Ал Гор за спречувањето на климатската криза

Ти благодарам многу Крис. И навистина е голема чест да имаш можност да дојдеш на оваа сцена двапати. Крајно сум благодарен. Воодушевен сум од оваа конференција, и сакам да ви се заблагодарам на сите за многуте убави коментари околу тоа што имав да го кажам пред некоја вечер. И го велам ова искрено, делумно бидејќи -- (лажно плаче) -- потребно ми е ! (смеа) Ставете се во мојата кожа! Осум години летав со авионот на потпретседателот на САД. А сега треба да ги соблечам моите чевли или чизми за да влезам во авион! (Смеа) (Аплауз)

Ќе ви кажам една кратка приказна за да ви ја илустрирам мојата ситуација. Ова е вистинска приказна -- секој дел од неа е вистинит. Одкако сопругата Типер и јас ја напуштивме -- (лажен плач) -- Белата Куќа -- (Смеа) -- се возевме од нашиот дом во Нешвил до една мала фарма која ја имаме 50 милји источно од Нешвил -- се возевме самите себеси. Знам дека ви звучи како мала работа, но -- (Смеа) -- Погледнав во ретровизорот и одеднаш ми светна. Немаше поворка од коли позади мене. Сте слушнале за синдромот кога мислите дека ве боли екстремитет којшто ви е всушност ампутиран? (Смеа) Автомобилот беше изнајмен Форд Таурус. Беше време за вечера, и почнавме да бараме место за да јадеме. Бевме на патот И-40. Стигнаме до излезот 238, кај Лебанон во Тенеси. Се исклучивме кај излезот, и почнавме да бараме -- најдовме еден Шоуни ресторан. За тие од вас што не чуле за Шоуни, тоа е ланец на нискобуџетни семејни ресторани. Влеговме внатре и седнавме во едно сепаре, и келнерката дојде, и се возбуди многу поради Типер (Смеа) Ја запиша нашата нарачка, а потоа отиде до двојката што седеше во соседното сепаре, го намали својот глас толку многу што морав навистина да се напрегам за да ја слушнам. И рече "Да, тоа е поранешниот подпретседател Ал Гор и неговата сопруга Типер." И човекот рече "Се има спуштено многу ниско, зар не?" (Смеа)

Имав своевидна серија на просветлувања. Следниот ден, во продолжение на мојата целосно вистинска приказна, се качив на Г-5 да летам до Африка за да оддржам говор во Нигерија, во градот Лагос; темата беше енергија. И го почнав говорот раскажувајќи им ја приказната за тоа што се случи претходниот ден во Нешвил. Им ја раскажав горе-долу на истиот начин на којшто пред малку ја споделив со вас. Типер и ја се возевме самите себеси, Шоуни, ланец на нискобуџетни семејни ресторани, што кажа оној човек -- тие се смееа. Го оддржав мојот говор, потоа се вратив на аеродромот за да го фатам летот за дома. Спиев во авионот, до моментот кога во сред ноќ, слетавме на Азорните Острови за да наполниме гориво. Се разбудив, вратата беше отворена, излегов малку на свеж воздух, погледнав наоколу и видов еден човек како трча по пистата. Мавташе со некој лист, и викаше, "Јавете се во Вашинтон! Јавете се во Вашингтон!" И си помислив, во сред ноќ, на сред Атлантик што ли е тоа што може да се случува во Вашингтон? Тогаш ми текна дека може да се еден куп работи. (Смеа)

Но тоа што на крај се дозна е дека мојот персонал беше крајно вознемирен бидејќи една новинска агенција во Нигерија веќе имала напишано сторија за мојот говор. И веќе се испечатила во градови ширум САД -- беше испечатена во Монтереј, проверив. И сторијата почнуваше, "Поранешниот потпретседател Ал Гор изјави вчера во Нигерија, 'Мојата сопруга Типер и јас отворивме нискобуџетен семеен ресторан наречен Шоуни, и го управуваме сами.' " (Смеа) Пред да имав време да се вратам на Американско копно, Дејвид Летерман и Џеј Лено веќе имаа почнато -- еден од нив покажа слика од мене со голема бела шефовска капа, и Типер како вели, "Уште еден бургер, со помфрит!" Три дена подоцна, добив едно убаво, долго, на рака напишано писмо од мојот пријател и партнер и колега Бил Клинтон во коe што се велеше, "Честитки за новиот ресторан, Ал!" (Смеа) Сакаме да си ги славиме успесите во нашите животи.

