ಬ್ಲೇಸ್ ಅಗ್ವೆರಾ ವೈ ಅರ್ಕಾಸ್‌ರ ಡೆಮೋಸ್ ಫೊಟೊಸಿಂತ್

ಎಷ್ಟು ಸಾಧ್ಯವೋ ಅಷ್ಟು ಬೇಗ ನಾನು ನಿಮಗೆ ಮೊದಲು ತೋರಿಸುವುದೇನೆಂದರೆ, ಒಂದು ಅಡಿಪಾಯ ಹಾಕುವ ಕೆಲಸ, ಕೆಲವು ಹೊಸ ತಂತ್ರಜ್ಞಾನ ನಾವು ಮೈಕ್ರೋಸಾಫ್ಟ್‌‌ಗೆ ಅರ್ಜನೆಯ ಒಂದು ಭಾಗವಾಗಿ ಸುಮಾರು ಒಂದು ವರ್ಷದ ಹಿಂದೆ ತಂದದ್ದು. ಇದು ಸೀಡ್ರಾಗನ್. ಅದು ನೀವು ಸ್ಥಳೀಯವಾಗಿ ಅಥವಾ ದೂರವರ್ತಿಯಾಗಿ ಬೃಹತ್ ಮೊತ್ತದ ಮಾಹಿತಿಯ ಜೊತೆ ಸಂವಹನ ಮಾಡಬಹುದಾದ ವಾತಾವರಣ.

ನಾವು ಇಲ್ಲಿ ಹಲವು, ಹಲವು ಗಿಗಾಬೈಟ್‌‌ನಷ್ಟು ಡಿಜಿಟಲ್ ಫೋಟೊಗಳನ್ನು ಸರಾಗವಾಗಿ ಮತ್ತು ಸತತವಾಗಿ ನೋಡುತ್ತಿದ್ದೇವೆ. ಅದನ್ನು ತಿರುವಿ ಹಾಕುತ್ತಿದ್ದೇವೆ, ನಮಗೆ ಬೇಕಾದಂತೆ ಜೋಡಿಸುತ್ತಿದ್ದೇವೆ. ನಾವು ಎಷ್ಟೊಂದು ಮಾಹಿತಿಯನ್ನು ನೋಡುತ್ತಿದ್ದೇವೆ. ಈ ಶೇಖರಣೆ ಎಷ್ಟು ದೊಡ್ಡದು ಅಥವಾ ಈ ಚಿತ್ರಗಳು ಎಷ್ಟು ದೊಡ್ಡವು ಎಂಬುದು ಅಪ್ರಸ್ತುತ. ಇವುಗಳಲ್ಲಿ ಬಹಳಷ್ಟು ಸಾಮಾನ್ಯ ಡಿಜಿಟಲ್ ಕ್ಯಾಮೆರಾ ಚಿತ್ರಗಳು, ಆದರೆ ಇದು, ಉದಾಹರಣೆಗೆ, ಲೈಬ್ರೆರಿ ಆಫ್ ಕಾಂಗ್ರೆಸ್‌‌‌ನಿಂದ ಸ್ಕ್ಯಾನ್ ಮಾಡಿದ್ದು, ಹಾಗೂ ಇದು 300 ಮೆಗಾಪಿಕ್ಸೆಲ್ ಗಾತ್ರವಿದೆ. ಅದರಿಂದೇನೂ ವ್ಯತ್ಯಾಸವಾಗುವುದಿಲ್ಲ ಏಕೆಂದರೆ, ಒಂದು ಈ ತರಹದ ಸಿಸ್ಟಮ್ನ ಕಾರ್ಯವನ್ನು ಸೀಮಿತಗೊಳಿಸುವ ಅಂಶವೆಂದರೆ ನಿಮ್ಮ ಸ್ಕ್ರೀನ್ನ ಪಿಕ್ಸೆಲ್ ಸಂಖ್ಯೆ

