Return to the talk Return to talk

Transcript

Select language

Translated by Altansuvd Bold
Reviewed by Gereltuya Erdenejargal

0:11 2 жилийн өмнө энд тавьсан илтгэлээ би ойролцоогоор 2,000 удаа илтгэсэн байх. Өнөөдөр та бүхэнд танилцуулах богино хэмжээний слайдаар би анхны удаагаа илтгэл тавьж байгаа юм. Энэ удаад стандартаа дээшлүүлэхийг хүссэнгүй. Тэгэх хэрэг ч алга. Үнэндээ стандартаа доошлуулахаар чармайж байна. Яагаад вэ гэвэл илтгэлээ бэлдэх үедээ энэ удаагийн уулзалтын шаардлагыг хангахыг хичээсэн.

0:42 Карэн Армстронг гайхамшигт илтгэлдээ зөвөөр ойлговол шашин нь итгэл үнэмшилийн тухай бус, зан араншингийн тухай байдаг гэж надад сануулсан юм. Магадгүй өөдрөг үзлийн талаар мөн адил зүйлийг хэлэх хэрэгтэй болов уу. Бид яаж өөдрөг үзэлтэй байж чадаж байна аа? Өөдрөг үзэл заримдаа итгэл үнэмшил, оюун ухааны хэлбэр гэж тодорхойлогдсон байдаг. Махатма Гандигийн алдартай үг байдаг, "Дэлхий дээр өөрчлөхийг хүссэнээ чи өөрөө хийх ёстой". Энэ нь зан араншинг шинэчилдэггүй л юм бол өөдрөг сэтгэлийн үр дүн нь зөвхөн итгэж үнэмшсэнээр илрэхгүй. Гэхдээ заримдаа зан араншин гэдэг үг нь иймэрхүү нөхцөлд буруугаар ойлгогдох нь олонтаа. Би дараах зүйлүүдийг дэмждэг: чийдэнгийн шилээ солих, гибрид зүйлс худалдан авах, Типпэр (эхнэр)-тэй хамт байшин дээрээ 33 нарны эрчим хүч цуглуулагч авч тавих, геотермэн худаг ухах, гэх мэт. Хэдий чийдэнгийн шилээ солих нь чухал боловч хууль дүрмийг өөрчилөх нь илүү чухал юм. Бид өдөр бүрийн зуршилаа өөрчлөхдөө хааяа иргэний хувьд хийх өөрчлөлтөө орхидог, мөн ардчилалын хэсгийг алгасдаг. Энэ асуудалд өөдрөгөөр хандахын тулд, бид өөрсдөө ардчиллын идэвхтэй иргэд болох хэрэгтэй. Цаг уурын асуудлыг шийдэхийн тулд бид эхлээд ардчилалын асуудлуудаа шийдэх ёстой. Бидэнд ардчилалтай холбоотой асуудлууд бий.

2:30 Би энэ тухай ярихыг их удаан бодож байлаа. Үүнийг надад ширээний минь хажуугаар өнгөрөхдөө над руу сонирхон харж байсан нэгэн эмэгтэй санагдуулсан юм. Тэр 70 орчим насны болов уу гэмээр бөгөөд эелдэгдүү царайтай байв. Эхлээд миний санаанд ч ороогүй л дээ. Тэгээд тэр эмэгтэй над руу ширтсээр ирж байхыг хардаг юм байна. Тэгэхээр нь би "Сайн байна уу?" гэлээ. Хариу болгож тэр "Та хэрвээ үсээ хараар будвал Аль Гортой маш адилхан харагдах юм байна" гэдэг юм байна. (Инээв)