Планирав да зборувам за информациска екологија. Но мислев, бидејќи планирам да создадам доживотна навика да се враќам на ТЕД, можеби ќе зборувам за тоа некој друг пат (Аплауз)

Крис Андерсон: Договорено!

Ал Гор: Сакам да се фокусирам на оние работи за кои многумина од вас побараа да ги објаснам подетално. Што можете да направите за климатската криза? Сакам да почнам со -- Ќе ви покажам некои нови слики, и ќе рекапитулирам само четири-пет. Сега, презентацијата на слајдови. Ја ажурирам презентацијата секој пат. Додавам нови слики бидејќи учам нешто ново секој пат кога ја покажувам. Тоа е како пречешлување на плажата, знаете? Секој пат кога плимата ќе надојде и потоа ќе си отиде, наоѓата уште по некоја школка. Во последните два дена, ги имавме новите рекордни температури за Јануари. Ова е само за САД. Историски, просекот за Јануари е 0 степени целзиусови. Минатиот месец беше 4 степени.

Знам дека сакавте уште повеќе лоши вести за животната средина -- се шегувам -- но ова се слајдовите каде што резимирам, а потоа ќе навлезам во новиот материјал околу тоа што вие можете да направите. Но сакав да образложам некои од овие. Најпрво, ова е каде планираме да стигнеме со придонесот на САД кон глобалното затоплување, во вообичаени услови. Ефикасност во крајното користење на струјата и користењето на целата енергија е лесно дофатливо. Ефикасност и конзервација. не е трошок, туку е профит. Знакот е погрешен. Не е негативно, туку е позитивно. Овие инвестиции се самоисплатливи. Но исто така тие се многу ефективни во скршнувањето од нашиот пат.

Автомобили и камиони - зборував за тоа во презентацијата, но сакам да го ставите во перспектива. Тоа е лесна, видлива цел на грижа, и треба да биде, но има повеќе загадување кое придонесува кон глобално затоплување а кое доаѓа од градбите а не од автомобилите или камионите. Автомобилите и камионите се многу значајни, и ние ги имаме најниските стандарди во светот, и треба да го направиме нешто во врска со тоа. Но тоа е дел од сложувалката. Нашата ефикасност во транспортот е исто толку битна колку и самите автомобили и камиони! Обновливите ресурси со моменталното ниво на технолошка ефикасност можат да направат толку разлика, и со тоа што Винод и Џон Доер, и други, многу од вас тука -- многу луѓе директно инволвирани во ова --овој дел ќе расте многу побрзо од моменталните проекции. Собирањето и изолирањето на јаглерод диоксидот -- на скратено CCS -- најверојатно ќе стане новата најбарана апликација што ќе ни овозможи да продолжиме да ги користиме фосилните горива на начин којшто е безбеден. Сеуште не сме таму.

Во ред. Сега, што можете вие да направите? Намалете ги загубите во вашиот дом. Многу од овие трошоци се исто така профитабилни. Инсулација, подобар дизајн, купување на 'зелена' енергија кога имате можност за тоа. Ги споменав автомобилите -- купете хибридно возило. Пронајдете други опции што се подобри. Многу е битно.

Бидете 'зелени' потрошувачи. Имате избор со се што купувате, помеѓу работи коишто имаат груб ефект или многу помалку груб ефект на глобалната климатска криза. Размислете околу ова. Донесете одлука да живеете јаглерод-неутрален живот. Оние од вас коишто се добри во брендирање, би сакал ваш совет и помош околу тоа како да го наречеме ова нешто (климатската криза) на начин што ќе значи нешто за повеќето од луѓето. Полесно е отколку што мислите. Навистина е. Многу од нас тука ја имаат веќе донесено таа одлука и е навистина доста лесно. намалете ги зрачењата на јаглерод диоксид со целиот спектар на одлуки што ги носите и потоа доплатете или допринесете за остатокот од зрачењата што не сте ги комплетно намалиле. А што тоа значи е детално објаснето на www.climatecrisis.net

Има калкулатор за јаглеродни зрачења. Продукцијата Партиципант ги собра, со моја активна инволвираност, водечките софтвер креатори во светот за оваа таинствена наука на калкулирање на јаглеродот, да конструираат калкулатор за јаглеродни зрачења којшто е лесен за користење. Можете многу прецизно да пресметате кои се вашите CO2 зрачења, и потоа ќе ви бидат дадени опции за тоа како да ги намалите. И до моментот кога ќе се појави филмот во Мај, ова ќе биде ажурирано во 2.0 верзија и ќе имате можност со еден клик да купите компензации за вашите зрачења.