ಯಾವುದೇ ಸಮಯದಲ್ಲೂ ಇದು ನಿಜ. ಇದು ಕೂಡ ನಮ್ಯವಾದ ರಚನೆ. ಇದೊಂದು ಸಂಪೂರ್ಣ ಪುಸ್ತಕ, ಚಿತ್ರಗಳಿಲ್ಲದ ಮಾಹಿತಿಗೆ ಉದಾಹರಣೆ. ಇದು ಡಿಕನ್ಸ್‌‌ನ ಬ್ಲೀಕ್ ಹೌಸ್. ಪ್ರತಿ ಕಾಲಂ ಕೂಡ ಒಂದು ಅಧ್ಯಾಯ. ಇದು ನಿಜವಾಗಿಯೂ ಪಠ್ಯವಸ್ತು, ಹಾಗೂ ಚಿತ್ರವಲ್ಲ ಎಂದು ನಿಮಗೆ ನಿರೂಪಿಸಲು, ನಿಜವಾಗಿಯೂ ತೋರಿಸಬೇಕೆಂದರೆ ನಾವು ಒಂದು ಕೆಲಸ ಮಾಡಬಹುದು. ಇದು ನಿಜವಾಗಿಯೂ ಪಠ್ಯವಸ್ತುವಿನ ನೈಜ ಪ್ರಾತಿನಿಧಿಕ ರೂಪ, ಚಿತ್ರವಲ್ಲ. ಇದೊಂದು ಇ-ಪುಸ್ತಕ ಓದುವ ಕೃತಕ ವಿಧಾನವಿರಬಹುದು. ಇದನ್ನು ನಾನು ಶಿಫಾರಸು ಮಾಡುವುದಿಲ್ಲ.

ಇದು ಒಂದು ಇನ್ನೂ ನೈಜ ಉದಾಹರಣೆ. ಇದು ದಿ ಗಾರ್ಡಿಯನ್‌‌ನ ಒಂದು ಸಂಚಿಕೆ. ಪ್ರತಿಯೊಂದು ದೊಡ್ಡ ಚಿತ್ರವೂ ಒಂದು ವಿಭಾಗದ ಪ್ರಾರಂಭ. ಹಾಗೂ ಇದು ನಿಮಗೆ ನಿಜವಾಗಿಯೂ ಸಂತೋಷ ಮತ್ತು ಒಳ್ಳೆಯ ಅನುಭವ ನೀಡುತ್ತದೆ ಒಂದು ಪತ್ರಿಕೆ ಅಥವಾ ವೃತ್ತಪತ್ರಿಕೆಯ ನಿಜವಾದ ಆವೃತ್ತಿಯನ್ನು ಓದಲು, ಒಂದು ರೀತಿಯ ಮಲ್ಟಿ-ಸ್ಕೇಲ್ ಮಾಧ್ಯಮವಿದ್ದಂತೆ. ನಾವು ಇದರಲ್ಲಿ ಇನ್ನೂ ಒಂದು ಕೆಲಸ ಮಾಡಿದ್ದೇವೆ ಈ ಒಂದು ದಿ ಗಾರ್ಡಿಯನ್ನ ನಿರ್ದಿಷ್ಟ ಸಂಚಿಕೆಯ ಮೂಲೆಗಳಲ್ಲಿ ನಾವು ತುಂಬಾ ಹೆಚ್ಚು ರೆಸೊಲ್ಯೂಶನ್ ಇರುವ ಒಂದು ನಕಲಿ ಜಾಹಿರಾತು ಮಾಡಿದ್ದೇವೆ -- ಇದು ಒಂದು ಸಾಮಾನ್ಯ ಜಾಹಿರಾತಿನ ರೆಸೊಲ್ಯುಷನ್‌ಗಿಂತ ಹೆಚ್ಚಾಗಿದೆ. -- ಹಾಗೂ ನಾವು ಹೆಚ್ಚುವರಿ ವಿಷಯವನ್ನು ಇದಕ್ಕೆ ಸೇರಿಸಿದ್ದೇವೆ. ನೀವು ಈ ಕಾರಿನ ಲಕ್ಷಣಗಳನ್ನು ನೋಡಬೇಕೆಂದರೆ, ನೀವು ಇಲ್ಲಿ ನೋಡಬಹುದು. ಅಥವಾ ಇತರ ಮಾಡೆಲ್‌‌ಗಳು, ಅಥವಾ ತಾಂತ್ರಿಕ ವಿವರಗಳನ್ನು ಕೂಡ. ಹಾಗೂ ಈ ಕೆಲವು ಕಲ್ಪನೆಗಳನ್ನು ನಿಜಮಾಡಬಹುದು ಸ್ಕ್ರೀನ್ ವಿಸ್ತಾರದ ಮೇಲಿರುವ ಮಿತಿಗಳನ್ನು ತೊಡೆದುಹಾಕಬಹುದು. ಅಂದರೆ, ನಾವು ಆಶಿಸುತ್ತೇವೆ ಇನ್ನು ಮುಂದೆ ಪಾಪಪ್‌‌ಗಳು ಇರುವುದಿಲ್ಲ ಮತ್ತು ಇತರ ತರಹದ ಅಂತಹ ಕಸ -- ಅಗತ್ಯವಿರುವುದಿಲ್ಲ.

