Ал Секел вели дека нашите мозоци се погрешно поврзани

Ќе зборуваме -- за моето -- ново предавање, само за ТЕД -- и ќе ви покажам неколку илузии кои ги креиравме за ТЕД, и исто така ќе се обидам да го поврзам ова со среќата. Под среќа мислам на тоа што не прави среќни -- или среќа што ја поистоветувам со радост во мојата област, и мислам дека има нешто многу фундаментално во тоа. Размислував за ова. Има врска и со илузиите и филмовите кои одиме да ги гледаме, како и вицевите и маѓионичарските претстави -- има нешто заедничко меѓу овие работи, а тоа е дека нашите очекувања се измамени на некој пријатен начин. Одите да гледате филм. И гледате неочекуван пресврт -- нешто што не сте очекувале -- и доживувате чувство на радост. Погледнувате во оние, еден вид илузии, во мојата книга и гледате нешто што не сте очекувале. И има некоја радост во тоа. А истото чувство е и со вицовите и сличните работи. Значи, она што ќе се обидам да постигнам со предавањево, е да отидеме подалеку и да видиме дали јас ќе успеам да ги нарушам вашите очекувања на пријатен начин. Мислам, некогаш очекувањата кои се нарушени не се пријатни, но ќе се обидам да го направам тоа на пријатен начин, на многу едноставен начин и така да ја направам публиката среќна.

Значи, ќе ви покажам неколку начини на кои ќе ги нарушиме вашите очекувања. Најпрво сакам да ви ја покажам оваа илузија. Сакам, веднаш кога ќе се појави на екранот да забележите дека двата отвора се под прав агол еден во однос на друг. Ова се перцептивни трикови. Објектите што се прикажани се реални. Сега, ќе ви покажам како е ова направено. Го враќам филмот за да доживеете интересно искуство. Сакам да видите како оваа илузија е направена, и ќе се ротира така да вие ја видите од сите агли. Сега гледајте, како што ротира наназад, колку брзо вашата перцепција се менува. Добро. Гледајте како повторно се ротира назад. А ова е многу умна публика, нели? Обидете се да го запрете ова да се случи, и покрај тоа што знаете дека е 100% реално -- бам! Неможете да го запрете, Што ова ни кажува за самите нас? Ќе го направиме повторно, Без сомнение. Обидете се да го запрете. Не. Тешко е.

А можеме да ги нарушиме вашите очекувања на многу различни начини на претставување, со форми, со бои и така натаму и тоа на многу едноставен начин. Ова е интересно прашање за размилување. Зошто овие работи не прават радосни. Зошто би не правиле радосни? Еве нешто што Лајонел го направи пред извесно време. Сакам вакви мали работи како ова.

Повторно, ова не е оптички трик. Ова е тоа што би го виделе. Со други зборови, не е трик со камера. Ова е перцептуален трик. Добро, Можеме да ви ги нарушиме и очекувањата за форма. Можеме да ви ги нарушиме очекувањата за претстава -- што претставува сликава. Што гледата тука? Колкумина од вас тука гледаат делфини? Кренете рака ако гледате делфини. Добро, со овие луѓе кои кренаа рака, после предавањево, остатокот од публиката, нека оди да поразговара со нив, добро? Всушност, ова е најдобар пример за потсвесно наведување врз основа на претходно искуство. Ако сте дете под 10 години кое сеуште не е расипано, ќе гледате во оваа слика и ќе видите делфини. Сега, некој од вас кои сте возрасни ќе каже, "Какви делфини? Кои делфини?" Но, ако ја инвертиравте основата на сликата -- односно, темните места тука -- заборавив да побарам покажувач -- но, ако ја инвертирате, ќе видите група мали делфини. Патем речено, и ако сте студент на Кал Теч -- тие исто така имаат тенденција да гледаат делфини. Затоа што е базирано на претходно искуство.

Сега, нешто вакво може да се користи затоа што станува збор и за дизајн исто така. Значи, ова е направено од Сачи и Сачи, кои се појавија со оваа реклама во Австралија. Ако погледнете во оваа реклама за пиво, сите луѓе се во еден вид провокативна позиција. Но, ова им помина и тие всушност ја освоија Клио наградата, -- забавно е да се прават вакви работи. Се сеќавате на ова, хмм. Ова е шега што ја направив за пребројувањето гласови во Флорида. Знаете, броите точки за Гор, броите точки за Буш. Па повторно ги броите.

