Ерик Мид: Магијата на плацебото

Веќе некое време сум заинтересиран за плацебо ефектот, што можеби изгледа како чудно нешто за што би бил заинтересиран еден магионичар, доколку не размислувате за тоа на начинот на којшто размислувам јас што е, "во нешто лажно некој верува доволно за тоа да постане нешто вистинско" Со други зборови, шеќерните таблети имаат мерлив ефект во одреден број истражувања, плацебо ефектот, само затоа што личноста мисли дека тоа што им се случува е лекот или некој вид на... справување со болка, на пример, ако веруваат доволно дека има осетлив ефект во телото наречен плацебо ефект. Нешто лажно станува нешто вистинито благодарение на нечија перцепција на нештото.

Со цел да се разбереме меѓусебно би сакал да започнам со покажување на еден рудиментарен, многу едноставен трик. И ќе ви покажам како тоа работи. Ова е трик кој бил во секоја детска книга за магионичари уште од 1950-тите. Го научив самиот од Клубот на Извидници Магионичари во 1970. Ќе го изведам за вас, а потоа ќе ви го објаснам. И потоа ќе ви објаснам зошто го објаснив.

Па, еве што се случува. Ножот, кој можете да го проверите; мојата рака, која можете да ја проверите. Јас само ќе го придржам ножот во мојата тупаница, вака. Ќе го завиткам ракавот. И да ве убедам дека ништо нема да оди нагоре или надолу од ракавот ќе го стиснам мојот зглоб ваму. Вака можете да видите дека во ниеден момент ништо неможе да помине. Се додека стискам ваму ништо неможе да оди нагоре или надолу од мојот ракав. И објектот на ова е многу едноставен. Ќе ја отворам мојата рака, и се надевам, ако се е во ред, мојот едноставен животински магнетизам ќе го задржи ножот. Фактички тој е така силно прицврстен што можам да го тресам а ножот нема да падне. Ништо не се спушта од мојот ракав, никакво мамење. И може да испитате се. Та-да! (Аплауз)

Значи, ова е трик на кој често ги учам малите деца кои се заинтересирани за магија, затоа што можеш да научиш многу за измамата со проучување на овој -- иако многу методолошки едноставен трик. Веројатно многумина од вас во просторијава го знаат овој трик. Тоа што се случува е следното. Јас го држам ножот во мојата рака. Велам дека ќе го зграпчам мојот зглоб да ве осигурам дека ништо не се спушта надолу или нагоре од мојот ракав, тоа е лага.

Причината зошто се држам за мојот зглоб е поради тоа што тоа е всушност тајната на илузијата. За момент кога мојата рака се придвижува од предната страна свртена кон вас, до свртувањето спроти вас, овој прст ваму, мојот показалец само ќе се придвижи од каде што е, на позиција насочена вака. Добар трик. Некој којшто немал детство е некаде таму. (Смеење)

Значи оди вака, од овде. И како што јас се придвижувам мојот прст се помрднува. И можеме да зборуваме зошто ова е измамничко, зошто не забележувате дека овде се само три прсти, затоа што мозокот, начинот на којшто тој ја процесира информацијата, не е со нивно броење, еден, два, три. Тој ги групира. Но тоа всушност не е поентата. Така? И тогаш ја отварам мојата рака. Очигледно се држи ваму, не поради животински магнетизам, туку интригантно, поради мојот показалец кој е таму. И потоа кофа ќе го соберам мојот прст, истата работа, како што се мрдам назад, ова движење некако го маскира враќањето на мојот прст. Ја тргнувам оваа рака. Вие го давате ножот. Ете ви трик кој може да го изведувате за вашите пријатели и комшии. Благодарам.

Сега, (Смеење) каква врска има ова со плацебо ефектот? Прочитав истражување пред околу една година што навистина ми го рашири полето на размислување. Не сум доктор или истражувач, па, за мене ова беше нешто зачудувачко. Изгледа дека ако внесете плацебо во форма на бела пилула, што има форма на аспирин, едноставна бела тркалезна пилула, има некаков мерлив ефект. Но ако ја смените формата на плацебото кое го внесувате, на пример ако направите помала пилула и ја обоите сино, и отпечатите буква на неа, всушност ќе има поголем мерлив ефект. Иако ниедна од двете пилули не е никаков лек -- тие се шеќерни пилули. Но белата не е толку добра како сината. Што? (Смеење) Ова навистина ме изнервира.

