ჰანს როსლინგი მსოფლიოში მოსახლეობის ზრდის შესახებ

მე ჯერაც კარგად მახსოვს ის დღე სკოლაში, როდესაც მასწავლებელმა გვითხრა, რომ მსოფლიოს მოსახლეობამ სამ მილიარდს მიაღწია ეს იყო 1960 წელს. ახლა კი იმაზე მინდა გესაუბროთ, თუ როგორ შეიცვალა მსოფლიოს მოსახლეობა იმ წლის შემდეგ და რა გველოდება მომავალში. მაგრამ მე არ გამოვიყენებ ციფრულ ტექნოლოგიებს როგორც ჩემს პირველ ხუთ გამოსვლაში TED-ის ფორუმებზე. მე წინ წავედი და დღეს წარმოგიდგენთ უახლეს, ანალოგის საშუალებით სწავლების ტექნოლოგიას, რომელიც IKEA-ში ვიყიდე: აი, ამ ყუთს.

წარმოიდგინეთ, ამ ყუთში არის ერთი მილიარდი ადამიანი. ჩვენმა მასწავლებელმა გვითხრა, რომ ინდუსტრიალიზებულ მსოფლიოში, 1960 წელს იყო ერთი მილიარდი ადამიანი. განვითარებად მსოფლიოში კი, ორი მილიარდი. და მაშინ ისინი ჩვენგან შორს ცხოვრობდნენ. ძალიან დიდი იყო მანძილი ინდუსტრიალიზებული მსოფლიოს ერთ მილიარდსა და განვითარებადი მსოფლიოს ორ მილიარდს შორის. ინდუსტრიალიზებულ მსოფლიოში ადამიანები იყვნენ ჯანმრთელები, განათლებულები, მდიდრები და ცხოვრობდნენ პატარა ოჯახებში. მათი მიზანი იყო ეყიდათ მანქანა. 1960 წელს ყველა შვედი ფულს აგროვებდა, რომ ასეთი ვოლვო ეყიდა. აი, ასეთ ეკონომიურ დონეზე იყო შვედეთი. ამის ფონზე კი, შორს, განვითარებად მსოფლიოში, საშუალო ოჯახის მიზანი იყო იმ დღის სამყოფი საკვები ჰქონოდათ. და ფულს ზოგავდნენ იმისათვის, რომ ერთი წყვილი ფეხსაცმელი შეეძინათ. როდესაც მე ვიზრდებოდი, მსოფლიოში უზარმაზარი დაშორება იყო დასავლეთსა და დანარჩენ მსოფლიოს შორის ამხელა უფსკრულმა შექმნა გარკვეული აზრი, რომელსაც ენაში დღესაც ვიყენებთ როდესაც ვსაუბრობთ "დასავლეთზე" და "განვითარებად ქვეყნებზე". მაგრამ მსოფლიო შეიცვალა და ის დროა, შევცვალოთ ეს აზროვნება, მსოფლიოს ასე დაყოფა და კარგად გავიგოთ არსებული სიტუაცია.

ზუსტად ეს არის ის, რაც მე მინდა გაჩვენოთ. იმიტომ, რომ 1960 წლის შემდეგ რაც მოხდა მსოფლიოში 2010 წლამდე, არის ის, რომ მსოფლიოს მოსახლეობას დაემატა ოთხი მილიარდი ადამიანი. ერთი შეხედეთ ეს რამდენია. მსოფლიოს მოსახლეობა გაორმაგდა მას შემდეგ, რაც მე სკოლაში შევედი. რასაკვირველია, დასავლეთმა განიცადა ეკონომიკური ზრდა. ეკონომიკის განვითარებისათვის ბევრი კომპანიაა საჭირო, ამიტომ, დასავლეთს მოსახლეობა აქეთ გადმოვიდა. და ახლა მათ მიზანი მანქანის ყიდვა კი აღარ არის, არამედ შორს დასასვენებლად გამგზავრება და თვითმფრინავით მოგზაურობა. ასე რომ, ისინი დღეს აი, აქ არიან. და განვითარებად ქვეყნებს შორის ყველაზე წარმატებულებიც წინ წავიდნენ. და ახლა ჩვენ მათ მზარდი ეკონომიკის ქვეყნებს ვეძახით. ისინი ახლა მანქანებს ყიდულობენ. და ერთი თვის წინ მოხდა ის, რომ ჩინურმა კომპანიამ "Geely" შეისყიდა ვოლვო. და საბოლოოდ შვედები მიხვდნენ, რომ მსოფლიოში რაღაც ძალიან მნიშვნელოვანი მოხდა. (სიცილი)