ಖಂಡಿತವಾಗಿಯೂ ಮ್ಯಾಪಿಂಗ್ ಇಂಥ ತಂತ್ರಜ್ಞಾನದ ನೈಜ, ಸುಸ್ಪಷ್ಟ ಅಪ್ಲಿಕೇಶನ್‌‌ಗಳಲ್ಲಿ ಒಂದಾಗಿದೆ. ಹಾಗೆಯೇ ಇದು, ಇದರ ಮೇಲೆ ನಾನು ಹೆಚ್ಚು ಸಮಯ ವ್ಯಯ ಮಾಡುವುದಿಲ್ಲ, ಆದರೆ ಒಂದು ವಿಷಯ ಹೇಳುತ್ತೇನೆ, ಈ ಕ್ಷೇತ್ರಕ್ಕೆ ನಾವು ಕೊಡುಗೆ ಕೊಡುವಂತಹ ವಿಷಯಗಳು ಇವೆ. ಆದರೆ ಅವೆಲ್ಲಾ ಯು.ಎಸ್.ನಲ್ಲಿರುವ ರಸ್ತೆಗಳು NASAದ ಭೂ ವಿಸ್ತಾರ ಚಿತ್ರದ ಮೇಲೆ ಇರಿಸಲಾಗಿದೆ. ಈಗ ನಾವು ಇನ್ನೋದನ್ನು ಹೊರತೆಗೆಯೋಣ. ಇದು ವಾಸ್ತವವಾಗಿ ವೆಬ್ ಮೇಲೆ ಈಗ ಜೀವಂತವಾಗಿದೆ, ನೀವು ಹಿಂದಿರುಗಿದಾಗ ಪರೀಕ್ಷಿಸಿಕೊಳ್ಳಬಹುದು.

