Marco Tempest: Usa ka sugilanon nga katingalahan (nga naay augmented realty)

Marco Tempest: Ang gusto nakong ipakita ninyo karon mahisama sa usa ka eksperimento. Karon ang iyang unang pagpaila. Kini usa nga pagpakita kung unsa ang augmented reality. Ug ang mga makit-an ninyo dili gi-record daan. Live kini ug sabay pod siyang mobalos. Giisip nako nga usa kini nga salamangka sa teknolohiya. Good luck nalang sa ako. Ug lantaw lang sa dako nga screen.

Ang augmented reality maoy pagatipok sa tinuod nga kalibutan ug sa imaheng gihimo sa computer. Para nako, usa ka maayong paagi para susihon ang salamangka ug mangutana nganong sa pagka-high tech nato karon, nagpadayon pa man gihapon kining pagkatingala og pagpakuyaw. Ang salamangka usa ka pagpangilad, pero kini ang pagpangilad nga makalingaw. Aron malingaw sa maong pagpangilad, himuon una sa mga nanan-aw nga ipadaplin ang ilang pagkatingala. Ang poet nga si Samuel Taylor Coleridge maoy unang mituki bahin sa pagkaandam sa hunahuna.

Samuel Taylor Coleridge: Sulayan nakog mosuwat nga hisama sa tinuod, aron buhaton kining imahenasyon nga katuuhan, bisag kadyot ra, kay mao kini ang tumong sa magasuwat.

MT: Importante kining pagtuo sa mga gibuhat sa bisag asang malateatro nga kasinatian. Kung wala kini, ang sulat mga pulong lamang. Ang augmented reality usa ra ka bag-ong teknolohiya. Ug ang kapaspas sa kamot usa ra ka maarte nga pagpa-ila sa kahanas. Kitang tanan hawod og dali ra mutuo. Ginabuhat na nato kada adlaw, sa pagbasa og nobela, sa paglantaw og TV ug sa pag-adto og sinehan. Ganahan ta nga musulod sa laing kalibutan nga gibuhat-buhat ra kung diin gikalipay nato ang atong mga bayani ug hilakan ang mga amigo nga hinimo-himo lang. Kon wala kining pagtuo wala sad tay salamangka.

Maong si Jean Robert-Houdin, ang kinahawrang ilusyonista nga taga-Pransiya, gi-ila ang papel sa mga salamangkero isip mangingistorya. Naa siyay giingon nga akong gidikit sa bungbong nako sa studio.

Jean Robert-Houdin: Ang ilusyonista dili malabarista Usa siya ka aktor nga nagdala sa parte sa usa ka salamangkero.

MT: Buot ipasabot nga ang salamangka usa ka teatro ug ang kada lansis usa ka estorya. Karon, ang mga lansis sa salamangka magasubay sa ehemplo sa panulatong himu-himo ra. Naay sugilanon sa pagkabuhat og pagkawagtang, pagkamatay ug pagkabanhaw, ug daghang magababag nga angayang supilon. Karon, kadaghanan ani grabe ka-drama. Makigdula ning salamangkero sa kalayo og asiro, musukol sa chainsaw, saluon ang bala o likayan ang kamatayon. Apan wala magbayad ang mutan-aw aron makit-an nga mamatay ang salamangkero, kon dili, aron makit-an sila nga buhi gihapon. Kay ang mga maanindot nga estorya malipayon ang kahumanan.

Ang mga lansis sa salamangka naay usa ka importanting elemento. Mga sugilanon kini nga may kahingangha. Ingon pa ni Edward de Bono ang utok magasubay sa usa ka modelo para sa lain-laing butang. Ingon niya, ginapahimuslan sa salamangkero ang ginahuna-huna sa magalantaw.

Edward de Bono: Ang salamangka sa entablado magasalig sa momentum error. Ang magalantaw gigiya aron makahimo og paghukom nga resonable, apan sa tinuod lahi ni sa maoy nag-atubang sa ila.

MT: Nianang butanga, ang mga lansis sa salamangka murag komedya. Ang komedya magasubay kanato padulong sa tumong nga atong gidaman. Apan kung kalit nga mabag-o ang senaryo nga atong gihuna-huna nga wala nato gidamha, mukatawa kita. Mao pod ang mahitabo sa tawo nga molantaw og salamangka. Ang kinatapusan magasupak sa lohika, magahatag og bag-ong panglantaw sa problema, ug ang mga motan-aw ani matingala o magkatawa na lang. Lingaw man pod ang binuangan.

Pinaka-importanti sa usa ka sugilanon kay kanang ganahan ka nga ibahen pod sa uban. Kanang ganahan tang ipakita sa uban. Kon magahimo ko og lansis sa usa ka panagtapok -- (Naay mikatawa) labnotun dayon niya ang iyang amigo ug pa-usbon na pod niya ang akong gihimo. Ganahan sila nga masinati pod sa uban ang ilang pagkakuyaw. Nuon, mas komplikado na akong trabaho tungod ana, kay ganahan ko nga pakuratan sila, maghimo na pod ko og estorya nga pareho ra ang sinugdanan, apan lahi ang kahumanan -- madyik nga magdala og kakurat sa naunang pagkakurat. Maong aktibo ko pirminti.

Karon magatuo ang mga eksperto nga ang estorya dili lang alang sa atong kalingawan. Atong huna-huna mora pod nga gihan-ay nga sugilanon. Atong ginakabit ang panghitabo sa mga emosyon og ginahimo nato sila nga han-ay nga dali ra masabtan. Kini usa ka butang nga tawo lang ang makakab-ot. Tanan ta ganahan ibahen atong mga estorya, salamangka man na nga nakit-an nato sa usa ka panagtapok, o ang makalagot nga adlaw sa opisina o ang maanindot nga pagsalop sa adlaw sa atong pagbakasyon.

Karon, salamat sa teknolohiya, makabahin ta sa atong mga sugilanon dili sama atong kaniadto, pina-agi sa email, Facebook, blogs, tweets, sa TED.com. Kaning mga gamit sa social networking, usama sa kalayo sa panag-camping kon asa magatapok ang mga magalantaw aron paminawon ang atong sugilanon. Magabutang ta og simile ug metaphor sa atong kamatuoran, og usahay dugangan og pantasya. Ginapahamis nato ang garas nga bahin sa atong kinabuhi aron mahimo tang bug-os. Ang atong estorya maoy maga-ingon kon kinsa dyud ta, ug usahay, kon kinsay gusto nato mahimong kita. Mao na ang atong timailhan og apil na pod ang atong pagka-kumunidad. Ug kon maayo pod ang pag-estorya, pwede pa kitang pahiyumon niini.

Salamat.

(Gipakpakan)

Salamat.

(Gipakpakan)