რიჩარდ ბრენსონის ცხოვრება 30 000 ფუტის სიმაღლეზე

კრის ანდერსონი: კეთილი იყოს თქვენი TED–ზე მობრძანება.

რიჩარდ ბრენსონი:ძალიან დიდი მადლობა. პირველი TED–ი დიდებული იყო.

კრისი: ვინმე საინტერესოს ხომ არ შეხვედრილხართ?

რიჩარდი: TED–ი იმითაა კარგი, რომ აქ ყველა საინტერესოა. ძალიან გამიხარდა გოლდი ჰოუნის ნახვა, რადგან მოსაბოდიშებელი მქონდა მასთან. სადღაც ორი წლის წინ, მასთან ერთად ვსადილობდი ... მას დიდი საქორწინო ბეჭედი ეკეთა, მე ის თითზე ჩამოვიცვი და ვეღარ მოვიხსენი. როდესაც საღამოს შინ დავბრუნდი, ჩემს ცოლს ვერ გაეგო რატომ მეკეთა ხელზე ქალის დიდი... მასიური, საქორწინო ბეჭედი. ამიტომ, მეორე დილით იუველირთან წასვლა და ბეჭდის მოჭრა მოგვიწია. ჰოდა, (სიცილი) დიდი ბოდიში, გოლდი.

კრისი:ძალიან კარგი. გვინდა ვაჩვენოთ სლაიდები ერთ–ერთი თქვენი ... ზოგიერთი თქვენი კომპანიისა. მგონი, ერთი თუ ორით დაიწყეთ. Virgin Atlantic–ი, Virgin Records–ი.... როგორც ვიცი, ყველაფერი ჟურნალ Student–ით დაიწყო. შემდეგ კი, ყველა დანარჩენი მოყვა. მაინტერესებს, როგორ ახერხებთ ამას?

რიჩარდი: TED–ის ინსტრუქციები წავიკითე... რომელთა მიხედვითაც შენს ბიზნესზე არ უნდა ილაპარაკო, თქვენ კი ახლა ამას მთხოვთ. ამიტომ, იმედი მაქვს სცენიდან არ მომისვრით, რადგან კითხვა თვითონ დამისვით. (სიცილი)

კრისი: იმაზეა დამოკიდებული პასუხი როგორი იქნება.

გამოცდილებამ მასწავლა, რომ თუკი ერთი კომპანიის მართვა გამოგდის, ნებისმიერი კომპანიის მართვას შეძლებ. მთავარია იპოვო კომპანიისათვის სათანადო ადამიანები, შთააგონო ისინი, ანუ გამოავლინო მათი საუკეთესო თვისებები, ამასთან, მიყვარს სწავლა და ძალიან ცნობისმოყვარე ვარ და ძალიან მიყვარს სტატუს კვოს აღება და მისი სრული გადატრიალება. ცხოვრებას ისე ვუყურებ, როგორც ხანგრძლივ სასწავლო პროცესს. და თუკი ვხედავ ... ანუ, თუკი დავფრინავ სხვისი ავიაკომპანიით და ვხვდები, რომ ის მოუხერხებელია, რაც მართლაც ასე იყო 21 წლის წინ, ვფიქრობ, იქნებ მე თვითონ შევძლო შევქმნა ავიაკომპანია, რომლითაც ფრენა მესიამოვნებოდა. ჰოდა, ასე ვიყიდე მეორადი 747 ბოინგისაგან და ცაში გავუშვი.

კრისი: ეს ძალიან უცნაური საქციელი იყო და უამრავი ადამიანი ამას სიგიჟედ მიიჩნევდა. სინამდვილეში, მან კინაღამ მთელი თქვენი იმპერია დაშალა. ერთ–ერთ საინვესტიციო ბანკირთან მქონდა საუბარი იმ პერიოდში, როდესაც თქვენ გაყიდეთ Virgin Records–ი და Virgin Atlantic–ში ჩადეთ ინვესტიციები და ის თვლიდა, რომ თქვენ მსოფლიოში სიდიდით მეოთხე ხმის ჩამწერ კომპანიას სიდიდით 25–ე ავიაკომპანიაზე ცვლიდით და რომ თქვენ ჭკუიდან გადახვედით. რატომ გააკეთეთ ეს?

რიჩარდი: იცით, წარმატებასა და მარცხს შორის ძალიან წვრილი გამყოფი ზოლია. და თუკი ბიზნესს ფინანსური ზურგის გარეშე იწყებ, დიდი შანსია რომ ამ გამყოფი ზოლის არასწორ მხარეს აღმოჩნდები. ჩვენ ... ჩვენ British Airways–ი გვიტევდა; ცდილობდნენ, რომ ჩვენი ავიაკომპანია ბიზნესიდან გაეგდოთ და ჩვენს წინააღმდეგ შავი კამპანია წამოიწყეს. გავაცნობიერე, რომ შეიძლებოდა მთელი იმპერია დანგრეულიყო თუკი რაიმეს არ მოვიმოქმედებდი. და იმისათვის, რომ შემენარჩუნებინა სამუშაო ადგილები ავიამოკომპანიაში და სამუშაო ადგილები ხმის ჩამწერ სტუდიაში, ოჯახის ძვირფასეულობა უნდა გამეყიდა ავიაკომპანიის დასაცავად.

კრისი: თუმცა, Napster–ის მოვლენებს თუ გავითვალისწინებთ, გენიოსად შეიძლება ჩაგთვალოთ.