Но изгледа дека ова не застанува овде. Ако земете капсули, тие се поефикасни од таблетите во билокоја форма. Обоената капсула, која е жолта на едниот а црвена на другиот крај е подобра од белата капсула. Дозирањето има некаква врска со ова. Една пилула двапати дневно не е толку ефикасна како три пилули -- не ја паметам статистиката сега. Се извинувам. Но поентата е... (Смеење)... дека дозирањата имаат некаква врска со ова. И формата има нешто со ова. И ако го сакате врвното плацебо морате да употребите игла. Така? Инјекција со некаква инертна -- неколку милилитри од нешто инертно, и го инјектирате ова во пациент... Ова е толку моќна слика во нивниот ум, многу помоќна од белата пилула.

Ова е навистина, овој графикон, па ќе ви го покажам другпат кога ќе имаме слајдови. Поентата е дека белата пилула не е толку добра колку сината која не е подобра од капсулата, која не е подобра од иглата. А ниедна од нив нема никаква фармацевтска вредност. Тоа е само вашето верување коe ги прави вистинити за вашето тело и покажува посилен ефект. Сакав да видам дали можам да ја земам таа идеја и да ја искористам врз магионичарски трик. И да земам нешто што очигледно е лажен трик и да направам да изгледа реално. И знаеме од истражувањето дека кога сакаме реалност, одиме со иглата.

Ова е 18 сантиметарска игла за шешири. Навистина е остра. И ќе ја стерилизирам малку. Ова е моето вистинско месо. Ова не е специјално одгледаното месо на Дејмијан. Ова овде е мојата кожа. Ова не е Холивудски специјален ефект. Ќе ја прободам мојата кожа и ќе ја протнам иглата низ другата страна

Доколку сте чувствителни -- (Смеење) доколку се онесвестувате лесно -- го изведов ова за неколку пријатели во хотелската соба минатата вечер, и некои луѓе кои не ги познавав, и една жена скоро се онесвести. Па, предлагам ако лесно се тревожите да гледате настрана во следните триесетина -- всушност, знаете што, ќе го направам првиот лош дел зад ова. Ќе видите, можете да гледате настрана исто така доколку сакате.

Па, еве што се случува, токму тука започнува моето месо во долниот дел на мојата рака јас само правам мал бодеж. Се извинувам човеку. Дали те плашам? И потоа низ мојата кожа помалку, и потоа низ другата страна, вака. Сега, во основа сме во истата позиција во која бевме со трикот со ножот (Смеење) На некој начин. Но можете да ми ги изброите прстите сега, нели? Дозволете да ви ги покажам. Тоа е еден, два три, четири, пет. Да, па...

Знам што мислат луѓето кога ќе го видат ова. Велат, "Па, секако не е толку глупав да се прободе себеси за да не забавува нас неколку минути." Па, дозволете ми да ви дадам мало ѕирнување. Како изгледа ова? Доста добро. (Се смее) Да, знам. (Се смее) И луѓето во позадина велат, "Во ред. Навистина не го видов тоа." Луѓето во страничните ложи сега почнуваат да се размрдуваат. Дозволете ми да ви дадам поблиско видување на ова. Ова навистина е мојата кожа. Ова не е Холивудски специјален ефект. Ова е моето месо, и можам да го свртам ова наоколу. Се извинувам, доколку се тревожите лесно, погледнете настрана, не гледајте во нештово.

Луѓето во задните редови или луѓето што во иднина ќе гледаат видео од ова ќе речат, "Па да, тоа изгледа некако во ред, има некаков ефект таму, но доколку беше вистина, тој би -- гледате, има дупки ваму и таму, доколку беа вистински, тој би крварел." Па дозволете ми да ви прикажам малку крв. (Смеење) Да, ете ја. (Аплауз) (Смеење)

Обично сега, би ја извадил иглата. Би си ја исчистил раката, и би ви покажал дека нема никакви рани, Но мислам дека во овој контекст и со идејата на земање нешто лажно и правејќи го во нешто вистинито, само ќе го оставам вака, и ќе си заминам од сцената. (Смеење) Ќе се видиме повторно во неколку наврати во следните неколку дена. Се надевам дека ќе го очекувате тоа. Ви благодарам многу. (Смеење) (Аплауз)