ಇದೊಂದು ಫೋಟೋಸಿಂತ್ ಎಂದು ಕರೆಯುವ ಯೋಜನೆ, ಅದರ ನಿಜವಾದ ಅರ್ಥ ಎರಡು ಬೇರೆ ಬೇರೆ ತಂತ್ರಜ್ಞಾನಗಳ ಒಂದುಗೂಡುವಿಕೆ. ಅದರಲ್ಲಿ ಒಂದು ಸೀಡ್ರಾಗನ್ ಹಾಗೂ ಇನ್ನೊಂದು ಯಾವುದೋ ಒಂದು ಸುಂದರ ಕಂಪ್ಯೂಟರ್ ದೃಷ್ಟಿಕೋನ ಸಂಶೋಧನೆ ವಾಷಿಂಗ್ಟನ್ ವಿಶ್ವವಿದ್ಯಾಲಯದ ಪದವಿ ವಿದ್ಯಾರ್ಥಿ ನೋವಾ ಸ್ನೇವ್ಲಿ ಮಾಡಿದ್ದು, ಇದಕ್ಕೆ ಸಲಹೆ ನೀಡಿದ್ದು UWನ ಸ್ಟೀವ್ ಸೀತೆಟ್ಜ್ ಮತ್ತು ಮೈಕ್ರೊಸಾಫ್ಟ್ ರಿಸರ್ಚ್‌ನ ರಿಕ್ ಸೆಜೆಲಿಸ್ಕಿ. ತುಂಬ ಉತ್ತಮವಾದ ಸಹಯೋಗ. ಇದು ವೆಬ್‌ನಲ್ಲಿ ಜೀವಂತವಾಗಿದೆ. ಅದಕ್ಕೆ ಶಕ್ತಿ ಕೊಡುವುದು ಸೀಡ್ರಾಗನ್. ಈ ರೀತಿಯ ವ್ಯೂಗಳನ್ನು ನಾವು ಮಾಡುವಾಗ ನೀವು ನೋಡಬಹುದು, ಇಲ್ಲಿ ನಾವು ಚಿತ್ರಗಳ ಮೂಲಕ ತೂರಿಕೊಂಡು ಹೋಗುತ್ತೇವೆ. ಮತ್ತು ಇಂತಹ ಮಲ್ಟಿ-ರೆಸೊಲ್ಯೂಶನ್ ಅನುಭವ ಪಡೆಯಬಹುದಾಗಿದೆ.

ಆದರೆ, ಚಿತ್ರಗಳ ಅಚ್ಚುಕಟ್ಟಾದ ಜೋಡಣೆ ನಿಜಕ್ಕೂ ಅರ್ಥಗರ್ಭಿತವಾಗಿದೆ. ಕಂಪ್ಯೂಟರ್ ವಿಶನ್ ವಿಧಾನ ಅಂಶಗಳು ಈ ಚಿತ್ರಗಳನ್ನು ಜೋಡಣೆ ಮಾಡಿವೆ, ಅವು ನಿಜವಾದ ವಿನ್ಯಾಸದ ಜೊತೆ ಹೊಂದಾಣಿಕೆಯಾಗುವಂತೆ, ಈ ಚಿತ್ರಗಳು -- ಎಲ್ಲವನ್ನೂ ಕೆನೇಡಿಯನ್ ರಾಕೀಸ್‌‌ನಲ್ಲಿ ಗ್ರಾಸ್ಸಿ ಲೇಕ್‌‌ಗಳ ಸಮೀಪ ತೆಗೆದದ್ದು. ಹಾಗಾಗಿ, ಇಲ್ಲಿ ನೀವು ಸ್ಥಿರವಾದ ಸ್ಲೈಡ್ ಶೋ ಅಂಶಗಳು ಅಥವಾ ವಿಸ್ತೃತ ಚಿತ್ರದರ್ಶನಗಳನ್ನು ನೋಡಬಹುದು ಹಾಗೂ ಇವೆಲ್ಲವೂ ಸ್ಥಿತ್ಯಂತರ ಸಂಬಂಧ ಹೊಂದಿವೆ. ಬೇರೆ ಯಾವುದಾದರೂ ವಾತಾವರಣವನ್ನು ನಿಮಗೆ ತೋರಿಸಲು ನನ್ನ ಬಳಿ ಸಮಯ ಇದೆಯೆ ಎಂಬುದು ನನಗೆ ಖಚಿತವಿಲ್ಲ. ಇನ್ನೂ ಹೆಚ್ಚು ಸ್ಥಿತ್ಯಂತರದಲ್ಲಿರುವ ಇನ್ನಷ್ಟು ಅಂಶಗಳಿವೆ. ನಾನು ನೇರವಾಗಿ ನೋವಾನ ಮೂಲ ಮಾಹಿತಿ-ಕಟ್ಟುಗಳಲ್ಲಿ ಒಂದಕ್ಕೆ ಹೋಗುತ್ತೇನೆ -- ಹಾಗೂ ಇದು ಫೋಟೋಸಿಂತ್‌‌ನ ಒಂದು ಪ್ರಾರಂಭಿಕ ಮೂಲ ಮಾದರಿ ನಾವು ಬೇಸಿಗೆಯಲ್ಲಿ ಕೆಲಸಮಾಡುವಾಗ ದೊರೆತದ್ದು -- ನಾನೇನು ಯೋಚಿಸುತ್ತಿದ್ದೇನೆಂದು ನಿಮಗೆ ತೋರಿಸಲು ಈ ತಂತ್ರಜ್ಞಾನದ ಹಿಂದಿರುವ ನಿಜವಾದ ಘೋಷಣೆ, ಅಂದರೆ ಫೋಟೋಸಿಂತ್ ತಂತ್ರಜ್ಞಾನ. ಹಾಗೂ ನಾವು ವೆಬ್‌‌ಸೈಟ್‌‌ನಲ್ಲಿ ಹಾಕಿರುವ ವಾತಾವರಣಗಳನ್ನು ನೋಡಿದರೆ ಪೂರ್ತಿಯಾಗಿ ವ್ಯಕ್ತವಾಗಬೇಕಾದ ಅಗತ್ಯವೇನಿಲ್ಲ. ನಾವು ಲಾಯರ್‌‌ಗಳ ಬಗ್ಗೆ ಹಾಗೂ ಇನ್ನಿತರ ವಿಷಯಗಳ ಬಗ್ಗೆ ತಲೆಕೆಡಿಸಿಕೊಳ್ಳಬೇಕಿತ್ತು.