რიჩარდი: ჰო, როგორც აღმოჩნდა, ეს სწორი სვლა იყო. მართალია, თავიდან ძალიან გაგვიჭირდა, მაგრამ გზა განვაგრძეთ.

კრისი: ძალიან ბევრს იყენებთ Virgin–ის ბრენდს ისეთი შთაბეჭდილება იქნება თითქოს სინერგიულ ეფექტს იღებთ. რას წარმოადგენს თქვენთვის Virgin–ის ბრენდი?

რიჩარდი: პირველ რიგში, ეს არის ხარისხი, იცით, თუკი ვინმე Virgin–ის კომპანიაში აღმოჩნდება, ის ...

კრისი: კარგით რა, რიჩარდ, ყველა ხარისხს ამბობს ... განწყობა?

რიჩარდი: ზუსტად აქეთკენ მივდიოდი. ჩვენ ძალიან ვერთობით და ვფიქრობ, ადამიანებს, რომლებიც ჩვენთან მუშაობენ, მოსწონთ ეს. ჩვენ ... მივდივართ და ვაფხიზლებთ ინდუსტრიებს. ვფიქრობ, ჩვენ ამას განსხვავებულად ვაკეთებთ და ვფიქრობ, ინდუსტრიები არსებითად იცვლება მას შემდეგ რაც Virgin–ი ბაზარს უტევს.

კრისი: რამოდენიმე წამოწყება გქონდათ, რომლებისთვისაც თქვენმა ბრენდმა ვერ იმუშავა. Virgin Brides (უბიწო საცოლეები) – ს ვგულისხმობ ... რა მოხდა? (სიცილი)

რიჩარდი: მომხმარებლები ვერ ვიპოვეთ. (სიცილი) (აპლოდისმენტები)

კრისი: ძალიან მაინტერესებს რატომ ... ვფიქრობ, შესაძლელობა გაუშვით ხელიდან როდესაც პრეზერვატივებს Mates – დაარქვით. ხომ შეგეძლოთ აქაც გამოგეყენებინათ Virgin –ის ბრენდი? Ain't Virgin (აღარ არის უბიწო) ან რაიმე მსგავსი დაგერქმიათ.

რიჩარდი: შეიძლებოდა პრობლემები გაგვჩენოდა მომხმარებლების მოძებნაში. იცით, როდესაც კომპანიას აარსებ და მომხმარებლების საჩივრებს იღებ, ხშირად შეგიძლია მათთან გამკლავება. მაგრამ, პრეზერვატივების კომპანიის დაარსებიდან სამი თვის თავზე მომივიდა საჩივარი, რომელზედაც მომჩივან ქალბატონს ვრცელი საბოდიშო წერილი მივწერე. თუმცა, როგორც ჩანს, უკვე აღარაფრის გაკეთება შემეძლო. 6 თუ 9 თვის შემდეგ კი, კვლავ მომივიდა წერილი, რომელშიც პატარა ბავშვის სურათი იდო და მისი ავტორი ნათლიობას მთხოვდა და ეს ასეც მოხდა. ასე რომ, ყველაფერი კარგად დასრულდა.

კრისი: მართლა? ბავშვის სურათი უნდა მოგეტანათ. კარგი იქნებოდა.

რიჩარდი: ჰო, უნდა მომეტანა.

კრისი: მოდით, ციფრებზე გადავიდეთ. თქვენი დახმარება დამჭირდება. მაინტერესებს რამდენს გამოიმუშავებს Virgin–ი? რამდენია მთლიანი შემოსავალი?

რიჩარდი: სადღაც, 25 მილიარდი დოლარი საერთო ჯამში.

კრისი: რამდენი თანამშრომელი გყავთ?

რიჩარდი: დაახლოებით, 55 ათასი.

კრისი: სხვადასხვა დროს სხვადასხვაგვარად გაქვთ გადაღებული ფოტო–სურათი და არასოდეს ნერვიულობთ იმაზე თუ როგორ გამოჩნდებით. ეს რა იყო? ნამდვილია?

რიჩარდი: ჰო. მგონი, სუპერმარკეტს ვხსნიდით ლოს–ანჯელესში. არა, ვფიქრობ ... კრისი: ეს თქვენი თმაა? რიჩარდი: არა. კრისი: ეს რაღა იყო?

რიჩარდი: ჩაის დასალევად მივეშურები.

კრისი: კარგი. (სიცილი)

კრისი: ეს ძალიან სახალისო იყო. შესანიშნავი მანქანა–ნავი იყო...

რიჩარდი: ეს ის მანქანაა, რომელიც... მგონი ეს TED–ის ღონისძიება იყო. ეს ხომ ... შეგიძლიათ შეაჩეროთ ერთი წამით? (სიცილი)

რიჩარდი: მძიმე სამუშაოა, არა?

კრისი: ჰო .. მძიმე სამუშაოა. (სიცილი) როდესაც პირველად ჩამოვედი ამერიკაში, რამოდენიმეჯერ ვცადე ასეთი რამ თანამშრომლებთან და ისინი ... აქ განსხვავებული წესები აქვთ, ძალიან უცნაური.

რიჩარდი: ვიცი, ადვოკატები მეუბნებიან, რომ ასეთი რამეები არ უნდა გავაკეთო, მაგრამ ...

კრისი: მოდი, სურათს დავუბრუნდეთ ...