აი ასე. ტრაგედია კი იმაშია, რომ ორი მილიარდი აი, აქ არის. (და ჯერ კიდევ) საკვებზე და ფეხსაცმელებზე ზრუნავენ. ისინი ჯერაც თითქმის ისეთივე ღარიბები არიან, როგორც 50 წლის წინ. ახალი კი ისაა, რომ მილიარდების ყველაზე დიდი გროვა აი, აქაა. სამი მილიარდი, რომელიც ასევე მზარდ ეკონომიკად გადაიქცევა, იმიტომ, რომ ისინი საკმაოდ ჯანმრთელები და საკმაოდ განათლებულები არიან და მათაც ორი ან სამი შვილი ყავთ თითოეულ ქალზე, ისევე, როგორც მდიდრებს. მათი მიზანი კი არის, რათქმაუნდა, ველოსიპედის ყიდვა. შემდეგ ეს მოტოციკლი იქნება. ასეა თუ ისე, ეს არის ის მსოფლიო, რომელშიც ჩვენ დღეს ვცხოვრობთ. აღარანაირი ზღვარი. მაგრამ მანძილი აი აქ მყოფ ღარიბს, ღატაკს შორის და აი აქ მყოფ მდიდარს შორის უფრო მეტია, ვიდრე ოდესმე. მაგრამ პროცესი მუდმივია ფეხით სიარულს, ველოსიპედისტებს, მანქანის მძღოლებს, თვითმფრინავით მოგზაურთა შორის ადამიანები ყველა დონეზე (არიან). და ადამიანების უმრავლესობა სადღაც, შუაშია. ეს არის დღევანდელი მსოფლიო 2010 წელს.

რა მოხდება მომავალში? მე გადავინაცვლებ 2050 წელში. ამას წინათ შანხაიში ვიყავი და ვუსმენდი, თუ რა ხდება ჩინეთში. უკვე ვიცით, რომ ისინი სულ მალე დაეწევიან (დანარჩენებს) ისევე, როგორც ეს იაპონიამ მოახერხა. და პროგნოზებით ეს (მილიარდი) მხოლოდ გაიზრდება (მხოლოდ) ერთი ან ორი პროცენტით. (მაგრამ ეს მეორე), გაიზრდება შვიდი, რვა პროცენტით. და ისინი აი, აქ აღმოჩნდებიან. დაიწყებენ ფრენას. და ესენი, დაბალი ან საშუალო შემოსავლის მქონე ქვეყნები, მზარდი შემოსავლის მქონე ქვეყნები ეკონომიკურადაც წინ წამოიწევენ. და თუ, მხოლოდ მაშინ, თუ ჩვენ სწორ გარემოსდაცვით ტექნოლოგიაში ჩავდებთ ფულს, ისე, რომ თავი ავარიდოთ მწვავე კლიმატურ ცვლილებებს და ენერგია (საწვავი) ისევ შედარებით იაფი იქნება, მაშინ ისინი აი, აქ აღმოჩნდებიან. და დაიწყებენ ელექტრომანქანების ყიდვას. აი, ასე იქნება ეს.