3:12 Олон жилийн өмнө, конгрессийн залуухан гишүүн байхдаа цөмийн зэвсэгийн хяналттай холбоотой асуудлууд дээр би маш их цаг зарцуулсан. Цэргийн түүхчдийн тухайн үед надад зааснаар бол цэргийн зөрчилдөөнийг үндсэндээ 3 төрөлд хуваана: орон нутгийн мөргөдөөн, бүс нутгийн дайн, мөн ховор боловч хамгийн чухал дэлхийн дайн. Стратегийн зөрчилдөөн. Дайны түвшин болгон нь өөр өөр нөөц хуваарилалт, өөр бодлого, өөр зохион байгуулалтын загвар шаардна. Байгаль орчны асуудлууд мөн адил 3 төрөлд хуваагдах ба бидний хамгийн их анхаардаг төрөл нь орон нутгийн байгаль орчны асуудлууд: агаар, усны бохирдол, аюултай хог хаягдал. Мөн түүнчилэн бүс нутгийг хамарсан байгаль орчны асуудлууд байна, үүнд Дундад өрнөдөөс Хойд дорнод руу, баруун Европоос хойд туйл руу, АНУ-ын төвийн баруун хэсгээс Мексикийн булан руу нүүх хүчлийн бороо. Ийм олон жишээг өгч болно. Гэвч цаг уурын дулаарал нь ховор боловч маш чухалд орох дэлхийн болон стратегийн зөрчилдөөн юм. Бүх зүйл нэрвэгдэж байна. Бид өөрсдийн хариу үйлдлээ нэгтгэн зохицуулах хэрэгтэй. Нөхөн сэргээгдэх эрчим хүч, хэмнэлт, зохистой хэрэглээг дэмжих дэлхийг хамарсан хөдөлгөөн бидэнд хэрэгтэй ба бага нүүрстөрөгчийн эдийн засагт нийтээрээ шилжих хэрэгтэй. Бидэнд хийх ажил зөндөө байна. Бид нөөцийг, улс төрийн эрмэлзлэлийг өөрчилж чадна. Гэхдээ нөөцийг хөдөлгөхийн тулд эхлээд улс төрийн эрмэлзлэлийг өөрчилөх хэрэгтэй.

4:56 Та бүхэнд энэ слайдуудыг үзүүлье. Логоноос эхэлье гэж бодлоо. Энд юу дутаж байна вэ? -Мэдээж, хойд мөсөн туйлын мөсөн хучилга. Гренланд үлдсэн байна. 28 жилийн өмнө, Хойд туйлын мөсөн хучлага зуны сүүл намрын эхэн үеэр ингэж харагддаг байсан. Өнгөрсөн намар би Колорадо, Болдерь дахь Цас Мөсний Мэдээлэлийн Төвд очсон ба мөн энд Монтерей дахь Тэнгисийн Цэргийн Аспирантын Лабораторийн судлаачидтай уулзсан. Өнгөрсөн 28 жилд болж өнгөрсөн нь энд байна. Харьцуулж харвал, түрүүчийх 2005 оных байсан. Өнгөрсөн намар гарсан өөрчлөлт энэ бөгөөд энэ өөрчлөлт нь эртэмтдийг ихээр цочроосон. Газар зүйн хэмжээгээрээ хойд мөсөн туйлын мөсөн хучлага нь АНУ-тай ойролцоо. Хэмжээгээрээ ойролцоо харагдахгүй байгаа боловч үнэндээ АНУ-ын нутаг дэвсгэрээс Аризона мужийг хассантай тэнцүү. 2005 онд алга болсон хэсэг нь Миссисипигээс зүүн талд орших нутаг дэвсгэртэй тэнцүү. Өнгөрсөн намар алга болсон болсон газрын хэмжээ нь энэнтэй тэнцүү. Өвөл болохоор буцаад хөлддөг, гэвч энэ мөс нь тогтонги бус нимгэхэн мөс юм. Хэврэг мөс. Үлдсэн хэсэг нь магадгүй 5-хан жилийн дараах зун гэхэд байхгүй болсон байх болов уу. Энэ нь Гринландад маш их дарамт учруулж байгаа. Хойд туйлд аль хэдийнээ болж буй зүйлүүд-- энэ Аляскад байдаг нэгэн алдартай тосгон. Энэ хот Ньюфаундландад байдаг хот. НАСА-ын хийсэн сүүлчийн судалгаануудаас.. Антарктидад цас нь дундаас ноцтой хүртэлх түвшинд хайлсан газрын хэмжээ нь Калифорнийн нутаг дэвсгэрийн хэмжээтэй дүйцэхүйц байна.

