Лаги, големи лаги и статистика (во врска со ТЕД излагањата)

Ако го посетите веб сајтот на TED, таму можете да најдете TED видеа за кои, за да ги изгледате, ќе ви треба цела една седмица без спиење преку 1,3 милиони зборови и милиони оценки оставени од корисниците. А тоа е огромен број на податоци. И се запрашав: Ако ги погледнете сиве овие податоци, и ги подлегнете на статистичка анализа, дали можете автоматски да изведете едно ТЕД излагање? Дали може да го креирате најдоброто ТЕД излагање што може да биде? (аплауз) И дали може да го креирате најлошото можно ТЕД излагање кое, за малку би прошло кај публката?

За да дознаам ова, погледнав три работи. Погледнав како наслов треба да одберете. Погледнав како треба да го презентирате и какви би биле визуелните ефекти на сцената. Најпрвин со насловот - има огромен број на теми кои може да ги изберете, но треба да изберете мудро, бидејќи темата што ќе ја изберете е силно поврзана со тоа како публиката ќе реагира на вашето излагање. Сега, за да го конкретизираме ова, да ја погледнеме листата на 10 зборови кои статистички излегуваат од мнозинството во најпопуларните TED излагања и во најнепопуларните TED излагања. Значи, ако дојдете овде и зборувате за тоа како француското кафе ќе предизвика среќа во нашите мозоци, тоа е добитна комбинација. (аплауз) И, доколку сакавте да зборувате за вашиот проект кој вклучува кислород, девојки, авиони -- всушност, јас баш би сакал да го чујам тоа излагање, но статистиката вели дека тоа нема да има добар прием. Тоа е тоа. И, ако го генерализирате ова, најпопуларните TED излагања се оние кои обработуваат теми со кои имаме нешто заедничко, и можеме да се поврземе со нив полесно и подлабоко како што се среќата, нашето сопствено тело, храната, емоциите. Додека потехничките теми, како земјоделието, материјалите, и доста чудно - мажите, ова не се добри теми за говор.

Сега, како би требало да го презентирате вашето излагање? TED е познат по тоа што има строго ограничување на времетраењето на излагањето, и затоа ќе ме мразат што ќе го откријам ова, бидејќи, всушност, би требало да останете да зборувате што подолго ви дозволат, бидејќи најпопуларните ТЕД излагања се во просек, 50% подолги од оние најнепопуларните. И ова важи за сите рангирања на TED.com освен ако се работи за излагање кое е прекрасно, инспиративно или смешно. Тогаш, би требало да сте концизни. Ако не, зборувајте додека не ве одвлечкаат од сцената.

(смеа)

Сега, (аплауз) Додека се тркате со часовникот, треба да внимавате на неколку правила. Ги открив овие правила споредувајќи ги статистиките на фрази составени од 4 зборови кои најчесто се појавуваат на најпопуларните TED излагања, во споредба со најнепопуларните. Ќе ви дадам 3 примери. Најпрвин, јас морам, како излагач, да ви направам услуга и да ви зборувам за тоа што ќе ви дадам, наместо за тоа што не можам да имам. Второ, од најголема важност е да не го цитирате ЊуЈорк Тајмс. (смеа) И конечно, пожелно е за презентерот - ова се добри вести - да лаже за интелектуалниот капацитет. Ако не разбирате нешто, можете само да кажете „итн. , итн. “ И сите ќе продолжите да слушате. Тоа е сосема во ред. (аплауз)

Сега, да се префрлиме на визуелните ефекти. Најочигледната работа на сцената е говорникот. И анализата покажа дека, ако сакате да бидете меѓу најпопуларните TED говорници, треба да оставите косата да ви порасне нешто подолга од просечно, да носите очила и да бидете нешто повеќе облечен од просечниот TED говорник. Слајдови се ок, иако би можеле да размислите и за некои помагала. И сега, најбитната работа, е вашето расположение на сцената. Боите играат многу значајна улога. Бојата е тесно поврзана со рејтингот што вашето излагање ќе го добие на TED сајтот. (аплауз) На пример, фасцинантните TED излагања содржат статистички високо ниво на точно сина боја, многу повеќе од просечниот TED говор. Генијалните TED излагања, многу повеќе оваа зелена боја, итн. итн. (аплауз) Лично мислам дека не сум единствениот што ја има направено оваа анализа, но, ќе оставам вие да просудите за тоа.

Сега, време е да го составиме сето ова заедно и да го дизајнираме најдобриот TED говор. Бидејќи ова е TED Active, а од мојата анализа научив дека всушност треба и да ви дадам нешто, Нема да ви го наметнам најдобриот или најлошиот TED говор, наместо тоа ќе ви дадам алатка за да си креирате свој. Оваа алатка ја нареков ТЕД Пад. (смеа) И овој ТЕД Пад е матрица од 100 специјално одбрани, најчесто зборувани реченици кои вие лесно можете да ги составувате за да добиете свој TED говор. Треба само да направите една одлука а таа е: Дали ќе ја користите белата верзија за многу добри TED излагања, за креативноста и човечката генијалност, или ќе ја користите црната верзија, која ќе ви овозможи да креирате навистина лоши TED излагања, во главно за блогови, политика и сл. Така, можете да ја симнете од интернет и да се забавувате.

Се надевам дека ќе уживате во сесијата. Се надевам дека ќе уживате дизајнирајќи свој најдобар и најлош ТЕД говор. И се надевам дека некои од вас ќе бидат инспирирани следната година да го креираат ова, бидејќи навистина сакам да го видам.

Ви благодарам многу.

(аплауз)