ಇದು ನೋಟ್ರೆ ಡೇಂ ಕ್ಯಾಥೆಡ್ರಲ್‌ನ ಪುನರ್ ನಿರ್ಮಾಣ ಇದನ್ನು ಸಂಪೂರ್ಣವಾಗಿ ಕಂಪ್ಯೂಟರ್‌‌ನಲ್ಲಿ ಫ್ಲಿಕರ್‌‌ನಿಂದ ನುಣುಪು ಮಾಡಿದ ಚಿತ್ರಗಳಿಂದ ಮಾಡಲಾಯಿತು. ನೀವು ಸುಮ್ಮನೆ ಫ್ಲಿಕರ್ ನಲ್ಲಿ ನೋಟ್ರೆ ಡೇಮ್ ಎಂದು ಟೈಪ್ ಮಾಡಿ, ನಿಮಗೆ ಟಿ-ಶರ್ಟ್ ಧರಿಸಿರುವ ಹುಡುಗರು, ಕ್ಯಾಂಪಸ್ ಹಾಗೂ ಇನ್ನೂ ಕೆಲವು ಕಾಣಿಸುತ್ತವೆ. ಹಾಗೆಯೇ ಇಲ್ಲಿರುವ ಪ್ರತಿ ಕಿತ್ತಳೆ ಬಣ್ಣದ ಶಂಕುಗಳು ಚಿತ್ರಗಳನ್ನು ಪ್ರತಿನಿಧಿಸುತ್ತವೆ ಹಾಗೂ ಅವು ಈ ಮಾದರಿಗೆ ಸೇರಿದವೆಂದು ಕಂಡುಹಿಡಿಯಲಾಗಿದೆ. ಹಾಗೂ ಇವೆಲ್ಲವೂ ಫ್ಲಿಕರ್ ಚಿತ್ರಗಳು, ಅವೆಲ್ಲವೂ ಸ್ಥಿತ್ಯಂತರದಲ್ಲಿ ಈ ರೀತಿ ಸಂಬಂಧ ಹೊಂದಿವೆ. ಹಾಗೂ ನಾವು ಈ ರೀತಿ ಸರಳವಾಗಿ ಇವನ್ನು ನೆವಿಗೇಟ್‌ ಮಾಡಬಹುದು. (ಚಪ್ಪಾಳೆ).

ನಿಮಗಿದು ಗೊತ್ತೆ, ನಾನು ಕೊನೆಗೆ ಮೈಕ್ರೊಸಾಫ್ಟ್‌‌ನಲ್ಲಿ ಕೆಲಸ ಮಾಡುತ್ತೇನೆಂದು ನಾನೆಂದೂ ಅಂದುಕೊಂಡಿರಲಿಲ್ಲ. ಈ ರೀತಿಯ ಸ್ವಾಗತ ಇಲ್ಲಿ ದೊರಕಿರುವುದು ಆನಂದಕರ. (ನಗು).

