Blaise Agüera y Arcas-ek errealitate areagotuko mapak erakusten

Duela urte eta erdi inguru, hemen bertan, TEDen, 2007an Microsoft Lur Birtualaz hitzaldi bat eman zuen Stephen Lawler-ek Microsoften sareko mapagintza-ahalegina den Bing Maps-eko arkitektoa izateko konbentzitu ninduen. Azken bi urte eta erdi honetan, oso gogor ari izan gara lanean mapek sarean duten funtzionatzeko modua birdefinitzen. Eta gu hori ikusten ohiturik gauden mapa eta helbideen webguneen aldean oso modu diferentean ari gara ikusten.

Hortaz, mapen webguneaz ohartarazi behar dizuedan lehenbiziko gauza zoomak eta panoramikak egiteko erraztasuna da, agian ezagutuko duzuen Seadragon-ek garatua.

Mapak egitea, jakina, ez da kartografia kontua bakarrik, irudien tratamendua ere bada. Alegia, hurbiltzeko zooma muga batetik haratago egiten dugunean horrek Sim City jokoen antzeko 45 gradutikako ikuspegi birtual bat ematen du. Hori ikus daiteke edozein puntu kardinaletatik, hiriaren 3D egitura erakuts diezazun, hots, fatxada guztiak. Orain, espazio hori ikusten dugu, era guztietako aplikazioak erabiltzeko oinarri moduko bat izan daitekeena. Eta mapako helbideak horietako bat izan daiteke hain zuzen.

Horren gainean klik egiten baduzu abian jarri genuenez geroztik, azken bi hilabeteotan atera ditugunetako batzuk ikusiko dituzu. Adibidez, Haitin desastrea izan eta pare bat egunera, lurrikararen mapa bat izan genuen, zerutik harturiko irudi batzuekin, hura gertatu aurreko eta ondoko egoerak erakusten zituena. Zoragarri honek, denborarik ez dudana zuei erakusteko, blog hiperlokalak azaltzen ditu denbora errealean eta blogetan aipatzen diren istorioak, sarrera horietan aipatzen diren lekuak erakusten ditu. Zoragarria da hori.

Baina, gauza politago erakustera noa zuei.

Zeruko irudi bikainak ikusten ari gara. Burbuilatxo berde horiek erabiltzaileek egin dituzten argazki digitalak adierazten dituzte. Ez noa horietan murgiltzera, baina argazkien 3D ereduak mapan txertaturik daude. Lauki urdin baten barruan ageri den oro ere lurraren mailan irudiak hartzen ari garen eskualde bat da.

Eta horrela, beherantz hegan joaten zaretenean --

(Txaloak)

Eskerrik asko. Lurrerantz hegan jaisten zaretenean. eta ikusten dituzuenean era honetako irudi panoramikoak, nabari dezakezuen lehen gauza da ez dela irudi lau bat, baizik eta ingurune horren hiru dimentsioko errepresentazio bat, hiria hiru dimentsiotan goitik ikusita. beraz, klik egiten badut zerbaiten gainean, hurbilagotik ikusteko, ikusten den trantsizioa geometria horren guztiaren araberakoa da, eredu horren atzetik dagoen 3Dko interpretazioa.

Orain aplikazio dibertigarri bat erakutsiko dizuet, Flickr-eko gure adiskideekin batera lantzen ibili garena. Honek hartzen ditu Flickr-era igotako irudi geoerregistratuak eta 3D eredu gisa prozesatzen ditu, haien irudiak eta gureak lotzeko, beraz -- ez nago ziur hau den benetan hartu nahi nuena, baina --

(Barreak)

Baina ikusi -- hori, jakina, turismo-leku ezagun bat da, eta argazki asko daude haren inguruan, eta argazki horiek ordu desberdinetan ateratakoak dira. Hau, adibidez, bostak inguruan ateratakoa da. Hortaz, hau da Flickr argazkia eta hauek dira gure irudiak. Ikusten duzue bada irudi partekatu horiek nola dauden integraturik, oso modu hertsian, mapan bertan.

