиме во Кедар-Синаи Институтот за срце во Центарот за женски срцеви заболувања. Го посветивме истражувањето на ова. Го нема во вашата околна болница, ама се надеваме дека ќе го пренесеме. Веќе сме на половина од 5-годишното истражување.

Ова беше единствениот метод за да се види внатрешната облога на срцето. И ако погледнете внимателно, тука ќе забележите зацрнување. Тоа е микроваскуларна оклузија. Синдромот на женската форма се нарекува микроваскуларна kоронарна дисфункција или оклузија. Втора причина зошто ја сакаме СМР е затоа што нема радијација. За разлика од KT, ренген или употреба на талиум кај жените градите се изложени на влијание при испитувањето на срцето па секогаш кога вршиме испитување со макар малку радијација, си велиме „Навистина ли ни треба тоа?“ Па, бевме возбудени за СМР. Сеуште не можете да побарате но се работи на случајот кога со проучување на жените ќе се унапреди процесот и за мажи и за жени.

Епа тогаш, кои се негативните последици кога женската форма на болеста нема да се препознае? Ова е илустрација од статија што ја објавив во Европскиот магазин за срце летово. И ова е само пиктограм колку да покаже зошто се повеќе жени умираат од срцеви болести, и покрај добрите третмани што ги знаеме и на кои работевме. Кога жената има машка форма на болеста -- значи изгледа како Барбара во филмот -- ја лекуваат. А кога ја има женската форма, и изгледа како жена како што е случајот со Барбара и сопругот, не ги лекуваат. Ова се третмани што спасуваат живот. А црвеното е смрт. Тоа се последиците. Тоа е женската форма и причините зошто сметаме дека синдромот Јентл расчистува многу нејаснотии.

Конечно имаше одлични вести за проучување на жените и срцевите болести. И една од најновите области за којашто сме многу возбудени е терапијата со матични клетки. Прашајте се, која е главната физиолошка разлика помеѓу мажите и жените? Зошто има мажи и жени? Затоа што жените носат нов живот во светот. Се’ се тоа матични клетки. Па претпоставивме дека женските матични клетки би биле подобри при откривање на повреда, при клеточна „поправка“ или при создавање на нови органи, што е една од работите што сакаме да ја постигнеме со терапијата. Ова се машки и женски матични клетки. Ако имате повреден орган, или срцев удар и повредената област треба да се оперира, би ги сакале големите клетки што се горе? Или па ги сакате овие, што изгледаат како да си уживаат?

(смеа)

Некои од нашите истражувачки тимови покажаа дека женските матични клетки -- а ова е и кај животните и се повеќе кај луѓето -- значи женските матични клетки, и да се стават во машко се подобри од машките матични клетки што се во машкото. Она што сакаме да го истакнеме за целава женска физиологија -- затоа што колку и да зборуваме за женските срцевите болести, сепак тие просечно се подолговечни од мажите -- е дека треба да се открие женската физиологија и да се сфати дека тоа ќе помогне и на мажите и на жените. Значи секој добива од ова.

Еве како започнавме. Запаметете, патиштата се вкрстија во 1984, и се повеќе жени умираа од кардиоваскуларни болести. Што се случи изминативе 15 години со ова? Ја спуштивме линијата. Ја спуштивме линијата. Исто како приказната со рак на дојка, со истражување, подигање на свеста, се успева, само треба да се започне. Среќни ли сме сега? Односот е 2 до 3 смртни случаеви кај жените, наспрема 1 маж.

Па мислам, со долговечноста што жените ја имаат, дека теоретски треба да се во предност, само доколку се третирани. Стоиме тука, ама има долг пат пред нас. Работиме на ова 15 години. Споменав, на машката форма на болеста работевме 50 години. Заостануваме 35 години. Би сакале да не се потребни уште 35 години. Всушност, можеби и нема. Ама не смееме да застанеме тука. Премногу животи висат.

Што треба да направиме? Се надевам, сега имате поблиска врска со вашето срце. Жените го слушнаа алармот за рак на дојка и излегоа на кампањите. Жените редовно прават мамограми сега. И собираат пари. Учествуваат. Го поддржаа она во кое веруваат се приклучија и ги застапуваа кампањите. Истото треба да го направиме со срцевата болест.

Политичко е. Женското здравје, од сојузна гледна точка, понекогаш е популарно, некогаш не толку. Кога нема - нема, ама кога врне - истура. Па, ве замолувам да се приклучите на кампањата на Црвен Крст за собирање средства. Ракот на дојка, споменавме, убива жени, ама срцевите болести убиваат многу повеќе. Па ако бидеме добри како кампањите за рак на дојка и им дадеме сила на жените, има многу животи за да се спасат.

Благодарам за вниманието.

(аплауз)