ನಿಮಗೆ ಕಾಣಿಸುತ್ತದೆ ಎಂದು ನಂಬಿದ್ದೇನೆ ಇಲ್ಲೆ ಬೇಕಾದಷ್ಟು ಬೇರೆ ಬೇರೆ ತರಹದ ಕ್ಯಾಮೆರಾಗಳಿವೆ: ಎಲ್ಲವೂ ಇವೆ, ಸೆಲ್ ಫೋನ್ ಕ್ಯಾಮರಾದಿಂದ ಪ್ರೊಫೆಶನಲ್ SLRಗಳ ವರೆಗೂ ಬಹು ದೊಡ್ಡ ಸಂಖ್ಯೆಯಲ್ಲಿ, ಸೇರಿಸಿ ಟಾಕು ಹಾಕಿದೆ ಈ ವಾತಾವರಣದಲ್ಲಿ ಜೊತೆಗೂಡಿಸಲಾಗಿದೆ. ನನಗೆ ಸಾಧ್ಯವಾದರೆ, ಕೆಲವು ವಿಚಿತ್ರವಾದವುಗಳನ್ನು ವಿಂಗಡಿಸುತ್ತೇನೆ. ಇವುಗಳಲ್ಲಿ ಬಹಳಷ್ಟು ಮುಖಗಳಿಂದ ಮುಚ್ಚಿವೆ, ಇನ್ನೂ ಮುಂತಾದುವು. ಇಲ್ಲಿ ಎಲ್ಲೋ ಒಂದು ಕಡೆ ಫೊಟೋಗಳ ಒಂದು ಸರಣಿಯೇ ಇದೆ -- ಪ್ರಾರಂಭಿಸೋಣ. ಇದು ವಾಸ್ತವವಾಗಿ ನೋಟ್ರೆ ಡೇಮ್ ನ ಫೋಟೋ ಸರಿಯಾಗಿ ರಿಜಿಸ್ಟರ್ ಆಗಿದೆ. ನಾವು ಪೋಸ್ಟರ್‌‌ನಿಂದ ಈ ವಾತಾವರಣದ ಭೌತಿಕ ನೋಟಕ್ಕೆ ಹೋಗೋಣ.