(Txaloak)

Eskerrik asko

(Txaloak)

Hainbat arrazoik egiten dute hau interesgarri eta horietako bat denboran zehar bidaiatu ahal izatea da. Eta ez noa erakustera zuei hor dauden irudi historiko zoragarrietako batzuk, baina badira batzuk zaldiak eta karroak eta horrela dituztenak ere. baina honetan polita dena da, ez bakarrik munduaren irudi bidezko errepresentazioa areagotzen duela erabiltzaileengandik datozen gauzekin, baizik eta errealitate areagotuaren oinarria ere badela, eta hori hemendik pixka batera zuei gehiago erakustera noan zerbait da.

Orain barrualde baterako trantsizioa egin dut. Hori ere interesgarria da. OK, ikus orain sabai bat dugula gainean. Pike Place Market-en barruan gaude. Eta hori bizkar-zorroan eramaten den kamera horietako batez egin daitekeen gauza da, beraz, ez gara kalean bakarrik egiten ari irudiak auto gaineko kamera horietako batez, barrualdeetan ere ari gara argazkiak ateratzen. Eta hortik ere egin ditzakegu ez bakarrik irudi estatikoak, baizik eta baita bideoa ere.

Beraz hori orain lehenbizikoz zuzenean egiten saiatzen ari garen zerbait da eta hori benetan izugarria da.

(Barreak)

OK

(Telefonoz)

Oso ondo, lagunok, hor zaudete?

(Zarata)

Oso ondo, ari naiz. Sartzen ari naiz. Zuzenean nago, Oso ondo. Aurrera Horiek Pike Place Marketen, laborategian dauden gure adiskideak dira,

(Txaloak)

Zuzenean emititzen ari dira. OK, George, panoramika bat egin dezakezu txokoko merkaturantz? Zeren puntu interesgarriak erakutsi nahi ditudan. Ez, ez. Beste aldera. Epa, epa. atzerantz txokora. Atzerantz txokora. Ez zaituztet zuek ikusi nahi oraindik. OK. OK. Atzeko txokorantz. Atzeko txokorantz. Atzeko txokorantz. OK, ez du axola.

Irudiaren goaildeko puntu interesgarri horiek erakutsi nahi nizkizuen horrek han bertan bazeundete bezalako sentsazioa ematen dizuelako pentsa dezakezuenez hori aurrerapauso bat da errealitate areagotuaren arloan.

Zer demonio ari zarete -- o barka.

(Barreak)

Bi ... . OK. moztera noa. Bi gauza desberdin ari gara egiten hemen. Horietako bat da zera erreal hori hartzea ...

(Barreak)

Oso ondo, barka une batez taldeari eskerrak emateko. Lan bikain egin dute bi gauza horiek batuz.

(Txaloak)

Haiekiko konexioa moztu egingo dut eta berriro kanpora irtengo naiz. Eta, kanpora noan bitartean, esango dut hori telepresentziarako erabiltzen ari garela, baina berdin erabil daiteke lekuan bertan, errealitate areagoturako. Han bertan erabiltzen duzunean, munduarekiko metadatu eta informazio horiek guztiak eskura ditzakezu. Beraz, hemen gainera urrats bat harago goaz emititzen ere ari garelako. Bide batez esan dezadan 4G sare batean zehar ari ginela emititzen azokatik.

Oso ondo, eta orain bada azken TED talk bat Microsoftek azken urteotan eman duena. Curtis Wongek emandako Mundu Zabaleko Teleskopioa da hori. Beraz, zaborrontzietara goaz, non azokan egun osoa igaro ondoren ohikoa baita atsedenaldi bat hartzera irtetea, baina baita zerurantz begira-begira jartzea ere. Hau WorldWide Telescope softwarea gure mapetan integratzea da.

(Txaloak)

Hau une honetako -- eskerrik asko -- Hau une honetako ordua da, baina denboran zehar arakatzen badugu, zerua ordu desberdinetan nola dagoen ikusiko dugu eta hori guztia xehetasun handiz ikusiko dugu ordu desberdinetan, data desberdinetan. Mugitzen badugu ilargia pixka bat gorago zeruan, data aldatuko da. Nahi izan dezaket ilargian zoom egitea Beraz, astronomia aldetik zeru osoa irudikatzen da Lurrean integraturik.

Orain, nire denbora ahitu denez, gelditzera noa. Eskerrik asko

(Txaloak)