Картер Емарт демонстрира 3D атлас на вселената

Голема чест ми е да ја споделам со вас Дигиталната вселена, која е создадена за човештвото за да видиме каде навистина се наоѓаме во вселената. Мислам дека може да го пуштиме филмот кој го имаме.

[Хималаи]

(Музика)

Картер Емерт: Рамниот хоризонт со кој израснавме беше метафора за бесконечност, неограничени ресурси и неограничени капацитети за складирање на отпад. Се додека навистина не ја напуштивме земјата, и се издигнавме над атмосферата и го видовме хоризонтот како се витка назад самиот во себе не ја разбиравме нашата планета како ограничена состојба. Дигиталниот атлас на вселената е изграден во Американскиот музеј за историја на природата во изминативе 12 години. Ние ги одржуваме ги составуваме заедно како проект за да ја мапираме вселената во потполност. Она што овде го гледаме се сателитите околу земјата, и земјата во соодветен размер во однос на вселената, како што гледаме. НАСА го поддржа овој труд пред 12 години како дел од обновата на Хајден планетариумот за да го споделиме ова со светот.

Дигиталната вселена е основа за нашите вселенски представи кои ги правиме -- нашите главни вселенски представи во планетариумската купола. Но ова што го гледате овде е всушност резултат на стажирањето кое ние го држевме со Линчепинг универзитетот во Шведска. Имав 12 студенти кои го изработија ова како нивна дипломска работа. Како резултат постои овој софтвер кој се вика Uniview и компанија SCISS во Шведска. Овој софтвер може да се користи интерактивно. Токму оваа патека на летот и филмот кој го гледаме всушност е летана во живо. Го снимив ова во живо на мојот лаптоп во кафе бар кој се вика "Земјата е важна" во долниот источен Менхетн, каде што живеам. Ова е направено како проект во соработка со Рубин музејот на Хималајска уметност за изложба на компаративна космологија.

И како што одиме подалеку, го гледаме пространството од нашата планета се до јатата од галаксии како што гледаме овде, времето на патување на светлината, ви дава чувство колку сме далеку. Како што одминуваме, на светлината од овие галаксии и треба толку многу време да стигне до нас, така што ние всушност патуваме во минатото. Се оддалечуваме толку многу што конечно го гледаме затворањето околу нас -- позадинското зрачење на големиот прасок. Оваа е WMAP микробранова позадина која ја гледаме. Ќе одлетаме надвор од него, само за да го видиме оваа ограничување. Доколку сме надвор од оваа, тоа би било бесмислено, во смисла како да се наоѓаме пред почеток на времето. Но оваа е ограничувањето на видливата вселена. Знаеме дека вселената е поголема од онаа што ние можеме да го видиме.

Враќајќи се назад бргу, ја гледаме радиосферата која ја скокнавме на почетокот. Но оваа се позициите, последните позиции на егзопланетите кои што сме ги мапирале. И нашето сонце, очигледно со нашиот сончев систем. Она што ќе го видите -- ќе мора да прескокнете бргу помеѓу неколку редови на големина за да стигнеме да го видиме нашиот соларен систем. Оваа се патеките на Војаџер 1, Војаџер 2, Пионер 11 и Пионер 10, првите четири вселенски летала кои го напуштија сончевиот систем. Се доближуваме, одиме накај земјата. Орбитата на месечината, и ја гледаме земјата. Оваа мапа може да биде ажурирана. И можеме да внесеме нови податоци.

Знам дека др. Каролин Порко ги испитуваше снимките од мисијата Касини. Но овде ја гледаме комплексната траекторија на Касини мисијата која е различно обоена за различни фази, генијално развиена така што 45 пресретнувања со најголемата месечина, Титан, кој е поголем од планетата Меркур, ја изменуваат орбитата кон различни фази на мисијата.

Овој софтвер ни овозможува да дојдеме поблиску и да ги разгледаме деловите од оваа мисија. Софтверот исто така може мрежно да се поврзе на повеќе планетариуми. Имаме растечка корисничка база за ова. И мрежно поврзуваме различни планетариуми. И можеме мрежно да се поврземе помеѓу планетариумите и училниците. Ние всушност ги споделуваме прошетките низ вселената со првиот планетариум во под-Сахарска Африка изграден во Гана како и со нови библиотеки кои се изградени во гетата во Колумбија и средните училишта во Камбоџа. Всушност луѓето од Камбоџа го контролираа Хајден планетариумот од нивното средно училиште.

Оваа е слика од Сабота, фотографирана од Аква сателитот, но со Uniview софтверот. И го гледате работ на земјата. Ова е Непал. Оваа, всушност, ова овде е долината Ласа, овде во Тибет. Можеме да ги видиме маглините од огновите и друго во долината на Ганг во Индија. Оваа се Непал и Тибет.

И за крај, само сакам да кажам дека овој убав свет во кој живееме -- Овде гледаме малку снег за кој некои од вас мораа да соберат храброст за да излезат. Би сакал само да кажам дека оноа што на светот му треба сега е чувство дека сме способни да се погледнеме себеси во многу поголеми услови и во многу поголема смисла за тоа што е наш дом. Затоа што нашиот дом е вселената, и ние сме вселената, во суштина. Тоа го носиме во нас. И да бидеме способни да го согледаме нашиот контекст во поголема смисла и на сите нивоа би ни помогнало на сите, мислам, во разбирање каде сме и кои сме во вселената.

Ви благодарам.

(Аплауз)