Al Gore avertas pri la plej lastaj klimataj tendencoj

Pasintjare mi montris ĉi tiujn du lumbildojn, kiuj elmontris, ke la arkta glacitavolo, kiu dum pli granda parto de la lastaj tri milionoj da jaroj havis la grandecon de 48 usonaj ŝtatoj reduktiĝis 40-elcente. Sed tio subtaksas la gravecon de tiu aparta problemo, ĉar ĝi ne montras la dikon de la glacio. La arkta glacitavolo estas, iasence, la pulsanta koro de la tutmonda klimatsistemo. Ĝi pligrandiĝas vintre kaj reduktiĝas somere. La sekva bildo, kiun mi montras, estos rapidigita sceno de tio, kio okazis dum la lastaj 25 jaroj. La daŭra glacio estas ruĝe markita. Kiel vi vidas, ĝi plivastiĝas al malhelbluo. Tio estas la jara vintra glacio. Kaj somere ĝi reduktiĝas. La t.n. daŭran glacion, almenaŭ kvin jarojn aĝa, vi povas vidi, ĝi similas sangon elfluantan el la korpo tie ĉi. En 25 jaroj ĝi iris de ĉi tio al tio.

Tio estas problemo, ĉar la varmiĝo atingas la frostigitan grundon ĉirkaŭ la Arkta Oceano, kie estas amaso da frostigita karbonaĵoj, kiu ĉe degelo fariĝas metano pro la agado de mikroboj. Kompare al la entuta kvanto de tutmonda varmiga polucio en la atmosfero, tiu kvanto povus duobliĝi trans tiu kulmina punkto. Jam en kelkaj malprofundaj lagoj en Alasko metano aktive elspruĉas el la akvo. Profesoro Katey Walter el la Universitato de Alasko lastvintre iris kun alia teamo al alia malprofunda lago. Filmeto: Ho! (Ridoj) Al Gore: Ŝi bonfartas. La demando estas, kiel fartos ni.

Unu kialo estas, ke tiu grandega varmodisigilo varmigas Gronlandon el la nordo. Jen ĉiujare fandiĝanta rivero. Sed la volumenoj estas ege pli grandaj ol iam ajn. Tio estas la rivero Kangerlusuak en sudokcidenta Gronlando. Se vi volas scii, kiel la marnivelo altiĝas pro fandiĝanta enlanda glacio, jen la loko, kie ĝi atingas la maron. Tiuj fluoj rapidege kreskas. Jen la alia ekstremo de la planedo, Antarkto, la plej granda glaci-maso sur la planedo. Lastmonate sciencistoj raportis, ke la tuta kontinento havas nun negativan glacian bilancon. Kaj okcidenta Antarkto kuŝanta sur kelkaj submaraj insuloj aparte rapide fandiĝas. Tio egalas al 7metroj de la marnivelo, kiel Gronlando.

En Himalajo, la triavice plej granda glaci-maso, ĉe la pinto oni vidas novajn lagojn, kie antaŭ kelkaj jaroj estis glaciriveroj. 40 elcentoj el la monda loĝantaro ĉerpas duonon de sia trinkakvo el la fandiĝanta fluo. En Andoj, tiu glaciejo estas la fonto de trinkakvo por tiu urbo. La fluoj kreskis. Sed kiam ili malaperas, multa trinkakvo same malaperas. En Kalifornio estis 40-elcenta malkresko en la Siera neĝomaso. Tio trafas la rezervujojn. Kaj la antaŭdiroj, kiel vi legis, estas seriozaj.

La sekiĝo tra la mondo kondukis al drama kresko de brulegoj. Kaj la katastrofoj tra la mondo daŭre kreskas laŭ absolute eksterordinara kaj ne antaŭe spertita proporcio. Kvaroble tiom dum la lastaj 30 jaroj kiom en la antaŭaj 75. Tio estas tute neeltenebla evoluo. Se oni rigardas ĝin en historia kunteksto, oni povas vidi, kion tio okazigas.

En la lastaj kvin jaroj ni aldonis 70 milionojn da tunoj da CO2 en ĉiu tagnokto -- 25 milionojn da tunoj ĉiutage en la oceanojn. Rigardu bone la areon de la orienta Pacifiko de Ameriko al la okcidento, kaj ambaŭflanke de la Hindia subkontinento, kie estas radikala forkonsumo de oksigeno en la oceanoj. La plej granda kaŭzo de tutgloba varmiĝo, kune kun senarbarigo, kio estas 20 elcentoj de ĝi, estas la bruligo de fosiliaj brulaĵoj. Petrolo estas problemo kaj karbo estas la plej grava. Usono estas unu el la du plej grandaj eligantoj, kune kun Ĉinio. Kaj estis propono konstruadi pli da karbelektroproduktejoj.