რიჩარდი: როდესაც Pammy ჩავუშვით წარმოებაში, რატომღაც გვჯეროდა, რომ Coca-Cola–სათვის შევძლებდით კონკურენციის გაწევას. ასე გამოვუშვით კოლა სახელწოდებით – "პამი" და მისი ბოთლის ფორმა პამელა ანდერსონის აღნაგობას წააგავდა. თუმცა ის წონასწორობას ვერ იკავებდა და ... (სიცილი)

კრისი: დიზაინი ფილიპ სტარკს ეკუთვნის?

რიჩარდი: რა თქმა უნდა.

კრისი: აქ კიდევ რამოდენიმე სურათი გვაქვს. Virgin Brides. მშვენიერია. კარგი. აქ შეაჩერეთ. აქ, მგონი, დაგაჯილდოვეს არა?

რიჩარდი: ჰო, 25 წლით ადრე, როდესაც Sex Pistols'–ის "God Save The Queen,"(უფალო, დაიფარე დედოფალი) გამოვუშვით, ნამდვილად არ მეგონა, რომ 25 წლის შემდგომ რაინდობას გვიბოძებდნენ. თუმცა, როგორც ჩანს, მას ცუდი მეხსიერება უნდა ჰქონდეს.

კრისი: უფალმა დაიფარა დედოფალი და თქვენ კი, ჯილდო მიიღეთ. მოგწონთ როდესაც სერ რიჩარდს გიწოდებენ, თუ არა?

რიჩარდი: არავის არასოდეს უწოდებია ჩემთვის სერ რიჩარდი. მხოლოდ ამერიკაში თუ მიწოდებს ვინმე ასე და მაშინ ისეთი შეგრძნება მაქვს, რომ შექსპირის დადგმა მიმდინარეობს. სხვაგან არსად უწოდებიათ.

კრისი: გამოდის, რომ შეგიძლიათ რაინდობა ნებისმიერი რამისათვის გამოიყენოთ ...

რიჩარდი: თუკი მაგალითად პრობლემა გექმნება რესტორნის დაჯავშნისას ან რამე მსგავსი, შეიძლება გამოგადგეს.

კრისი: გაითვალისწინეთ, ეს რიჩარდ ბრენსონი არ არის, ეს სერ რიჩარდ ბრენსონია.

რიჩარდი: ჩემს მდივანს უნდა ვასწავლო, რომ ასე მოიქცეს ხოლმე.

კრისი: კარგი. მოდით, კოსმოსს შევეხოთ. ჩვენ გვაქვს ვიდეო, რომელიც ასახავს რას აკეთებთ თქვენ და Virgin Galactic–ი კოსმოსში. კოსმოსური ხომალდის დიზაინი ბერტ რუთანს ეკუთვნის?

რიჩარდი: დიახ, ის მზად ... სადღაც, 12 თვეში იქნება. კიდევ 12 თვე ინტენსიურ ტესტირებას დასჭირდება და დღეიდან 24 თვის შემდეგ ადამიანებს კოსმოსში გასეირნება შეეძლებათ.

კრისი: ინტერიერის დიზაინი ფილიპ სტარკს ეკუთვნის?

რიჩარდი: ფილიპს მნიშვნელოვანი წილი ეკუთვნის. ლოგო მან შეიმუშავა. ის კოსმოსურ სადგურს აშენებს ნიუ–მექსიკოში, რომლის საფუძვლადაც მან თვალი შეარჩია. ამიტომ, კოსმოსური ხომალდი გიგანტურ თვალს ემსგავსება. როდესაც კოსმოსში იქნები, იქიდან უზარმაზარ თვალს დაინახავ, რომელიც შენ შემოგცქერის. ხოლო როდესაც მიწაზე დაეშვები, ისევ ამ გიგანტურ თვალში ხვდები. ის ნამდვილი გენიოსია დიზაინში.

კრისი: იმედია ძრავის დიზაინი მას არ მიანდეთ.

რიჩარდი: ფილიპი მეტისმეტად ექსცენტრიულია, ამიტომ, ნამდვილად ვერ იქნებოდა საუკეთესო ადამიანი ძრავის აგებულების შესაქმნელად.

კრისი: 2 დღის უკან აქ შესანიშნავი სიტყვა წარმოთქვა.

რიჩრდი: ჰო? ის ...

რიჩარდი: ზოგიერთ ადამიანს ძალიან მოსწონს ეს იდეა. ზოგიერთი კი – უცნაურად თვლის. პირადად მე – ვეთაყვანები.

რიჩარდი: ის ნამდვილი ენთუზიასტია და სწორეს ამიტომ მიყვარს. მაგრამ ...

მუდმივად ექსპედიციის ჟინი გაწუხებთ. ოდესმე თუ გინანიათ ეს?

რიჩარდი: ძალიან ბევრჯერ. თითქმის ყოველი საჰაერო ბურთისა და გემის ექსპედიცია, რომლებშიც აქამდე წავსულვართ ... იცით, მგონი, 6–ჯერ ამოგვიყვანა ვერტმფრენმა წყლიდან და .. ყოველ ჯერზე აღარ მქონდა იმედი, რომ სახლში დაბრუნებას შევძლებდი ოდესმე. ამ მომენტებში გიკვირს თუ რას აკეთებ იქ საერთოდ ...

კრისი: რომელი ექპედიცია იყო, როდესაც ყველაზე ახლოს იყავით სიკვდილთან?

