نیل هاربیسۆن: من ڕەنگ دەبیستم

بە حاڵەتێکى دەگمەنەوە لەدایک بووم کە پێى ئەڵێن ڕەنگ کوێرى، کە بریتییە لەوەى ڕەنگەکان هیچیان نابینم و نازانم ڕەنگەکان چۆن چۆنین. من دنیا بە خۆڵەمێش ئەبینم. ئاسمان هەمیشە خۆڵەمێشییە. گوڵەکان هەمیشە خۆڵەمێشین. تەلەفزیۆن هێشتا ڕەش و سپی یە.

بەڵام لەوکاتەوە کە بومەتە 21 سالَ، لەجیاتى بینینى ڕەنگەکان، دەیانبیستم. لە ساڵى 2003 دەستم بە پڕۆژەیەک کرد، لەگەل ئادەم مۆنتاندۆنى زاناى بوارى کۆمپیوتەر بە هاوکارى پیتەرکیت لە سلۆڤینیا و ماتیاس لیزانا لە بەرشەلۆنەوه ئەم چاوە ئەلکترۆنییە بەرهەم هات. کە بریتییە لە هەستەوەرێک کە شەپۆلى ئەو ڕەنگانەى بەردەمم دەناسێتەوە و ئەم شەپۆلانە دەنێرێت بۆ (چیپ)ێک کە لە پشتى سەرى مندا قایمکراوه بەمەش دەنگەکان لە ڕێگەى ئێسکەوە دەبیستم. بۆ نمونە، شتێکى ئاوا .. ئەمە دەنگى مۆرە، ئەمە ڕەنگى گیایە، ئەمە ڕەنگى سورە، وەک TED. ئەمە ڕەنگى گۆرەوییەکى پیسە، وەکو ڕەنگى زەرد وایە.

ئێستا 8 ساڵە من ڕەنگەکان دەبیستم، لە ساڵى (2004)ەوە، بۆیە ئێستا زۆر بەلامەوە ئاسایىیە. کە ڕەنگەکان ببیستم لە سەرەتاوە پێویست بوو ناوى ڕەنگەکان لەبەر بکەم، دەبو دەنگەکەشیان لەبەر بکەم، ئەمانەش هەمو وایان کرد دنیایەکى تایبەتم بۆ دروست ببىَ ئیتر پێویستم بەوەنەبو بیر لە دەنگەکە بکەمەوە، دواى ماوەیەکیش، ئەم دنیابینیە بوو بە هەستێک بۆم. وام لێ هات حەزم لە ڕەنگێک بێت و خەوى ڕەنگاوڕەنگ ببینم

ئەوکاتە خەوى ڕەنگاوڕەنگم بینى کە هەستمکرد کە بەرنامە کۆمپیتەریەکە و مێشکى من یەکیان گرتووە. لە خەوەکانما مێشکم دەنگەکانى دروست ئەکرد. نەک پڕۆگرامە کۆمپیوتەرییەکە. ئەوکات ئیتر هەستمکرد کە سایبۆرگم (تێکەڵەى مرۆڤ و ئامێر) هەستم کرد کە ئامێرەکە چیتر ئامێر نیە بوبو بە بەشێک لە جەستەم درێژکراوەى هەستەکانم بوو پاش ماوەیەکیش بوو بە بەشێکى ڕوخسارە فەرمییەکەم.

ئەمە پاسپۆرتەکەمە کە ساڵى 2004 دەرچووە وێنەى سەر پاسپۆرتى بریتانى نابێت ئامێرى ئەلکترۆنى تیا بێت، بەڵام من پێم لەسەر ئەوە دادەگرت کە ئەو ئامێرەەی بەڕێوەبەرایەتی پاسپۆرت دەیبینێت ئەو بەشێکى نويَى جەستەى منە درێژکراوەى مێشکمە، دواجار ڕازى بوون بهێڵن بەو شێوەیە لە پاسپۆرتەکەدا دەرکەوم.

لەوکاتەوە کە ڕەنگەکان دەبیستم ژیانم زۆر گۆڕاوە. ڕەنگەکان تەقریبەن لە هەموو شوێنێکدا هەن بۆیە گەورەترین گۆڕانکارى بۆ نمونە ئەوەیە کە دەچمە پێشانگاى وێنەکێشان دەتوانم بۆ نمونە گويَ لە پیکاسۆ بگرم وەک ئەوە وایە بچم بۆ هۆڵێکى کۆنسێرت وەک ئەوەى گويَ لە تابلۆکان بگرم بەلاى منەوە سوپەرمارکێتەکانیش زۆر سەرنجڕاکێشن تێپەربون بە ناو سوپەرمارکێتەکاندا زۆر سەرنجڕاکێشە وەک ئەوە وایە بچیتە یانەیەکى شەوانە پڕە لە میلۆدى جیاجیا بەتایبەت کە بە بەشى کەرەسەى پاککردنەوەکاندا تێپەڕى، ئەويَ زۆر خۆشە