მაშინ რას იზამს ეს უღარიბესი ორი მილიარდი? რა ეშველება ამ უღარიბეს ორ მილიარდს? წავლენ თუ არა ისინიც წინ? აი, აქ ვხვდებით უკვე მოსახლეობის ზრდას იმიტომ, რომ იქ (მზარდი ეკონომიკის ქვეყნებში) უკვე ვხედავთ ქალზე ორ-სამ ბავშვს, ფართოდ არის გავრცელებული ოჯახის დაგეგმვა და მოსახლეობის ზრდა ჩერდება. (მაგრამ აქ, უღარიბესთა შორის) მოსახლეობა იზრდება. ამიტომ, ეს (უღარიბესი) ორი მილიარდი, შემდეგ ათ წელიწადში გახდება სამი მილიარდი. და შემდეგ ოთხი მილიარდი. და ვერაფერი, გარდა ისეთი ატომური ომისა, რომლის მსგავსიც ჯერ არ ყოფილა, შეაჩერებს ამ ზრდას. იმიტომ, რომ ეს (ზრდის) პროცესი უკვე დაწყებულია. მაგრამ მხოლოდ მაშინ, თუ უღარიბესები დაძლევენ ამ სიღარიბეს, მიიღებენ განათლებას, შეამცირებენ ბავშვთა შორის სიკვდილიანობას, შეიძენენ ველოსიპედს, ტელეფონს და გადმოვლენ (საცხოვრებლად) აი, აქ, მაშინ, მოსახლეობის ზრდა შეჩერდება 2050 წელს. არ შეიძლება გვყავდეს ხალხი ამ დონეზე საკვებისა და ფეხსაცმლის ძიებაში, იმიტომ, რომ მივიღებთ მოსახლეობის მუდმივ ზრდას.

და მინდა გიჩვენოთ თუ რატომ ჩემი ძველებური ციფრული ტექნოლოგიის გამოყენებით. აი აქ ეკრანზე ჩემი ქვეყნების ბუშტები. თითოეული ბუშტი არის ქვეყანა. ზომა გამოხატავს მოსახლეობის რაოდენობას. ფერი გვიჩვენებს კონტინენტს. ყვითელი არის ამერიკა. მუქი ლურჯი - აფრიკა; ყავისფერი - ევროპა. მწვანე - ახლო აღმოსავლეთი ეს, ცისფერი - სამხრეთ აზიაა. ეს არის ინდოეთი და ეს ჩინეთი. ზომა არის მოსახლეობის რაოდენობა. აქ გვაქვს ბავშვების რაოდენობა თითოეულ ქალზე. ორი ბავშვი, ოთხი ბავშვი, ექვსი, რვა - დიდი ოჯახები - პატარა ოჯახები. ეს არის 1960 წელი. აქ გადარჩენილ ბავშვთა მაჩვენებელი. ბავშვების პროცენტი, რომლებიც გადაურჩებიან ბავშვობას და დაიწყეს სწავლა სკოლაში. 60 პროცენტი, 70 პროცენტი, 80 პროცენტი, 90, და თითქმის 100 პროცენტი, რაც დღეს გვაქვს ყველაზე მდიდარ და ჯანმრთელ ქვეყნებში. მაგრამ ნახეთ, ეს არის ის მსოფლიო, რომელზეც 1960 წელს ჩემი მასწავლებელი ლაპარაკობდა. ერთი მილიარდი დასავლურ მსოფლიოში - აი აქ. დაბალი სიკვდილიანობა ბავშვებში, პატარა ოჯახები. და ყველა დანარჩენი. განვითარებადი ქვეყნების მთელი ამალა. დიდი ოჯახებით და ბავშვთა სიკვდილიანობის მაღალი მაჩვენებლით.