7:10 "Сайн ч үеүүд байлаа, муу ч үеүүд байлаа". Английн уран зохиолд дахь хамгийн алдартай эхлэл. Би та бүхэнд "Хоёр Гаригийн Үлгэр"-ийг товчхон ярьж өгье. Дэлхий, Сугар гариг 2 хэмжээгээрээ яг адилхан. Дэлхийн диаметр нь 400 км-ээр урт, гэвч энэ 2 гаригийг адил хэмжээний гэж үзэж болно. 2 гариг маань яг ижил хэмжээний нүүрстөрөгчтэй. Ялгаа нь гэвэл, дэлхий дээрх нүүрстөрөгчийн ихэнх нь цаг хугацааны эрхээр агаар мандлаас хамагдан хөрсөнд нүүрс, нефть, байгалийн хий хэлбэрээр хадгалагдах болсон. Сугар гариг дээр харин нүүрстөрөгчийн ихэнх нь агаар мандалдаа байдаг. Өөр ялгаа гэвэл манай дэлхийн агаарын хэм дунджаар 15 градус байхад Сугар гариг дээр 457 градус байна. Энэ нь хөрснөөс аль болох их хэмжээний нүүрстөрөгчийг түргэн гарган авч агаар мандалд цацах гэсэн одоогийн бидний стратегитэй холбоотой. Сугар гариг наранд илүү ойрхон болоод халуун байдаг юм биш. Сугар гариг нь наранд хамгийн ойр байдаг Буд гаригаас 3 дахин халуун. Одоо үзүүлж буй энэ дүрс та бүхний олон удаа харсан дүрснүүдийн нэг байх, гэвч энийг үзүүлж байгаагийн учир нь гэвэл уур амьсгалын өөрчлөлтийг үзүүлэх гэсэн юм.

8:19 Дэлхийн эрдэмтдийн үзэж байгаагаар, дэлхийн дулаарлыг үүсгэгч бохирдуулагчид нь агаар мандалд гарснаараа улам зузааран, улмаар гадагш гарах хэт улаан туяаг саатуулан барьж байдаг. Та бүгд үүнийг мэдэж байгаа. Нэмж хэлэхэд хамгийн сүүлийн Олон Улсын Цаг Уурын Өөрчилөлтийн Kоммис дээр, эрдэмтэдээс "Хэр итгэлтэй байна вэ?" гэж асуухад -99% гэсэн боловч Хятадын тал эсэргүүцсэнээр 90%-аас илүү болж хувирсан. Дэлхийн дулааралд эргэлзэгчид "Нарнаас ирж буй энергийн өөрчлөлтөөс болж дэлхийн хэм өөрчлөгдөж байж болно." гэх нь бий. Хэрвээ энэ үнэн бол стратосфер мөн агаар мандлын доод хэсэгтэй адил хэмжээгээр халах ёстой байсан. Харин эсрэгээр гарах замдаа саатуулагдсан бол энэ хэсэгт илүү халуун, энэ хэсэгт арай сэрүүн байх байсан. Энд агаар мандалын доод хэсэг байна. Энд стратосфер байна: илүү сэрүүн. Уур амьсгалын өөрчлөлт.

9:13 Одоо сайн мэдээг дуулгая. Америкчуудын 68% нь дэлхийн дулааралд хүний үйлдлүүд буруутай гэж үзэж байна. 69% нь дэлхий маш хурдтайгаар дулаарч байгааг зөвшөөрч байна. Дэвшил гарсан байна, гэвч шийдэх ёстой асуудлуудыг жагсаахад дэлхийн дулаарлын асуудал сүүл хавиар бичигдсэн хэвээрээ байна. Юу дутаад байна вэ гэвэл яаралтай чухал гэдгийг мэдрэхгүй байна. Хэрвээ асуудлыг хүлээн зөвшөөрч байгаа хэрнээ шийдэх гэж нэг их яарч чухалчилахгүй байгаа бол энэ чамайг хаана орхих вэ? Миний удирддаг "Уур Амьсгал Хамгааллын Холбоо" CurrentTV тэй холбоотой ажилладаг бөгөөд хамтдаа дэлхийн дулаарлыг мэдрүүлэх зар сурталчилгааны уралдаан зохион байгуулсан. Ялагч нь энэ байна.