Можете да ги промените очекувањата и за искуството. Еве една водена фонтана, која ја правев со едни мои пријатели, но можете да ги запрете капките вода -- всушност да направите капките да лебдат. Ова е нешто што го правиме за, знаете, забавни паркови и слични места. Сега да земеме една статична слика. Го гледате ова? Го гледате средниот дел како се движи надолу а страничните делови нагоре? А всушност е статично. Тоа е статична слика. Колкумина од вас ја видоа илузијата? Сликата е комплетно статична. Добро. Сега -- интересно е кога гледаме во сликава, гледаме боја, длабочина, состав. И може да ја гледате целава сцена и да ја анализирате. Гледате дека жената е поблиску од ѕидот и така натаму, Но целата слика е всушност рамна. Насликана е. Тоа е визуелен трик.. И тоа толку добар визуелен трик што луѓето беа иритирани кога сакаа да зборуваат со жената, а таа не им возвраќаше.

Може да направите и дизајнерски грешки. Како оваа зграда во Њујорк. Така да кога ја гледате од една страна, изгледа како балконите да се поткренати, а кога ќе отидете од другата страна тие изгледаат како да се навалени. Значи има случаи каде што имате грешки во дизајнот кои содржат илузии. Или да ја земеме оваа неретуширана фотографија. Сега, интересното е што, примив многу пораки од луѓе кои прашуваат, "Дали има некоја перцептуална разлика помеѓу мажите и жените?" И јас велам, "Не." Мислам, жените може да се ориентираат низ просторот исто толку добро колку и мажите -- и зошто не би било така? Сепак, оваа илузија жените постојано ја разбираат подобро отколку мажите: во претставата која глава е чија, затоа што тие се ослонуваат на модните познавања. Можат да ја спојат шапката со лицето.

Добро, стигнавме до делот -- каде сакам да ви покажам како се прават илузиите. Верувам дека прв пример на илузија кој е намерно направен е од Да Винчи, со овој анаморфичен приказ на око. Така, кога го гледате под агол изгледа вака. Оваа техника била популарна во 16-тиот и 17-тиот век, за маскирање на скриени значења, со вртење на сликата и гледање под агол како што е прикажано. Но ова беше во раните фази на користење на илузијата донесени до -- некоја повисока точка со "Амбасадорите" на Ханс Холбајнс. Ханс Холбајнс работел за Хенри VII. Сликата била закачена на ѕид така да симнувајќи се по скали можело да се види овој скриен череп.

Добро, сега ќе ви покажам дела на некои дизајнери кои работеа со илузии за да го добијат елементот на изненадување. Еден од моите омилени е Скот Ким. Работевме со Скот да креираме илузии за ТЕД кои се надевам ќе ви се допаднат. Имаме една тука за ТЕД и среќата. Добро. Артур (Генсон) сеуште не говорел тука, но тоа ќе биде восхитувачки говор, а тој има надвор некои навистина фантастични машини. И затоа, ние -- Скот го креира ова прекрасно признание за Артур Генсон.

Еве, аналогно и дигитално, Мислев дека ќе е соодветно за овде. Еве како фигура преоѓа во позадина. И за музичарите. И се разбира, за среќата -- посакуваме "радост на целиот свет." Сега, уште еден голем дизајнер -- тој е многу познат во Јапонија -- Шигео Фукуда. Тој има конструирано неколку фантастични работи. Ова е едноставно неверојатно. Ова е еден куп отпадоци кој кога го гледате од одреден агол, во огледалото ќе видите одраз на совршено пијано, Пијанист се трансформира во виолинист. Ова е навистина лудо. Оваа структура од вилушки, ножеви и лажици и најразличен прибор, заварени заедно, создаваат сенка на моторцикл. Се учат некои работи во областа во која работам, на пример дека има луѓе, кои имаат време на претек.

Кен Нолтон прави прекрасни мозаици. Како на пример Жак Кусто од школки -- неретуширани школки, само аранжирани. Го направи и Анјштајн од коцки, па нели и Ајнштајн рече "Господ не се коцка со универзумот" Берт Херцог од копчиња од тастатура. Вил Шорц крстозбор. Џон Седерквист ги прави овие прекрасни ормари со визуелни трикови.

Сега ќе прескокнам некои работи затоа што сме кратки со времето. Сакам набрзина да ви покажам што имам направено. Некои нови видови илузии. Направив нешто користејќи илузии од типот на Пиксар. Еве ги гледате овие деца кои се исти по големина. Трчаат низ ходникот. Двете маси со потполно иста големина. Децата гледаат во два правци истовремено. Поголем предмет како го собира во помал. И ова е нешто за кое треба да се размисли така? Значи гледате поголем предмет како го собира во помал тука. Дали сите можете да го видите ова? Што всушност е невозможно. И двете деца кои гледаат истовремено во два разлицни правци. Сега, можете ли да поверувате дека ове две маси се со иста големина и форма? Да исти се. Ако ги измерите ќе се уверите. Како што кажав, овие две фигури се идентични по големина и форма. Интересно е дека, изработувајќи го ова со користење компјутерска графика, илузиите се уште посилни. Во секој случај, се надевам дека ова ви донесе малку радост и среќа, и ако ве интересира да видете повеке вакви интересни ефекти, може да се сретнеме надвор. Ќе ми биде задоволство да ви покажам уште многу работи.