Ерик Гилер демонстрира безжично електрично напојување

Првите визии на безжичен пренос на енергија всушност беа смислени од Никола Тесла пред околу 100 години. Мислата дека не би сакале да ја пренесувате енергијата бежично, никој никогаш не ја помислил. Се мислеше, "Кој ќе ја користи ако не вие?" И така, всушност, тој се посвети да прави различни работи. Го направи Теслиниот трансформатор. Оваа кула беше направена на Лонг Ајленд на почетокот на 1900-тите. Идејата била, енергијата бежично да се пренесе било каде на земјата. Никогаш нема да дознаеме дали ова функционирало. Всушност мислам дека ФБИ го запре заради безбедносни причини, некаде на почетокот на 20-тиот век..

Но една работа која не е во природата на електричната енергија е дека ние многу ја засакавме. Мислам, помислете колку многу ја сакаме. Само што ќе излезете, има трилиони долари кои се инвестирани во инфрастуктурата низ цел свет, со ставање жици, за да се добие струјата од местото каде се произведува, до онаму каде се употребува. Исто така, ги сакаме и батериите. Информација за нас кои се грижиме за околината - се фрлаат околу 40 милијарди искористени батерии секоја година. За енергија која општо земено, се користи на неколку сантиметри до неколку метри од достапен приклучок на ефтина енергија.

Пред да стигнам до тука, си мислев, "Па знаете, јас сум од Северна Америка. Ние имаме некоја репутација во САД." Па си помислив подобро прво да истражам што пишува за нас. И, во дефиницијата број 6 стои дека Северна Америка е дефиниција за зборот "Шмука/Цица". (неформално - нешто лошо). Жиците се навистина лоши. Размислете. Дали сте вие на сликата или нешто под вашата маса. Исто така, и батериите се лоши. И тоа навистина лоши. Дали сте се запрашале што се случува со нив? 40 милијарди од овие произведени работи? Ова се случува. Се распаѓаат, се дезинтегрираат, и завршуваат тука.

Така, кога зборувате за скапа енергија цена по киловат час да се пренесе со батерија е околу двеста - триста фунти. Размислете за ова. Најскапата енергија во светот со нормална дистрибуција е илјада пати поевтина. За среќа, една друга дефиниција на истиот збор е стварање вакуум. А природата не го сака вакуумот.

Она што се случи пред неколку години беше тоа да група од теоретичари на физика на МИТ всушност излезе со овој концепт за бежично пренесување на енергијата. Тие беа во можност да запалат 60 ватна сијалица на растојание од околу два метри. Сметаа дека имаат искористеност од 50%. Дури и така, сеуште беше илјада пати поефтино и поефикасно отколку со батеријата да го направите истото. Значи тие успеаја да ја запалат сјалицата, и тоа со голем успех. Ова всушност е експериментот. Можете да видите дека калемите се малку поголеми. Од нивен аспект, сијалицата беше едноставна задача.

Сето ова потекна од професор кој се будел три ноќи по ред од телефонот на женаму, кој бипкал кога ќе се потрошела батеријата. И си помислил, "Покрај толку струја во ѕидовиве, зошто барем еден дел неможе да влезе во телефонот и јас да можам да се наспијам?" И всушност дојде до овој концепт на резонантно пренесување на енергијата. Стандардниот трансформатор има два калема од жица. Овие два калема се многу блиску еден до друг, и всушност пренесуваат енергија - магнетски и всушност бежично, само што ова е на многу мало растојание.

Она што Др.Сољачиќ смисли како да го направи беше да ги одвои двата калема на трансформаторот на поголема дистанца од големината на трансформаторот користејќи ја оваа технологија, која не е различна од тоа како оперска пеачка крши чаша на другата страна од просторијата. А тоа е феноменот на резонанција за што тој всушност доби МекАртурова награда, или т.н. Награда за Генијалецот, минатиот Септември.

Па, како работи ова? Замислете еден калем. За вас тука што сте инжињери, има и кондензатор исто така. И ако можете да предизвикате тој калем да резонира, она што ќе се случи е дека тој ќе пулсира, на променливи фреквенции, на доста високи фреквенции, патем речено. И како можете да донесете друг уред доволно близу до изворот, кој ќе работи на потполно истата фреквенција, всушност ќе ги доведете во положба што се нарекува цврсто упарување, и да пренесете магнетна енергија помеѓу нив. А тоа што го правите е, започнувате со електрична енергија, ја претворате во магнетно поле, го земате тоа поле, и го претворате повторно во електрична енергија. И потоа може да ја користите.