10:59 NBC-ийн шилдэг сэтгүүлчид 2007 онд ерөнхийлөгчид нэр дэвшигчидээс 956 асуулт тавьснаас 2 нь л дэлхийн дулаарлын талаар байсан. ABC, 844 асуултын 2 нь дэлхийн дулаарлын талаар. Fox: 2. CNN: 2. CBS: 0. Инээж байснаа уйлах мэт. Энэ бол хуучны тамхины сурталчилгаануудын нэг. Энэ бидний хийх зүйл. Энэ бол эдгээр орнуудын шатахууны хэрэглээ. Бас биднийх. Зөвхөн хөгжингүй орнууд ч бус. Хөгжиж буй орнууд ч мөн адил биднийг дагаад хурдаа ихэсгэж байна. Үнэндээ тэдний энэ жилийн нийт ялгаруулалт нь 1965 онд бидний байсантай адил байна. Тэд маш хурдтай биднийг гүйцэж байна. 2025 он гэхэд 1985 онд бидний байсантай дүйцэхнэ. Чинээлэг улсууд байхгүй байсан ч дэлхийн дулаарлын асуудал байсаар л байх болно. Гэвч бид хөгжиж буй орнуудад энэ дэлхийн дулаарлын асуудлыг бий болгож буй технологи болон сэтгэлгээг өвлүүлсэн байна. Энэ бол Боливид. 30 жилийн турш.

12:58 Хэдэн секундын дотор уул овоо болж байна. 60-аад онд 70, 80, 90-ээд онуудад. Бид энийгээ болих хэрэгтэй. Сайн мэдээ гэвэл бид больж чадна. Бидэнд технологи нь байгаа. Үүнтэй хэрхэн тэмцэх талаар нэгдсэн үзэл бодол хэрэгтэй. Дэлхий дээрх ядуурлын эсрэг тэмцэх, чинээлэг орнуудын хаягдлын хэмжээг багасгах асуудалтай тэмцэх, энэ бүгдэд цорын ганц бөгөөд маш энгийн шийдэл бий.

13:32 "Шийдэл нь юу вэ?" гэвэл хариулт нь энд байна. Нүүрстөрөгчийг үнэлэх. Бидэнд хөдөлмөрийн татварыг орлуулах CO2 татвар хэрэгтэй. Хөдөлмөрийн татварыг 19-р зуунд Бисмарк нээснээс хойш их зүйл өөрчлөгдсөн. Ядуу орнуудад, ядууралтай тэмцэхэд нь тусламж үзүүлэхдээ дэлхийн дулааралтай тэмцэх шийдлүүдийг ашиглах нь зүйтэй. Угандагийн ядууралтай тэмцэх хөтөлбөр нь дэлхийн дулаарлыг шийдэхгүй л бол үр дүнгүй л байна.

14:10 Гэхдээ энэ өөрчлөлт нь ядуу орнуудад их нөлөөлдөг. Европт энэ тухай их яригдсан. Үүнийг "Натурь" сэтгүүлээс авсан юм. Эдгээр нь нөхөн сэргээгдэх нарны энергийн станцууд бөгөөд бүх Европийг цахилгаан хүчээр хангах супергридтэй холбогдсон байгаа. Эдний ихэнх нь хөгжиж буй орнуудад байрлах юм. Өндөр хүчдэлийн тогтмол гүйдлүүд. Энэ бол хоосон мөрөөдөл биш юм. Хийж болохоор зүйл.

14:52 Бид үүнийг өөрсдийн эдийн засгийнхаа төлөө хийх хэрэгтэй байна. Хамгийн сүүлийн үеийн мэдээллээс харахад хуучин загварууд ашиггүй болж. Та бүгдийн хөрөнгө оруулж болох их олон боломж бий. Та хэрвээ газрын тос агуулсан элс эсвэл занарт тосонд хөрөнгө оруулалт хийсэн бол таны үнэт цаасны портфель нүүрсний төрлийн хөрөнгө оруулалтаас бүрдэх болно. Энэ нь хуучирсан загвар юм. Хар тамхичид гар болон хөлний судаснууд нь хагарсан үед хөлийн хурууны судаснуудаа ашигладаг. Газрын тостой элс болон занарт тосонд хөрөнгө оруулах нь үүнтэй адил юм. Энд эдгээр нь илүү ач холбогдолтой хөрөнгө оруулалтууд байна. Эдгээрт миний өөрийн хувь байгаа. Гэхдээ геотерм, баяжуулсан нарны эрчим хүч, дэвшилтэт фотоволтайк аргууд, хэмнэлт болон бүтээмж.