ಇಲ್ಲಿ ವಾಸ್ತವವಾಗಿ ಇರುವ ಅಂಶವೆಂದರೆ ನಾವು ಹಲವು ಕೆಲಸಗಳನ್ನು ಸಾಮಾಜಿಕ ವಾತಾವರಣದೊಂದಿಗೆ ಮಾಡಬಹುದಲ್ಲವೇ ಎಂಬುದು. ಇದು ಈಗ ಎಲ್ಲರಿಂದ ಮಾಹಿತಿ ತೆಗೆದುಕೊಳ್ಳುತ್ತಿದೆ -- ಸಂಪೂರ್ಣ ಸಂಯುಕ್ತ ಮೆಮೊರಿಯಿಂದ ಇದನ್ನು ಮಾಡುತ್ತಿದೆ. ಕಣ್ಣೋಟಕ್ಕೆ, ಭೂಮಿ ಹೇಗೆ ಕಾಣುತ್ತದೆ ಎಂಬುದನ್ನು -- ಹಾಗೂ ಅದೆಲ್ಲವನ್ನು ಒಂದಕ್ಕೊಂದು ಜೋಡಿಸಿ. ಈ ಎಲ್ಲ ಫೋಟೋಗಳೂ ಒಂದಕ್ಕೊಂದು ಜೋಡಣೆಯಾಗುತ್ತವೆ, ಅದರಿಂದ ಉಂಟಾಗುವುದು ಭಾಗಗಳ ಒಟ್ಟು ಮೊತ್ತಕ್ಕಿಂತ ದೊಡ್ಡದಾಗಿರುತ್ತದೆ. ಇಡೀ ಭೂಮಿಯೇ ಕಾಣುವಂತಹ ಮಾಡೆಲ್ ಉದ್ಭವಿಸುತ್ತದೆ. ಇದನ್ನು ಸ್ಟೀಫನ್ ಲಾವ್ಲರ್‌‌ನ ವರ್ಚುವಲ್ ಅರ್ತ್ನ ಉದ್ದ ಬಾಲದಂತೆ ಇದು ಎಂದುಕೊಳ್ಳಿ. ಹಾಗೂ ಇದು ಬಹಳ ಸಂಕೀರ್ಣವಾಗಿ ಬೆಳೆಯುತ್ತದೆ ಜನ ಅದನ್ನು ಉಪಯೋಗಮಾಡಿದಂತೆ, ಅದನ್ನು ಉಪಯೋಗಿಸುವವರಿಗೆ ಅದರ ಲಾಭ ದೊಡ್ಡದಾಗುತ್ತದೆ. ಅವರದೇ ಫೋಟೋಗಳು ಯಾರೋ ಎಂಟರ್ ಮಾಡಿದ ಮೆಟಾ-ಡೇಟಾ ದೊಂದಿಗೆ ಸೇರಿಕೊಳ್ಳುತ್ತಿವೆ. ಯಾರಾದರೂ ಈ ಎಲ್ಲಾ ಸಂತರ ಫೋಟೋಗಳನ್ನು ಒಂದಕ್ಕೊಂದು ಸೇರಿಸಿದರೆ ಹಾಗೂ ಅವರೆಲ್ಲಾ ಯಾರೆಂದು ಹೇಳಿದರೆ, ಆಗ ನೋಟ್ರೆ ಡೇಮ್ ಕ್ಯಾಥೆಡ್ರಲ್ನ ನನ್ನ ಫೋಟೋ ತಕ್ಷಣ ಎಲ್ಲ ಮಾಹಿತಿಯಿಂದ ಸಮೃದ್ಧವಾಗುತ್ತದೆ, ಹಾಗೂ ಆ ಸ್ಥಿತಿ ಸ್ಥಾನಕ್ಕೆ ನಾನು ಹಾರಲು ಅದನ್ನು ಎಂಟ್ರಿ ಪಾಯಿಂಟ್ ಮಾಡಿಕೊಳ್ಳಬಹುದು, ಆ ಮೆಟಾ-ವರ್ಸ್ ಒಳಕ್ಕೆ, ಇತರ ಎಲ್ಲರ ಫೋಟೋಗಳನ್ನೂ ಉಪಯೋಗಿಸಬಹುದು ಹಾಗೂ ಒಂದು ರೀತಿಯ ಕ್ರಾಸ್-ಮೋಡಲ್ ಮಾಡಬಹುದು ಮತ್ತು ಆ ಮೂಲಕ ಕ್ರಾಸ್-ಯೂಸರ್ ಸಾಮಾಜಿಕ ಅನುಭವ ಪಡೆಯಬಹುದು. ಹಾಗೆಯೇ, ಇದರ ಉಪ-ಉತ್ಪನ್ನಗಳು ಎಂದರೆ ಅಗಾಧ ಶ್ರೀಮಂತ ವರ್ಚುವಲ್ ಮಾಡೆಲ್‌‌ಗಳು ಭೂಮಿಯ ಪ್ರತಿ ಆಸಕ್ತಿಕರ ಭಾಗಗಳ ಶೇಖರಣೆ ಕೇವಲ ಮೇಲೆ ಹಾರುವ ವಿಮಾನಗಳಿಂದ ಮತ್ತು ಉಪಗ್ರಹದಿಂದ ತೆಗೆದ ಚಿತ್ರಗಳಲ್ಲ ಬದಲಿಗೆ ಸಂಯುಕ್ತ ಮೆಮೊರಿಯಿಂದ ಶೇಖರಿಸುವುದು.

