Return to the talk Return to talk

Transcript

Select language

Translated by Kristaps Kadiķis
Reviewed by Edīte Husare

0:15 Tai, īsadūmojat, ka stuovat nazkur Amerikā iz ūļneicys, i pi jums daīt japaņs i prosa:

0:22 „Atlaidit, kai sauc itū kvartalu?”

0:24 Jius atsokat: „Atlaidit. Nu, itei ir Oukstrita, tei ir Elmstrita. Tei ir 26. sāta, tei — 27.”

0:30 „Lobi,” jis atsoka, „nu kai sauc itū kvartalu?”

0:32 Jius sokat: „Nu, kvartalim nav vuordu. Vuordi ir ūļneicom; kvartali ir tik vītys bez vuordim ūļneicu vydā.”

0:39 Jis nūīt drupeit apjucs i veilīs.

0:43 Niu īsadūmojat, ka stuovat iz ūļneicys nazkur Japanā, jius pasagrīžat pret sūpluok cylvāku i vaicojat:

0:48 „Atlaidit, kai sauc itū ūļneicu?”

0:50 Jis atsoka: „Nu, itys ir 17. kvartals, itys — 16. kvartals.”

0:54 I jius atsokat: „Lobi, i kai sauc itū ūļneicu?”

0:57 I jis atsoka: „Nu, ūļneicom nav vuordu. Vuordi ir kvartalim. Pasaverit Google Maps. Vei, 14.,15., 16., 17., 18., 19. kvartals. Vysim kvartalim ir vuordi. Ūļneicys ir tik vītys bez vuordu kvartalu vydā.

1:11 I tod jius vaicojat: „Lobi, a kai tod jius zinit sovu sātys adresu?”

1:14 „Vīnkuorši,” jis atsoka, „itys ir ostoitais kvartals. Es dzeivoju 17. kvartalā, sātā numer vīns.”

1:20 „Lobi,” jius sokat, „nu, īmūt pa apleicīni, es īvāruoju, ka sātu numeri nav seceigi.”

1:24 Jis atsoka: „Skaidrys, ka ir. Tuos ir numerātys piec tū pastateišonys seceibys. Pyrmuo kvartalā pastateituo sāta ir sāta numer vīns. Ūtrei pastateituo sāta ir sāta numer div. Treša ir sāta numer treis. Vīgli! Logiski!”

1:35 Deļtuo maņ pateik, kai myusim ir reizem juobrauc iz ūtru pasauļa molu, kab saprostu pījāmumus, kurūs mes seņuok nazynuojom i saprostu, ka ari pretejais var byut pareizs.

1:45 Tai, pīvadumam, Kīnā uorsti tur, ka jū dorbs ir ryupētīs, kab tu byutu vasals. Deļtuo sevkuru mienesi, kurū asat vasals, jius jim moksuojot, i, kod asat navasals, jums navajag jim moksuot, deļtuo ka jī nav kuorteigi darejuši sovu dorbu. Jī teik bogotuoki, kod jius asat vasali, a na navasali. (Plaukšīni)

1:59 Leluokajā daļā muzykys mes skaitam „vīns” kai pyrmū sitīni, muzykaluos frazys suokys. Vīns, div, treis, četri. Tok Vokoru Afrikys muzykā „vīns” teik skaiteits par frazys beigom, taipat kai atstarpe pyrma teikuma gola. Tū var dzierdēt na tik frazejumā, bet taipat i tymā, kai jī skaita ritmu. Div, treis, četri, vīns.

2:16 Taipat i itei karta ir preciza. (Smīklys)

2:21 Ir sokamvuords, ka, vysleidz kaidu patīsu lītu jius pasaceitu par Indeju, taipat i pretejais byus taisneiba. Deļtuo naaizmierssim, vysleidza, voi TED voi vysur cytur, kur var dzierdēt kaidys genialys idejis ir jums voi cytim, taipat i preteijais var byut taisneiba. Lels jums paļdis!