რიჩარდი: იცით, ყოველი საჰაერო ბურთის თავგადასავლის შემთხვევაში ძალიან ახლოს ვიყავით ზღვართან პირველ რიგში, არავის გადაუკვეთია ატლანტიკის ოკეანე საჰაერო ბურთით აქამდე, ამიტომ უნდა შეგვექმნა საჰაერო ბურთი, რომელიც ძლიერ ნაკადებში შეძლებდა ფრენას და არ ვიყავით დარწმუნებული, რომ როდესაც ბურთი ამ ნაკადებში აღმოჩნდებოდა, გაუძლებდა თუ არა 200–220 მილი საათის სიჩქარის ქარს, რომელიც იქ დახვდებოდა. მოგზაურობა Sugarloaf–ის მთიდან დავიწყეთ და როდესაც ჩვენი უზარმაზარი საჰაერო ბურთი ძლიერ ნაკადებში აღმოჩნდა, ბურთის ზედა ნაწილი 200 მილი საათის სიჩქარით გაფრინდა, ხოლო კაპსულა, რომელშიც ჩვენ ვიყავით, მანამდე, სადღაც 2 მილი საათით მიდიოდა, ჰოდა ასე გავფრინდით. ეს ათასი ცხენის შეკავების მცდელობას შემიძლია შევადარო. ვლოცულობდით, რომ საჰაერო ბურთი არ დაშლილიყო და საბედნიეროდ ასეც მოხდა. იცით, ყოველი საჰაერო ბურთის ექპედიცია ... ყოველ ჯერზე რაღაც ისე არ მიდიოდა და ამ კონკრეტულ შემთხვევაში, ჩემი თანამგზავრი, რომელიც ბევრად უფრო გამოცდილი იყო, გადახტა და მარტო დამტოვა. (სიცილი)

კრისი: გითხრათ რომ გადამხტარიყავით, თუ უბრალოდ "გავრბივარო" და

რიჩარდი: არა, მან მითხრა გადახტიო, მაგრამ როდესაც წონა დააკლდა საჰაერო ბურთი 12.000 ფუტის სიმაღლეზე ავარდა ზევით და ...

კრისი: ვფიქრობ, ამით იან მაკევანის რომანი შთააგონეთ.

რიჩარდი: ჰო. ჟანგბადის ნიღაბი გავიკეთე და ბურთის თავზე ჩემი პარაშუტით ვიდექი, ვუყურებდი როგორ ბრუნავდნენ ღრუბლები ჩემს ქვემოთ და ვცდილობდი გამბედაობა მომეკრიბა ზღვაში ჩასახტომად და ეს ყველაზე მარტოსული მომენტები იყო ჩემს ცხოვრებაში. თუმცა, მაინც მოვახერხეთ გადარჩენა.

კრისი: გადახტით თუ ... ბოლო–ბოლო დაეშვა?

რიჩარდი: ვიცოდი, რომ სადღაც ნახევარი საათის საწვავი მქონდა დარჩენილი და ისიც ვიცოდი, რომ თუკი გადავხტებოდი მხოლოდ რამოდენიმე წუთის სიცოცხლე დამრჩებოდა. ამიტომ, დავბრუნდი კაპსულაში და შევეცადე დამერწმუნებინა ჩემი თავი, რომ სწორ გადაწყვეტილებას ვიღებდი. ასევე პატარა წერილი მივწერე ჩემს ოჯახს. შემდეგ კი უკან ავცოცდი. ისევ ჩავხედე ღრუბლებს და ისევ კაპსულაში დავბრუნდი. ბოლოს კი, უკეთესი გზა მომაფიქრდა. მე ხომ უზარმაზარი პარაშუტი მქონდა თავზე, ყველაზე დიდი პარაშუტი ვიდრე ოდესმე და რატომ არ უნდა გამომეყენებინა ის? როგორღაც მოვახერხე, რომ ბურთი ღრუბლების გასწვრივ ჩავიყვანე და ზღვის ზედაპირიდან 50 ფუტის სიმაღლეზე, გადავხტი. როდესაც ბურთი ზღვას შეეხო, 10 000 ფუტის სიმაღლეზე აფრინდა, თუმცა უკვე უჩემოდ. შესანიშნავი შეგრძნება იყო, როდესაც წყალში ამოვყავი თავი და ...

კრისი: რა მიწერეთ თქვენს ოჯახს?

რიჩარდი: მხოლოდ ის რასაც ასეც სიტუაციაში წერენ, რომ ძალიან მიყვარს ისინი და ... თანაც, სანამ ამ მოგზაურობაში წავიდოდი, წინასაწარ დავწერე წერილი იმ შემთხვევისათვის, თუკი რამე მოხდებოდა. საბედნიეროდ, მისი გამოყენება არ დასჭირდათ.

კრისი: ეს თავგადასავლები მნიშვნელოვნად ა– PR–ებენ თქვენ კომპანიებს. წლების მანძილზე – სანამ გამოკითხვეზე დაკვირვებას შევწყვეტდი, თქვენ, არა მარტო დიდ ბრიტანეთში, ნამდვილ გმირად მიიჩნეოდით. ცინიკოსები ამბებონ, რომ თქვენ ჭკვიანი ბიზნესმენი ხართ და ეს ყველაფერი მხოლოდ მარკეტინგია. რამდენად შეესაბამება ეს სიმართლეს? რიჩარდი: რა თქმა უნდა, PR ექსპერტები ამბობენ, რომ ავიაკომპანიის მფლობელი არ უნდა მიემართებოდეს მოგზაურობაში საჰაერო ბურთებითა და გემებით და არ უნდა ენარცხებოდეს ზღვაში. (სიცილი)

კრისი: არის აქ სიმართლის მარცვალი, რიჩარდ.

