Myshkin Ingawale: Sangotesto sen sangado.

Mi ŝatas konstrui aĵojn. Mi ĉiam ŝatis konstrui ion. Mia teamo ĉe Biosense, noventrepreno, kiun mi kunfondis kun miaj amikoj, kuracisto kaj inĝenieroj, konstruis teĥnikaron nomatan ToucHB, kiu povas kontroli sangon pri hemoglobino sen pikoj, sen pikiloj. Mi kredas, ke tio demokratiigos la sanzorgon. Estas du vortoj, kies signifon mi ne scias.

(Ridado)

Fakte, en 2009, mi sciis eĉ malpli. Mi havis neniun ideon pri tio, kio okazos poste. Fakte, mi provis fini mian doktoriĝon, kiu neniel rilatis al ĉi tio. Ĝi temis pri homa, kontribuanta interagado, kiel tekstoj kreiĝas en Vikipedio -- provante kalkuli, kiel la sistemo estigas kvaliton. Mi ankaŭ konstruis ion nomatan Kopenhaga Rado, kiu estas vere belega elektra biciklo, en MIT-laboratorio nomata SENSEable City Lab. Min tre ĝojigis revidi mian hejmlandon, Mumbai, por ferii.

Tiutempe mi planis vojaĝon. Mi vizitis lokon nomatan Parol proksimume du horojn norde de Mumbai. Tio estas loko, kie mia amiko Abhiŝek Sen praktikis. Li estas kuracisto tie. Jen freŝdata foto pri li. (Ridado) Fakte Abhishek igis min atendi. Li estis en Parol pro akuŝo. Mi atendis, kaj kiam li aperis, lia vizaĝo cindrogrizis. Li diris al mi, ke okazis du mortoj, la patrino kaj la bebo ambaŭ mortis. Li diris, ke la kialo estis tiel nomata postnaska sangoperdo. Li klarigis, ke tio estas grava interna sangado. Ege ŝokis min, ke laŭ li tio okazas ekskluzive pro nediagnozita anemio.

Nuntempe anemio -- kvankam inĝeniero, mi tamen scias -- estas supozata nefatala. Ĝi estas io, pri kio kuraco estas konata. Tio estas, foliata acido, ferpiloloj -- tre malmultekoste akireblaj kuraciloj ekzistas por trakti anemion. Kial do tiu virino mortis? Tiu morto estis tute evitebla. Kvin minutojn for de tie estis centro, la medicina centro, kiu disdonis subvenciatajn ferpilolojn. Tial la tuta afero ege ŝokis min. Kaj mi sciis, ke devas esti maniero eviti ĝin.

Mia panjo estas infankuracisto, kaj mi demandis ŝin. Ŝi diris, kiel oni kutime testas pri anemio. Prenu sangan specimenon metu ĝin en maŝinon nomatan Coulter-kalkulilo. Tio estas dekmil-dolara maŝino disponebla en Mumbai. Ĝi ankaŭ disponeblas ĉi tie aŭ ĉie, mi supozas, en Eŭropo kaj en multaj urboj tutmonde. Sed ĝi ne disponeblas en Parol. Kaj ankaŭ la virino, kiu funkciigas la maŝinon, la teĥnikistino, ne disponeblas en Parol.

(Ridado)

Tio trafis min, ĉar mi ŝatas solvi aferojn. Mi volis solvi tion. Mi dungis amikon, inĝeniero, kaj tri aliajn doktorojn -- Abhiŝek aliĝis al la teamo -- kaj ni volis solvi tiun problemon. Ĝis la fino de mia prezentado dek homoj perdos la vivon pro absolute evitebla problemo.

Nun ni kune reiru al Parol. Vi tie vidis la virinon, la flegistinon. En Hindio ili nomiĝas ASHA-laborantoj. Ŝi esence estas vilaĝa sanlaboristo, "matrono". Ŝi vere estas ĉefrolanto en la sanzorga sistemo. La publika sano funkcias per ASHA-laboristino, ne per kuracisto. Tiam ni sciis, ke ni evoluigu ion, kion ŝi povos uzi. Ni sciis, ke la maŝino havu tri ecojn.. Ni sciis, ke ĝi estu io sen pikiloj, sen pikado, tiele ĝi ne okazigos medicinan rubon. kun rilatajn problemojn Ĝi estu sufiĉe simple uzebla por tiu ASHA-laboristino. Kaj trie, ĝi estu io, kion ŝi povu kunporti en sia ilarujo.. Ŝi iras de unu vilaĝo al alia por sanekzameni.

Ni opiniis nin kapablaj konstrui ĝin, ni do konstruis ĝin. Aplaŭdo) Sed ĝi ne funkciis. (Ridado) Ni do rekonstruis ĝin. Kaj tion ni faris 32 fojojn. (Ridado) Sed kun ĝojo mi diras al vi, ke lastjare ni finkonstruis ĝin -- ĝi funkcias. Kaj mi havas ĝin en mia monujo. Jen estas maŝino nomata ToucHB Quick. Kion ĝi faras? Ĝi mezuras mian hemoglobinon, oksigenon kaj pulsadon. Mi metas ĝin sur mian fingron, ŝaltas ĝin, kaj post proksimume 20 sekundoj ĝi montras al mi sur la ekraneto nombrojn pri hemoglobino, oksigena saturiĝo kaj korfrekvenco. Tio helpos ASHA-laboristinojn diagnozi anemion en la prizorga loko.

(Aplaŭdo)

Mi iom klarigos, kiel ĝi funkcias. Vi eble vidis lumeton ene de ĝi. Fakte estas tri lumigiloj en ĝi, tri lumaj ondolongoj. Esence ni pasigas lumon tra la histo, kaj sciante, kiom da ĝi transiras, kiom disiĝas kaj kiom sorbiĝas, ni povas kalkuli kiom da hemoglobino estas en la sango. Tio baziĝas sur principo nomata "fotopletismografio" (perluma sangokvantomezurado) Ni fakte tre entuziasmas pri tio, kion similaj ne-invadaj teĥnikoj kapablos estonte atingi. Unu el la aĵoj, kiujn mia helpanto Pratesh konstruis, estas portebla aplikaĵo, kiu nun povas sendi ĉiujn tiujn donitaĵojn, kien necesas.

Ni faras multajn tiajn pasiigajn aplikaĵojn.. Mi ŝatus rakonti iom pli pri ili al vi. Sed esence, mi kredas, ke la mapo malantaŭ mi nomiĝas la baza mapo pri anemio. Ĝi montras la procentaĵon da mortoj pro anemio Vi evidente rimarkos, kie ekzistas atentindaj regionoj -- suda Azio, Afriko. Mia entreprena plano tre simplas. Mi vendos tion al ĉiu malsanulejo tutmonde. Tio estas simpla baza entreprena plano. Kaj kiam mi finos, en 2020, kiam Monda San-Organizo ree publikigos donitaĵojn, ĉi tiu estos la mapo pri anemio.

(Aplaŭdo)

Dankon.

(Aplaŭdo)