Џоана Блејкли : Социјалните медиуми им ставија крај на родовите

Ќе аргументирам нешто денеска што можеби ќе ви се чини малку лудо: Социјалните медиуми им ставија крај на родовите. Дозволете да ви ги поврзам точките. Ќе расправам денес дека апликациите од социјалните медиуми кои сите ги знаеме и ги сакаме, или сакаме да ги мразиме, всушност ќе ни помогнат да се ослободиме од некои од апсурдните претпоставки што ги имаме како општество околу родовите (половите). Сметам дека социјалните медиуми всушност ќе ни помогнат да ги отстраниме некои од глупавите и понижувачки стереотипи кои ги гледаме во медиумите и рекламите околу родовите.

Ако не сте приметиле, нашата медиумска клима обично претставува многу искривено огледало на нашите животи и за половите. И јас мислам дека тоа ќе се смени. Сега повеќето медиумски компании, телевизија, радио, издаваштво, игри, само именувајте ги, користат многу ригидни методи на сегментација со цел да ги разберат своите публики. Тоа е застарена демографија. Ги измислуваат оние многу ограничувачки етикети за да нè дефинираат. Сега лудата работа е дека медиумските компании веруваат ако припаѓате во одредена демографска категорија дека сте предвидливи на одреден начин. дека имате одреден вкус, дека сакате одредени работи. и така бизарниот резултат од ова е дека повеќето од популарната култура е всушност базирана врз овие претпоставки околу нашата демографска група.

Старосна демографија: Групата од 18 до 49 години, имаше огромно влијание на сите програми на масовните медиуми во оваа земја од 1960-те, кога бејби бумерите беа уште млади. Сега остареа и не се во таа демографска група но сеуште е случајот да големите компании за рејтинг како Нилсон не ги ни земаат во обзир гледачите на телевизиски емисии над 54 години. Во нашето медиско опкружување како да не постојат. Е сега ако гледате "Мед Мен" како мене, тоа е популарна ТВ серија во САД, Др. Феј Милер прави нешто наречено психографика, кое се појави прв пат во 1960-те, каде правите некакви сложени психолошки профили на корисниците. Но психографијата навистина немаше големо влијание на медиумскиот бизнис. Таму највеќе беше користена основна демографија.

Така јас бев во Норман Леар Центарот во УСЦ. и правевме многу истражувања во последниве седум, осум години на демографиите и како тие влијаат на медиумите и забавата во оваа земја и во странство. И во последните 3 години ги разгледувавме поконкретно социјалните медиуми да видиме што се сменило. И откривме некои многу интересни работи. сите луѓе што партиципираат во социјалните медиумски мрежи припаѓаат на една иста демографска категорија која медиумските компании и адвертајзерите ја користеа за да ги разберат нив. Но тие категории значат уште помалку сега отколку што значеа порано. Бидејќи со онлајн мрежните алатки, е многу полесно за нас да ги избегнеме некои од нашите демографски рамки. Ние можеме да се поврзуваме со луѓето сосема слободно и да се редефинираме себеси онлајн. и можеме да лажеме за нашата возраст многу лесно. Исто така можеме да се поврземе со луѓе базирано на нашите многу специфични интереси. Не ни треба медиумска компанија за да ни помогне да го стори тоа за нас.

Така традиционалните медиумски компании, се разбира, обрнуваат многу внимание на овие онлајн заедници. Тие знаат дека ова е главната публика на иднината. Тие мора да ја разберат. Но многу им е тешко да го сторат тоа бидејќи тие сеуште се обидуваат да ја користат демографијата со цел да ги разберат, бидејќи така сеуште се одредуваат цените на рекламите. Кога го набљудуваат вашиот низ од кликови , и знаете дека го прават тоа, тие имаат навистина многу тешкотии да ја разберат вашата возраст, вашиот пол и вашиот приход. Можат да направат некои претпоставки. Но добиваат многу повеќе информации за тоа што правите онлајн, што сакате, што ве интересира. Тоа е полесно за нив да го дознаат од тоа кој сте. И иако тоа е сеуште страшно, има добра страна на тоа што ви го набљудуваат вкусот. Одеднаш нашиот вкус е тој кој го почитуваат на начин кој не беше достапен претходно. Претходно беше претпоставен.