რიჩარდი: სინამდვილეში, ჩვენმა ავიაკომპანიამ მთლიან გვერდზე შეუკვეთა რეკლამა, რომელზეც ეწერა, კარგი რა რიჩარდ, ატლანტიკის გადაკვეთის უკეთესი გზებიც არსებობს. (სიცილი)

იმისათვის, რომ ეს ყველაფერი გააკეთო, ალბათ, გენიოსი უნდა იყო, არა?

რიჩარდი: არ შეგეწინააღმდეგებით. (სიცილი)

ნუ მოგერიდებათ, ეს Hardball –ი (პოლიტიკური შოუ) არ არის.

კრისი: როგორც ვიცი ... სკოლაში ცუდად სწავლობდით?

რიჩარდი: დისლექსია მჭირდა, მეცადინეობის უნარი არ მქონდა. IQ ტესტსაც ნამდვილად ჩავაფლავებდი. ეს ერთ–ერთი იმ მიზეზთაგანი იყო, რატომაც მივატოვე სკოლა 15 წლის ასაკში. და თუ ... თუკი, რაიმე არ მაინტერესებს, ვერ ვიგებ. იმის გამო რომ დისლექსია მჭირს, ხშირად უხერხულ სიტუაციებშიც ვვარდები. მაგალითად, მე უნდა ... იცით, მე კერძო კომპანიების უმსხვილეს ჯგუფს ვმართავ ევროპაში, მაგრამ ხშირად განსხვავებას ვერ ვხედავ წმინდა მოგებასა და მთლიან მოგებას შორის. დირექტორატის სხდომებიც ძალიან მომხიბვლელი იყო ხოლმე. (სიცილი) მხოლოდ ვეკითხებოდი, კარგი ამბებია თუ ცუდი? და როგორც წესი, მეუბნებოდნენ რომ – ცუდი.

კრისი: მაგრამ ეს 25 მილიარდი მთლიანი მოგებაა ხომ? (სიცილი)

რიჩარდი: ვიმედოვნებდი, რომ წმინდაა, რადგან ... (სიცილი) ჰო, ასეა.

კრისი: არა, მენდეთ, რომ მთლიანია. (სიცილი)

რიჩარდი: როდესაც 50 წლის გავხდი, თანამშრომელმა გამიყვანა სხდომათა დარბაზიდან და მითხრა, "შეხედე რიჩარდ, ეს ... მოდი დიაგრამას დაგიხატავ ... ეს არის ბადე ზღვაში, თევზი ზღვიდან ბადეში გადმოყარეს. ის რაც ამ პატარა ბადეში დარჩა შენი მოგებაა, ყველაფერი დანარჩენი შეიჭამა." და როგორც იქნა, მივხვდი. (სიცილი) (აპლოდისმენტები)

კრისი: ვიცი, რომ მართალია სკოლაში ძალიან ცუდად სწავლობდით, სამაგიეროდ კრიკეტისა და ფეხბურთის გუნდების კაპიტანი იყავით, გამოდის რომ თქვენ ... ბუნებით ხართ ლიდერი, მაგრამ ცოტათი ... მეამბოხე იყავით, თუ როგორ დაახასიათებდით...

რიჩარდი: ჰო, ვფიქრობ, ცოტათი თავისებური ვიყავი, მაგრამ გამიმართლა რომ სპორტი მეხერხებოდა და რაიმეთი მაინც შემეძლო გამომეჩინა თავი სკოლაში.

კრისი: ვიცი, რომ ადრეულ ასაკში უცნაური თავგადასვლები გქონდათ. იმ ისტორიას ვგულისხმობ, როდესაც დედათქვენმა თითქოს –და ქუჩაში ჩამოგსვათ 4 წლის ასაკში და გითხრათ, "წადი სახლში." ეს მართლა მოხდა?

რიჩარდი: ის, იცით, ის თვლიდა, რომ ადრეული ასაკიდანვე უნდა ვყოფილიყავით დამოუკიდებლები. ამიტომ, ისეთ რაღაცეებს გვიკეთებდა, რის გამოც დღეს დააპატიმრებდნენ. მაგალითად, ჩამოგვსვამდა მანქანიდან და გვეუბნებოდა რომ ბებიასთან წავსულიყავით, მისი სახლიდან 5 მილის დაშორებით. გვაიძულებდა უზარმაზარ დისტანციებზე გვევლო ველოსიპედით. ასევე, არ გვქონდა ტელევიზორის ყურების უფლება და ასე შემდეგ.

კრისი: როგორ ფიქრობთ, რისკის ქვეშ ვართ? იმის თქმა მინდა, რომ უამრავი მდიდარი ადამიანია გარშემო, რომელთაც შვილები ყავთ და ისინი დილემის ქვეშ დგანან თუ როგორ აღზარდონ ისინი. ხომ არ ფიქრობთ, რომ ბავშვების ახლანდელი თაობა მეტისმეტად განებივრებულია, არ აფასებენ იმას რაც აქვთ. ხომ არ ფიქრობთ რომ პრივილიგირებულ თაობას ვზრდით?

რიჩარდი: არა, მე ვფიქრობ რომ ბავშვები აუცილებლად დიდი სიყვარულით, შექებითა და ენთუაზიაზმით უნდა აღზარდო. შენს შვილებს მეტისმეტად ვერ გაანერბივრებ.