Прашање што најмногу ми го поставуваат, Луѓето се загрижени дали е безбедно користењето мобилни. Ме разбирате. Значи, дали ова е безбедно? Прво - ова не е радијативна технологија. Не зрачи. Нема електрични полиња. Тоа е магнетно поле. Таа останува во рамките на изворот, или во уредот. И всушност, магнетните полиња што ние ги користиме се во основа исти со земјиното магнетно поле. Ние живееме во магнетно поле.

И друго нешто што е супер во врска со оваа технологија е тоа што пренесува енергија само до нешта кои работат на потполно иста фреквенција. И е речиси невозможно во природата тоа да се случи. И на крајот имаме владини тела насекаде кои регулираат се што правиме. Тие имаат поставено дозволени лимити на изложување на поле кои што сите работи што ќе ви ги покажам денес ги задоволуваат поставените барања.

Мобилна електроника. Домашна електроника. Оние кабли под масата, можам да се обложам дека сите тука имаме нешто слично на ова, или оние батерии. Има и примена во индустријата. И конечно, електричните возила. Овие електрични возила се прекрасни. Но кој би сакал да ги уклучува да се полнат. Замислете како влегувате со колата во гаража -- веќе имаме вакви системи -- влегувате во гаража, и колата сама се полни. Затоа што постои покривка на подот која е приклучена на ѕидот. И таа всушност овозможува вашата кола да се полни сигурно и ефикасно. Има многу други различни примени. Имплантирани медицински уреди. Каде луѓето веќе нема да умираат од инфекција ако можете ова да го запечатите. Кредитни картички, робот правосмукалка.

Би сакал во наредните неколку минути да ви покажам всушност, како тоа работи. И всушност ќе ви покажам она што го имам тука Имаме калем. Калемот е поврзан со Р.Ф. засилувач кој креира осцилирачко магнетно поле со висока фреквенција. Ставаме еден на позадината на телевизорот. Патем, го прикажувам како да е малку полесно отколку што е. Има многу електроника и тајни нешта, и разни нешта со интелектуална сопственост кои се вградени. И тоа што ќе се случи е - креирање поле, ќе предизвика креирање поле на другата страна.

И ако боговите на презентациите дозволат, за околу 10 секунди ќе видиме. 10 секунди затоа што -- Незнам дали некој од вас помислил да приклучи ТВ само со користење на кабел. Обично треба да притиснете копче. Па си мислев ставаме мал компјутер внатре кој треба да се разбуди кој треба да се разбуди да каже да се направи тоа. Значи, ќе го вклучам. Тоа креира магнетно поле овде и предизвикува друго да се креира таму. И како што реков, за околу 10 секунди ќе може да видиме ...

Ова е комерцијално -- (Аплауз) комерцијално достапен колор телевизор. Замислете, да можете да имате една од овие работи кои би сакале да ги обесите на ѕид. Колкумина сакаат да ги стават на ѕид? Размислете. Ги нема оние неубави кабли. Замислете да можете да се оттарасите од нив.

Друго што сакав да ви кажам беше безбедноста. Ете, ништо не се случува, добро сум. И ќе го напавам повторно само заради безбедноста. И веднаш луѓето прашуваат, "Колку мало може ова да го направите? Може ли да го направите доволно мало?" Бидејќи, се сеќавате, оригиналната идеја на Др.Сољачиќ беше за телефонот на женаму што бипка.

Па, сакам да ви покажам нешто. Ние имаме исто така и можности за дизајнирање на вакви работи. Ова е Гугл Г1. Знаете, најново нешто што е излезено. Работи на Андроид оперативен систем. Мислам дека слушнав некој да зборува за ова претходно. Чудно е. Има батерија. Исто така има и електроника со навивки што ВајТрисити ја стави на задната страна. и ако може да го прикажеме на камера, да одлично, ќе видите, кога ќе се доближам... вие гледате во телефон напојуван комплетно бежично. (Аплауз)

И знам дека некои од вас се Епл зависници. И, знаете дека Епл не дозволува лесно да навлезете во нивните телефони. Па ставивме една футрола позади. Но ќе може да го разбудиме и ова исто така. Тие од вас што имате ајфон ја препознавате зелената батерија. (Аплауз)

И Нокиа исто така. Гледате дека тука сме ставиле нешто мало позади за да работи, и веројатно бипка и кога се вклучува. Но најчесто го користат да се осветли екранот. Значи замислете овие работи да може да ги ставите на плафон. Може и на под. Всушност може да стои под вашиот компјутер. Така да кога ќе влезете, или доаѓате од дома, ако носите чанта, работи во чантата. Никогаш повеќе не треба да се грижите за полнење на овие уреди. И помислете што тоа ќе значи за вас.

Така, за крај, мислам, во стилот на некои бесмртни визии на Њујоркер магазинот, мислев да ставам уште еден слајд. И за вас кои неможете да прочитате што пишува, вели, "Изгледа е некој вид бежична технологија." Ви благодарам многу. (Аплауз)