15:50 Та бүхэн энэ слайдыг урьд нь харсан байх, гэхдээ энд өөрчлөлтүүд бий. Гарын үсэг зураагүй 2 орон байсан бол одоо зөвхөн нэг орон үлдсэн байна. Австрали улсад сонгууль болж өнгөрсөн. Австралид зурагт, интернэт болон радиог хамруулсан кампанит үйл ажиллагаа явагдаж байсан бөгөөд хүмүүст энэ нь хойшлуулашгүй гэдгийг ойлгуулахыг хичээсэн юм. Австралийн бүх хот, тосгон энэ слайдыг танилцуулуулахаар бид 250 хүнийг сургасан. Үүнд бусад хүчин зүйлүүд тусалсан ч гэлээ шинээр сонгогдсон Ерөнхий Сайд мэдэгдэхдээ эн түрүүнд Австрали улсын Киотогийн Протокольд хандах хандлагыг өөрчлөнө гэсэн бөгөөд өөрчилсөн юм. Тэд саяхан нэрвэгдсэн айхтар гангийн улмаас үүн дээр илүү соргог болоод байгаа. Энэ бол Ланиер нуур. Миний найз Хайди Куллинсийн хэлснээр бол хэрвээ бид ган гачиг бүрийг хар салхи шиг нэрлэдэг байсан бол одоо зүүн хойд зүгт байгааг Катрина гэж нэрлээд түүнийг Атланта руу зүглэж байна гэх байсан. Бид ган гачигийн хаан ирж ноёлохыг хүлээж болохгүй. Австрали улс төрийн хандлагаа өөрчилөх хэрэгтэй. Өшөө сайн мэдээг дуулгая. Киотог дэмжиж буй АНУ-ын хотууд 780 хүрсэн байна--хэн нэг нь тэнд энийг мэдрүүлэхээр очсон мэт байлаа. Энэ бол маш сайн мэдээ.

17:16 Хамгийн сүүлд нэмээд хэлэхэд, хэдэн өдрийн өмнө хувь хүний баатарлаг үйл явдлыг жирийн үйл шиг хэвийн, өдөр тутмын зуршил болгох санааг сонссон юм. Бидэнд дахиад нэг баатруудын эрин цаг хэрэгтэй байна. Ялангуяа АНУ-д өнөөдөр амьдрах иргэд, мөн дэлхийн бусад улс оронд буй хүмүүс дэлхийн түүхээс бидэнд олгож буй энэ боломжийг ойлгох хэрэгтэй. Жилл Болт Тэйлор амьдралынхаа тэр гайхалт үйл явдалд сатааралгүй амиа аврахын тулд юу хийхээ шийдэх хэрэгтэй байсан үе шиг. Бидний анхаарал энэ үед дэндүү их сарниулагдаад байна. Бидэнд дэлхийн хэмжээний онц байдал үүсээд байна. Ямар нэгэн байдлаар одоо цагийн хүмүүсийг хамарсан зорилго бий болгох хэрэгтэй байна. Энийг чаддаг бол илүү тодоор илэрхийлмээр л байна. Нэгэн үеийн баатрууд энэ гариг дээр ардчилсан үзлийг авчирсан. Өөр нэг нь боолчилолыг халсан. Бас эмэгтэйчүүдэд сонгох эрхийг олгосон. Бид үүнийг хийж чадна. Бидэнд энийг хийх чадвар байхгүй гэж бүү хэл. Хэрвээ Иракын дайны долоо хоногийнхтой тэнцэх зардал бидэнд байсан бол энийг аль хэдийн шийдээд эхэлчихсэн байх байсан юм. Бидэнд үүнийг хийх чадвар бий.