კრისი: თუმცა, არც თქვენი აღზრდის მეთოდმა აჩვენა ცუდი შედეგი. თქვენმა დირექტორმა გითხრათ, რომ ... ვიცი, რომ ერთგვარ ამოცანად გთვლიდა სკოლაში ... მან გითხრათ, რომ ან მილიონერი გახდები ან ციხეში მოხვდებიო და არ ვიცი რომელიო. აქედან რომელი მოხდა პირველად? (სიცილი)

რიჩარდი: მე ორივე მოვახერხე. თუმცა, ჯერ ციხეში აღმოვჩნდი. გაერთიანებული სამეფოს ორი ძალიან ძველი კანონის დარღვევაში დამადანაშაულეს. 1889 წლის ვენერიულ დაავადებათა შესახებ კანონის და 1916 წლის უხამსი რეკლამის შესახებ კანონის. პირველ შემთხვევაში, ფრაზა "ვენერიული დაავადების" საჯაროდ ხსენებისათვის ... ჩვენ ცენტრი გვქონდა, სადაც ახალგაზრდებს მათი პრობლემების გადაჭრაში ვეხმარებოდით. ამ ახალგაზრდების ერთ–ერთი პრობლემა კი ვენერიული დაავადება იყო. აღმოჩნდა რომ არსებობს კანონი, რომლის მიხედვითაც "ვენერიული დაავადების" საჯაროდ წარმოთქმის ან დაწერის უფლება არ გაქვს. ასე რომ, პოლიციამ მოგვიკაკუნა კარზე და გვითხრა, რომ დაგვაპატიმრებდა თუკი "ვენერიული დაავადების" ხსენებას კვლავაც განვაგრძობდით. ჩვენ ის "სოციალური დაავადებით" ჩავანაცვლეთ და აკნეს პრობლემების მქონე ახალგაზრდებმა დაიწყეს მოსვლა, ვენერიული დაავადების მქონეები კი აღარ მოდიოდნენ. ამიტომ ტერმინი უკან დავაბრუნეთ და ციხეშიც აღმოვჩნდით. შემდეგ იყო, "დაივიწყეთ კვერცხები (Bollocks), აქ Sex Pistols–ია". პოლიციამ ჩათვალა, რომ სიტყვა "Bollocks" უხამსია და დაგვაპატიმრა, მისი Sex Pistols'–ის ალბომში გამოყენებისათვის. ჩვენ დრამატურგი, ჯონ მორტიმერი გვიცავდა. მან გვთხოვა, რომ ლინგვისტი მოგვეძებნა, რათა ის სიტყვა "Bollocks"–ის სხვა განმარტების მოძებნაში დაგვხმარებოდა. ამიტომ, ნოტინგემის უნივერსიტეტში დავრეკე და ლინგვისტიკის პროფესორთან ვთხოვე დაკავშირება. მან მითხრა," იცი, bollocks–ში არაფერია უხამსი. ეს მეტსახელია, რომელსაც მღვდლებს უწოდებდნენ მე–18 საუკუნეში" (სიცილი) კიდევ მითხრა, "მე თვითონაც მღვდელი ვარ." მე ვუთხარი, ხომ ვერ წამობრძანდებოდით სასამართლოში, მეთქი. მანაც მიპასუხა, რომ სიამოვნებით. კიდევ ვკითხე, "ხომ არ გინდათ რომ მღვდლის საყელო გავიკეთო?" მან მითხრა, "დიახ, ეს შესანიშნავი იქნებოდაო" (სიცილი)

კრისი: მშვენიერია.

რიჩარდი: ასე რომ ჩვენი მთავარი მოწმე ამტკიცებდა, რომ "დაივიწყეთ მღვდლები, აქ Sex Pistols–ია. " (სიცილი) მოსამართლემ, მართალია უხალისოდ, მაგრამ აღიარა ჩვენი უდანაშაულობა. (სიცილი)

კრისი: ნამდვილი სიგიჟეა. (აპლოდისმენტები) მაინტერესებს თუ არის აქ ბნელი მხარე? ბევრი ამტკიცებს, რომ შეუძლებელია ვინმეს ჰქონდეს ბიზნესების ასეთი კოლექცია სხვების ღალატის, ცუდი საქმეების ჩადენის გარეშე. ულმობლობაშიც გადანაშაულებდნენ. ვიღაცამ თქვენს შესახებ ბინძური ბიოგრაფიაც კი დაწერა. ეს სიმართლეა? არის მასში სიმართლის მარცვალი?

რიჩარდი: არა მგონია სტერეოტიპი ბიზნესმენისა, რომელმაც მწვერვალზე მისასვლელად სხვის თავებზე უნდა გადაიაროს მუშაობდეს. მე ვფიქრობ, რომ თუკი ადამიანებს კარგად მოექცევი, ისინი კიდევ და კიდევ დაბრუნდებიან. და კიდევ ვფიქრობ, რომ ერთადერთი რაც გაგაჩნია ეს შენი რეპუტაციაა და ეს მსოფლიო ძალიან პატარაა. ამიტომ, იმისათვის რომ წარმატებული ბიზნეს–ლიდერი გახდე ადამიანებს სამართლიანად და კარგად უნდა მოექცე. ჩვენ სწორედ ასე ვმართავთ Virgin–ს.

კრისი: იმ ადამიანებზე რას იტყვით, რომელთაც უყვარხართ და ხედავენ ... რომ ამდენ დროს უთმობთ ახალ პროექტებს, თითქოს მიჯაჭული იყოთ ახალი ბიზნესების დაწყებაზე. მთელი ყურადღება მორიგი იდეისაკენ გადაგაქვთ! ცხოვრების ბალანსზე თუ ზრუნავთ? რას ფიქრობს თქვენი ოჯახი, როდესაც რაიმე ახალს და დიდს იწყებთ?

