Жан-Батист Мишел: Математиката на историјата

Значи излегува дека математиката е многу моќен јазик. Има создадено значителeн увид во физиката, биологијата и економијата, но, не толку во општествените науки и историјата. Мислам дека постои верување дека тоа е едноставно невозможно, оти не можеш да ги измериш достигнувањата на човештвото, оти не можеш да ја измериш историјата. Но, јас мислам дека тоа не е точно. Сакам да ви покажам неколку примери зошто.

Така јас и мојот соработник Ерез го разгледувавме следниов факт: дека двајца кралеви одделени со векови ќе зборуваат на многу различен јазик. Тоа е моќна историска сила. Па така кралот на Англија, Алфред Велики, ќе користи речник и грамататика кои се доста различна од оние на кралот на хип хопот, Џеј Зи. (Смеа) Тоа е едноставно така. Јазикот се менува со текот на времето и претставува моќна сила.

Ерез и јас, сакавме да дознаеме нешто повеќе околу тоа. Обрнавме внимание на одредено граматичко правило, конјугација на минато-време. Само додаваш "ed" на крајот од глаголот за да го нагласиш минатото. "Денеска одам. Вчера одев." Но, некои глаголи се неправилни. "Вчера јас мислев." Интересно е тоа што неправилните глаголи помеѓу Алфред и Џеј Зи станале по правилни. Како глаголот "да се венча" кој како што гледате станал правилен.

Така Ерез и јас ја следевме судбината на повеќе од 100 неправилни глаголи. низ 12 века во англискиот јазик, и видовме дека всушност има многу едноставна математичка шема која ја доловува оваа комплексна историска промена, имено, ако одреден глагол е 100 пати повеќе застапен од друг, истиот се исправува 10 пати побавно. Тоа е дел од историјата, но доаѓа во математички облик.

Во некои случаи математиката може да помогне да ги објасни, или да предложи објаснувања за историските сили. Тука Стив Пинкер и јас го земавме во обзир бројот на војни во последните 2 века. Всушност има доста позната правилност во нив каде што бројот на војните што се 100 пати по смртоносни е 10 пати помал. Има 30 војни кои се смртоносни како и Шестдневната војна но има само 4 војни кои се 100 пати по смртоносни. како Првата Светска Војна. Па каков историски механизам може да го создаде тоа? Кое е потеклото на ова?

Стив и јас, преку математичката анализа, сметаме дека всушност постои многу прост феномен во коренот на сето ова, кој лежи во нашот мозок. Ова е доста позната карактеристика каде ги перцепираме количините на релативни начини количини како јачина на светлината или јачина на звук. На пример, вклучување на 10.000 војници во следната битка звучи како многу. Таа е релативно многу ако веќе сте вклучиле 1000 војници претходно. Но, не звучи како многу. релативно не е доволно, нема да направи разлика ако веќе сте вклучиле 100.000 војници претходно. Па така гледате дека поради начинот на кој ги перцепираме количините, како што трае војната, бројот на вклучени војници во неа и жртвите нема да се зголемат линерно -- како 10.000, 11.000, 12.000 -- туку експоненцијално -- 10.000, потоа 20.000, потоа 40.000. Тоа го објаснува овој образец кој го видовме претходно.

Тука математиката може да поврзе една доста позната карактеристика на умот. со еден долгорочен историски образец кој се одвива низ вековите и преку континентите.

Па така овие примери денеска, се само некои од нив, но мислам дека во наредната декада ке станат по вообичаени. Причината за тоа е дека историските записи многу брзо се дигитализираат. Постојат 130 милиони книги кои што се напишани од почетокот на времето. Компании како што е Google имаат дигитализирано многу од нив -- всушност над 20 милони. И кога историските материјали ќе станат достапни во дигитална форма, тоа ќе ѝ овозможи на математичката анализа многу брзо и многу погодно да ги претстави трендовите во нашата историја и култура.

Мислам дека во наредната декада, природните и општествените науки ќе се зближат со цел да одговорат на фундаментални прашања за човештвото. И мислам дека математиката ќе биде многу моќен јазик за да се стори тоа. Ке може да ги открие новите трендови во нашата историја, понекогаш да ги објасни, и можеби и да предвиди што ќе се случи во иднината.

Ви благодарам многу,

(Аплауз)