Mensogoj, damnaj mensogoj kaj statistikoj (pri TED-prelegoj)

Se vi aliras la retpaĝaron de TED vi povas nun trovi tie pli ol unu tutan semajnon da videoj pli ol 1,3 milionojn da transskribitaj vortoj kaj milionojn da uzulaj taksoj. Estas enorma kvanto da datumoj, Kaj tio igis min demandi: se vi prenas ĉiujn ĉi datumojn kaj ilin analizas statistike, ĉu vi povus fari inversan inĝenieradon de TED-prelego? Ĉu vi povus krei la plej superan TED-prelegon? (APLAŬDOJ) Kaj krome, ĉu vi povus krei la plej eble malbonan TED-prelegon kiun oni ankoraŭ permesus al vi fari?

Por trovi tion, mi rigardis tri aferojn. Mi rigardis la temon kiun vi devus elekti. Mi rigardis kiel vi devus prezenti ĝin kaj la vidajn erojn sursceneje. Nu, pri la temo -- Estas tuta gamo de temoj por elekti, sed vi devas saĝe elekti, ĉar tio estas interrilatigita kun la maniero kiel uzuloj reagas al via prelego. Por tion ĉi plikonkretigi, ni rigardu la liston de la 10 vortoj kiuj statistike plej elstaras en la TED-prelegoj plej kaj malplej ŝatataj. Se vi do venas tien ĉi por paroli pri tio, kiel la franca kafo disverŝos feliĉecon en niajn cerbojn, vi bone survojas. (APLAŬDOJ) Sed se vi volas paroli pri projekto entenanta oksigenon, knabinojn, aviadilojn... mi vere ŝatus aŭskulti tiun prelegon, sed la statistikoj diras ke tio ne bonus. Nu! Por ĝeneraligi, la plejŝatataj TED-prelegoj estas tiuj tuŝantaj temojn kun kiuj ni povas konekti, facile kaj profunde, kiel la feliĉeco, nia korpo, manĝado, emocioj. Kaj la plej teknikaj temoj, kiel arĥitekturo, materialoj kaj, sufiĉe strange, viroj, tiuj ne estas bonaj priparolindaj temoj.

Kiel vi devas prezenti vian prelegon? TED famas pro la fajna atentado al la horloĝo, kaj do ili min malamos pro tiu ĉi rivelado, ĉar fakte vi devus paroli tiom kiom oni lasas al vi, ĉar la plej ŝatataj TED-prelegoj estas averaĝe pli ol 50% pli longaj ol la malplej ŝatataj, Kaj tio ĉi veras por ĉiuj rang-listoj de TED.com krom se vi volas fari prelegon belan, inspiran aŭ amuzan. Tiam, vi devas paroli mallonge. Sed alikaze, parolu ĝis kiam oni eltiras vin el la scenejo.

(RIDADO)

Nun, dum vi... (APLAŬDOJ) Dum vi elpremas la horloĝon, estas kelkaj obeindaj reguloj. Mi trovis ilin komparante statistikojn de la frazoj kvarvortaj plej ofte aperantaj en la plej ŝatataj prelegoj, kontraste al la malplej ŝatataj. Mi montros tri ekzemplojn. Unue, kiel preleganto mi devas paroli pri tio kion mi donos al la aŭskultantaro, anstataŭ pri tio kion mi ne havas. Due, estas devige ke vi ne citu la (ĵurnalon) New York Times. (RIDADO) Kaj fine, ĝustas ke la preleganto -- kaj tio estas bona novaĵo -- ŝajnigu altkvalitan intelektan kapablon. Se oni ne komprenas ion, oni povas diri "ktp". Aŭskultantaro restus. Estas tute ĝuste. (APLAŬDOJ)

Ni traktu la vidmaterialon. La plej evidenta vidmaterialo sursceneje estas la preleganto. Kaj la analizo montras ke, se oni volas troviĝi inter la plej ŝatataj prelegantoj de TED, oni devas havi pli longan hararon ol averaĝe, porti okulvitrojn kaj aperi iom pli bone vestita ol la averaĝa TED-preleganto. La lumbildoj valoras, sed vi povus konsideri aldoni ion kroman. Kaj nun la plej grava afero, tio estas la atmosfero de la scenejo. Koloro rolas tre grave. Koloro tre rilatas al la taksado de la prelegoj en la reto. (APLAŬDOJ) Ekzemple, la fascinaj prelegoj enhavas statistike grandan kvanton de tiu ĉi specifa bluo, multe pli ol la averaĝa TED-prelego. Tiuj sagacaj, multe pli el tiu ĉi verdo, ktp, ktp. (APLAŬDOJ) Persone, mi kredas ke mi ne estas la unua kiu faris tiun ĉi analizon, sed mi lasos tion je via bona juĝkriterio.

Estas nun la momento konekti la tuton kaj strukturi la superan TED-prelegon. Ĉar tio ĉi estas Aktiva TED, kaj mi lernis el mia analizo ke mi devas doni ion al vi, mi donos nek la plej superan nek la plej malbonan TED-prelegon, sed ilon por krei tiun vian. Mi nomas tiun ilon "TED Pad". (RIDADO) Kaj tiu TED Pad estas matrico de 100 specife selektitaj kaj alte prilaboritaj frazoj kiujn vi povas unuigi por akiri vian TED-prelegon. Vi nur devas fari unu decidon: Ĉu vi uzos la blankan version por tre bonaj TED-prelegoj pri kreiveco, homa genieco? Aŭ ĉu vi prenos la nigran version, kiu permesos al vi krei vere malbonajn TED-prelegojn, ĉefe pri blogoj, politiko kaj simile? Do, elŝutu ĝin, kaj amuziĝu per ĝi.

Mi esperas ke vi ĝuos la sesion. Kaj mi esperas ke vi ĝuos fasonante vian plej bonan kaj plej malbonan eblan TED-prelegon. Kaj ke iuj el vi inspiriĝu por venonta jaro, por krei tion ĉi, kio estas kion mi ja volas vidi.

Mi tre dankas.

(APLAŬDOJ)