რა მოხდა? ახლა ჩავრთავ დროს. წავიდა. ხედავთ? დროის გასვლასთან ერთად ბავშვთა სიკვდილიანობა მცირდება. მათ უკვე აქვთ საპონი, ჰიგიენა, განათლება, აცრები და პენიცილინი. შემდეგ ოჯახის დაგეგმვა. ოჯახის ზომა მცირდება. (როდესაც) ბავშვთა სიკვდილიანობა 10%-მდე ადის, ოჯახების ზომა იკლებს. და არაბული ქვეყნების და ახლო აღმოსავლეთის ქვეყნების უმრავლესობა აი აქ აღმოჩნდება (პატარა ოჯახებში). შეხედეთ, ბანგლადეში დაეწია ინდოეთს. მსოფლიოს (ყველა) მზარდი ეკონომიკა უერთდება დასავლურ მსოფლიოს. დაბალი სიკვდილიანობით და პატარა ოჯახით. მაგრამ ჯერ ისევ გვყავს უღარიბესი მილიარდი. ხედავთ უღარიბეს მილიარდს, იმ (ორ) ყუთს, აი აქ რომ მქონდა? ისინი ჯერ ისევ აქ არიან. და ბავშვთა სიკვდილიანობის მაჩვენებელი ისევ დაახლოებით 20-30პროცენტია. რაც ნიშნავს, რომ თუ ექვსი ბავშვი შეგეძინათ, სულ ცოტა ოთხი, გადარჩება და იცოცხლებს შემდეგ თაობამდე. და მოსახლეობა ერთი თაობის შემდეგ გაორმაგდება.

ამიტომ, ერთადერთი საშუალება იმისა, რომ შეჩერდეს მსოფლიოში მოსახლეობის ზრდა, არის ბავშვთა სიკვდილიანობის შემცირება 10 %-მდე. ამიტომაა, რომ ინვესტიციები (ჯანდაცვის სფეროში) ისეთი ორგანიზაციების მიერ, როგორიცაა გეიტსის ფონდი, გაეროს ბავშვთა ფონდი და ჰუმანიტარული ორგანიზაციები, უღარიბესი სახელმწიფოების მთავრობებთან ერთად ამდენად კარგია. იმიტომ, რომ ისინი რეალურად გვეხმარებიან მივაღწიოთ მსოფლიოში მოსახლეობის მდგრად დონეს. თუ ჩვენ სწორ არჩევანს გავაკეთებთ, შეგვიძლია ცხრა მილიარდზე გავჩერდეთ. ბავშვთა შორის სიკვდილიანობის შემცირება ახალი მოდური საქმეა. მხოლოდ ამით შეიძლება მოსახლეობის ზრდის შემცირება. და რა მოხდება? მე ოპტიმისტი არა ვარ, მაგრამ არც პესიმისტი ვარ. მე ვარ სერიოზული "შეიძლებისტი" ეს არის ახალი კატეგორია, სადაც ემოციას გვერდზე გადავდებთ, და მსოფლიოს ანალიტიკურ დამუშავებას ვახდენთ. ეს შესაძლებელია. შეგვიძლია გვქონდეს ბევრად მეტი, ვიდრე უბრალოდ მსოფლიო. ეკოლოგიურად სუფთა ტექნოლოგიით სიღარიბის დასაძლევად ინვესტიციით და კარგი მსოფლიო მმართველობით მსოფლიო შეიძლება გახდეს ასეთი.

აი, შეხედეთ ძველი დასავლეთის მდებარეობას. გაიხსენეთ, როდესაც ეს ლურჯი ყუთი მარტო იყო, მიუძღვოდა მსოფლიოს და თავისი ცხოვრებით ცხოვრობდა. ეს აღარასოდეს განმეორდება. ძველი დასავლეთს როლი ახალ მსოფლიოში არის ის, რომ გახდეს თანამედროვე მსოფლიოს საფუძველი (ნაწილი). არც მეტი, არც ნაკლები. მაგრამ ეს ძალიან მნიშვნელოვანი როლია. მივეჩვიოთ და კარგად შევასრულოთ ის.

დიდი მადლობა.

(აპლოდისმენტები)