19:12 Эцэст нь хэлэхэд би өөдрөг үзэлтэй хүн, учир нь би шаардлагатай үед анхаарлаа сарниулахгүйгээр түүхийн бидэнд даалгаж буй асуудлыг шийдэх чадвар бидэнд бий гэдэгт итгэдэг. Би заримдаа хүмүүсийн дэлхийн дулаарлын талаар сонсоод "Ямар аймшигтай юм бэ. Бидэнд их хэцүү ачаа ногдож" гэж хэлж байхыг сонсдог. Би та бүхнээс үүнийг дахин бодож үзэхийг хүсч байна. Хүн төрөлхтний түүхийн турш хэдэн үед нь хамаг хүч бололцоогоо шавхан тэмцэх боломж олдож байсан билээ? Бидэнд бид өөрсдөө ч мэдэхгүй их хүч чадал байгааг харуулж чадах тийм тэмцэл? Энэ тэмцлийг хийхдээ баяр хөөртэйгөөр талархсан сэтгэлээр хандах хэрэгтэй гэж бодож байна, учир нь одоогоос мянган жилийн дараа найрал хөгжимчид, яруу найрагчид, дуучид бидний үеийнхнийг магтан дуулахдаа бид гамшгийг шийдэх гарцыг олсон ба хүн төрөлхтний гэгээн, өөдрөг ирээдүйн суурийг тавьсан гэцгээх болно.

21:08 Үүнийг хийцгээе! Маш их баярлалаа.

21:35 Крис Андерсон: TED-д оролцож буй олон хүмүүс нэгэн зүйлд их гонсгор байдаг нь загварын асуудал юм, сонгуульд санал өгөх загварын асуудал, энэ загварын асуудлаас болоод хэлж байгаа зүйлс маань бусад хүмүүст хүрэхгүй байна гэж. 8 жилийн өмнө үүрэгт ажилдаа байх үедээ энэ бүхнийг хийж чадах байсан ч хэлж буй зүйлүүд нь бусдад хүрч чадаагүйн адил. Гомдмоор ч юм шиг.

21:54 Ал Гор: Өө, хэлэх ч юм биш (Инээв)

22:04 КА: Та намаасаа нэр дэвшигчдийг хараад юу гэмээр байна.. Дэлхийн дулаарлын асуудалд тэдний хандах хандлага сэтгэлд тань хүрч байна уу?

22:21 АГ: Хариулахад хэцүү асуулт байна. Учир нь нэг талаас харахад бид баярлах ёстой зүйл бол БНН-аас нэр дэвшигч, Жон МкКэйн болон АН-ын 2 нэр дэвшигчид 3-уулаа дэлхийн дулаарлын талаар маш ялгаатай, 3 өөр дэвшилттэй үзэл бодолтой байгаа. Тэр 3 гурвуулаа одоогийн Засгийн Газрын мөрдөж буй зарчмаас маш өөр 3 удирдлагыг санал болгосон. Миний бодлоор тэд 3-уулаа төлөвлөгөө болон төсөл боловсруулах үүргээ сайн гүйцэтгэсэн. Гэвч кампанит ажлын лоозонг Консерватив Сонгогчдын Эвлэл асуулт тавьсанаар... гол гайхшруулаад байгаа юм нь нээлттэй хэлэлцүүлгүүд Орвелийн Лоозон гэгдээд байгаа "Цэвэр Нүүрс"-ээр ивээн тэтгэгдсэн байгаа. Үүнийг анзаарсан хүн байна уу? Нээлттэй хэлэлцүүлэг бүрийг "Цэвэр Нүүрс" ивээн тэтгэсэн. "Илүү бага ялгаруулцгаая!"

23:39 Бид бүгдийн Ардчилалын үзэл санаа бидэнд чухал болоод буй санаачлага болон идэвхийг бий болгож чадахгүй байна. Тэд бүгд зөв зүйтэй зүйлийг ярьж байна мөн аль нь ч сонгогдлоо гэхэд зөв зүйл хийх ч байх. Гэхдээ та нарт хэлчихье: 1997 онд би Киотогоос хийсэн алхамдаа баяр хөөртэй нь аргагүй эргэж ирээд АНУ-ын Сенаттай тулгарлаа. Сенатад 100 гишүүнээс зөвхөн 1 нь л протоколыг дэмжихээр гарын үсэг зурахыг зөвшөөрсөн. Нэр дэвшигчид сонгогчдын юу хүсч байгааг илэрхийлэх ёстой.

