Մարկո Թեմփեսթ. ճշմարտության և ստի կախարդանքը (և iPod-ները)

Իմ նախընտրած կախարդանքը, և ես լինելով մոգ, նախընտրում եմ մոգություն, որ կիրառում է տեխնոլոգիաներ պատրանքներ ստեղծելու համար: Ես ցանկանում եմ ձեզ ցույց տալ թե ինչի վրա էի վերջերս աշխատում: Սա մի ծրագիր է, որը կարծում եմ, օգտակար կլինի արվեստագետների համար, հատկապես մուլտիմեդիայի ոլորտում աշխատող: Այն համաժամանակացնում է տեսագրություններ, որոնք գտնվում են մի քանի շարժական սարքերի էկրաններին: Եվ ես վերցրել եմ այս երեք iPod-ները այստեղ դահլիճում նստածներից, որպեսզի ցուցադրեմ, թե ինչ նկատի ունեմ: Ես պատրաստվում եմ օգտագործել դրանք, որպեսզի մի փոքր պատմեմ իմ սիրած թեմայից. այն է` խաբեությունը:

(Երաժշտություն)

Իմ ամենասիրելի մոգերից մեկը Կարլ Գերմեյնն է: Նա մի այսպիսի հրաշալի հնարք ուներ, որտեղ վարդի թուփը ծաղկում էր, ձեր աչքերի առջև: Սակայն նրա թիթեռի ստեղծումն էր, որ ամենագեղեցիկն էր ստացվում:

(Ձայնագրություն) Վարող` Տիկնայք և պարոնայք, կյանքի ստեղծումը:

(Ծափահարություններ)

(Երաժշտություն)

Մարկո Թեմփեսթ` խաբեության մասին հարցին, նա այսպես պատասխանեց.

Վարող` Մոգությունը միակ անկեղծ մասնագիտությունն է: Մոգը խոստանում է խաբել ձեզ և այդպես էլ անում է:

ՄԹ` Ես ինձ համարում եմ անկեղծ մոգ: Ես շատ հնարքներ եմ կիրառում, ինչը նշանակում է, որ երբեմն ես պետք է ստեմ: Ես ցավում եմ դրա համար: Սակայն մարդիկ ամեն օր են ստում:

(Զանգ) Սպասեք:

Աղջիկ հեռախոսի գծին` Հեյ, որտե՞ղ ես:

ՄԹ` խցանման մեջ եմ, շուտով կհասնեմ: Բոլորդ էլ այդպես արել եք:

(Ծիծաղ)

Կին` ես մեկ րոպեից պատրաստ կլինեմ, սիրելիս:

Տղամարդ` ես միշտ հենց դա էլ ուզել եմ:

Կին` հիասքանչ տեսք ունես:

ՄԹ` Խաբեությունը կյանքի հիմնական մասերից է: Այժմ հարցումները ցույց են տալիս, որ տղամարդիկ երկու անգամ ավելի շատ են ստում, քան կանայք, ենթադրելով որ հարցված կանայք ճիշտն են ասել:

(Ծիծաղելով)

Մենք խաբում ենք, որպեսզի որոշակի առավելություն ստանանք և թաքցնենք մեր թերությունները: Չինացի զորավար Սուն Ձուն ասել է, որ պատերազմները հիմնված են խաբեության վրա: Օսկար Ուայլդը նույն բանն ասել է սիրավեպի մասին:

Որոշ մարդիկ խաբում են փողի համար: Եկեք մի խաղ խաղանք: Երեք քարտ, երեք բախտ:

Վարող` մեկը 10 է, 10-ը 20 է: Որտե՞ղ է կինը: Որտե՞ղ է թագուհին:

ՄԹ` Այս մե՞կը: Կներեք, տարվեցիք: Դե, ես ձեզ չեմ խաբել: Դուք ինքներդ ձեզ խաբեցիք: Ինքնախաբկանք: Դա այն է, երբ մենք մեզ համոզում ենք, որ սուտը ճշմարտությունն է: Երբեմն դժվար է դրանք իրարից տարբերել: Տարված խաղամոլները ինքնախաբկանքի մասնագետներ են: (Խաղասարքի աղմուկ) Նրանք հավատում են, որ կարող են հաղթել: Նրանք մոռանում են այն պահերը, երբ տարվում են:

Ուղեղը շատ լավ կարողանում է մոռանալ: Վատ փորձերը արագ մոռացվում են: Վատ փորձառությունները արագ անհետանում են: Դրա պատճառով է, որ այս մեծ և միայնակ տիեզերքում, մենք այդքան լավատես ենք: Մեր ինքնախաբկանքը դառնում է մի դրական պատրանք` ինչո՞ւ են կինոնկարները կարողանում ներգրավել մեզ անհավանական արկածների մեջ, ինչո՞ւ ենք մենք հավատում Ռոմեոյին, երբ նա ասում է, որ սիրում է Ջուլիեթին, և ինչու երաժշտության եզակի նոտաները, երբ դրանք միասին են նվագում, դառնում են սոնատ և լցվում իմաստով:

Սա «Լուսնի սոնատն» է Դրա հեղինակ Դեբյուսին ասել է, որ արվեստը ամենամեծ խաբեությունն է: Արվեստը խաբեություն է, որ ստեղծում է իրական զգացմունքներ. սուտ, որ ստեղծում է ճշմարտություն: Եվ երբ դուք տրվում եք այդ խաբեությանը, այն դառնում է կախարդանք:

(Ծափահարություններ)

Շնորհակալություն: Շատ շնորհակալ եմ:

(Ծափահարություններ)