ತುಂಬಾ ಧನ್ಯವಾದಗಳು.. (ಚಪ್ಪಾಳೆ)

ಕ್ರಿಸ್ ಆಂಡರ್‌ಸನ್: ನಾನು ಇದನ್ನು ಸರಿಯಾಗಿ ಅರ್ಥಮಾಡಿಕೊಂಡಿದ್ದೇನೆಯೆ? ನಿನ್ನ ಸಾಫ್ಟ್‌‌ವೇರ್ ಏನು ಮಾಡಲು ಅವಕಾಶ ಕೊಡುತ್ತದೆ ಎಂಬುದನ್ನು. ಅಂದರೆ ಒಂದು ಹಂತದಲ್ಲಿ, ಇನ್ನು ಮುಂದಿನ ಕೆಲವು ವರ್ಷಗಳಲ್ಲಿ, ವಿಶ್ವಾದ್ಯಂತ ಯಾರೇ ಆಗಲಿ ಹಂಚಿಕೊಂಡಿರುವ ಚಿತ್ರಗಳನ್ನು ನಾವು ಮೂಲತಃ ಜೋಡಣೆ ಮಾಡುತ್ತೇವೆಯೇ?

BAA: ಹೌದು. ವಾಸ್ತವವಾಗಿ ಇದು ಏನು ಮಾಡುತ್ತಿದೆ ಎಂದರೆ ಕಂಡುಹಿಡಿಯುತ್ತಿದೆ. ಅದು ಹೈಪರ್ ಲಿಂಕ್‌ಗಳನ್ನು ಉಂಟುಮಾಡುತ್ತಿದೆ, ನಿಮಗೆ ಬೇಕೆಂದರೆ, ಚಿತ್ರಗಳ ನಡುವೆ. ಅದು ಅದನ್ನು ಚಿತ್ರಗಳೊಳಗಿನ ಅಂಶದ ಆಧಾರದ ಮೇಲೆ ನಡೆಸುತ್ತಿದೆ. ಹಾಗೂ ನೀವು ಅದರ ಶ್ರೀಮಂತಿಕೆ ಬಗ್ಗೆ ಯೋಚಿಸಿದಾಗ ಅದು ಇನ್ನೂ ರೋಚಕವಾಗುತ್ತದೆ ಹಾಗೂ ಈ ಚಿತ್ರಗಳು ಹೊಂದಿರುವ ಭಾಷೆ ಮಾಹಿತಿ ಬಗ್ಗೆ ಯೋಚಿಸಿದಾಗಲೂ ಅಷ್ಟೇ. ನೀವು ಚಿತ್ರಗಳಿಗಾಗಿ ಒಂದು ವೆಬ್ ಸರ್ಚ್ ಮಾಡಿದಂತೆ, ನೀವು ಪದಗಳನ್ನು ಟೈಪ್ ಮಾಡುತ್ತೀರ, ಹಾಗೂ ವೆಬ್ ಪೇಜ್ ಮೇಲೆ ಪಠ್ಯಗಳು ಚಿತ್ರದ ಬಗ್ಗೆ ಸಾಕಷ್ಟು ಮಾಹಿತಿ ಹೊತ್ತು ಸಾಗುತ್ತಿವೆ. ಈಗ, ಆ ಚಿತ್ರ ನಿಮ್ಮ ಎಲ್ಲ ಚಿತ್ರಗಳಿಗೆ ಸಂಪರ್ಕ ಕಲ್ಪಿಸಿದರೆ? ಆಗ ಪಠ್ಯದ ಅಂತರ ಸಂಪರ್ಕದ ಪರಿಮಾಣ ಹಾಗೂ ಅದರಿಂದ ಬರುವ ಸಾರವತ್ತತೆ ನಿಜವಾಗಲೂ ಬಹಳ ದೊಡ್ಡದು. ಇದೊಂದು ಶ್ರೇಷ್ಠವಾದ ನೆಟ್‌‌ವರ್ಕ್ ಪ್ರಭಾವ.

CA: ಅದು ನಿಜವಾಗಲೂ ಅದ್ಭುತ. ಅಭಿನಂದನೆಗಳು.

BAA: ತುಂಬಾ ಧನ್ಯವಾದಗಳು.