Понатаму, размислете околу тоа да го направите вашиот бизнис јаглерод-неутрален. Повторно, некои од нас го имаат тоа направено, и не е толку тешко колку што мислите. Интегрирајте климатски решенија во сите ваши иновации, без разлика дали се од областа на технологијата, или забавата, или од дизајнот и архитектурата. Оддржливо инвестирајте. Маџора го спомена ова. Слушнете, ако имате инвестирано пари со менаџери коишто ги наградувате на база на годишните перформанси, немојте веќе да се жалите за кварталните менаџмент извештаи. Со тек на време, луѓето го прават тоа за кое што ги плаќате. И ако тие судат колку ќе бидат платени според капиталот кој што го инвестирале, на база на краткорочните резултати, ќе добите краткорочни одлуки. Има уште многу да се каже околу тоа.

Станете катализатор на промените. Подучете ги другите, научете за тоа, зборувајте за тоа. Филмот ќе излезе -- филмот е филмска верзија на презентацијата која што ја презентирав пред две вечери, со тоа што е многу позабавен. И излегува во Мај. Многу од вас тука ја имаат можноста да придонесат кон тоа многу луѓе да го видат. Размислете околу тоа да пратите некого во Нешвил. Направете добар избор. И јас лично ќе ги обучам луѓето да ја прикажуваат оваа презентација, да ја употребат повторно, со некои од личните приказни сменети со погенерален пристап, и -- не се само слајдовите, туку тоа што тие значат. И како се поврзани еден со друг. И ќе оддржам предавање ова лето за група на луѓе коишто ќе бидат номинирани од различни луѓе и потоа тие да го оддржат, масовно, во заедници ширум целата држава, и ќе ја ажурираме презентацијата за нив секоја недела за да ја задржиме актуелна. Во соработка со Лери Лесиг, некаде во тој процес, ќе биде објавен со алатки и копирајт за ограничено користење за да можат младите луѓе да го 'ремиксираат' и да го направат свое. (Аплауз)

Од каде ни е воопшто идејата дека треба да се држиме подалеку од политиката? Не значи дека ако вие сте Републиканци дека јас се обидувам да ве убедам да станете Демократи. Потребни ни се и Републиканци. Овој проблем порано беше сепартиски, и знам дека тука меѓу нас навистина е. Станете политички активни. Направете нашата демократија да функционира онака како што треба. Поддржете ја идејата за ограничување на зрачењата на јаглерод диоксидот, загадувањете кое резултира со глобално затоплување, и негово заменување. Еве зошто: се додека САД се надвор од светскиот систем, тој систем не е затворен систем. Кога ќе стане затворен систем, со учеството на САД, тогаш секој кој што е на некој управен одбор -- колкумина овде се дел од управен одбор во некоја корпорација? Кога ќе биде затворен системот, ќе бидете одговорни пред законот ако не го убедувате вашиот директор да го извади максималниот можен приход од редуцирањето на зрачењата што можат да бидат избегнати. Самиот пазар ќе најде начин да го реши овој проблем ако го постигнеме ова. Помогнете со масовната кампања која што ќе започне оваа пролет. Мораме да го смениме менталитетот на Американците. Бидејќи во овој момент политичарите немаат дозвола да го прават она што треба да се направи.

И во нашето модерно општество, улогата на логиката и на разумот веќе не подразбира медијација помеѓу богатството и моќта како што беше некогаш. Сега е актуелно повторувањето на кратки, 30 секундни, 28 секундни телевизиски рекламни пораки Мораме да купиме многу од тие рекламни пораки. Ајде да го ребрендираме глобалното затоплување, како што многу од вас препорачаа. Ми се допаѓа терминот климатска криза повеќе од климатски колапс, но повторно, ви се обраќам на сите кои што сте добри со брендирање, потребна ми е вашата помош околу ова. Некој кажа дека тестот со којшто сме сега соочени, еден научник ми кажа, е дали комбинацијата на функционални палци на рацете и неокортекс е практична комбинација. Тоа е навистина точно. Кажав пред некоја вечер, и пак ќе повторам: ова не е политичко прашање. Повторно, за сите Републиканци тука, ова не треба да е партиско прашање. Имате повеќе моќ за влијание од некои од нас Демократите. Ова е шанса. Не само ова, но поврзано со идеите што се тука, да се доведе повеќе кохерентност до нив. Ние сме едно. Ви благодарам многу, навистина го ценам. (Аплауз)