Марчин Јакубовски: Нацрти со отворен код за цивилизацијата

Здраво, јас сум Марчин, фармер и технолог. Роден сум во Полска, сега живеам во САД. Оформив група наречена Екологија со отворен код. Ги одредивме педесетте најважни машини кои мислиме дека се потребни за да постои модерниот живот - започнувајќи трактори, па се' до печки за леб, уреди за правење плочки. Потоа се насочивме да креираме „направи сам“ верзија со отворен код која секој може да ја изгради и одржува за дел од трошоците. Го нарековме Упатство за градба на глобалното село

Да ви раскажам една приказна. Ги завршив моите дваесети години со докторат на тема фузија на енергија и открив дека сум бескорисен. Немав практични познавања. Светот ми ги покажа можностите и јас ги искористив. Мислам дека тоа може да го наречете кориснички животен циклус. Па си направив фарма во Мизури и учев за економијата на земјоделството. Си купив трактор - потоа се расипа. Платив за да го поправат - потоа пак се расипа. Набрзо потоа јас банкротирав.

Сфатив дека тоа што ми треба се навистина соодветни, евтини алатки за да оформам одржлива фарма и живеалиште кои дотогаш не постоеја. Потребни ми беа робусни, модуларни, високо-ефективни и оптимизирани, евтини алатки, направени од локални и рециклирани материјали кои ќе траат цел животен век, кои не се направени за да застарат. Сфатив дека ќе треба сам да ги изградам. Па сам ги направив алатките. И ги тестирав. И заклучив дека индустриската продуктивност може да се постигне и во мали размери.

Па ги објавив 3Д дизајните, шемите, видеата со упатства и потребните средства на вики. Тогаш почнаа да се појавуваат придонесувачи од целиот свет кои додаваа прототипи за нови машини при нивните одредени посети. До сега, имаме прототипови за осум од педетсетте машини. И сега проектот почна сам да расте.

Знаеме дека отворениот код успеа со алатки за менаџирање на знаењето и креативност. Истите принципи полнуваат да се користат и за хардверот. Ние се фокосираме на хардвер, бидејќи хардверот е тој што може да ги промени животите на луѓето на материјален начин кој нив ги тангира. Ако можеме да ги намалиме границите на фармерството, градењето и произвидството, тогаш можеме да ослободиме огромен човечки потенцијал.

Ова не важи само за земјите во развој. Нашите алатки се прават за американските фармери, градежници, претприемачи, производители. Досега видовме огромна возбуда од овие луѓе, кои сега можат да почнат градежен бизнис, производство на делови, производство на органска храна или само продавање на сила назад во ланецот. Наша цел е да создадеме библиотека на објавени дизајни кои се толку јасни и толку целосни што едно изрежано DVD ќе биде ефективно упатство за отпочнување на цивилизација.

Сум засадил стотици дрва на ден. Имам направено 5.000 цигли во еден ден од калта под моите нозе и сум изградил трактор за шест дена. Од она што го гледам, ова е само почеток.

Ако идејата е навистина звучна тогаш последиците ќе бидат значајни. Поголема распространетост во поглед на производството, синџир за доставување познат во околината и нова, релевантна „направи сам“ производствена култура дава надеж за надминување на вештачкиот недостиг. Ние ги истражуваме границите на тоа што можеме да го направиме за подобар свет со хардверската технологија со отворен код.

Ви благодарам.

(Аплауз)