რიჩარდი: მე ასევე ვთვლი, რომ მამობა მნიშვნელოვანი ფუნქციაა, ამიტომ იმ დროიდანვე როდესაც ბავშვები ძალიან პატარები იყვენენ, როდესაც დასასვენებლად მიდიოდნენ, მეც თან მივყვებოდი. ჩვენ იმ სამ თვეს ძალიან კარგად ვატარებდით ერთად. თუმცა, არც მუშაობას ვწყვეტდი. გაგვიმართლა, რადგან პატარა კუნძული გვაქვს კარიბებზე და შეგვიძლია თან მეგობრებიც წავიყვანოთ, ვითამაშოთ ერთად, და ამავდროულად საქმის კურსში ვიყო, თუ რა ხდება სამსახურში.

კრისი: უკანასკნელ წლებში ბევრს საუბრობთ ტერმინზე – კაპიტალისტური ფილანტროპია. რა არის ეს?

რიჩარდი: კაპიტალიზმმა დაამტკიცა რომ ის მუშაობს. კომუნიზმმა კი, საპირისპიროდ, ვერ იმუშავა. თუმცა, კაპიტალიზმის პრობლემა ისაა, რომ მთელი სიმდიდრე ძალიან ცოტა ადამიანის ხელში ხვდება და ვფიქრობ, ამ სიმდიდრეს უზამაზარი პასუხიმგებლობაც მოყვება. ამიტომ მნიშვნელოვანია, რომ ადამიანები რომლებსაც ასე გაუმართლათ, კი არ ეჯიბრებოდნენ ერთმანეთს ვის უფრო მეტი გემი ან ავტომობილი ჰყავს, არამედ გამოიყენონ ფული ან ახალი სამუშაო ადგილების შესაქმნელად ან გლობალური პრობლემების მოსაგვარებლად.

კრისი: რომელია ის პრობლემები, რომლებიც თქვენ ყველაზე მეტად განაღვლებთ და რომლებისკენაც თქვენ რესურსებს წარმართავთ?

რიჩარდი: სიმართლე გითხრათ.... უამრავი პრობლემაა. გლობალური დათბობა, დანამდვილებით, უზარმაზარი საფრთხეა კაცობრიობისათვის, ამიტომ ჩვენ ძალიან ბევრს დროსა და ენერგიას ვხარჯავთ ალტერნატიული საწვავის შექმნაში და ჩვენ ახლახანს დავაწესეთ მნიშვნელოვანი ჯილდო იმ შემთხვევისათვის, თუ ჩვენ ვერ შევძლებთ ალტერნატიულ საწვავთან გამკლავებას, სწრაფად ვერ შევამცირებთ ნახშირბადის ემისიას და მივუახლოვდებით გარდატეხის წერტილს, სურვილი უნდა გავუჩინოთ ადამიანებს, რომ მოძებნონ გზა ნახშირბადის ატმოსფეროდან მოსაშორებლად. იცით, აქამდე ადამიანები ამ საკითხზე სერიოზულად არ მუშაობდნენ და ამიტომ გვინდა, რომ მსოფლიოს საუკეთესო ტვინებმა ამაზე იფიქრონ და კიდევ ატმოსფეროდან მეთანის მოშორების შესახებაც. უკვე 15 ათასმა ადამიანმა შეავსო განაცხადი ამ პროექტში მონაწილეობის მისაღებად. ჩვენ კი მხოლოდ ერთი გვჭირდება, ამიტომ იმედს არ ვკარგავთ.

კრისი: ვიცი, რომ აფრიკაშიც მუშაობთ რამოდენიმე პროექტზე.

რიჩარდი: დიახ, ჩვენ შევქმენით ორგანიზაცია, რომელსაც ომის ოთახი ვუწოდეთ, თუმცა ეს ალბათ ცუდი სიტყვაა... შეიძლება შევცვალოთ კიდეც ის... მოკლედ, ომის ოთახი ცდილობს მოახდინოს აფრიკაში არსებული პრობლემების კოორდინირება, სხვადასხვა სოციალური პრობლემების გადაჭრის საუკეთესო გზების ძიება. მაგალითად, აფრიკაში არსებობს ექიმი, რომელმაც აღმოაჩინა, რომ თუკი დედას ანტირეტროვირუსულ წამლებს დაალევინებ, როდესაც ის 24 თვის ფეხმძიმეა, მის ახალშობილ ჩვილს შიდსი არ ექნება. ამიტომ ამ იმფორმაციის გავრცელება მთელს აფრიკაში, ძალიან მნიშვნელოვანია.

კრისი: ომის ოთახი ძალიან ხმამაღლა და ამაღელვებლად ჯღერს. არის თუ არა რისკი იმისა, რომ დასავლეთის ბიზნეს–გმირები შეიძლება მეტისმეტად გაერთონ ... ანუ, ისინი შეჩვეულნი არიან წარმატებას, ყველაფრის მოგვარებას და ღრმად სწამთ, რომ აქვთ უნარი მოახდინონ ცვლილება მსოფლიოში. არსებობს თუ არა რისკი იმისა, რომ ჩვენ წავალთ აფრიკაში და ვიტყვით ჩვენ უნდა გადავჭრათ პრობლემა აფრიკაში და ჩვენ ეს შეგვიძლია, ჩვენ გვაქვს მილიარდობით დოლარები და ასე შემდეგ... აი კარგი იდეაც. ჰოდა, ავიღებთ ისედაც რთულ სიტუაციას და მას კიდევ უფრო გავართულებთ. ამაზე არ ნერვიულობთ?

