Джонни Ли Wii Remote менен ыкмаларды көрсөтүп жатат.

Изилдөөчүлөр болуп биз белгилүү бир мүмкүнчүлүктөрүбүздү жана максаттарыбызды жетиш үчүн чексиз каражаттарды адатынча пайдаланабыз. Бул илими прогресс үчүн же мүмкүнчүлүктөрдү изилдөө үчүн зарыл. Бирок ошондон жараткан ийгиликсиз шарттарда дүйнөнүн абдан кичинекей бөлүгү гана чындыгында ушул илимий ачууда катыша алат же ошо технологиядан пайда ала алат. Ушуну таптакыр өзгөртүү жана элдин бир далай көбүрөөк процентине технологиянын эшигин ачууга жөнөкөй мүмкүнчүлүктү көрүү менин изилдөөмө дем берет.

Азыр мен силерге эки жакында белгилүү болгон видеолорду көрсөткөнү жатам. Алар ушу философиямды ишке ашырууну көрсөтүшөт. Алар чындыгында Nintendo Wii Remote контроллерди пайдаланат. Ошо аспап жөнүндө укпагандарга түшүндүрөм, бул 40 доллар турган видео оюн контроллери. Негизинен аракет сенсор мүмкүнчүлүгү жарнамаланат. Аны теннис ракеткадай же бейсбол калтектей колдонсоңор болот. Бирок мен башка өзгөчөлүгүнө кызыгам - ошо контроллердин учунда башкаларга караганда жогору өндүрүмдүү инфра-кызыл камерасы бар. Пайдасын көрүш үчүн мен азыр эки видеолорду силерге көрсөткөнү жатам.

Мына менин проектор менен орнотолгон компьютер, анын үстүндө Wii Remote турат. Мисалы, силер көп акча жок окуу жайда иштесеңер, көпчүлүгү ушундай деп ойлойм, же офисте иштейсиңер жана силерге интерактивдуу такта керек. Ушундай такталар эки-үч миң доллар турат. Ошону Wii Remote контроллер менен жасаганды силерге көрсөткөнү жатам. Эми ошого дагы бир жабдуу керек. Бул инфра-кызыл калем. Ушундай калемди өзүңөр жасаганга чамалуу беш доллар эле керек. Ага мисалы Radio Shack электротехника дүкөндө детальдарды сатып ала аласыңар. Батарейкасы, кнопкасы жана инфра-кызыл LED Жарык Чыгаруу Диоду бар. Cилерге азыр көрүнбөйт, бирок кнопкасын басканда ал иштей баштайт. Анда азыр программамды аракетке келтирcем, камерасы инфра-кызыл чекитти көрөт. Ошентип камеранын пиксель чекиттерди проектордун пиксельдерге регистрациялайм. Эми бул класс такта болуп калды. (Кол чабуулар) Мына ушентип 50 доллар турган жабдуулар менен класс тактаны кылай аласыңар. Бул Adobe Photoshop программасы. (Кол чабуулар) Ыракмат. (Күлкү)

Ошону кылыш үчүн программамды веб-сайтымга салдым. Ар кимге аны акысыз копиялууга уруксат берем. Проектимди жарыялгандан үч айдан кийин ошо программам жарым миллион жолу копияланган. Ошентип эми мугалимдер жана студенттер бүткүл дүйнөдө аны пайдаланат. (Кол чабуулар) Тез эле белгилеп кетем - ошо 50 доллар жолунун кичине кемчиликтери бар. Бирок ал ошо 80 процент жумушту бир эле процент баасы менен аткарат. Камеранын көп чекит көрүү функциясы бул анын башка сонун нерсеси. Ошо менен тактанын мульти-тач функциясы да бар. (Кол чабуулар)

Экинчи демонстрация үчүн Wii Remote контроллерди телевизордун жанында койдум. Азыр анын учу экранга карабай тескери экрандан ушу жерге карайт. Бул эмне үчүн кызыктуу? Мисалы силер коопсуздук көз айнекти, эки инфра-кызыл чекиттерди бекитип, кийгизсеңер ушу чекиттер башынын жакындатылган орунду компьютерге жиберет. Жана азыр менин башка программам иштеп жатат, ал бир нече асма буюмдары менен үч өлчөмдүү бөлмөнү көрсөтөт. Азыр видео оюндардай бөлмөнү көрө жатасыңар ал кичине үч өлчөмдүүдөй көрүнөт, Бирок негизинен сүрөтү жалпак жана экрандын тегиздикке байланышкан. Бирок баш байкоону аракетке келтирсек ал баш аракетке туура келе баштап компьютер экрандын сүрөттү өзгөртө алат. Канакей кайта көрөлү. (Күлкү) (Кол чабуулар)

Ошондон видео оюн жасоочулардын коому абдан таң калган экен. (Күлкү) Анткени Nintendo Wii бар болсо бул кошумча 10 доллар эле. Ошо технология менен оюндарды күтүп турам. Баса Луи Кастл мына ушу жерде биз менен отурат. Өткөн жумада ал иштеген компаниясы, эң чоң оюн өндүрүүчү компания Electronic Arts деген компания май айында жаңы оюнду чыгарат. Ушундай баш байкоо aнын жашырын функциясы болот. Ошентип беш айдан азыраак лабораториямдын прототиптан чоң коммерциялык продукт болуп калды. (Кол чабуулар) Ыракмат.

Бирок мага башка нерсе да ушу эки продуктка бирдей кызыктуу. Ошо продукттар боюнча кишилер кантип тапканы кызык экен. YouTube сайты бир кишинин идеясын бүткүл дүйнөгө таратканын жолу жана ылдамдыкты чындыгында өзгөрткөн. Элестеткиле, лаборяториямда видео камера менен изилдөө кылып жатам, анан бир жумадан кийин миллион кишилер жумушумду көргөн. Бир нече күндөн кийин бүткүл дүйнө жүзүнөн инженердер, мугалимдер жана студенттер системамды колдонуунун видеолорду YouTube сайтка коюу баштаган. Ушундайдарды келечекте көбүрөөк көргөнгө ишенем. Жана интернет менен видео таратууну изилдөөчүлөр коому менен пайдаланууга ишенем. Чоң ыракмат. (Кол чабуулар)