24:27 Манай иргэншлийн салшгүй нэг утга нь тэр юм. CO2 нь соёл иргэншлийн амьсгалж гаргасан хий юм. Бид дээр нь энэ үйлдлийг механикжуулсан. Энэ дадлыг өөрчлөхөд бидний түүхэнд хэрэглэж байгаагүй илүү өргөн цар хүрээ, илүү их хурд хэрэгтэй. Иймээс яриагаа эхлэхдээ хийж буй зүйлдээ өөдрөг үзэлтэй бай гэхдээ үүний хажуугаар идэвхтэй иргэд байцгаая гэсэн юм. Шаардлага: чийдэнгийн шилээ соль, хуулиа ч мөн өөрчил. ОУ-ын хэлэлцээрүүдээ ч өөрчилье. Бид үгээ хэлэх хэрэгтэй. Бид энэ ардчилалыг засах хэрэгтэй. Бидний ардчилал зүрх-судасны өвчнөөр өвдчихөөд байна. Бид үүнийг өөрчлөх хэрэгтэй. Интернэтийг ашигла. Интернэт рүү ор. Хүмүүстэй холбогд, Иргэн хүний хувьд идэвхтэй бай. Бүх зүйлээ хойш нь тавиад бодоод үз -- CO2-оо шүүгээд хадгалах чадваргүй нүүрс хэрэглэгч үйлдвэрүүдийг шинээр бий болгож болохгүй. Энэ юу гэсэн үг вэ гэвэл бид нөхөн сэргээгдэх эх сурвалжийг хурдан барьж бүтээх хэрэгтэй гэсэн үг. Одоогийн байдлаар хэн ч энэ түвшинд хүртэл ярихгүй байна. Гэвч би 11 сар хүрэхэд хэн нэг нь ярьж эхэлж магадгүй гэж итгэж байна. Дэлхийн Дулаарлаас Хамгаалах Холбоо нь улсын хэмжээнд кампанит ажил зохиох гэж байгаа. Хөдөлгөөнүүдийг зохион байгуулж, зурагт, интернэт, радио, сонин сэтгүүлээр сурталчилгаа явуулна. Мөн охидын скаутаас, анчид загасчидын холбоо гээд бүгдтэй хамтран ажиллана.

25:56 Бидэнд тусламж хэрэгтэй байна.

26:00 КА: Аль танд Энэ асуудлаар таны өөрийн үүргээ гүйцэтгэхээс өөр нэмж хийхийг хүсч байгаа зүйл байгаа юу?

26:07 АГ: Энэ асуултын хариуг олохын тулд их залбирсан. Би юу хийж чадах билээ дээ? Бакминстэр Фуллер нэгэн цагт бичихдээ: " Хэрвээ бүх хүн төрөлхтний соёл иргэншлийн ирээдүй надаас хамаарч байсан бол би юу хийх байсан бэ? Би ямар байх байсан бэ?" гэж. Энэ бид бүгдээс хамаарна. Гэхдээ энэ нь зөвхөн чийдэнгийн шилээр хязгаарлагдах ёсгүй. Энд буй хүмүүсийн ихэнх нь Америкчууд байна. Бидэнд ардчилал бий. Бид өөрчилөлт хийж чадна. Гэхдээ илэвхитэйгээр өөрчилөх хэрэгтэй байна. Илүү ухамсартай болох хэрэгтэй байна. Энэ нь хэцүү, хийхэд хэцүү гэхдээ дээрдэж байгаа. Зарим нь мэдэж магадгүй, нэг Африк зүйр үгэнд : "Хурдан явъя гэвэл ганцаараа яв, Хол явъя гэвэл олуулаа яв" гэсэн байдаг. Бид хол замыг хурдан туулах хэрэгтэй байна. Иймээс ухамсраа өөрчилцгөөе. Хариуцлагадаа гаргах өөрчлөлт. Юу илүү зайлшгүй вэ гэдгийг мэдрэх. Энэ асуудлыг шийдэх давуу эрхэд талархах сэтгэл хэрэгтэй.

27:30 КА: Аль Гор таныг TED-д ирсэнд баярлалаа.

27:34 АГ: Баярлалаа. Маш их баярлалаа.