რიჩარდი: თუკი ამ კონკრეტულ შემთხვევას ავიღებთ, ჩვენ ... მთავრობასთან ვთანამშრომლობთ. ტაბო მბეკის პრობლემები აქვს შიდსთან დაკავშირებული საკითხების აღიარებასთან, მაგრამ მისი გაკრიტიკების ნაცვლად, ჩვენ მასთან, მის მთავრობასთან თანამშრომლობის გზა გამოვნახეთ. მნიშვნელოვანია, რომ ადამიანები აფრიკაში წავიდნენ და დახმარება სცადონ. წასვლა და რამოდენიმე წლის შემდეგ დაბრუნება საკმარისი არ არის, პროცესი მუდმივი უნდა იყოს. ვფიქრობ, ბიზნეს ლიდერებს შეუძლიათ გამოიყენონ თავიანთი მეწარმეობრივი ნოუ–ჰაუ და მთავრობებს ცოტათი სხვაგვარად გაუწიონ დახმარება. მაგალითად, ჩვენ აფრიკაში ვაშენებთ კლინიკებს, სადაც დავარიგებთ უფასო ანტირეტროვირუსულ წამლებს, ვუმკურნალებთ ტუბერკულოზით და მალარიით დაავადებულებს. თუმცა, ჩვენ ასევე ვცდილობთ შევქმნათ კომერციული კლინიკებიც, რათა ადამიანებმა სხვა დაავადებების მკურნალობისათვისაც შეძლონ ფულის გადახდა.

კრისი: ძალიან ბევრი ცინიკოსი თქვენსა და ვთქვათ, ბილ გეიტსზე ამბობს, რომ რასაც არ უნდა აკეთებდეთ, ყველაფერი მხოლოდ იმის გამოა, რომ თქვენს შესახებ კარგი წარმოდგენა ჩამოყალიბდეს, რომ მიზეზი დანაშაულის გრძნობის დაძლევაა და არა წმინდა ფილანტროპული ინსტიქტი. რას ეტყოდით მათ?

რიჩარდი: ვფიქრობ, ყველანი ... ადამიანების საქციელს სხვადასხვა მიზეზები განაპირობებენ და მე მინდა, რომ როდესაც სივდილის პირას ვიქნები, მქონდეს შეგრძნება იმისა, რომ მოვახდინე ცვლილება სხვა ადამიანების ცხოვრებაში. შეიძლება ეს ეგოისტურიცაა, მაგრამ მე სწორედ ასე აღმზარდეს. თუკი გამაჩნია უნარი შევცვალო ადამიანების ცხოვრება უკეთესობისაკენ, უნდა გავაკეთო ეს.

კრისი: რამდენი წლის ხართ?

რიჩარდი: 56–ის ვარ.

კრისი: ფსიქოლოგი ერიკ ერიკსონი ამბობს, მე მხოლოდ მოყვარული ვარ, რომ ადამიანებს 30–40 წლის ასაკში ამოძრავებთ ზრდის სურვილი და სწორედ აქ ხედავებ ისინი ბედნიერებას. 50–60 წლის ასაკში კი, ისინი სიბრძნისაკენ მიისწრაფიან და სახელის დამკვიდრებას ცდილობენ. ისეთი შეგრძნება მაქვს, თითქოს თქვენ ისევ ამ ზრდის ფაზაში იყოთ, კვლავაც გამაოგნებელი გეგმები გაქვთ. ფიქრობთ თუ არა სახელზე და როგორ გინდათ რომ ადამიანებმა დაგიმახსოვრონ?

რიჩარდი: სახელზე ბევრს არ ვფიქრობ იცით, ბებიაჩემმა 101 წელი იცხოვრა, ამიტომ ვიმედოვნებ, რომ კიდევ 30–40 წელი მაქვს. მე, მხოლოდ, სავსე ცხოვრებით მინდა ვიცხოვრო. მინდა, რომ ცვლილება მოვახდინო და ვიმედოვნებ, რომ მე ამას შევძლებ. ძალიან კარგია, რომ არსებობენ ისეთი ადამიანები, როგორებიცაა სერგეი და ლარი Google–დან, მაგალითად, რომლებიც ჩემი კარგი მეგობრები არიან. მადლობა ღმერთს, არსებობს ეს ორი ადამიანი, რომლებიც გულწრფელად ღელავენ მსოფლიოზე. თუკი ისინი ასეთ სიმდიდრეს არ გამოიყენებდნენ მსოფლიოს სასიკეთოდ, ეს ძალიან შემაშფოთებელი იქნებოდა. იცით, ისინი რადიკალურ ცვლილებას მოახდენენ მსოფლიოში. და ძალიან მნიშვნელოვანია, რომ მსგავს პოზიციაში მყოფმა ადამიანებმა გააკეთონ ეს.

კრისი: იცით, რიჩარდ, როდესაც ბიზნესს ვიწყებდი, არაფერი ვიცოდი მის შესახებ და – – მეგონა, რომ ბიზნესმენი დაუნდობელი უნდა იყოს და რომ ეს ერთადერთი გზაა, რომლითაც წარმატებას შეგიძლია მიაღწიო. თქვენ კი მე შთამაგონეთ. გიყურებთ და ვფიქრობ, მან ხომ ეს შეძლო, იქნებ სხვა გზაც არსებობს. ამიტომ მინდა მადლობა გადაგიხადოთ ამ შთაგონებისათვის და TED–ზე მობრძანებისათვის. გმადლობთ. ძალიან დიდი მადლობა. (აპლოდისმენტები)