Էրիկ Բերլոու. Ինչպես է բարդեցվածությունը հանգեցնում պարզության

Դուք երբևէ ծանրաբեռնված զգացե՞լ եք մի որևէ բարդ խնդրի հանդիպելիս: Ես հուսով եմ փոխել դա 3 րոպեից էլ քիչ ժամանակում: Այսպիսով, ես հույս ունեմ ձեզ համոզել, որ բարդը միշտ չէ, որ նշանակում է դժվար: Ինձ համար ջեռոցից հենց նոր հանած, լավ պատրաստված բագետի ստացումը խճճված է, բայց կարրի սոխով, կանաչ ձիթապտուղով, կակաչով, պանրով հացը դժվար է: Ես էկոլոգ եմ, և ես ուսումնասիրում եմ խճճվածություն: Ես սիրում եմ խճճվածություն: Եվ ես ուսումնասիրում եմ դա բնաշխարհում` տեսակների փոխկապվածությունը:

Ահա մի սննդային ցանց կամ տեսակների միջև սննդային կապերի քարտեզ, որոնք ապրում են Կալիֆորնիայի լեռների Ալփայն Լեյքսում: Եվ ահա, թե ինչ է պատահում այդ սննդային ցանցին, երբ այն համալրվում է ոչ տեղական ձկով, որը նախկինում երբեք այստեղ չի ապրել: Բոլոր մոխրագույնով նշված տեսակները վերանում են: Որոշները փաստացի անհետացման եզրին են: Եվ ձկներով լճերում կան ավելի շատ մոծակներ, չնայած որ նրանք ուտում են դրան: Բոլոր այս էֆեկտները անսպասելի էին, սակայն մենք հայտնաբերում ենք, որ դրանք կանխատեսելի են:

Այսպես, ես ուզում եմ կիսել ձեզ հետ խճճվածության մասին մի քանի առանցքային մտքերով, որոնք պարզում ենք բնությունն ուսումնասիրելիս, որ գուցե կիրառելի են այլ խնդիրների համար: Առաջինը` լավ վիզուալիզացիայի գործիքների պարզ ուժն է, որոնք օգնում են պարզեցնել խճճվածությունը և ուղղակի խրախուսում են այնպիսի հարցեր տալ, որոնք նախկինում դուք չեք մտածել: Օրինակ, դուք կարող եք գծել ածխածնի հոսքը կորպորատիվ էկոհամակարգի կորպորատիվ մատակարարման շղթաների միջով, կամ ճանճերի ապրելավայրի փոխկապվածությունը Յոսեմիթի ազգային պարկի անհետացող տեսակների համար: Հաջորդն այն է, որ եթե դուք ուզում եք կանխատեսել մի տեսակի ազդեցությունը մյուսի վրա, եթե դուք կենտրոնանում եք միայն այդ կապի վրա, և անտեսում մնացածը, դա փաստացի պակաս կանխատեսելի է, քան եթե դուք քննարկեք ողջ համակարգը` բոլոր տեսակները, բոլոր կապերը, և այդտեղից զտեք ամենակարևոր ազդեցության ոլորտը: Մեր հետազոտության օգնությամբ մենք բացահայտում ենք, որ այն հաճախ մոտ է լինում այն կետին, որը ձեզ հետաքրքրում է, մոտ մեկ, երկու քայլի միջակայքում: Եվ այսպես, որքան եք ետ կանգնում, ընգրկելով խճճվածությունը, այնքան ավելին է պարզ պատասխաններ գտնելու ձեր շանսը, և այն հաճախ տարբեր է այն պարզ պատասխանից, որից դուք սկսել էիք:

Այսպիսով, եկեք անցնենք և դիտարկենք մի իսկապես բարդ խնդիր, որ առաջացել է ԱՄՆ-ի կառավարության շնորհիվ: Սա Աֆղանստանում ԱՄՆ-ի հակաահաբեկչական ռազմավարության դիագրամն է: Այն Նյու Յորք Թայմսի առաջին էջին էր մի քանի ամիս առաջ: Լրատվամիջոցները անմիջապես այն ծաղրեցին այդքան անմիտ խճճված լինելու համար: Իսկ դրա հայտարարված նպատակը` Աֆղանստանի կառավարությանը ժողովրդի աջակցության ավելացումն էր: Ակնհայտ է, որ բարդ առաջադրանք է, բայց արդյո՞ք այն խճճված է: Երբ ես տեսա սա Թայմսի առաջին էջին, մտածեցի. «Հրաշալի է: Վերջապես մի բան, որի վրա կարող եմ փորձել ինքս ինձ: Մինչև ատամներս կսուզվեմ գործի մեջ»

Ուրեմն եկեք անենք: Առաջին անգամ, այս սպագետի դիագրամը կարգավորված ցանցի տեսքով դիտելու համաշխարհային պրեմիերա: Սա միացյալ կետն է` կառավարությանը ժողովրդական աջակցությունը, այն կետը, որի վրա մենք փորձում ենք ազդել: Մենք կարող ենք ուշադրության կենտրոնում վերցնել մեկ քայլ, երկու քայլ, երեք քայլ այդ կետից և տեսադաշտից հեռացնել դիագրամների 3/4-ը, որ մնացել են ազդեցության գոտուց դուրս: Այս ոլորտի մեջ հանգույցների մեծ մասը ներգրավված չի, օրինակ բնակավայրի խնդիրները: Ռազմական գործողությունն էլ է շատ փոքր: Նրանց մեծ մասը ոչ բռնի է, և նրանք մտնում են 2 մեծ կատեգորիաների մեջ` գործող պայմանավորվածություններ պատերազմող ժողովուրդների և կրոնական համոզմունքների հետ, ինչպես նաև ազնիվ, թափանցիկ տնտեսական զարգացում և ծառայություններ: Ես սրանից գլուխ չեմ հանում, բայց ահա թե ինչ կարող եմ ապակոդավորել այս դիագրամից 24 վայրկյանում:

Երբ դուք տեսնում եք նման դիագրամ, մի վախեցեք: Ես ուզում եմ, որ դուք հիանաք, որ թեթև զգաք: Քանի որ պարզ պատասխանները կարող են ի հայտ գալ: Բնությունը մեզ սովորեցնում է, որ պարզությունը հաճախ գտնվում է խճճվածության հակառակ կողմում: Դա հատուկ է բոլոր խնդիրներին. որքան հեռվից նայեք, որպեսզի բացեք խճճվածությունը, այնքան ավելի լավ կկարողանաք մոտենալ պարզ մանրամասներին, որոնք ավելի մեծ նշանակություն ունեն:

Շնորհակալություն:

(Ծափահարություններ)