Ռենի Գլիսոն` 404` չգտնված էջի պատմություն

Եվ այսպես ես կփորձեմ ներկայացնել ձեզ մի փոքրիկ պատմություն 404 էջի մասին և այն դասը, որ ես քաղեցի դրանից: Բայց մինչ սկսելը հավանաբար օգտակար կլինի պատկերացում կազմել` իրականում ինչ է իրենից ներկայացնում 404 էջը:

Սա է 404 էջը: Դա համացանցում արված անհաջող փորձն է: Դա գրեթե լռելյայն էջ է, երբ դուք կայքում ինչ-որ բան եք փնտրում, իսկ որոնման համակարգը այն չի գտնում: Եվ արդյունքում դուք տեսնում եք 404 էջը: Իսկապես կոտրված լինելու զգացողություն է առաջանում, երբ դուք տեսնում եք դա: Եվ ես կուզենայի, որ դուք մի փոքր մտածեք, ինքներդ վերհիշեք, ձեզ նյարդայնացնում է, երբ նման իրավիճակի եք առերեսվում: Քանզի սա կոտրված հարաբերությունների զգացողություն է:

Եվ ահա այստեղ իրականում հետաքրքիր է իմանալ, որտեղից է գալիս 404 էջը: Սա սխալ հարաբերությունների ընտանիքից է` սխալ հարաբերությունների մի ամբողջական համակարգ, որը, երբ ես փորձում էի ընկալել, կարծես սեքսոլոգի կամ զույգերի խնդիրներով զբաղվող մասնագետի ցուցակ լիներ: Դուք կարծես թե ամեն ինչ սկսում եք հասկանալ և ամեն ինչ իսկապես վտանգավոր է դառնում:

(Ծիծաղ)

Այո:

Եվ այս բաները ամենուր են: Դրանք և' փոքր կայքերում են, և' մեծ կայքերում են: Սա գլոբալ երևույթ է:

404 էջը նշանակում է, որ դուք ձախողվել եք: Եվ հաճելի չէ պատկերացնել, որ դուք սովոր եք նման իրավիճակներին: Դուք կարեղ եք խաղալ Կինեկտ և կարող եք տեսնել` ինչպես են միեղջուրները պարում և ծիածանը լուսարձակում է ձեր բջջային հեռախոսում: 404 էջը այն չէ, ինչ դուք փնտրում եք: Դուք տեսնում եք դա, և այն կարծես մի ապտակ լինի երեսին: Որպեսզի փորձեք հասկանալ 404 էջը տեսնելու զգացողությունը, պատկերացրեք նման մի բան` ասենք, երբ դուք գնայիք Սթարբաքս, և վաճառողը կանգնած լիներ վաճառասեղանի ետևում, և դուք այնտեղ եք, և չկա առանց յուղայնության կաթ: Դուք ասում եք. «Ներեցե'ք, կարո՞ղ եք ինձ կաթ բերել»: Եվ նա առաջանում է վաճառասեղանի ետևից և նրա հագին տաբատ չկա: Ձեր արձագանքը. «Օ~, ես չէի ուզում տեսնել դա»: Ահա և 404 –ի զգացողությունը:

(Ծիծաղ)

Ուզում եմ ասել` լսել եմ նման բան:

Այսպիսով որտեղ է սա հայտնվում և ինչու է սա կարևոր, ես գլխավորում եմ մի տեխնոլոգիական ինկուբատոր, և մենք ունենք ութ նախագիծ: Եվ այս նախագծերի նպատակն է պարզել` ինչ են դրանք, ոչ թե ինչ դրանք չեն, մինչև որ մի օր «Athletepath»-ը, որը մի կայք է կենտրոնացած էքստրեմալ սպորտաձևի ծառայությունների վրա, գտավ այս տեսանյութը:

(Տեսանյութ) Տղա` Ջո~:

Մարդիկ` Օօօ~

Ռենի Գլիսոն` Դուք հենց նոր… ոչ, նա լավ չէ: Նրանք որոշեցին տեղադրել այդ տեսանյութը իրենց 404 էջում, և այն կարծես մտքի փայլատակում առաջացրեց բոլոր ներկա գտնողների մոտ: Քանի որ վերջապես գտնվեց մի կայք, որը ցույց էր տալիս` ինչ է ասել առերեսվել 404 էջի հետ:

(Ծիծիաղ)

(Ծափահարություններ)

Սա վերածվեց մրցույթի: «Dailypath»-ը, որը ոգեշնչում էր տարածում, իրենց 404 էջը ոգեշնչող դարձրեց: «Stayhound»-ը, որը օգնում է գտնել կենդանիներ խնամողների, կարեկցում էր ձեր կենդանու հետ: Նրանցից յուրաքնչյուրը գտան սա: Սա վերածվեց 24 ժամյա մրցույթի: Հաջորդ օրը 4:04 մենք վճարեցինք 404 կանխիկ դոլար: Եվ այն, ինչ նրանք սովորեցին այս ամենից, այն էր, որ այս փոքր բաները, ճիշտ կատարված, իրականում կարևոր են, և այդ ճիշտ կազմակերպված պահերը կարող են ստեղծել բրենդ: Այսպիսով դուք հայացք եք գցում իրական աշխարհին և զվարճալին այն է, որ դուք ինքներդ կարող եք այս ամենը ստեղծել: Դուք կարող եք հավաքել URL-ն և տեղադրել 404 էջում, և այն կհայտնվի: Սա ձեզ կարեկցում է: Այս մեկը մեղադրում է ձեզ: Այս մեկը ես սիրում եմ: Սա սխալ էջ է, իսկ ի՞նչ եթե այս սխալ էջը նույնպես հնարավորություն է:

Այսպիսով սա այնպիսի իրավիճակ էր, երբ այս բոլոր սկսնակները ստիպված էին նստել և մտածել և նրանք ոգևորվեցին այն մտքից, թե ինչ կարող էին անել: Քանզի վերադառնալով հարաբերությանների խնդրին` այն ինչ նրանք պարզեցին այս ամենից այն էր, որ սովորական սխալը կարող է ասել` ինչ դուք չեք, կամ այն կարող է ձեզ հիշեցնել` ինչու ես պետք է սիրեմ ձեզ:

Շնորհակալութուն:

(Ծափահարություններ)