شێوازى خۆگۆڕینیشم گۆڕاوە. جاران وا خۆم دەگۆڕى کە دیمەنى جوان بێت، ئێستا وا خۆم دەگۆڕم کە دەنگى خۆش بێت

(چەپڵە)

ئەمڕۆ لەسەر تۆنى (سى) بەرز خۆم گۆڕیوە کە ئاوازێکى زۆر خۆشە ئەگەر بچم بۆ تەعزییەک لەسەر تۆنى (بى) نزم خۆم ئه گۆڕم وەک پیرۆزەیى، مۆر و پرتەقاڵى

تەنانەت خواردنیش، تێڕوانینم بۆ خواردنیش گۆڕاوە. کە خواردنێک لەسەر قاپێک دانرابيَ ئەتوانم گۆرانىیە پەسەندکراوەکەم بخۆم. بە چۆنێتى دانانەکەى، دەتوانم بیانبیستم و ئاواز دابنێم چێشتخانەیەک بهێنە بەرچاوى خۆت کە بۆ نمونە زەڵاتەى (لەیدى گاگا) پێشکەش بکەن ڕەنگە ئەمە وا بکات نەوجەوانەکان سەوزەواتەکان بخۆن یان ئاوازێکى پیانۆى رەحمانینۆف وەک خواردنى سەرەکى شیرینى بیۆرک یان مادۆناش هەبێت ئەمە دەبێتە چێشتخانەیەکى زۆرخۆش کە دەتوانى گۆرانى لێ بخۆیت

هەروەها تێڕوانینم بۆ (جوانى)ش گۆڕاوە چونکە کاتيَ تەماشاى کەسێک دەکەم، گوێم لە ڕوخسارى دەبێت، بەمەش ئەوکەسەى کە زۆر جوانە دیارە ڕەنگە زۆر ناقۆڵا بیبیستیت ڕەنگە پێچەوانەکەش ڕوبدات بۆیە حەز بەوە ئەکەم کە پۆرترێتى دەنگەکانیان بکێشم لەجیاتى کێشانى وێنەى ڕوخساریان بە چاوە ئەلکترۆنى یەکەم تەماشایان دەکەم و وێنەى ئەو دەنگە جیاوازانە دەکێشم کە دەیانبیستم ئەمە چەند ڕوخسارێکە:

ئەنتۆنى تاپیس - دانیەل رادکلیف - گایل گارسیا بێرنال - شازادە چارڵس - ودى ئالن - لیۆناردۆ دى کاپریۆ - مۆنزێرات کابالێ - تۆم کروز - ئال گۆر - نیکۆل کیدمان

نیکۆل کیدمان خۆشە (پێکەنین).

هەنديَ کەس هیچ پەیوەندییان پێکەوە نیە، بەڵام لەیەک دەچن. شازادە چارلس و نیکۆل کیرمان چەند خاڵێکى هاوبەشیان هەیە. دەنگى چاى شازادە چارلس و نیکۆلَ کیدمان لەیەک دەچن.

بەم شێوەیە دەتوانى کەسانێک پێکەوە ببەستیتەوە کە هیچ پەیوەندییان بە یەکترەوە نیە تەنانەت دەتوانى کۆنسێرتیش ساز بدەیت بەوەى تەماشاى دەموچاوى ئامادەبوان بکەیت چاوە ئەلکترۆنیەکەم دەخەمە کارو ڕوخسارى ئامادەبوان دەژەنم باشى ئەمە لەوەدایە کە ئەگەر کۆنسێرتەکە خۆش نەبێت، خەتاى ئەوانە خەتاى من نیە

شتێکى تریش ئەوەیە کە خەریکە کاریگەرى لاوەکیم بۆ دروست دەبێت دەنگە ئاساییەکان وەکو ڕەنگ دەبیستم. دەنگى تەلەفۆن هەمان دەنگى سەوزە لە ڕەنگى سەوز دەچێت. (تووت)ەکانى BBC هەمان دەنگى پیرۆزەییان هەیە و گوێگرتن لە مۆزارت ئەزمونێکى ڕەنگ زەردە

بۆیە دەستم کرد بە کێشانى وێنەى مۆسیقا و کێشانى وێنە دەنگى خەڵک چونکە دەنگى خەڵک شەپۆلى تیایە و منیش دەیانبەستمەوە بە ڕەنگەکەوە