Sed ni ekvidas transformiĝon. Jen tiuj, kiuj estis nuligitaj en la lastaj jaroj kun kelkaj verdaj alternativoj proponitaj. (Aplaŭdo) Tamen estas politika batalo en nia lando. Kaj la karbo- kaj petrol-industrio elspezis 250 milionojn da dolaroj en la lasta jaro por antaŭenigi 'puran' karbon, kio estas memkontraŭdiro. Tiu bildo memorigis min pri io. (Ridoj) Ĉirkaŭ Kristnasko, en mia hejmlando Tenesio, elverŝiĝis kvar milionoj da kubmetroj da karbo-ŝlimo. Vi probable vidis tion en la novaĵaro. Tio estas la duavica tutlande plej granda rubelfluo en Usono. Tio okazis ĉirkaŭ Kristnasko. Jen reklamo de la karbo-industrio ĉirkaŭ Kristnasko.

Filmeto: ♪♫ Frostulo la karbo-viro estas ĝoja, feliĉulo. Li abundas tie ĉi en Usono kaj helpas nian ekonomion kreski. Frostulo la karbo-viro ĉiutage iĝas pli kaj pli pura. Li malmultekostas kaj amindas, kaj laboristoj konservas sian salajron.

Al Gore: Tio estas la fonto de multa karbo en Okcidenta Virginio. La plej granda ministo estas la ĉefo de Massey Coal.

Filmeto: Don Blankenship: Lasu min klare diri. Al Gore, Nacy Pelosi, Harry Reid, ili ne scias, pri kio ili parolas.

Al Gore: Tial la Alianco por Klimata Protekto lanĉis du kampanjojn. Jen unu el ili, parto de unu el ili.

Filmeto: Aktoro: ĉe KARBergio ni vidas klimatŝanĝiĝon kiel tre seriozan minacon al niaj aferoj. Tial ni faris ĝin kiel nian ĉefan celon elspezi grandan monkvanton en propaganda klopodo por helpi evidentigi kaj malsimpligi la veron pri karbo. La fakto estas: karbo ne malpuras. Ni kredas ĝin pura -- kaj bonodora, ankaŭ. Do ne maltrankviliĝu pri klimatŝanĝiĝo. Lasu tion al ni. (Ridoj)

Filmeto: Aktoro: Pura karbo, vi aŭdis multon pri ĝi. Ni do vizitu tiun modernegan produktejon de pura karbo. Nekredeble! La maŝinaro estas iom laŭta. Sed estas la sono de teknikaro de pura karbo. Kaj ĉar bruligi karbon estas unu el la ĉefaj kaŭzoj de tutmonda varmiĝo, la rimarkinda purkarba teknikaro, kiun vi vidas tie ĉi ŝanĝas ĉion. Bone rigardu, jen la nuntempa teknikaro por pura karbo.

Al Gore: Fine la pozitiva alternativo enplektiĝas en nia ekonomia defio kaj nia defio pri nacia sekureco.

Filmeto: Rakontisto: Usono estas en krizo, la ekonomio, nacia sekuro, la klimata krizo. La fadeno, kiu ligas ilin ĉiujn, nia dependeco de karbonhavaj brulaĵoj, kiaj malpura karbo kaj eksterlanda petrolo. Sed nun estas tute nova solvo, kiu elirigos nin el tiu konfuzo. Repovumi Usonon per 100-elcente pura elektro ene de 10 jaroj. Plano por reenpostenigi Usonon, igi nin pli sekuraj kaj helpi haltigi tutgloban varmiĝon. Finfine, solvo sufiĉe granda por solvi niajn problemojn. Repovumi Usonon. Lernu pli pri tio.

Al Gore: Jen la lasta.

Filmeto: Rakontisto: Temas pri repovumo de Usono. Unu el la plej rapidaj manieroj por forigi nian dependon de malnovaj malpuraj brulaĵoj mortigantaj nian planedon. Viro: La estonto estas tie. Vento, suno, nova energifontaro. Dua viro: Novaj investoj por krei altsalarajn postenojn. Parolisto: Repovumu Usonon. Urĝas iĝi realisma.

Al Gore: Estas malnova afrika proverbo, kiu diras: "Se vi volas iri rapide, iru sola. Se vi volas iri malproksimen, iru kune." Necesas iri malproksimen, rapide. Mi tre dankas vin. (Aplaŭdoj)