Така ако погледнете онлајн како луѓето се собираат, тие не се собираат според возраст, пол или приход. тие се собираат околу работите што ги сакаат, и работите што им се допаѓаат. И ако размислите околу тоа, размената на интереси и вредности e многу посилен агрегатор на луѓе од демографските категории. Повеќе би сакала да знам дали го сакате „Бафи, убиецот на вампири“ отколку тоа колку сте стари. Тоа ќе ми каже нешто посуштествено за вас.

Сега има уште нешто што откривме за социјалните медиуми што е всушност зачудувачко. Испаѓа дека жените ја водат револуцијата со социјалните медиуми. Ако ги гледате статистиките, овие се светски статистики, во секоја старосна категорија, жените всушност се побројни од мажите во користењето на технологиите за ссоцијално умрежување. И ако тогаш го погледнете времето кои тие го поминуваат на овие сајтови, тие вистински доминираат со социјалниот медиумски простор, кој е простор што има огромно влијание на старите медиуми. Прашањето е , какво влијание ќе има врз нашата култура, и што ќе значи за жените? Ако е случајот дека социјалните медиуми ги доминираат старите медиуми и жените ги доминираат социјалните медиуми, тогаш дали тоа значи дека жените ќе ги преземат глобалните медиуми ? Дали наеднаш ќе видиме многу повеќе женски ликови во цртаните, во игрите и во телевизиските емисии? Дали следниот високо буџетен блокбастер филм ќе биде женски филм? Дали е возможно, дека одеднаш нашиот медиумски пејсаж ќе стане феминистички пејсаж?

Па, не мислам дека тоа ќе биде случајот. Мислам дека медиумските компании ќе вработат многу повеќе жени, бидејќи сфаќаат дека ова е важно за нивниот бизнис. И мислам дека жените ќе продолжат да доминираат во сферата на социјалните медиуми. Но мислам дека всушност ќе бидат -- доволно иронично, одговорни за забивање на колец во срцето на смешните жанровски категории како женските филмови сите оние жанровски категории кои претпоставуваат дека одредени демографски групи сакаат одредени работи, дека шпанците сакаат одредени работи, дека младите сакаат одредени работи. Ова е премногу поедноставено. Идните забавни медиуми кои ќе ги видиме ќе бидат многу податочно-водени, и ќе бидат базирани на информациите кои ги добиваме од социјалните средини, каде жените навистина ги водат активностите.

Можеби се прашувате, зошто е битно да се знае што ги забавува луѓето? Зошто требало да го знам ова ? Секако, старите медиумски компании и рекламните компании треба да го знаат ова. Но мојот аргумент е тоа, ако сакаш да го разбереш глобалното село, веројатно е добра идеја да разбереш за што се луѓето страствено заинтересирани, што ги забавува и што прават во своето слободно време. Ова е многу важна работа да се знае за луѓето. Го поминав поголемиот дел од мојот професионален живот истражувајќи ги медиумите и нивниото влијание на човечките животи. и го правам, не само зашто е забавно -- туку дека всушност е навистина забавно -- но исто затоа што нашето истражување покажува одново и одново дека забавата и играта имаат огромно влијание на човечките животи -- на пример, за нивните политички верувања и за нивното здравје. И така, ако имаш интерес да го разбереш светот, гледајќи како луѓето се забавуваат е многу добар почеток.

Замислете медиумска атмосфера која не е доминирана од некои безначајни стереотипи околу родот и други демографски карактеристики. Можете ли да замислите како тоа изгледа ? Не можам да дочекам да видам како ќе изгледа.

Ви благодарам многу.

(Аплауз)