ئەمانە چەند ئاوازێکن کە وەرمگێڕاون بۆ سەر وێنە: مۆزارت-شاژنى شەو، لەمە دەچێت زۆر زەردە و زۆریش ڕەنگاوڕەنگە چونکە شەپۆلى زۆر جیاوازى تیایە (ميوزيك) ئەمەش گۆرانییەکى تەواو جیاوازە ئەمە (بەیبى)یەکەى جەستن بیبەرە (ميوزيك) پەمەیى و زەردى زۆرە

هەروەها دەنگى مرۆڤیش. دەتوانم قسەکان بگۆڕم بۆ ڕەنگ. بۆ نمونە ئەمە دوو وتەى زۆر بەناوبانگن. یەکێکیان وتەى (من خەونێکم هەیە)ى مارتن لوسەر کینگە و ئەوى تریشیان هى هیتلەرە حەزئەکەم ئەم وێنانە لە پێشانگاکاندا بخەمە بەرچاوى بینەران بەبيَ ئەوەى ناوى کەسەکەیان لەسەربێت ئینجا لە بینەران دەپرسم "کامیان پەسەند دەکەیت؟" زۆربەى خەڵک بۆچونەکەیان دەگۆڕن. کە پێیان دەڵێم ئەوەى دەستە چەپیان هى هیتلەرەو ئەوەى دەستەڕاست هى مارتن لوسەرە

گەیشتمە ئاستێک کە بتوانم 360 ڕەنگ ببینم ڕێک وەک مرۆڤى ئاسایى دەمتوانى هەمو ڕەنگەکانى سەر خلۆکەى ڕەنگەکان ببینم و هەمو ئاستەکانى لەیەک جیابکەمەوە بەڵام بۆم دەرکەوت کە تواناى بینینى مرۆڤ ئەو باشە نیە زۆر زۆر ڕەنگى تر لە چواردەورماندا هەیە کە ناتوانین بیانبینین بەڵام چاوە ئەلکترۆنیەکان دەتوانن بیابینین بۆیە بڕیارم دا مەوداى ڕەنگەکانم فراوانتر بکەم ئینجا تیشکى ژێر سورو پاشان سەرو وەنەوشەیيم بۆ پێوانەى ڕەنگ –بۆ- دەنگەکەم زیادکرد کەواتە ئێستا دەتوانم ئەو ڕەنگانە ببیستم کە چاوى مرۆڤ ناتوانيَ بیانبینێت.

بۆ نمونە بینینى تیشکى ژێرسور شتێکى باشە چونکە دەتوانى ئەگەر هەستارێکى جوڵە دیاریکەر لە ژوورەکەدا هەبێت بیدۆزیتەوە ئەگەر کەسێک ڕوى رێموت کۆنترۆڵێکم تيَ بکات گوێم لێ دەبێت باشیەکەى ناسینەوەى تیشکى سەرو وەنەوشەیش ئەوەیە کە دەتوانیت بزانیت ڕۆژێکى گونجاوە بۆ خۆخستنه بەرخۆر یان نا چونکە ڕەنگى سەرو وەنەوشەی ڕەنگێکى مەترسیدارە ڕەنگێکە کە دەتوانيَ لەناومان بەرێت، بۆیە وابزانم پێویستە هەمومان ئاواتى ئەوە بخوازین کە هەست بەو شتانەش بکەین کە لە دەرەوەى هەستەکانماندان

بۆیە دوو سالَ لەمەوبەر دامەزراوەى سایبۆرگم دامەزراند بۆ یارمەتیدانى ئەو کەسانەى کە دەیانەوێت ببنە سایبۆرگ (تێکەڵەى مرۆڤ و ئامێر).هەروەها بۆ ئەوەى خەڵکیش هانبدات مەوداى هەستەکانیان زیاد بکەن لەڕێگەى زیادکردنى ئامێرى تەکنۆلۆجیەوە بۆ جەستەیان

دەبێت ئەوە بزانین کە ئێمە لە رێگەی هەستەکانمانەوە زانیارییمان پێ دەگات بۆیە ئەگەر هەستەکانمان فراوان بکەین لە ئەنجامدا زانیارییەکانیشمان زیاد دەکات وابزانم ژیان زۆر خۆشتر دەبێت ئەگەر لە بری ئەوەی پڕۆگرامی مۆبایل دروست بکەین، پڕۆگرام بۆ جەستەی خۆمان دروست بکەین وابزانم ئەمە هەلێکی زۆر گەورەیە و لەم سەدەیەدا بۆمان هەڵدەکەوێت

بۆیە هانتان دەدەم کە بیر لەو هەستانەتان بکەنەوە کە حەز دەکەن فراوانی بکەن. هانتان دەدەم کە ببن بە سایبۆرگ (تێکەڵەی مرۆڤ و ئامێر). تەنیا نابن. سوپاس.

(چەپڵە).